Wimbledon 2022: ಗೆಲುವಿನೊಂದಿಗೆ ಶುಭಾರಂಭ ಮಾಡಿದ ನೊವಾಕ್ ಜೊಕೊವಿಕ್; ಎರಡನೇ ಸುತ್ತಿಗೆ ಪ್ರವೇಶ

Wimbledon 2022: ವಿಂಬಲ್ಡನ್ 2022, ವರ್ಷದ ಮೂರನೇ ಗ್ರ್ಯಾಂಡ್ ಸ್ಲಾಮ್ ಪ್ರಾರಂಭವಾಗಿದೆ. ಚಾಂಪಿಯನ್‌ಶಿಪ್‌ನ ಮೊದಲ ದಿನವೇ ಹಾಲಿ ಚಾಂಪಿಯನ್ ನೊವಾಕ್ ಜೊಕೊವಿಕ್ ಗೆಲವು ಸಾಧಿಸುವ ಮೂಲಕ ತಮ್ಮ ಪ್ರಶಸ್ತಿ ರಕ್ಷಣೆಯನ್ನು ಪ್ರಾರಂಭಿಸಿದ್ದಾರೆ.

Wimbledon 2022: ಗೆಲುವಿನೊಂದಿಗೆ ಶುಭಾರಂಭ ಮಾಡಿದ ನೊವಾಕ್ ಜೊಕೊವಿಕ್; ಎರಡನೇ ಸುತ್ತಿಗೆ ಪ್ರವೇಶ
ನೊವಾಕ್ ಜೊಕೊವಿಕ್
TV9kannada Web Team

| Edited By: pruthvi Shankar

Jun 27, 2022 | 9:28 PM

ವಿಂಬಲ್ಡನ್ 2022 (Wimbledon 2022), ವರ್ಷದ ಮೂರನೇ ಗ್ರ್ಯಾಂಡ್ ಸ್ಲಾಮ್ ಪ್ರಾರಂಭವಾಗಿದೆ. ಚಾಂಪಿಯನ್‌ಶಿಪ್‌ನ ಮೊದಲ ದಿನವೇ ಹಾಲಿ ಚಾಂಪಿಯನ್ ನೊವಾಕ್ ಜೊಕೊವಿಕ್ ( Novak Djokovic) ಗೆಲವು ಸಾಧಿಸುವ ಮೂಲಕ ತಮ್ಮ ಪ್ರಶಸ್ತಿ ರಕ್ಷಣೆಯನ್ನು ಪ್ರಾರಂಭಿಸಿದ್ದಾರೆ. ಮೊದಲ ಶ್ರೇಯಾಂಕದ ಸರ್ಬಿಯಾದ ಅನುಭವಿ ಜೊಕೊವಿಕ್ ಮೊದಲ ಸುತ್ತಿನಲ್ಲಿ ದಕ್ಷಿಣ ಕೊರಿಯಾದ ಸೂನ್ ವೂ ಕ್ವಾನ್ ಅವರನ್ನು ನಾಲ್ಕು ಸೆಟ್‌ಗಳ ಪಂದ್ಯದಲ್ಲಿ ಸೋಲಿಸುವ ಮೂಲಕ ಎರಡನೇ ಸುತ್ತಿಗೆ ಪ್ರವೇಶಿಸಿದರು. ಈ ಪಂದ್ಯದಲ್ಲಿ ಜೊಕೊವಿಕ್ ಗೆಲ್ಲಲು ತೀವ್ರ ಹೋರಾಟ ನಡೆಸಬೇಕಾಗಿದ್ದು, 24ರ ಹರೆಯದ ಕೊರಿಯಾ ಆಟಗಾರ ಸುಲಭವಾಗಿ ಸೋಲೊಪ್ಪಿಕೊಳ್ಳಲಿಲ್ಲ. ಅದೇ ಸಮಯದಲ್ಲಿ, ಬ್ರಿಟನ್‌ನ ಪ್ರಸ್ತುತ ನಂಬರ್ ಒನ್ ಆಟಗಾರ ಕ್ಯಾಮರೂನ್ ನಾರ್ರಿ ಸಹ ಗೆಲುವಿನೊಂದಿಗೆ ಪ್ರಾರಂಭಿಸಿ ಎರಡನೇ ಸುತ್ತಿಗೆ ಪ್ರವೇಶಿಸಿದರು.

ವಿಶ್ವದ ನಂಬರ್ ಒನ್ ಆಟಗಾರ ರಷ್ಯಾದ ಡೇನಿಯಲ್ ಮೆಡ್ವೆಡೆವ್ ಮತ್ತು ಎರಡನೇ ಶ್ರೇಯಾಂಕದ ಜರ್ಮನ್ ಅಲೆಕ್ಸಾಂಡರ್ ಜ್ವೆರೆನ್ ಅನುಪಸ್ಥಿತಿಯಲ್ಲಿ ಜೊಕೊವಿಕ್ ಮೊದಲ ಶ್ರೇಯಾಂಕ ಪಡೆದಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ಜೊಕೊವಿಕ್‌ಗೆ ಈ ಪಂದ್ಯಾವಳಿ ಬಹಳ ಮುಖ್ಯವಾಗಿದೆ ಏಕೆಂದರೆ ಕಳೆದ ವರ್ಷ 3 ಗ್ರ್ಯಾನ್‌ಸ್ಲಾಮ್‌ಗಳನ್ನು ಗೆದ್ದ ನಂತರ, ಅವರು ಈ ವರ್ಷ ಒಂದೇ ಒಂದು ಯಶಸ್ಸನ್ನು ಪಡೆದಿಲ್ಲ. ಕೊರೊನಾ ಲಸಿಕೆ ಸಮಸ್ಯೆಯಿಂದಾಗಿ ಅವರು ಆಸ್ಟ್ರೇಲಿಯನ್ ಓಪನ್‌ನಲ್ಲಿ ಆಡಲು ಸಾಧ್ಯವಾಗಲಿಲ್ಲ. ಆದರೆ ರಾಫೆಲ್ ನಡಾಲ್ ಅವರನ್ನು ಫ್ರೆಂಚ್ ಓಪನ್‌ನಲ್ಲಿ ಕ್ವಾರ್ಟರ್-ಫೈನಲ್‌ನಲ್ಲಿ ಸೋಲಿಸಿದರು.

