ಪಿತೃ ದೋಷ ಹಾಗೂ ಸಾಡೇ ಸಾತಿ ಮುಕ್ತಿಗೆ ಅಮಾವಾಸ್ಯೆಯಂದು ಈ ವಸ್ತು ದಾನ ಮಾಡಿ!

ಹಿಂದೂ ಧರ್ಮದಲ್ಲಿ ಅಮಾವಾಸ್ಯೆಗೆ ಅತ್ಯಂತ ವಿಶೇಷ ಹಾಗೂ ಪವಿತ್ರ ಮಹತ್ವವಿದೆ. ಈ ದಿನವನ್ನು ಪೂರ್ವಜರಿಗೆ ಕೃತಜ್ಞತೆ ಸಲ್ಲಿಸಲು, ಮಾನಸಿಕ ಶಾಂತಿ ಪಡೆಯಲು ಮತ್ತು ಜೀವನದಲ್ಲಿ ಶುಭ ಕಾರ್ಯಗಳನ್ನು ಪ್ರಾರಂಭಿಸಲು ಅತ್ಯುತ್ತಮ ಅವಕಾಶವೆಂದು ಪರಿಗಣಿಸಲಾಗುತ್ತದೆ. ಪ್ರತಿ ತಿಂಗಳ ಅಮಾವಾಸ್ಯೆಯಂದು ಪಿತೃಗಳ ಆತ್ಮಕ್ಕೆ ಶಾಂತಿ ಸಿಗಲೆಂದು ವಿಶೇಷ ಪೂಜೆ ಹಾಗೂ ತರ್ಪಣಗಳನ್ನು ನೀಡಲಾಗುತ್ತದೆ. ಇದಲ್ಲದೇ ಪಿತೃಗಳ ಪರಿಪೂರ್ಣ ಆಶೀರ್ವಾದ ನಿಮ್ಮ ಮೇಲಿರಲು ಈ ಅಮಾವಾಸ್ಯೆಯಂದು ಕೆಲವು ನಿರ್ದಿಷ್ಟ ವಸ್ತುಗಳನ್ನು ದಾನ ಮಾಡುವುದು ಶ್ರೇಷ್ಠ.

ಕಪ್ಪು ಎಳ್ಳು ದಾನ:

ಅಮಾವಾಸ್ಯೆಯಂದು ಕಪ್ಪು ಎಳ್ಳನ್ನು ದಾನ ಮಾಡುವುದರಿಂದ ಪಿತೃಗಳ ಪೂರ್ಣ ಆಶೀರ್ವಾದ ದೊರೆಯುತ್ತದೆ. ಇದರೊಂದಿಗೆ ಜಾತಕದಲ್ಲಿರುವ ರಾಹು ಮತ್ತು ಕೇತು ದೋಷಗಳ ದುಷ್ಪರಿಣಾಮಗಳು ಶಮನಗೊಳ್ಳುತ್ತವೆ. ವಿಶೇಷವಾಗಿ ಶನಿ ದೇವ ಒಡೆಯನಾಗಿರುವ ಮಕರ ಮತ್ತು ಕುಂಭ ರಾಶಿಯವರು ಈ ದಿನ ಕಪ್ಪು ಎಳ್ಳು ದಾನ ಮಾಡುವುದು ಅತ್ಯಂತ ಶುಭ. ಪ್ರಸ್ತುತ ಶನಿಯ ಸಾಡೇ ಸಾತಿಯ ಪ್ರಭಾವದಲ್ಲಿರುವ ಕುಂಭ ರಾಶಿಯವರು ಈ ದಿನ ಎಳ್ಳು ದಾನ ಮಾಡಿದರೆ ಸಾಡೇ ಸಾತಿಯ ಕಷ್ಟಗಳು ಹಾಗೂ ನಕಾರಾತ್ಮಕ ಪ್ರಭಾವಗಳು ಗಣನೀಯವಾಗಿ ಕಡಿಮೆಯಾಗುತ್ತವೆ.

ಇದನ್ನೂ ಓದಿ: ಮನಿ ಪ್ಲಾಂಟ್‌ಗಿಂತಲೂ ಪವರ್‌ಫುಲ್ ಈ ಗಿಡ; ಮನೆಯಲ್ಲಿದ್ದರೆ ಕುಬೇರನ ಕೃಪೆಯಿಂದ ಅದೃಷ್ಟ ಖುಲಾಯಿಸುವುದು ಖಚಿತ!

