ಕೋಲಾರ ಜಿಲ್ಲೆಯಲ್ಲಿ ಶತಮಾನಕ್ಕೊಮ್ಮೆ ನಡೆಯುವ ದೊಡ್ಡ ದ್ಯಾವರ ಉತ್ಸವ ನಡೆಯುತ್ತದೆ. ಒಂದು ತಲೆ ಮಾರಿನಿಂದ ಮತ್ತೊಂದು ತಲೆ ಮಾರಿನವರಿಗೆ ದೀಪ ಕೊಡುವ, ಕಿವಿ ಚುಚ್ಚುವ, ಹೂ ಮುಡಿಸುವ ವಿಶಿಷ್ಠ ಆಚರಣೆ. ಈ ಆಚರಣೆಯಲ್ಲಿ ಸಚಿವರು, ಶಾಸಕರು, ಹಲವು ಗ್ರಾಮಗಳ ಜನರು ಭಾಗಿಯಾಗಿದ್ದರು.
ಕೋಲಾರ ತಾಲೂಕಿನ ನರಸಾಪುರ ಹೋಬಳಿಯ ಕುರ್ಕಿ ಗ್ರಾಮದಲ್ಲಿ ಬುಧವಾರ ತಲೆಮಾರಿಗೊಮ್ಮೆ ನಡೆಯುವ ಬಂಡಿ ದ್ಯಾವರ ಉತ್ಸವ ನಡೆಯಿತು. ಶತಮಾನಕ್ಕೊಮ್ಮೆ ಬಂಡಿದ್ಯಾವರ ಹಾಗೂ ದೀಪ ಕೊಡುವ, ಹೂ ಮುಡಿಸುವ ವಿಶಿಷ್ಠ ಆಚರಣೆ ನಡೆಯುತ್ತದೆ. ಅದರಂತೆ ಕಳೆದ 43 ವರ್ಷಗಳ ಹಿಂದೆ ನಡೆದಿದ್ದ ಉತ್ಸವ ಇಂದು ಆರಂಭವಾಯಿತು.
1 / 7
ಐದು ದಿನಗಳ ಕಾಲ ಗ್ರಾಮದಲ್ಲಿ ನೆಲೆಸಿರುವ ಶಕ್ತಿ ದೇವರುಗಳಿಗೆ ವಿಶೇಷ ಪೂಜೆ ಪುನಸ್ಕಾರಗಳನ್ನು ಮಾಡಲಾಗುತ್ತೆದೆ. ಅದರಲ್ಲೂ ಗ್ರಾಮದವರೆಲ್ಲ ಸೇರಿ ಎಲ್ಲಾ ಶಕ್ತಿ ದೇವರುಗಳಿಗೆ ವಿಶೇಷ ಪೂಜೆ ಸಲ್ಲಿಸುವುದು ಇದರ ಉದ್ದೇಶ. ಅಲ್ಲದೆ ಮುಂದಿನ ತಲೆಮಾರಿನ ನವ ಜೋಡಿಗೆ ದೀಪ ಕೊಡುವುದು, ಅವರಿಗೆ ಮಕ್ಕಾಳಾಗಿದಿದ್ದರೆ, ಅವರಿಗೆ ಕಿವಿ ಚುಚ್ಚುವುದು, ಹೊಸದಾಗಿ ಮದುವೆಯಾಗಿದ್ದರೆ ಹೂ ಮುಡಿಸುವ ಸಂಪ್ರದಾಯ ಇದಾಗಿದೆ.
2 / 7
ಅಂದರೆ, ಶತಮಾನದ ಜವಾಬ್ದಾರಿಗಳನ್ನು ಮತ್ತೊಂದು ತಲೆ ಮಾರಿನವರಿಗೆ ಹಸ್ತಾಂತರ ಮಾಡುವುದು ಈ ಬಂಡಿ ದ್ಯಾವರ ಉದ್ದೇಶವಾಗಿದೆ. ಅದರಂತೆ ತಮ್ಮ ಹಳೆಯ ಸಂಪ್ರದಾಯ ಹಾಗೂ ಸಂಸ್ಕೃತಿಯನ್ನು ಉಳಿಸುವ ಬೆಳೆಸುವ ನಿಟ್ಟಿನಲ್ಲಿ ಈ ಬಂಡಿ ದ್ಯಾವರ ಆಚರಣೆ ಮಾಡಲಾಗುತ್ತಿದೆ ಅನ್ನೋದು ಶಾಸಕರ ಹೇಳಿದ್ದಾರೆ.