20 ಬಾರಿಯ ಗ್ರ್ಯಾಂಡ್ ಸ್ಲಾಮ್ ವಿಜೇತ ಸರ್ಬಿಯಾದ ದೈತ್ಯ ಯಾವುದೇ ಗ್ರಾಸ್ ಕೋರ್ಟ್ ಟೂರ್ನಿಯಲ್ಲಿ ಪೂರ್ವಸಿದ್ಧತೆ ಇಲ್ಲದೆ ಈ ಪಂದ್ಯಾವಳಿಗೆ ಪ್ರವೇಶಿಸಿದ್ದು ಅದರ ಪರಿಣಾಮ ಗೋಚರಿಸುತ್ತಿದೆ. ಮೊದಲ ಸೆಟ್‌ನಲ್ಲಿ ಹಿನ್ನಡೆ ಅನುಭವಿಸಿದ ಕೊರಿಯಾದ ಆಟಗಾರ ಎರಡನೇ ಸೆಟ್ ಗೆದ್ದುಕೊಂಡರು. ಪಂದ್ಯವನ್ನು ಗೆಲ್ಲಲು ಜೊಕೊವಿಕ್ ಮುಂದಿನ ಎರಡು ಸೆಟ್‌ಗಳನ್ನು ಗೆದ್ದರೂ, ಅವರು ಸಾಕಷ್ಟು ಬೆವರು ಹರಿಸಬೇಕಾಯಿತು. ಅಂತಿಮವಾಗಿ 6 ​​ಬಾರಿಯ ವಿಂಬಲ್ಡನ್ ಚಾಂಪಿಯನ್ 3-6. 6-3, 6-4 ರಿಂದ ಎರಡನೇ ಸುತ್ತಿಗೆ ಲಗ್ಗೆ ಇಟ್ಟರು.

ನಾರ್ರಿ ಮತ್ತು ರೂಡ್​ಗೂ ಗೆಲುವು

ಇದನ್ನೂ ಓದಿ

ಜೂನ್ 27 ರಂದು ಸೋಮವಾರ ಆರಂಭವಾದ ಚಾಂಪಿಯನ್‌ಶಿಪ್‌ನ ಮೊದಲ ದಿನ ಮಳೆ ಪರಿಣಾಮ ಬೀರಿತು. ಸೆಂಟರ್ ಕೋರ್ಟ್ ಹೊರತುಪಡಿಸಿ ಇತರ ಕೋರ್ಟ್‌ಗಳಲ್ಲಿ ನಡೆದ ಪಂದ್ಯಗಳನ್ನು ಸ್ವಲ್ಪ ಸಮಯ ನಿಲ್ಲಿಸಬೇಕಾಯಿತು. ಆದರೆ, ಜೊಕೊವಿಕ್ ಅವರ ಪಂದ್ಯವು ಸೆಂಟರ್ ಕೋರ್ಟ್‌ನಲ್ಲಿ ನಡೆದಿದ್ದರಿಂದ ನಿಷ್ಪರಿಣಾಮಕಾರಿಯಾಗಿತ್ತು. ಆದರೆ ಬ್ರಿಟನ್‌ನ ಉದಯೋನ್ಮುಖ ಆಟಗಾರ ಮತ್ತು ಒಂಬತ್ತನೇ ಶ್ರೇಯಾಂಕದ ಕ್ಯಾಮರೂನ್ ನಾರ್ರಿ ಮಳೆಯಿಂದ ಹಾನಿಗೊಳಗಾದ ಪಂದ್ಯದಲ್ಲಿ ಗೆಲ್ಲಲು ಸ್ವಲ್ಪ ಹೆಣಗಾಡಬೇಕಾಯಿತು. ಅವರು 6-0, 7-6, 6-3 ರಲ್ಲಿ ಸ್ಪೇನ್‌ನ ಪಾಬ್ಲೊ ಆಂಡುಹರ್ ಅವರನ್ನು ಸೋಲಿಸಿದರು. ಅವರನ್ನು ಹೊರತುಪಡಿಸಿ ಮೂರನೇ ಶ್ರೇಯಾಂಕದ ಮತ್ತು ಫ್ರೆಂಚ್ ಓಪನ್ ರನ್ನರ್ ಅಪ್ ನಾರ್ವೆಯ ಕ್ಯಾಸ್ಪರ್ ರೂಡ್ ಕೂಡ ತಮ್ಮ ಮೊದಲ ಪಂದ್ಯವನ್ನು ಗೆದ್ದರು. ರೋಡ್ ಅವರು ಸ್ಪೇನ್‌ನ ಆಲ್ಬರ್ಟ್ ರಾಮೋಸ್ ವಿನಿಯೋಲಾಸ್ ಅವರನ್ನು 7-6, 7-6, 6-2 ಸೆಟ್‌ಗಳಿಂದ ಸೋಲಿಸಿದರು.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada