T20 World Cup 2026: ಸೂಪರ್-8 ಸುತ್ತಿನ ಸಂಪೂರ್ಣ ವೇಳಾಪಟ್ಟಿ ಇಲ್ಲಿದೆ

T20 World Cup 2026: 20 ತಂಡಗಳೊಂದಿಗೆ ಶುರುವಾದ ಟಿ20 ವಿಶ್ವಕಪ್ ಟೂರ್ನಿಯಿಂದ 12 ತಂಡಗಳು ಹೊರಬಿದ್ದಿವೆ. ಈ ಹನ್ನೆರಡು ತಂಡಗಳಲ್ಲಿ ಬಲಿಷ್ಠ ಆಸ್ಟ್ರೇಲಿಯಾ, ಅಫ್ಘಾನಿಸ್ತಾನ್ ತಂಡಗಳಿರುವುದು ವಿಶೇಷ. ಇನ್ನುಳಿದಿರುವ 8 ಟೀಮ್ಗಳು ಸೂಪರ್-8 ಸುತ್ತಿಗೆ ಪ್ರವೇಶಿಸಿದೆ. ಈ ಸುತ್ತಿನ ಸಂಪೂರ್ಣ ವೇಳಾಪಟ್ಟಿ ಈ ಕೆಳಗಿನಂತಿದೆ...

T20 World Cup 2026

ಝಾಹಿರ್ ಯೂಸುಫ್ |
Updated on: Feb 19, 2026 | 9:55 AM

T20 World Cup 2026: ಟಿ20 ವಿಶ್ವಕಪ್ನ ಮೊದಲ ಸುತ್ತಿನ ಪಂದ್ಯಗಳು ಮುಕ್ತಾಯದ ಹಂತಕ್ಕೆ ಬಂದು ನಿಂತಿದೆ. ಈಗಾಗಲೇ 8 ತಂಡಗಳು ದ್ವಿತೀಯ ಸುತ್ತಿಗೆ ಪ್ರವೇಶಿಸಿದರೆ, 12 ತಂಡಗಳು ಟೂರ್ನಿಯಿಂದ ಹೊರಬಿದ್ದಿದೆ. ಅದರಂತೆ ಸೂಪರ್-8 ಸುತ್ತಿನಲ್ಲಿ ಭಾರತ, ಸೌತ್ ಆಫ್ರಿಕಾ, ನ್ಯೂಝಿಲೆಂಡ್, ಝಿಂಬಾಬ್ವೆ, ಪಾಕಿಸ್ತಾನ್, ವೆಸ್ಟ್ ಇಂಡೀಸ್, ಇಂಗ್ಲೆಂಡ್ ಮತ್ತು ಶ್ರೀಲಂಕಾ ತಂಡಗಳು ಕಣಕ್ಕಿಳಿಯಲಿವೆ.

ಸೂಪರ್-8 ಸ್ವರೂಪ:

ಗುಂಪುಗಳ ವಿಂಗಡಣೆ: ಸೂಪರ್-8ಕ್ಕೆ ಅರ್ಹತೆ ಪಡೆದ 8 ತಂಡಗಳನ್ನು ತಲಾ 4 ತಂಡಗಳಂತೆ ಎರಡು ಗುಂಪುಗಳಾಗಿ (Group 1 ಮತ್ತು Group 2) ವಿಂಗಡಿಸಲಾಗುತ್ತದೆ.
ಪಂದ್ಯಗಳ ಸಂಖ್ಯೆ: ಪ್ರತಿ ತಂಡವು ತನ್ನ ಗುಂಪಿನಲ್ಲಿರುವ ಉಳಿದ ಮೂರು ತಂಡಗಳೊಂದಿಗೆ ತಲಾ ಒಂದು ಪಂದ್ಯವನ್ನು ಆಡುತ್ತದೆ. ಅಂದರೆ ಪ್ರತಿ ತಂಡಕ್ಕೆ ಒಟ್ಟು 3 ಪಂದ್ಯಗಳು ಇರುತ್ತವೆ.
ಪಾಯಿಂಟ್ಸ್ ಸಿಸ್ಟಮ್: ಪ್ರತಿ ಗೆಲುವಿಗೆ 2 ಪಾಯಿಂಟ್ಸ್, ಯಾವುದೇ ಫಲಿತಾಂಶ ಬಾರದಿದ್ದರೆ (No Result) 1 ಪಾಯಿಂಟ್ ಮತ್ತು ಸೋಲಿಗೆ 0 ಪಾಯಿಂಟ್ ನೀಡಲಾಗುತ್ತದೆ.
ಸೆಮಿಫೈನಲ್ ಅರ್ಹತೆ: ಸೂಪರ್-8ರ ಪ್ರತಿ ಗುಂಪಿನಿಂದ ಅಗ್ರ ಎರಡು ಸ್ಥಾನ ಪಡೆಯುವ ತಂಡಗಳು (ಒಟ್ಟು 4 ತಂಡಗಳು) ನೇರವಾಗಿ ಸೆಮಿಫೈನಲ್‌ಗೆ ಪ್ರವೇಶಿಸುತ್ತವೆ.

