ಐಪಿಎಲ್ 2025 ರಲ್ಲಿ 3 ತಂಡಗಳ ಪ್ರಯಾಣ ಅಂತ್ಯ: ಟಾಪ್-4 ಸ್ಥಾನಕ್ಕಾಗಿ 7 ತಂಡಗಳ ನಡುವೆ ಹೋರಾಟ
IPL 2025 Playoff Equation: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ರಸ್ತುತ ಅಗ್ರಸ್ಥಾನದಲ್ಲಿದೆ. ಆದರೆ ಪ್ಲೇಆಫ್ಗೆ ಪ್ರವೇಶ ಪಡೆಯಲು ಪಂಜಾಬ್ ಕಿಂಗ್ಸ್, ಗುಜರಾತ್ ಟೈಟಾನ್ಸ್, ಮುಂಬೈ ಇಂಡಿಯನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ಕಠಿಣ ಸ್ಪರ್ಧೆ ಇದೆ. ಐಪಿಎಲ್ 2025 ರಲ್ಲಿ ಯಾವ ತಂಡ ಪ್ಲೇಆಫ್ ತಲುಪಬಹುದು ಎಂಬುದನ್ನು ನೋಡೋಣ
Updated on: May 06, 2025 | 10:34 AM
ಬೆಂಗಳೂರು (ಮೇ. 06): ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2025) ನ ಪ್ಲೇಆಫ್ಗೆ ತಲುಪುವ ಸ್ಪರ್ಧೆ ಈಗ ತೀವ್ರಗೊಂಡಿದೆ. ಸನ್‌ರೈಸರ್ಸ್ ಹೈದರಾಬಾದ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ಪಂದ್ಯವು ಮಳೆಯಿಂದಾಗಿ ರದ್ದಾಯಿತು. ಇದರೊಂದಿಗೆ, ರಾಜಸ್ಥಾನ ರಾಯಲ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ನಂತರ ರೇಸ್‌ನಿಂದ ಹೊರಗುಳಿದ ಮೂರನೇ ತಂಡ ಎಸ್‌ಆರ್‌ಹೆಚ್ ಆಗಿದೆ. ಆದಾಗ್ಯೂ, ಸದ್ಯ ಇತರ ಏಳು ತಂಡಗಳಿಗೆ ಇನ್ನೂ ಅಗ್ರ 4 ಸ್ಥಾನಗಳನ್ನು ತಲುಪುವ ಅವಕಾಶವಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ರಸ್ತುತ ಅಗ್ರಸ್ಥಾನದಲ್ಲಿದೆ. ಆದರೆ ಪ್ಲೇಆಫ್ಗೆ ಪ್ರವೇಶ ಪಡೆಯಲು ಪಂಜಾಬ್ ಕಿಂಗ್ಸ್, ಗುಜರಾತ್ ಟೈಟಾನ್ಸ್, ಮುಂಬೈ ಇಂಡಿಯನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ಕಠಿಣ ಸ್ಪರ್ಧೆ ಇದೆ. ಐಪಿಎಲ್ 2025 ರಲ್ಲಿ ಯಾವ ತಂಡ ಪ್ಲೇಆಫ್ ತಲುಪಬಹುದು ಎಂಬುದನ್ನು ನೋಡೋಣ
ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಐಪಿಎಲ್ ಪ್ಲೇಆಫ್ ಸಮೀಕರಣ
ಪಂದ್ಯಗಳು: 11, ಅಂಕಗಳು: 16, ನಿವ್ವಳ ರನ್ ರೇಟ್: 0.482
ಉಳಿದ ಪಂದ್ಯಗಳು: ಎಲ್‌ಎಸ್‌ಜಿ, ಎಸ್‌ಆರ್‌ಹೆಚ್, ಕೆಕೆಆರ್
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ಲೇಆಫ್ಗೆ ಪ್ರವೇಶಿಸುವ ಬಲಿಷ್ಠ ತಂಡವಾಗಿದೆ. ರಜತ್ ಪಾಟಿದಾರ್ ತಂಡ 11 ಪಂದ್ಯಗಳಲ್ಲಿ 16 ಅಂಕಗಳನ್ನು ಗಳಿಸಿದೆ. ಅಗ್ರ 4 ಸ್ಥಾನಗಳಿಗೆ ತಲುಪಲು ಅವರಿಗೆ ಕೇವಲ ಒಂದು ಗೆಲುವು ಮಾತ್ರ ಬೇಕು. ಇನ್ನೂ ಎರಡು ಗೆಲುವುಗಳು ಅವರನ್ನು ಅಗ್ರ 2 ಸ್ಥಾನಗಳಿಗೆ ಕೊಂಡೊಯ್ಯಬಹುದು.
