Explainer: 2 ನೇ ಜಾಗತಿಕ ಯುದ್ಧದಲ್ಲಿ ಮಡಿದ ತನ್ನ ಯೋಧರ ಅವಶೇಷಗಳನ್ನು ಪತ್ತೆಮಾಡಲು ಅಮೇರಿಕಾದ ಡಿಒಡಿಗೆ ಎನ್ಎಫ್ಎಸ್ಯು ನೆರವು
ಅತಿಥೇಯ ದೇಶಗಳೊಂದಿಗೆ ಟೈ ಅಪ್ ಮಾಡಿಕೊಳ್ಳುವ ಡಿಪಿಎಎ, ಅಲ್ಲಿನ ಭೌಗೋಳಿಕ ಅಂಶಗಳು, ಪ್ರದೇಶದಲ್ಲಿ ಎದುರಾಗಬಹುದಾದ ಸವಾಲುಗಳು, ಮತ್ತು ಹವಾಮಾನದ ಆಧಾರದ ಮೇಲೆ ಕಾರ್ಯಾಚರಣೆಗೆ ಒಂದು ಕಾಲಮಿತಿಯನ್ನು ರೂಪಿಸುತ್ತದೆ.
Updated on: Jun 08, 2021 | 1:49 AM
ಗುಜರಾತಿನ ಗಾಂಧಿನಗರದಲ್ಲಿರುವ ರಾಷ್ಟ್ರೀಯ ವಿಧಿವಿಧಾನ ವಿಶ್ವವಿದ್ಯಾಲಯವು (ಎನ್ಎಫ್ಎಸ್ಯು) ಅಮೇರಿಕಾದ ಡಿಪಾರ್ಟ್ಮೆಂಟ್ ಆಫ್ ಡಿಫೆನ್ಸ್ (ಡಿಒಡಿ) ಜೊತೆ ಕೈಜೋಡಿಸಿದ್ದು ಎರಡನೇ ಮಹಾಯುದ್ಧದಲ್ಲಿ ಕಾಣೆಯಾದ 400 ಕ್ಕೂ ಹೆಚ್ಚು ಅಮೇರಿಕನ್ ಸೈನಿಕರ ಅವಶೇಷಗಳನ್ನು ಶೋಧಿಸಲು ಮತ್ತು ಗುರುತಿಸಲು ನೆರವಾಗಲಿದೆ. ಮೇ 27ರಂದು ನಡೆದ ವಿಡಿಯೋ ಕಾನ್ಪರೆನ್ಸ್ನಲ್ಲಿ ಡಿಒಡಿ ಅಡಿಯಲ್ಲಿ ಬರುವ ಡಿಫೆನ್ಸ್ ಪ್ರಿಸನರ್ ಆಫ್ ವಾರ್ ಇನ್ ಌಕ್ಷನ್ ಅಕೌಂಟಿಂಗ್ ಏಜೆನ್ಸಿಯು (ಡಿಪಿಎಎ) ಎನ್ಎಫ್ಎಸ್ಯು ಮತ್ತು ಯೂನಿವರ್ಸಿಟಿ ಆಫ್ ನೆಬ್ರಾಸ್ಕಾ ಲಿಂಕನ್ (ಯುಎನ್ಎಲ್) ಜೊತೆ ಮೆಮೊರಾಂಡಮ್ ಆಫ್ ಅಂಡರ್ಸ್ಟ್ಯಾಂಡಿಗ್ (ಎಮ್ಒಯು) ಒಂದಕ್ಕೆ ಸಹಿ ಹಾಕಿದ್ದು ಅದರ ಪ್ರಕಾರ ಡಿಪಿಎಎ ಭಾರತಕ್ಕೆ ಭೇಟಿ ನೀಡಿ, ಎರಡನೇ ಜಾಗತಿಕ ಯುದ್ಧದ ಅಂತಿಮ ವರ್ಷಗಳಲ್ಲಿ ಮಿಸ್ಸಿಂಗ್ ಇನ್ ಌಕ್ಷನ್ (ಎಮ್ಐಎ) ಆದ ಅಮೇರಿಕ ವಾಯುದಳದ ಸುಮಾರು 400 ಕ್ಕೂ ಹೆಚ್ಚು ಯೋಧರ ಅವಶೇಷಗಳನ್ನು ಪತ್ತೆ ಮಾಡಿ ಗುರುತಿಸಲಿದೆ.