ಸೂಪರ್-8 ಗುಂಪುಗಳು:

ಗ್ರೂಪ್ 1: ಭಾರತ, ಸೌತ್ ಆಫ್ರಿಕಾ, ವೆಸ್ಟ್ ಇಂಡೀಸ್ ಮತ್ತು ಝಿಂಬಾಬ್ವೆ.
ಗ್ರೂಪ್ 2: ಇಂಗ್ಲೆಂಡ್, ನ್ಯೂಝಿಲೆಂಡ್, ಪಾಕಿಸ್ತಾನ್ ಮತ್ತು ಶ್ರೀಲಂಕಾ.

ಇದನ್ನೂ ಓದಿ: ಟಿ20 ವಿಶ್ವಕಪ್‌ನಲ್ಲಿ ನ್ಯೂಝಿಲೆಂಡ್ ಆರಂಭಿಕರ ವಿಶ್ವ ದಾಖಲೆಯ ಚೇಸಿಂಗ್

ಸೂಪರ್ 8 ಸುತ್ತಿನ ಸಂಪೂರ್ಣ ವೇಳಾಪಟ್ಟಿ:

ಫೆಬ್ರವರಿ 21	ನ್ಯೂಝಿಲೆಂಡ್ vs ಪಾಕಿಸ್ತಾನ್	ಆರ್‌ಪಿಎಸ್, ಕೊಲಂಬೊ	ಸಂಜೆ 7:00 ಕ್ಕೆ
ಫೆಬ್ರವರಿ 22	ಇಂಗ್ಲೆಂಡ್ vs ಶ್ರೀಲಂಕಾ	ಕ್ಯಾಂಡಿ	ಮಧ್ಯಾಹ್ನ 3:00
ಫೆಬ್ರವರಿ 22	ಭಾರತ vs ಸೌತ್ ಆಫ್ರಿಕಾ	ಅಹಮದಾಬಾದ್	ಸಂಜೆ 7:00 ಕ್ಕೆ
ಫೆಬ್ರವರಿ 23	ವೆಸ್ಟ್ ಇಂಡೀಸ್ vs ಝಿಂಬಾಬ್ವೆ	ಮುಂಬೈ	ಸಂಜೆ 7:00 ಕ್ಕೆ
ಫೆಬ್ರವರಿ 24	ಇಂಗ್ಲೆಂಡ್ vs ಪಾಕಿಸ್ತಾನ್	ಕ್ಯಾಂಡಿ	ಸಂಜೆ 7:00 ಕ್ಕೆ
ಫೆಬ್ರವರಿ 25	ನ್ಯೂಝಿಲೆಂಡ್ vs ಶ್ರೀಲಂಕಾ	ಆರ್‌ಪಿಎಸ್, ಕೊಲಂಬೊ	ಸಂಜೆ 7:00 ಕ್ಕೆ
ಫೆಬ್ರವರಿ 26	ವೆಸ್ಟ್ ಇಂಡೀಸ್ vs ಸೌತ್ ಆಫ್ರಿಕಾ	ಅಹಮದಾಬಾದ್	ಮಧ್ಯಾಹ್ನ 3:00
ಫೆಬ್ರವರಿ 26	ಭಾರತ vs ಝಿಂಬಾಬ್ವೆ	ಚೆನ್ನೈ	ಸಂಜೆ 7:00 ಕ್ಕೆ
ಫೆಬ್ರವರಿ 27	ಇಂಗ್ಲೆಂಡ್ vs ನ್ಯೂಝೀಲೆಂಡ್	ಆರ್‌ಪಿಎಸ್, ಕೊಲಂಬೊ	ಸಂಜೆ 7:00 ಕ್ಕೆ
ಫೆಬ್ರವರಿ 28	ಶ್ರೀಲಂಕಾ vs ಪಾಕಿಸ್ತಾನ್	ಕ್ಯಾಂಡಿ	ಸಂಜೆ 7:00 ಕ್ಕೆ
ಮಾರ್ಚ್ 1	ಸೌತ್ ಆಫ್ರಿಕಾ vs ಝಿಂಬಾಬ್ವೆ	ದೆಹಲಿ	ಮಧ್ಯಾಹ್ನ 3:00
ಮಾರ್ಚ್ 1	ಭಾರತ vs ವೆಸ್ಟ್ ಇಂಡೀಸ್	ಕೋಲ್ಕತ್ತಾ	ಸಂಜೆ 7:00 ಕ್ಕೆ