Travis Head: ಬರೋಬ್ಬರಿ 105 ಮೀಟರ್: ಟ್ರಾವಿಸ್ ಹೆಡ್ ಸ್ಫೋಟಕ ಸಿಕ್ಸ್ ಕಂಡು ಶಾಕ್ ಆದ ಇಡೀ ಸ್ಟೇಡಿಯಂ
SRH vs RR, IPL 2025: ಐಪಿಎಲ್ 2025ರ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಪವರ್ ಪ್ಲೇನ 5 ನೇ ಓವರ್ ಅನ್ನು ಜೋಫ್ರಾ ಆರ್ಚರ್ ಬೌಲ್ ಮಾಡಿದರು, ಇದು ಪಂದ್ಯದಲ್ಲಿ ಅವರ ಮೊದಲ ಓವರ್ ಆಗಿತ್ತು. ಸನ್ರೈಸರ್ಸ್ ಹೈದರಾಬಾದ್ ತಂಡದ ಬ್ಯಾಟರ್ ಟ್ರಾವಿಸ್ ಹೆಡ್ ಮೊದಲ ಓವರ್‌ನ ಮೊದಲ ಚೆಂಡನ್ನು ಬೌಂಡರಿಗೆ ಹೊಡೆದರು. ಎರಡನೇ ಎಸೆತದಲ್ಲಿ ಬಂದಿದ್ದು ಸ್ಫೋಟಕ ಸಿಕ್ಸ್. ಈ ಚೆಂಡು ಕ್ರೀಸ್‌ನಿಂದ ಬರೋಬ್ಬರಿ 105 ಮೀಟರ್ ದೂರದಲ್ಲಿ ಬಿತ್ತು.
Updated on:Mar 23, 2025 | 6:19 PM
ಬೆಂಗಳೂರು (ಮಾ, 23): ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್‌ನ ಸ್ಟಾರ್ ಆಟಗಾರ ಟ್ರಾವಿಸ್ ಹೆಡ್ ರಾಜಸ್ಥಾನ್ ರಾಯಲ್ಸ್ (SRH vs RR) ತಂಡದ ಬೌಲಿಂಗ್ ಲೈನ್‌ಅಪ್ ಅನ್ನು ಛಿದ್ರಗೊಳಿಸಿದರು. ಆಸ್ಟ್ರೇಲಿಯಾದ ದೈತ್ಯ ಆಟಗಾರ ಹೆಡ್, 2024 ರ ಸೀಸನ್ ಅನ್ನು ಎಲ್ಲಿ ಕೊನೆಗೊಳಿಸಿದ್ದರೊ ಅಲ್ಲಿಂದಲೇ 2025 ರ ಐಪಿಎಲ್ ಸೀಸನ್ ಅನ್ನು ಪ್ರಾರಂಭಿಸಿದ್ದಾರೆ. ರಾಜಸ್ಥಾನ ರಾಯಲ್ಸ್ ಬೌಲರ್‌ಗಳನ್ನು ಸದೆಬಡಿದ ಹೆಡ್ ಈ ಋತುವಿನ ಅತ್ಯಂತ ವೇಗದ ಅರ್ಧಶತಕ ಗಳಿಸಿದರು. ಇದೇ ಸಮಯದಲ್ಲಿ, ಅವರು ಜೋಫ್ರಾ ಆರ್ಚರ್ ಬೌಲಿಂಗ್ನಲ್ಲಿ ಸ್ಫೋಟಕ ಸಿಕ್ಸ್ ಸಿಡಿಸುವ ಮೂಲಕ ಎಲ್ಲರ ಹುಬ್ಬೇರುವಂತೆ ಮಾಡಿದರು.
ಟ್ರಾವಿಸ್ ಹೆಡ್ ಬ್ಯಾಟ್ನಿಂದ ಬಂತು 105 ಮೀಟರ್ ಉದ್ದದ ಸಿಕ್ಸ್:
ಪವರ್ ಪ್ಲೇನ 5 ನೇ ಓವರ್ ಅನ್ನು ಜೋಫ್ರಾ ಆರ್ಚರ್ ಬೌಲ್ ಮಾಡಿದರು, ಇದು ಪಂದ್ಯದಲ್ಲಿ ಅವರ ಮೊದಲ ಓವರ್ ಆಗಿತ್ತು. ಹೆಡ್ ಮೊದಲ ಓವರ್‌ನ ಮೊದಲ ಚೆಂಡನ್ನು ಬೌಂಡರಿಗೆ ಹೊಡೆದರು. ಎರಡನೇ ಎಸೆತದಲ್ಲಿ ಬಂದಿದ್ದು ಸ್ಫೋಟಕ ಸಿಕ್ಸ್. ಈ ಚೆಂಡು ಕ್ರೀಸ್‌ನಿಂದ ಬರೋಬ್ಬರಿ 105 ಮೀಟರ್ ದೂರದಲ್ಲಿ ಬಿತ್ತು. ಈ ಸಿಕ್ಸ್ ಕಂಡು ಜೋಫ್ರಾ ಆರ್ಚರ್ ಕೂಡ ಶಾಕ್ ಆದರು. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಟ್ರಾವಿಸ್ ಹೆಡ್ ಸಿಡಿಸಿದ ಸಿಕ್ಸ್ನ ವಿಡಿಯೋ ಇಲ್ಲಿದೆ:
Hurricane Head graces #TATAIPL 2025 🤩
