ಏಷ್ಯನ್ ಪ್ಯಾರಾ ಗೇಮ್ಸ್ ಆರ್ಚರಿಯಲ್ಲಿ ವಿಶ್ವ ದಾಖಲೆ ಸೃಷ್ಟಿಸಿದ ಕೈಗಳಿಲ್ಲದ ಶೀತಲ್ ದೇವಿ..!

ಭಾರತದ ಪ್ಯಾರಾ ಆರ್ಚರ್ ಶೀತಲ್ ದೇವಿ ಏಷ್ಯನ್ ಪ್ಯಾರಾ ಗೇಮ್ಸ್ 2026ರಲ್ಲಿ ಅದ್ಭುತ ಸಾಧನೆ ಮಾಡಿದ್ದಾರೆ. ಮಹಿಳೆಯರ ಕಾಂಪೌಂಡ್ ಎಲಿಮಿನೇಷನ್ ಸುತ್ತಿನಲ್ಲಿ 149 ಅಂಕ ಗಳಿಸಿ, ಏಳು ವರ್ಷಗಳ ಹಳೆಯ ವಿಶ್ವ ದಾಖಲೆಯನ್ನು ಮುರಿದು ಇತಿಹಾಸ ಸೃಷ್ಟಿಸಿದ್ದಾರೆ. ಅರ್ಹತಾ ಸುತ್ತಿನಲ್ಲೂ ವಿಶ್ವ ದಾಖಲೆಯನ್ನು ಸರಿಗಟ್ಟಿದ ಶೀತಲ್, ಹೊಸ ಏಷ್ಯನ್ ದಾಖಲೆಯನ್ನೂ ನಿರ್ಮಿಸಿದ್ದಾರೆ. ಹುಟ್ಟಿನಿಂದಲೇ ಕೈಗಳಿಲ್ಲದಿದ್ದರೂ, ತನ್ನ ಅಸಾಮಾನ್ಯ ಕೌಶಲ್ಯದಿಂದ ಇಡೀ ಜಗತ್ತಿನ ಗಮನ ಸೆಳೆದಿದ್ದಾರೆ.

ಪೃಥ್ವಿಶಂಕರ |
Updated on: Oct 20, 2026 | 5:19 PM

ಭಾರತದ ಪ್ಯಾರಾ ಆರ್ಚರ್ ಶೀತಲ್ ದೇವಿ ಏಷ್ಯನ್ ಪ್ಯಾರಾ ಗೇಮ್ಸ್ 2026ರಲ್ಲಿ ಅದ್ಭುತ ಸಾಧನೆ ಮಾಡಿದ್ದಾರೆ. ಮಹಿಳೆಯರ ಕಾಂಪೌಂಡ್ ಎಲಿಮಿನೇಷನ್ ಸುತ್ತಿನಲ್ಲಿ 149 ಅಂಕಗಳನ್ನು ಗಳಿಸಿದ ಶೀತಲ್, ಏಳು ವರ್ಷಗಳ ಹಳೆಯ ವಿಶ್ವ ದಾಖಲೆಯನ್ನು ಮುರಿದು ಹೊಸ ಇತಿಹಾಸ ಬರೆದಿದ್ದಾರೆ. ಈ ಮೂಲಕ ಹಿಂದಿನ ವಿಶ್ವ ದಾಖಲೆಗಿಂತ ಒಂದು ಅಂಕ ಹೆಚ್ಚು ಗಳಿಸಿದ್ದಾರೆ. ಈ ಹಿಂದೆ ಜೆಸ್ಸಿಕಾ ಸ್ಟ್ರಾಟನ್ 148 ಅಂಕಗಳೊಂದಿಗೆ ವಿಶ್ವ ದಾಖಲೆ ನಿರ್ಮಿಸಿದ್ದರು(PC-PTI).
1 / 5