ಅನ್ನದಾನ ಮತ್ತು ಧಾನ್ಯ ದಾನ:

ಅಮಾವಾಸ್ಯೆಯ ದಿನದಂದು ಹಸಿವಿನಿಂದ ಬಳಲುತ್ತಿರುವ ನಿರ್ಗತಿಕರಿಗೆ ಆಹಾರ ನೀಡುವುದು ಅತ್ಯಂತ ಪುಣ್ಯದ ಕೆಲಸ. ಈ ದಿನ ಗೋಧಿ, ಅಕ್ಕಿ ಮತ್ತು ಕಪ್ಪು ಉದ್ದಿನ ಬೇಳೆಯಂತಹ ಧಾನ್ಯಗಳನ್ನು ದಾನ ಮಾಡುವುದು ಅತ್ಯಂತ ಶ್ರೇಷ್ಠವೆಂದು ಪರಿಗಣಿಸಲಾಗಿದೆ. ದೇವಾಲಯಗಳಲ್ಲಿ ಬ್ರಾಹ್ಮಣರಿಗೆ ಅಥವಾ ಬಡವರಿಗೆ ಅನ್ನದಾನ ಮಾಡುವುದರಿಂದ ಕುಟುಂಬದಲ್ಲಿದ್ದ ಪಿತೃ ಶಾಪಗಳು ನಿವಾರಣೆಯಾಗಿ, ಮನೆಗೆ ಸಂಪತ್ತು ಮತ್ತು ಸಂತೋಷ ಲಭಿಸುತ್ತದೆ.

ಪಾದರಕ್ಷೆ ದಾನ:

ಯಾವುದೇ ಅಮಾವಾಸ್ಯೆಯಂದು ಪಾದರಕ್ಷೆಗಳನ್ನು ದಾನ ಮಾಡುವುದು ಪಿತೃ ದೋಷ ನಿವಾರಣೆಗೆ ಅತ್ಯಂತ ಶಕ್ತಿಶಾಲಿ ಪರಿಹಾರವಾಗಿದೆ. ನಿರ್ಗತಿಕರಿಗೆ ಪಾದರಕ್ಷೆ ಅಥವಾ ಚಪ್ಪಲಿಗಳನ್ನು ದಾನ ಮಾಡುವುದರಿಂದ ಮನೆಯಲ್ಲಿದ್ದ ಪಿತೃ ದೋಷದ ಸಮಸ್ಯೆಗಳು ನಿವಾರಣೆಯಾಗುತ್ತವೆ. ಆದರೆ ಈ ದಿನ ದಾನ ಮಾಡುವಾಗ ಕೇವಲ ಹೊಸ ಪಾದರಕ್ಷೆಗಳನ್ನು ಮಾತ್ರ ದಾನ ನೀಡಬೇಕು. ಹಳೆಯ ಅಥವಾ ಹರಿದ ಚಪ್ಪಲಿ-ಬೂಟುಗಳನ್ನು ದಾನ ಮಾಡುವುದರಿಂದ ಪೂರ್ವಜರ ಕೋಪಕ್ಕೆ ಗುರಿಯಾಗಬೇಕಾಗಬಹುದು ಮತ್ತು ಜೀವನದಲ್ಲಿ ಪ್ರತಿಕೂಲ ಪರಿಣಾಮಗಳು ಎದುರಾಗಬಹುದು. ಈ ಅಮಾವಾಸ್ಯೆಯ ಶುಭ ದಿನದಂದು ನಿಮ್ಮ ಕೈಲಾದ ದಾನ-ಧರ್ಮಗಳನ್ನು ಮಾಡಿ, ಪಿತೃ ದೋಷಗಳಿಂದ ಮುಕ್ತಿ ಪಡೆದು ಸಾಕ್ಷಾತ್ ಪಿತೃ ದೇವತೆಗಳ ಶುಭಾಶೀರ್ವಾದವನ್ನು ನಿಮ್ಮದಾಗಿಸಿಕೊಳ್ಳಿ.

ಅಧ್ಯಾತ್ಮಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