IPL 2023 Kannada: IPL 2023 ರ ಮಿನಿ ಹರಾಜು ಡಿಸೆಂಬರ್ 23 ರಂದು ಕೊಚ್ಚಿಯಲ್ಲಿ ನಡೆಯಲಿದೆ. ಈ ಹರಾಜು ಪ್ರಕ್ರಿಯೆಯಲ್ಲಿ 300 ಕ್ಕೂ ಅಧಿಕ ಆಟಗಾರರ ಹೆಸರು ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ.
ಐಪಿಎಲ್ ಮಿನಿ ಹರಾಜು ಸಿದ್ಧತೆಗಳು ಶುರುವಾದ ಬೆನ್ನಲ್ಲೇ ಇದೀಗ ಕೆಲ ತಂಡಗಳು ಯುವ ಆಟಗಾರರನ್ನು ಟ್ರಯಲ್ಸ್ಗೆ ಕರೆದಿದೆ. ಹೀಗೆ ಟ್ರಯಲ್ಸ್ಗೆ ಹಾಜರಾದ ಆಟಗಾರರಲ್ಲಿ 24 ವರ್ಷದ ರೋಹನ್ ಕುನ್ನುಮಲ್ ಕೂಡ ಒಬ್ಬರು. ಅದು ಕೂಡ ಮೂರು ಫ್ರಾಂಚೈಸಿಗಳು ಕೇರಳದ ಯುವ ಬ್ಯಾಟ್ಸ್ಮನ್ಗೆ ಬುಲಾವ್ ನೀಡಿರುವುದು ವಿಶೇಷ.
1 / 6
ಭರ್ಜರಿ ಫಾರ್ಮ್ನಲ್ಲಿರುವ ರೋಹನ್ ಈ ವರ್ಷದ ರಣಜಿ ಟ್ರೋಫಿಯಲ್ಲಿ ಬ್ಯಾಕ್-ಟು-ಬ್ಯಾಕ್ 3 ಶತಕಗಳನ್ನು ಸಿಡಿಸಿದ್ದರು. ಹಾಗೆಯೇ ದುಲೀಪ್ ಟ್ರೋಫಿಯಲ್ಲೂ ಭರ್ಜರಿ ಶತಕ ಬಾರಿಸಿದ್ದರು. ಹೀಗಾಗಿಯೇ ಕೇರಳದ ಯುವ ಆಟಗಾರನ ಮೇಲೆ ಐಪಿಎಲ್ ಫ್ರಾಂಚೈಸಿಗಳು ಕಣ್ಣಿಟ್ಟಿದೆ.
2 / 6
ಅದರಲ್ಲೂ ಕೇರಳ ತಂಡದ ನಾಯಕ ಸಂಜು ಸ್ಯಾಮ್ಸನ್ ರಾಜಸ್ಥಾನ್ ರಾಯಲ್ಸ್ ತಂಡದ ಟ್ರಯಲ್ಸ್ಗೆ ರೋಹನ್ ಅವರನ್ನು ಶಿಫಾರಸ್ಸು ಮಾಡಿದ್ದಾರೆ. ಇದರ ಬೆನ್ನಲ್ಲೇ ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡಗಳೂ ಕೂಡ ಕೇರಳದ ಯುವ ಬ್ಯಾಟ್ಸ್ಮನ್ನನ್ನು ಟ್ರಯಲ್ಸ್ನಲ್ಲಿ ಪರಿಶೀಲಿಸಿದೆ.
3 / 6
ಸದ್ಯ ಮೂರು ತಂಡಗಳಲ್ಲಿ ಟ್ರಯಲ್ಸ್ ಮುಗಿಸಿರುವ ರೋಹನ್ ಅವರನ್ನು ಇನ್ನುಳಿದ ಕೆಲ ತಂಡಗಳೂ ಕೂಡ ಪರಿಶೀಲನೆಗೆ ಹಾಜರಾಗುವಂತೆ ತಿಳಿಸಿದೆ. ಆದರೆ ರಾಜ್ಯ ತಂಡದ ಪರ ಕಣಕ್ಕಿಳಿಯುತ್ತಿದ್ದ ಕಾರಣ ಎಲ್ಲಾ ಟ್ರಯಲ್ಸ್ನಲ್ಲಿ ಭಾಗವಹಿಸಲು ಸಾಧ್ಯವಾಗಿಲ್ಲ ಎಂದಿದ್ದಾರೆ ರೋಹನ್ ಕುನ್ನುಮ್ಮಲ್.
4 / 6
ಸದ್ಯ ಟೀಮ್ ಇಂಡಿಯಾ ಎ ತಂಡದ ಭಾಗವಾಗಿರುವ ರೋಹನ್ ಅವರ ಬ್ಯಾಟಿಂಗ್ ಸಾಮರ್ಥ್ಯದ ಬಗ್ಗೆ ಕೆಲ ಫ್ರಾಂಚೈಸಿಗಳು ಪ್ರಭಾವಿತರಾಗಿದ್ದು, ಅದರಲ್ಲೂ ಸಂಜು ಸ್ಯಾಮ್ಸನ್ ನಾಯಕತ್ವದ ರಾಜಸ್ಥಾನ್ ರಾಯಲ್ಸ್ ಕೇರಳದ ಆಟಗಾರನನ್ನು ಹರಾಜಿನಲ್ಲಿ ಖರೀದಿಸುವುದು ಬಹುತೇಕ ಖಚಿತ ಎನ್ನಲಾಗುತ್ತಿದೆ.
5 / 6
IPL 2023 ರ ಮಿನಿ ಹರಾಜು ಡಿಸೆಂಬರ್ 23 ರಂದು ಕೊಚ್ಚಿಯಲ್ಲಿ ನಡೆಯಲಿದೆ. ಈ ಹರಾಜು ಪ್ರಕ್ರಿಯೆಯಲ್ಲಿ 300 ಕ್ಕೂ ಅಧಿಕ ಆಟಗಾರರ ಹೆಸರು ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ. ಆದರೆ 10 ತಂಡಗಳಲ್ಲಿ ಖಾಲಿ ಉಳಿದಿರುವ ಸ್ಥಾನಗಳಿಗೆ ಮಾತ್ರ ಆಯ್ಕೆ ನಡೆಯಲಿದೆ. ಹೀಗಾಗಿ ಕೆಲವೇ ಕೆಲವು ಆಟಗಾರರಿಗೆ ಮಾತ್ರ ಈ ಬಾರಿ ಅವಕಾಶ ಸಿಗಲಿದೆ.