ಡಿಪಿಎಎ ಅಮೇರಿಕಾದ ಡಿಒಡಿ ಅಡಿಯಲ್ಲಿ ಕೆಲಸ ಮಾಡುವ ಸಂಸ್ಥೆಯಾಗಿದ್ದು 2015ರಲ್ಲಿ ಅಸ್ತಿತ್ವಕ್ಕೆ ಬಂದಿದೆ. ಇದರ ಬ್ಯಾನರ್ ಅಡಿಯಲ್ಲಿ ಬೇರೆ ಹಲವಾರಿ ಏಜೆನ್ಸಿಗಳು ಬರುತ್ತವೆ. ಇದರ ಮೂಲ ಕೆಲಸವೆಂದರೆ, 2ನೇ ಮಹಾಯುದ್ಧ, ಕೊರಿಯನ್ ಯುದ್ಧ, ವಿಯೆಟ್ನಾಂ ವಾರ್ ಮತ್ತು ಇರಾಕ್ ಸಂಘರ್ಷಗಳಲ್ಲಿ ಎಮ್ಐಎ ಆಗಿರುವ ಅಥವಾ ಯುದ್ಧ ಸಮಯದ ಅಮೇರಿಕನ್ ಕೈದಿಗಳ ಅವಶೇಷಗಳನ್ನು ಪತ್ತೆ ಮಾಡುವುದಾಗಿದೆ. ಕಾಣೆಯಾದ ಯೋಧರ ಕುಟುಂಬಗಳೊಂದಿಗೆ ಡಿಪಿಎಎ ನಿರಂತರವಾಗಿ ಸಂಪರ್ಕದಲ್ಲಿದೆ. ಮೂಲಗಳ ಪ್ರಕಾರ ಈ ಸಂಸ್ಥೆಯು 81,000 ಕ್ಕೂ ಕಾಣೆಯಾದ ಯೋಧರನ್ನು ಹುಡುಕುತ್ತಿದೆ.
ಭಾರತದ ಸಹಯೋಗ
ಡಿಒಡಿ ಅಧೀನದಲ್ಲಿರುವ ಡಿಪಿಎಎ ಮತ್ತು ಅಥವಾ ಅದರಂಥ ಏಜೆನ್ಸಿಗಳು ಬಾರತದ ಈಶಾನ್ಯ ರಾಜ್ಯಗಳಿಗೆ ಸೀಮಿತಗೊಂಡಿರುವ ಪ್ರದೇಶಗಳಲ್ಲಿ ಅವಶೇಷಗಳನನ್ನು ಪತ್ತೆ ಮಾಡಲು 8 ಕಾರ್ಯಗಳನ್ನು ನಡೆಸಲಿದೆ. ಪತ್ತೆ ಕಾರ್ಯಗಳು ಭಾರತದ ಅರುಣಾಚಲ ಪ್ರದೇಶ, ಅಸ್ಸಾಂ, ನಾಗಾಲ್ಯಾಂಡ್ ಮತ್ತು ತ್ರಿಪುರದಲ್ಲಿ 2008 ರಿಂದ ನಡೆಯುತ್ತಿದೆ. 2016ರಲ್ಲಿ ಡಿಪಿಎಎದ ಒಂದು ತಂಡ ಮತ್ತು ಭಾರತದ ಮಾನವ ವಿಜ್ಞಾನ ಸಂಸ್ಥೆಗಳು ಯುಎಸ್ ಸೇನೆ ಯೋಧರ ಅವಶೇಷಗಳು ಇರುವ ಬಗ್ಗೆ ಸ್ವಲ್ಪ ಪ್ರಮಾಣದ ಸಾಕ್ಷ್ಯವನ್ನು ಕಲೆಹಾಕಿದ್ದವು.