ಪಂಜಾಬ್ ಕಿಂಗ್ಸ್ ಐಪಿಎಲ್ ಪ್ಲೇಆಫ್ ಸಮೀಕರಣ
ಪಂದ್ಯಗಳು: 11, ಅಂಕಗಳು: 15, ನಿವ್ವಳ ರನ್ ದರ: 0.376
ಉಳಿದ ಪಂದ್ಯಗಳು: ಡಿಸಿ, ಎಂಐ, ಆರ್‌ಆರ್
ಪಂಜಾಬ್ ಕಿಂಗ್ಸ್ ಭಾನುವಾರ ಲಕ್ನೋ ಸೂಪರ್ ಜೈಂಟ್ಸ್ ಅನ್ನು ಸೋಲಿಸಿತು. ಇದು ಪಿಬಿಕೆಎಸ್ ಪ್ಲೇಆಫ್ ತಲುಪುವ ಸಾಧ್ಯತೆಗಳನ್ನು ಹೆಚ್ಚಿಸಿದೆ. ಮುಂದಿನ ಮೂರು ಪಂದ್ಯಗಳಲ್ಲಿ ಎರಡರಲ್ಲಿ ಗೆಲುವು ಸಾಧಿಸಿದರೆ ಅವರ ಸ್ಥಾನ ಭದ್ರವಾಗುತ್ತದೆ. ಅವರು ತಮ್ಮ ಉಳಿದಿರುವ ಪಂದ್ಯಗಳಲ್ಲಿ ಒಂದನ್ನು ಗೆದ್ದರೂ ಅರ್ಹತೆ ಪಡೆಯಬಹುದು. ಆದರೆ ಅದು ನಿವ್ವಳ ರನ್ ರೇಟ್ ಮತ್ತು ಇತರ ತಂಡಗಳ ಫಲಿತಾಂಶಗಳನ್ನು ಅವಲಂಬಿಸಬೇಕಾಗುತ್ತದೆ.
ಮುಂಬೈ ಇಂಡಿಯನ್ಸ್ ಐಪಿಎಲ್ ಪ್ಲೇಆಫ್ ಸಮೀಕರಣ
ಪಂದ್ಯಗಳು: 11, ಅಂಕಗಳು: 14, ನಿವ್ವಳ ರನ್ ದರ: 1.124
ಉಳಿದ ಪಂದ್ಯಗಳು: ಜಿಟಿ, ಪಿಬಿಕೆಎಸ್, ಡಿಸಿ
ಮುಂಬೈ ಇಂಡಿಯನ್ಸ್ ಸತತ 6 ಪಂದ್ಯಗಳನ್ನು ಗೆದ್ದಿದೆ. ಅವರ ಇತ್ತೀಚೆನ ಪಂದ್ಯಗಳನ್ನು ಗಮನಿಸಿದರೆ ಹೆಚ್ಚಿನ ಆಟಗಾರರು ಫಾರ್ಮ್ನಲ್ಲಿದ್ದಾರೆ. ಹಾರ್ದಿಕ್ ಪಾಂಡ್ಯ ತಂಡ 11 ಪಂದ್ಯಗಳಲ್ಲಿ 14 ಅಂಕಗಳನ್ನು ಗಳಿಸಿದೆ. ಪ್ಲೇಆಫ್ ರೇಸ್‌ನಲ್ಲಿ MI ಉತ್ತಮ ಸ್ಥಾನದಲ್ಲಿದೆ. ಉಳಿದ 3 ಪಂದ್ಯಗಳಲ್ಲಿ 2 ಪಂದ್ಯಗಳನ್ನು ಗೆಲ್ಲುವ ಮೂಲಕ ಅವರು ಅಗ್ರ 4 ರಲ್ಲಿ ಸ್ಥಾನ ಪಡೆಯಬಹುದು.