Travis Head smashing it to all parts of the park in Hyderabad 💪👊
Updates ▶️ https://t.co/ltVZAvInEG#SRHvRR | @SunRisers pic.twitter.com/cxr6iNdR3S
— IndianPremierLeague (@IPL) March 23, 2025
ಪವರ್ ಪ್ಲೇನ ಕೊನೆಯ ಓವರ್ನಲ್ಲಿ ಮನಬಂದಂತೆ ಬ್ಯಾಟ್ ಬೀಸಿದ ಹೆಡ್, ಜೋಫ್ರಾ ಆರ್ಚರ್ ತಮ್ಮ ಮೊದಲ ಓವರ್ನಲ್ಲೇ 23 ರನ್‌ಗಳನ್ನು ಹರಿಬಿಟ್ಟರು. ಓಪನರ್ಗಳಾದ ಟ್ರಾವಿಸ್ ಹೆಡ್ ಹಾಗೂ ಅಭಿಷೇಕ್ ಶರ್ಮಾ ಆರಂಭದಲ್ಲಿ 45 ರನ್ ಸೇರಿಸಿದರು. ನಂತರ, ಅವರು ಇಶಾನ್ ಕಿಶನ್ ಅವರೊಂದಿಗೆ ಎರಡನೇ ವಿಕೆಟ್‌ಗೆ ಕೇವಲ 39 ಎಸೆತಗಳಲ್ಲಿ 85 ರನ್ ಗಳಿಸಿದರು, ಇದರಲ್ಲಿ ಅವರ ಕೊಡುಗೆ 22 ಎಸೆತಗಳಲ್ಲಿ 48 ರನ್‌ಗಳು.
IPL 2025: ವಿರಾಟ್ ಕೊಹ್ಲಿ ಅಭಿಮಾನಿಯನ್ನು ಜೈಲಿಗಟ್ಟಿದ ಕೋಲ್ಕತ್ತಾ ಪೊಲೀಸರು
ಐಪಿಎಲ್ 2025 ರಲ್ಲಿ ಹೆಡ್ ಅತ್ಯಂತ ವೇಗದ ಅರ್ಧಶತಕ:
ಹೆಡ್ ಅವರ ಒಟ್ಟು ಇನ್ನಿಂಗ್ಸ್ 31 ಎಸೆತಗಳನ್ನು ಒಳಗೊಂಡಿತ್ತು, ಇದರಲ್ಲಿ ಅವರು 216 ಕ್ಕಿಂತ ಹೆಚ್ಚು ಸ್ಟ್ರೈಕ್ ರೇಟ್‌ನಲ್ಲಿ 67 ರನ್ ಗಳಿಸಿದರು, ಇದರಲ್ಲಿ 9 ಬೌಂಡರಿಗಳು ಮತ್ತು 3 ಸಿಕ್ಸರ್‌ಗಳು ಸೇರಿವೆ. ಈ ಇನ್ನಿಂಗ್ಸ್‌ನಲ್ಲಿ, ಹೆಡ್ ಕೇವಲ 21 ಎಸೆತಗಳಲ್ಲಿ ತಮ್ಮ ಅರ್ಧಶತಕವನ್ನು ಪೂರೈಸಿದರು, ಇದು ಐಪಿಎಲ್ 2025 ರಲ್ಲಿ ಇದುವರೆಗಿನ ವೇಗದ ಅರ್ಧಶತಕವಾಗಿದೆ. ಇದೇ ಪಂದ್ಯದಲ್ಲಿ ಇಶಾನ್ ಕಿಶನ್ ಸ್ಫೋಟಕ ಶತಕ ಕೂಡ ಸಿಡಿಸಿದರು. ಕೇವಲ 47 ಎಸೆತಗಳಲ್ಲಿ 11 ಫೋರ್, 6 ಸಿಕ್ಸರ್ ಚಚ್ಚಿ ಅಜೇಯ 107 ರನ್ ಬಾರಿಸಿದರು.
ಕಿಶನ್ ಅವರ 106, ಹೆಡ್ 67, ಹೆನ್ರಿಚ್ ಕ್ಲಾಸೆನ್ 34 ಹಾಗೂ ನಿತೀಶ್ ರೆಡ್ಡಿ ಅವರ 30 ರನ್ಗಳ ನೆರವಿನಿಂದ ಸನ್ರೈಸರ್ಸ್ ಹೈದರಾಬಾದ್ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 286 ರನ್ ಕಲೆಹಾಕಿತು. ಇದು ಐಪಿಎಲ್ ಇತಿಹಾಸದಲ್ಲೇ ಒಂದು ತಂಡ ಗಳಿಸಿದ ಎರಡನೇ ಅತಿ ದೊಡ್ಡ ಸ್ಕೋರ್ ಆಗಿದೆ. ಇದಕ್ಕೂ ಮುನ್ನ ಇದೇ ಎಸ್ಆರ್ಹೆಚ್ ತಂಡ 2024ರಲ್ಲಿ ಆರ್ಸಿಬಿ ವಿರುದ್ಧ 287 ರನ್ ಚಚ್ಚಿತ್ತು.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 6:19 pm, Sun, 23 March 25