3 / 7
ಐದು ದಿನಗಳ ಕಾಲ ನಡೆಯುವ ಬಂಡಿದ್ಯಾವರ ಉತ್ಸವಕ್ಕೆ ಕಂದಾಯ ಸಚಿವ ಕೃಷ್ಣ ಬೈರೇಗೌಡ ಅವರು ಚಾಲನೆ ನೀಡಿದರು. ಇದೇ ವೇಳೆ ಮಾಲೂರು ಶಾಸಕ ಕೆ.ವೈ.ನಂಜೇಗೌಡ ಕುಟುಂಬ ಸಹ ಈ ಆಚರಣೆಯಲ್ಲಿ ಭಾಗವಹಿಸಿದ್ದು, ಸಚಿವರು, ಶಾಸಕರು, ಪರಿಷತ್ ಸದಸ್ಯರು ಈ ಶತಮಾನದ ಹಬ್ಬದಲ್ಲಿ ಭಾಗಿಯಾಗಿದರು. ಈಗಾಗಲೆ ಗ್ರಾಮವನ್ನು ತಳಿರು ತೋರಣಗಳಿಂದ ಅಲಂಕಾರ ಮಾಡಲಾಗಿದ್ದು, ಐದು ದಿನಗಳ ಕಾಲ ಗ್ರಾಮದಲ್ಲಿ ವಿವಿಧ ಸಂಪ್ರದಾಯ, ಕಟ್ಟು ಪಾಡುಗಳನ್ನು ಪಾಲನೆ ಮಾಡಲಾಗುತ್ತದೆ.
4 / 7
ಗ್ರಾಮದಲ್ಲಿರುವ ದೇವಾಲಯಗಳಿಗೆ ಸುಣ್ಣಬಣ್ಣ ಬಳಿದು ಸಿದ್ದ ಮಾಡಿಕೊಂಡು ಗ್ರಾಮದ ಜನರೆಲ್ಲರೂ ಕೂಡಾ ತಮ್ಮ ತಮ್ಮ ಮನೆಗಳಿಗೆ ಸುಣ್ಣಬಣ್ಣ ಬಳಿದು ಹಬ್ಬಕ್ಕೆ ತಯಾರಿ ಮಾಡಿಕೊಂಡು ಈ ಆರು ದಿನಗಳ ಕಾಲ ಊರಿನ ಹೊರಗಿನವರು, ಕುಲಕ್ಕೆ ಸಂಬಂಧಪಟ್ಟವರು ಎಲ್ಲರೂ ಕೂಡಾ ಗ್ರಾಮಕ್ಕೆ ಬಂದು ಈ ಕಾರ್ಯಕ್ರಮಗಳಲ್ಲಿ ಬಾಗವಹಿಸುತ್ತಾರೆ.
5 / 7
ಗ್ರಾಮದವರೆಲ್ಲಾ ಸೇರಿ ಒಂದೆಡೆ ದೀಪಾರಾಧನೆ ಮಾಡುವುದು, ಐದು ದಿನವೂ ಹೊರಗಿನಿಂದ ಬಂದವರು ಗ್ರಾಮದಲ್ಲಿ ನೆಲೆಸಿದ್ದು ವಿವಿಧ ಪೂಜಾ ಕೈಂಕರ್ಯಗಳಲ್ಲಿ ಭಾಗವಹಿಸುತ್ತಾರೆ. ಈ ಹಿಂದೆ 43 ವರ್ಷಗಳ ಹಿಂದೆ ನಡೆದಿದ್ದ ಉತ್ಸವದಲ್ಲಿ ಹಲವು ಕಟ್ಟು ಪಾಡುಗಳನ್ನು ಪಾಲಿಸಿಕೊಂಡು ಬರಲಾಗುತ್ತಿದೆ. ಅಲ್ಲದೆ ಕಳೆದ ವರ್ಷ ನಡೆಯಬೇಕಿದ್ದ ಈ ಬಂಡಿ ದ್ಯಾವರ ಉತ್ಸವವನ್ನ ಈ ಬಾರಿ ಹಮ್ಮಿಕೊಂಡಿದ್ದು ಕಳೆದೊಂದು ವರ್ಷದಿಂದಲೇ ತಯಾರಿ ಮಾಡಿಕೊಳ್ಳಲಾಗಿತ್ತು. ಬಂಡಿ ದ್ಯಾವರ ಜಾತ್ರೆಯನ್ನು ಎಲ್ಲ ಜಾತಿ ಜನಾಂಗದವರು ಸೇರಿ ಮಾಡುತ್ತಾರೆ.
6 / 7
ಒಟ್ಟಾರೆಯಾಗಿ ಶತಮಾನಕ್ಕೊಮ್ಮೆ ನಡೆಯುವ ಈ ಬಂಡಿ ದ್ಯಾವರ ಉತ್ಸವ ಕುಟುಂಬದ ಜವಾಬ್ದಾರಿಗಳನ್ನು ಯುವ ಪೀಳಿಗೆಗೆ ಹಸ್ತಾಂತರಿಸುವ ಸಂಪ್ರದಾಯವಾಗಿದೆ. ಊರ ಹಬ್ಬದಂತೆ ಮಾಡಿ ಸಂಬಂಧಗಳನ್ನು ಬೆಸೆಯುವ ಜೊತೆಗೆ ಶಕ್ತಿ ದೇವರುಗಳನ್ನು ಪೂಜಿಸಿ ಶಾಂತಿ ನೆಮ್ಮದಿಗೆ ಬೇಡಿಕೊಳ್ಳುವುದೆ ಬಂಡಿ ದ್ಯಾವರ ಉತ್ಸವದ ವಿಶೇಷ.