Karun Nair: ಮೊದಲ ಪಂದ್ಯದಲ್ಲಿ 89 ರನ್, ಮುಂದಿನ 6 ಇನ್ನಿಂಗ್ಸ್‌ಗಳಲ್ಲಿ ಕೇವಲ 65 ರನ್: ಇದು ಕರುಣ್ ನಾಯರ್ ಕಥೆ
ಗುಜರಾತ್ ಟೈಟಾನ್ಸ್ ಐಪಿಎಲ್ ಪ್ಲೇಆಫ್ ಸಮೀಕರಣ
ಪಂದ್ಯಗಳು: 10, ಅಂಕಗಳು: 14, ನಿವ್ವಳ ರನ್ ರೇಟ್: 0.867
ಉಳಿದ ಪಂದ್ಯಗಳು: MI, DC, LSG, CSK
ಗುಜರಾತ್ ಟೈಟಾನ್ಸ್ ಇಲ್ಲಿಯವರೆಗೆ ಕೇವಲ 10 ಪಂದ್ಯಗಳನ್ನು ಆಡಿದೆ. ಅವರು 14 ಅಂಕಗಳನ್ನು ಹೊಂದಿದ್ದಾರೆ. ಅಗ್ರ 4 ರಲ್ಲಿ ಸ್ಥಾನ ಪಡೆಯಲು ಅವರು ಉಳಿದಿರುವ 4 ಪಂದ್ಯಗಳಲ್ಲಿ ಕೇವಲ 2 ಪಂದ್ಯಗಳನ್ನು ಗೆಲ್ಲಬೇಕಾಗಿದೆ. ಇದರೊಂದಿಗೆ, ಅವರು ಎರಡನೇ ಬಾರಿಗೆ ಐಪಿಎಲ್ ಪ್ರಶಸ್ತಿಯನ್ನು ಗೆಲ್ಲುವತ್ತ ದೊಡ್ಡ ಹೆಜ್ಜೆ ಇಡಬಹುದು.
ಡೆಲ್ಲಿ ಕ್ಯಾಪಿಟಲ್ಸ್ ಐಪಿಎಲ್ ಪ್ಲೇಆಫ್ ಸಮೀಕರಣ
ಪಂದ್ಯಗಳು: 11, ಅಂಕಗಳು: 13, ನಿವ್ವಳ ರನ್ ದರ: 0.362
ಉಳಿದ ಪಂದ್ಯಗಳು: ಪಿಬಿಕೆಎಸ್, ಜಿಟಿ, ಎಂಐ
ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಸನ್‌ರೈಸರ್ಸ್ ಹೈದರಾಬಾದ್ ನಡುವಿನ ಪಂದ್ಯ ಮಳೆಯಿಂದಾಗಿ ರದ್ದಾಗಿತ್ತು. ಇದು ಡಿಸಿಯ ಪ್ಲೇಆಫ್ ತಲುಪುವ ಕನಸಿಗೆ ಹೊಡೆತ ನೀಡಿದೆ. ಆದರೆ ಅವರು ತಮ್ಮ ಉಳಿದ 3 ಪಂದ್ಯಗಳಲ್ಲಿ ಕನಿಷ್ಠ 2 ಪಂದ್ಯಗಳನ್ನು ಗೆಲ್ಲುವ ಮೂಲಕ ಇನ್ನೂ ಅಗ್ರ 4 ರಲ್ಲಿ ಸ್ಥಾನ ಪಡೆಯಬಹುದು.