ಇದಕ್ಕೂ ಒಂದು ದಿನ ಮೊದಲು ಅರ್ಹತಾ ಸುತ್ತಿನಲ್ಲೂ ಶೀತಲ್ ವಿಶ್ವ ದಾಖಲೆಯನ್ನು ಸರಿಗಟ್ಟಿದ್ದರು. ಇದೀಗ ಎಲಿಮಿನೇಷನ್ ಸುತ್ತಿನಲ್ಲಿ ಹೊಸ ದಾಖಲೆ ಬರೆದಿದ್ದಾರೆ. 2026ರ ಏಷ್ಯನ್ ಪ್ಯಾರಾ ಗೇಮ್ಸ್‌ನಲ್ಲಿ ಶೀತಲ್ ದೇವಿ ಒಂದರ ಮೇಲೊಂದು ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ. ಮಹಿಳೆಯರ ಕಾಂಪೌಂಡ್ ಅರ್ಹತಾ ಸುತ್ತಿನಲ್ಲಿ 720 ಅಂಕಗಳಿಗೆ 704 ಅಂಕಗಳನ್ನು ಗಳಿಸಿದ ಅವರು, ವಿಶ್ವ ದಾಖಲೆಯನ್ನು ಸರಿಗಟ್ಟುವುದರ ಜೊತೆಗೆ ಹೊಸ ಏಷ್ಯನ್ ದಾಖಲೆಯನ್ನೂ ನಿರ್ಮಿಸಿದ್ದಾರೆ(PC-PTI.
2 / 5

ಜಮ್ಮು ಮತ್ತು ಕಾಶ್ಮೀರದ 19 ವರ್ಷದ ಶೀತಲ್ ದೇವಿ ಹುಟ್ಟಿನಿಂದಲೇ ಎರಡೂ ಕೈಗಳಿಲ್ಲದೆ ಜನಿಸಿದವರು. ಆದರೆ ಇದ್ಯಾವುದೂ ಅವರ ಸಾಧನೆಗೆ ಅಡ್ಡಿಯಾಗಿಲ್ಲ. ತಮ್ಮ ಕಾಲುಗಳು, ಭುಜಗಳು ಮತ್ತು ದವಡೆಯ ಸಹಾಯದಿಂದ ಬಿಲ್ಲು ಹಿಡಿದು ಗುರಿ ತಲುಪುವ ಶೀತಲ್, ತಮ್ಮ ಅಸಾಧಾರಣ ಪ್ರತಿಭೆಯಿಂದ ಜಗತ್ತಿನ ಗಮನ ಸೆಳೆದಿದ್ದಾರೆ(PC-PTI.
3 / 5

2024ರ ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್‌ನಲ್ಲಿ ಟರ್ಕಿಯ ಓಜ್ನೂರ್ ಕ್ಯುರೆ ಗಿರ್ಡಿ ಸ್ಥಾಪಿಸಿದ್ದ ದಾಖಲೆಗೆ ಸಮನಾದ ವೈಯಕ್ತಿಕ ಸಾಧನೆಯನ್ನು ಶೀತಲ್ ಮಾಡಿದ್ದಾರೆ. ಅರ್ಹತಾ ಸುತ್ತಿನಲ್ಲಿ ಅವರು 704 ಅಂಕಗಳನ್ನು ಗಳಿಸಿದ್ದು, ಈ ಹಿಂದೆ ಹ್ಯಾಂಗ್‌ಝೌ ಏಷ್ಯನ್ ಪ್ಯಾರಾ ಗೇಮ್ಸ್‌ನಲ್ಲಿ ದಾಖಲಾಗಿದ್ದ 680 ಅಂಕಗಳ ಏಷ್ಯನ್ ದಾಖಲೆಯನ್ನು ಮೀರಿಸಿದ್ದಾರೆ(PC-PTI.
4 / 5