ಡಿಪಿಎಎ ನೀಡಿರುವ ಹೇಳಿಕೆಯ ಪ್ರಕಾರ,ಅಮೇರಿಕಾದ 6 ಯೋಧರ ಅವಶೇಷಗಳನ್ನು ಗುರುತಿಲಾಗಿದ್ದು ಮಿಕ್ಕಿದ 306 ಯೋಧರ ಅವಶೇಷಗಳು ಇನ್ನೂ ಪತ್ತೆಯಾಗಬೇಕಿದೆ. ಆದರೆ. ಭಾರತದಲ್ಲಿ ಮಡಿದ ಯೋಧರ ಸಂಖ್ಯೆ 400ಕ್ಕಿಂತ ಜಾಸ್ತಿಯಿದೆ ಎಂದು ಅದು ಹೇಳುತ್ತದೆ.
ದಶಕಗಳ ಹಿಂದೆ ಮಡಿದವರ ಅವಶೇಷಗಳನ್ನು ಡಿಪಿಎಎ ಹೇಗೆ ಪತ್ತೆ ಮಾಡುತ್ತದೆ?
ಅತಿಥೇಯ ದೇಶಗಳೊಂದಿಗೆ ಟೈ ಅಪ್ ಮಾಡಿಕೊಳ್ಳುವ ಡಿಪಿಎಎ, ಅಲ್ಲಿನ ಭೌಗೋಳಿಕ ಅಂಶಗಳು, ಪ್ರದೇಶದಲ್ಲಿ ಎದುರಾಗಬಹುದಾದ ಸವಾಲುಗಳು, ಮತ್ತು ಹವಾಮಾನದ ಆಧಾರದ ಮೇಲೆ ಕಾರ್ಯಾಚರಣೆಗೆ ಒಂದು ಕಾಲಮಿತಿಯನ್ನು ರೂಪಿಸುತ್ತದೆ. ಅತಿಥೇಯ ದೇಶದಲ್ಲಿ ಲಭ್ಯವಾಗಬಹುದಾದ ದಾಖಲೆ ಮತ್ತು ಪತ್ರಾಗಾರಗಳನ್ನು ಪರಿಶೀಲಿಸಲು ಏಜೆನ್ಸಿಯು ಅಲ್ಲಿಗೆ ತನ್ನ ಸಂಶೋಧನೆ ಮತ್ತು ತನಿಖಾ ತಂಡವನ್ನು (ಆರ್ಐಟಿ) ಕಳಿಸಿ ಅವುಗಳಿಂದ ಸುಳಿವುಗಳನ್ನು ನಿರೀಕ್ಷಿಸುತ್ತದೆ. ಗುರುತಿಸಲ್ಪಟ್ಟ ಪ್ರದೇಶಗಳಲ್ಲಿರಬಹುದಾದ ಸೇನಾ ಸಿಬ್ಬಂದಿ ಮತ್ತು ಸ್ಥಳೀಯರಿಂದ ಹಿಂದೆ ನಡೆದ ಯುದ್ಧಗಳ ಬಗ್ಗೆ ಮೌಖಿಕ ಇತಿಹಾಸವನ್ನು ಸಂಗ್ರಹಿಸಿ ಸಂಶೋಧನೆ ನಡೆಸುತ್ತದೆ.
ಆರ್ಐಟಿ ಪತ್ತೆಮಾಡಿದ ಅಂಶಗಳ ಮೇಲೆ ಸಮಾಜ ವಿಜ್ಞಾನದ ಒಂದು ತಂಡ ಮತ್ತು ಪೋರೆನ್ಸಿಕ್ ತಜ್ಞರು ವಿಮಾನದ ಅವಶೇಷಗಳಿಗಾಗಿ ಆ ಸ್ಥಳಗಳ ಮೇಲೆ ಕಾರ್ಯಾಚರಣೆ ನಡೆಸುತ್ತದೆ ಮತ್ತು ಸ್ಥಳೀಯ ಸಿಮೆಟ್ರಿಗಳಿಂದ ದಾಖಲೆಗಳನ್ನು ಪರಿಶೀಲಿಸುತ್ತದೆ. ತಮಗೆ ಸಿಕ್ಕ ಸುಳಿವು ದೃಢವಾದರೆ ಭೂಮಿಯನ್ನ ಅಗೆದು ಮಾನವ ನ ದೇಹದ ಅವಶೇಷಗಳೇಣಾದರೂ ಸಿಕ್ಕಾವೆಯೇ ಎಂದು ಪರೀಕ್ಷಿಸುತ್ತದೆ. ಒಂದು ಪಕ್ಷ ಸಿಕ್ಕರೆ ಅವುಗಳನ್ನು ಹೆಚ್ಚಿನ ಪರೀಕ್ಷೆಗಳಿಗಾಗಿ ಯುಎಸ್ನಲ್ಲಿರುವ ಲ್ಯಾಬ್ಗಳಿಗೆ ಕಳಿಸುತ್ತದೆ
ಈ ಸಹಭಾಗಿತ್ವದಲ್ಲಿ ಎನ್ಎಫ್ಎಸ್ಯು ಪಾತ್ರವೇನು?