ಕೋಲ್ಕತ್ತಾ ನೈಟ್ ರೈಡರ್ಸ್‌ನ ಐಪಿಎಲ್ ಪ್ಲೇಆಫ್ ಸಮೀಕರಣ
ಪಂದ್ಯಗಳು: 11, ಅಂಕಗಳು: 11, ನಿವ್ವಳ ರನ್ ದರ: 0.249
ಉಳಿದ ಪಂದ್ಯಗಳು: ಸಿಎಸ್‌ಕೆ, ಎಸ್‌ಆರ್‌ಹೆಚ್, ಆರ್‌ಸಿಬಿ
ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಪರಿಸ್ಥಿತಿ ತುಂಬಾ ಸರಳವಾಗಿದೆ. ಅವರು ತಮ್ಮ ಉಳಿದ ಮೂರು ಪಂದ್ಯಗಳನ್ನು ಗೆಲ್ಲಲೇಬೇಕು. ಇದರಿಂದ ಅವರ 14 ಪಂದ್ಯಗಳಿಂದ 17 ಅಂಕಗಳನ್ನು ಪಡೆಯುತ್ತಾರೆ. ಆದರೆ ಅದು ಕೂಡ ಸಾಕಾಗದೇ ಇರಬಹುದು. ಅಂತಹ ಸನ್ನಿವೇಶದಲ್ಲಿ, ಅವರ ಭವಿಷ್ಯವು ನಿವ್ವಳ ರನ್ ದರ ಮತ್ತು ಇತರ ತಂಡಗಳ ಫಲಿತಾಂಶಗಳನ್ನು ಅವಲಂಬಿಸಿರುತ್ತದೆ.
ಲಕ್ನೋ ಸೂಪರ್ ಜೈಂಟ್ಸ್‌ನ ಐಪಿಎಲ್ ಪ್ಲೇಆಫ್ ಸಮೀಕರಣ
ಪಂದ್ಯಗಳು: 11, ಅಂಕಗಳು: 10, ನಿವ್ವಳ ರನ್ ದರ: -0.469
ಉಳಿದ ಪಂದ್ಯಗಳು: ಆರ್‌ಸಿಬಿ, ಜಿಟಿ, ಎಸ್‌ಆರ್‌ಹೆಚ್
ಲಕ್ನೋ ಸೂಪರ್ ಜೈಂಟ್ಸ್ ಗೆ ಮುಂದಿನ ಹಾದಿ ಅತ್ಯಂತ ಕಠಿಣವಾಗಿದೆ. ಉಳಿದ 3 ಪಂದ್ಯಗಳಲ್ಲಿ ಗೆದ್ದರೆ ಅವರ ಅಂಕಗಳು 16ಕ್ಕೆ ಏರುತ್ತವೆ. ಅವರ ಅರ್ಹತೆಯು ಸಂಪೂರ್ಣವಾಗಿ ಇತರ ಫಲಿತಾಂಶಗಳ ಮೇಲೆ ಅವಲಂಬಿತವಾಗಿರುತ್ತದೆ.
CSK, RR ಮತ್ತು SRH ಪಂದ್ಯದಲ್ಲಿ ಕಿಂಗ್ ಮೇಕರ್ ಪಾತ್ರ
ಟಾಪ್-7 ತಂಡಗಳು ಈಗಾಗಲೇ ಟೂರ್ನಮೆಂಟ್‌ನಿಂದ ಹೊರಗುಳಿದಿರುವ CSK, RR ಮತ್ತು SRH ಅನ್ನು ಎದುರಿಸಬೇಕಾಗುತ್ತದೆ. ಇದೇ ಕಾರಣಕ್ಕೆ ಈ ತಂಡಗಳು ಈಗ ಪ್ರಮುಖ ಪಾತ್ರವಹಿಸುತ್ತದೆ. ಅವರು ಯಾವುದೇ ತಂಡದೊಂದಿಗೆ ಸೋತರೂ, ಅವರಿಗೆ ಅದರಿಂದ ಲಾಭವಾಗುತ್ತದೆ, ಆದರೆ ಅವರು ಸೋಲಿಸುವ ತಂಡಗಳು ಒಂದೋ ತಮ್ಮ ಪ್ರಯಾಣವನ್ನು ಕೊನೆಗೊಳಿಸುತ್ತವೆ ಅಥವಾ ಅವರು ಟಾಪ್-2 ರಿಂದ ಹೊರಗುಳಿಯುತ್ತಾರೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