ಶೀತಲ್ ದೇವಿ ವೈಯಕ್ತಿಕ ಸ್ಪರ್ಧೆಯಲ್ಲಿ ಮಾತ್ರವಲ್ಲ, ತಂಡದ ಸ್ಪರ್ಧೆಗಳಲ್ಲೂ ಭಾರತಕ್ಕೆ ಹೆಮ್ಮೆ ತಂದಿದ್ದಾರೆ. 2024ರ ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್‌ನ ಕಾಂಪೌಂಡ್ ಮಿಶ್ರ ತಂಡ ಸ್ಪರ್ಧೆಯಲ್ಲಿ ಕಂಚಿನ ಪದಕ ಗೆದ್ದಿದ್ದರು. ಅದಕ್ಕೂ ಮೊದಲು ಹ್ಯಾಂಗ್‌ಝೌನಲ್ಲಿ ನಡೆದ ಏಷ್ಯನ್ ಪ್ಯಾರಾ ಗೇಮ್ಸ್‌ನಲ್ಲಿ ಎರಡು ಚಿನ್ನ ಮತ್ತು ಒಂದು ಬೆಳ್ಳಿ ಪದಕ ಗೆದ್ದು ಗಮನ ಸೆಳೆದಿದ್ದರು(PC-PTI.
5 / 5

ಪೃಥ್ವಿಶಂಕರ

ಪೃಥ್ವಿಶಂಕರ ಅವರ ಹುಟ್ಟೂರು ಹಾಸನದ ಕೊಣನೂರು ಸಮೀಪದ ಲಕ್ಷ್ಮೀಪುರ. ಕಳೆದ 8 ವರ್ಷಗಳಿಂದ ಪತ್ರಿಕಾರಂಗದಲ್ಲಿ ಕೆಲಸ. ಟಿವಿ9 ಕನ್ನಡದಲ್ಲೇ ವೃತ್ತಿ ಜೀವನ ಆರಂಭಿಸಿದ ಇವರು, ಮೊದಲ 3 ವರ್ಷ ವಿಡಿಯೋ ಎಡಿಟರ್ ಆಗಿ ಕೆಲಸ ಮಾಡಿದ ಬಳಿಕ ಇವರ ಆಸಕ್ತಿಯ ವಿಷಯವಾದ ಕ್ರೀಡೆಯಲ್ಲಿ ಕಂಟೆಂಟ್ ಪ್ರೊಡ್ಯೂಸರ್ ಆಗಿ ವೃತ್ತಿ ಬದುಕಿನ ಎರಡನೇ ಇನ್ನಿಂಗ್ಸ್ ಆರಂಭಿಸಿದ್ದೇನೆ.

LIVETV

Related Photo Gallery

ಕ್ರಿಕೆಟ್ ಅಂಗಳದಲ್ಲಿ ಎರ್ವಿನ್ ಅಬ್ಬರ; 41ನೇ ವಯಸ್ಸಿನಲ್ಲಿ ದ್ವಿಶತಕದ ಸಾಧನೆ

ಅಭಿಷೇಕ್ ದಾಖಲೆ ಧೂಳೀಪಟ… ಮಿಚೆಲ್ ಓವನ್ ಹೊಸ ವಿಶ್ವ ದಾಖಲೆ

ಗುಜರಾತ್ ಟೈಟಾನ್ಸ್‌ಗೆ ಬೇಕಂತೆ ಡೆಲ್ಲಿಯ ಈ ಸ್ಫೋಟಕ ಬ್ಯಾಟರ್

ಒಂದೇ ಹೊಡೆತಕ್ಕೆ ಎರಡು ವಿಶ್ವದಾಖಲೆಗಳ ಮೇಲೆ ಕಣ್ಣು ಹಾಕಿದ ಹಿಟ್‌ಮ್ಯಾನ್

Kannada Webstories ಇನ್ನಷ್ಟು ಓದಿ

‘ರಾಮಾಯಣ’ದಲ್ಲಿ ಸೀತೆ ಆಗಬೇಕಿತ್ತು ‘ಕೆಜಿಎಫ್’ ನಟಿ ಶ್ರೀನಿಧಿ ಶೆಟ್ಟಿ

ಪ್ರೆಗ್ನೆನ್ಸಿ ಲುಕ್ ಅಲ್ಲಿ ಗಮನ ಸೆಳೆದ ಸಮಂತಾ ರುತ್ ಪ್ರಭು

ಸೀತೆ ಪಾತ್ರದ ಮೂಲಕ ಮಿಂಚಿದ ಸಾಯಿ ಪಲ್ಲವಿ, ನೆಗೆಟಿವಿಟಿಗೆ ತಿರುಗೇಟು