ಹೊಸದಾಗಿ ಸಹಿ ಮಾಡಿರುವ ಎಮ್ಒಯು ಪ್ರಕಾರ ಎನ್ಎಫ್ಎಸ್ಯು ವಿದ್ಯಾರ್ಥಿಗಳೂ ಸೇರಿದಂತೆ ಫೋರನ್ಸಿಕ್ ತಜ್ಞರು, ಡಿಪಿಎಎ ಟೀಮು, ಭಾರತದ ಮಾನವ ವಿಜ್ಞಾನ ತಂಡ ಮತ್ತು ಸ್ಥಳೀಯ ತಂಡಗಳೊಂದಿಗೆ ಈಶಾನ್ಯ ರಾಜ್ಯಗಳಿಗೆ ಭೇಟಿ ನೀಡುತ್ತವೆ. ಮಾನವ ವಿಜ್ಞಾನದ 70 ವರ್ಷಗಳ ಇತಿಹಾಸದಲ್ಲಿ ಅದು ಮತ್ತು ಎನ್ಎಫ್ಎಸ್ಯು ಮೊದಲಬಾರಿಗೆ ಜೊತೆಗೂಡಿ ಕೆಲಸ ಮಾಡಲಿವೆ. ಫೋರೆನ್ಸಿಕ್ ಹಲ್ಲು ಪರೀಕ್ಷೆ ಮತ್ತು ಫೋರೆನ್ಸಿಕ್ ಮಾನವ ವಿಜ್ಞಾನದ ಮೂಲಕ ಅಸ್ಥಿ ಪಂಜರದ ಪರೀಕ್ಷೆ ನಡೆಯುತ್ತದೆ
ಈ ಕೆಲಸಕ್ಕಾಗಿ ಎನ್ಎಫ್ಎಸ್ಯು ಅನ್ನು ಯಾಕೆ ಆರಿಸಿಕೊಳ್ಳಲಾಗಿದೆ?
ಗಾಂಧಿನಗರದಲ್ಲಿರುವ ಎನ್ಎಫ್ಎಸ್ಯು ಭಾರತದ ಪ್ರಿಮೀಯರ್ ಫೋರೆನ್ಸಿಕ್ ಸಂಸ್ಥೆಯಾಗಿದ್ದು ಇಲ್ಲಿ ಫೋರೆನ್ಸಿಕ್ ಮಾನವ ವಿಜ್ಞಾನ ಮತ್ತು ಫೋರೆನ್ಸಿಕ್ ದಂತವಿಜ್ಞಾನಗಳನ್ನು ಜೊತೆಗೂಡಿಸಲಾಗಿದೆ. ಈ ಸಂಸ್ಥೆಯಲ್ಲಿ ಫೋರೆನ್ಸಿಕ್ ದಂತವಿಜ್ಞಾನ ಲ್ಯಾಬ್ ಮತ್ತು 3ಡಿ ಸ್ಕ್ಯಾನರ್ ಹಾಗೂ ಪ್ರಿಂಟರ್ಗಳಂಥ ಉಪಕರಣಗಳಿವೆ.
ಗುಜರಾತ ಸರ್ಕಾರದ ಫೋರೆನ್ಸಿಕ್ ವಿಜ್ಞಾನಗಳ ನಿರ್ದೇಶನಾಲಯದ ಅಡಿಯಲ್ಲಿ ಬರುವ ಎನ್ಎಫ್ಎಸ್ಯು ಮತ್ತು ಫೋರೆನ್ಸಿಕ್ ವಿಜ್ಞಾನ ಲ್ಯಾಬ್ ಪ್ರಸ್ತುತವಾಗಿ 1,100 ಸಿಬ್ಬಂದಿ ವರ್ಗವನ್ನು ಹೊಂದಿದೆ.
