Money Sent to Wrong Account: ತಪ್ಪಾಗಿ ಬೇರೆಯವರ ಖಾತೆಗೆ ಹಣ ವರ್ಗಾವಣೆ ಆಯ್ತಾ?: ಹೀಗೆ ಮಾಡಿದ್ರೆ ತಕ್ಷಣ ಹಣ ವಾಪಾಸ್
Transferred money to wrong account: ಆಕಸ್ಮಿಕವಾಗಿ ಅಥವಾ ನಿಮಗೆ ಅರಿವಿರದೆ ತಪ್ಪಾಗಿ ಬೇರೆಯವರ ಖಾತೆಗೆ ಹಣ ವರ್ಗಾವಣೆ ಮಾಡಿದ್ದೀರಿ ಎಂದು ತಿಳಿದು ಕೂಡಲೇ ನೀವು ಮಾಡಬೇಕು?, ನಿಮ್ಮ ಖಾತೆಗೆ ಹಣ ವಾಪಾಸ್ ಪಡೆಯುವುದು ಹೇಗೆ?, ಈ ಸ್ಟೋರಿ ಓದಿ.
Updated on: Oct 26, 2021 | 3:30 PM
ಬ್ಯಾಂಕ್ ಖಾತೆಯಿಂದ ಕೆಲವೊಮ್ಮೆ ತಪ್ಪು ಖಾತೆಗೆ ಅಥವಾ ಒಂದು ಖಾತೆಯಿಂದ ಮತ್ತೊಂದು ಖಾತೆಗೆ ಹಣ ವರ್ಗಾವಣೆ ಆಗುತ್ತದೆ (Money Sent to Wrong Account). ಕೆಲವೊಮ್ಮೆ ಬ್ಯಾಂಕಿಂಗ್ ವಂಚನೆಯಲ್ಲಿಯೂ ಇದೇ ರೀತಿ ಸಂಭವಿಸುತ್ತದೆ. ಈಗ ಯುಪಿಐ (UPI), ನೆಟ್ ಬ್ಯಾಂಕಿಂಗ್ (Net Banking), ಮೊಬೈಲ್ ವ್ಯಾಲೆಟ್ಗಳ (Mobile Wallet) ಮೂಲಕ ಬ್ಯಾಂಕಿಂಗ್ ವಹಿವಾಟು ನಡೆಯುತ್ತಿದ್ದರೂ ತಪ್ಪಾದ ಬ್ಯಾಂಕ್ ಖಾತೆಗೆ ಹಣವನ್ನು ವರ್ಗಾವಣೆ ಆಗಿರುವ ಉದಾಹರಣೆ ತುಂಬಾನೆ ಇದೆ. ಹೀಗೆ ತಪ್ಪಾಗಿ ಒಂದು ವೇಳೆ ಹಣ ವರ್ಗಾವಣೆ ಮಾಡಿದರೆ ಏನು ಮಾಡಬೇಕು? ನಮ್ಮ ಹಣವನ್ನು ಹೇಗೆ ವಾಪಸ್ ಪಡೆಯಬೇಕು? ಎಂದು ಇಲ್ಲಿ ನಾವು ನಿಮಗೆ ಹೇಳುತ್ತೇವೆ.
ಆಕಸ್ಮಿಕವಾಗಿ ಬೇರೆಯವರ ಖಾತೆಗೆ ಹಣ ವರ್ಗಾವಣೆ ಮಾಡಿದ್ದೀರಿ ಎಂದು ತಿಳಿದು ಕೂಡಲೇ ನಿಮ್ಮ ಬ್ಯಾಂಕಿಗೆ ವರದಿ ಮಾಡಿರಿ. ಅಥವಾ ಕಸ್ಟಮರ್ ಕೇರ್ಗೆ ಕರೆ ಮಾಡಿ ಮತ್ತು ಅವರಿಗೆ ಸಂಪೂರ್ಣ ವಿಷಯವನ್ನು ತಿಳಿಸಿ. ಇ-ಮೇಲ್ ನಲ್ಲಿ ಬ್ಯಾಂಕ್ ಎಲ್ಲಾ ಮಾಹಿತಿಯನ್ನು ಕೇಳಿದರೆ, ಈ ತಪ್ಪಿನಿಂದ ಆಗಿರುವ ವ್ಯವಹಾರದ ಸಂಪೂರ್ಣ ವಿವರಗಳನ್ನು ನೀಡಿ. ವಹಿವಾಟಿನ ದಿನಾಂಕ ಮತ್ತು ಸಮಯ, ನಿಮ್ಮ ಖಾತೆ ಸಂಖ್ಯೆ ಮತ್ತು ತಪ್ಪಾಗಿ ಹಣವನ್ನು ವರ್ಗಾಯಿಸಲಾದ ಖಾತೆಯನ್ನು ಸಹ ಉಲ್ಲೇಖಿಸಿ.
ನೀವು ಹಣವನ್ನು ವರ್ಗಾಯಿಸಿರುವ ಬ್ಯಾಂಕ್ ಖಾತೆ ತಪ್ಪಾಗಿದ್ದರೆ ಅಥವಾ ಐಎಫ್ ಎಸ್ ಸಿ ಕೋಡ್ ತಪ್ಪಾಗಿದ್ದರೆ, ಹಣವು ಸ್ವಯಂಚಾಲಿತವಾಗಿ ನಿಮ್ಮ ಖಾತೆಗೆ ಬರುತ್ತದೆ. ಇಲ್ಲದಿದ್ದರೆ ಈ ತಪ್ಪು ವ್ಯವಹಾರದ ಬಗ್ಗೆ ಬ್ರಾಂಚ್ ಮ್ಯಾನೇಜರ್ಗೆ ಹೇಳಿ. ಹಣ ಯಾವ ಬ್ಯಾಂಕ್ ಖಾತೆಗೆ ಹೋಗಿದೆ ಎಂದು ತಿಳಿಯಲು ಪ್ರಯತ್ನಿಸಿ. ನಿಮ್ಮದೇ ಬ್ಯಾಂಕಿನ ಶಾಖೆಯಲ್ಲಿ ಈ ತಪ್ಪು ವ್ಯವಹಾರ ನಡೆದಿದ್ದರೆ ಅದು ಸುಲಭವಾಗಿ ನಿಮ್ಮ ಖಾತೆಗೆ ಬರುತ್ತದೆ.
ಭಾರತೀಯ ರಿಸರ್ವ್ ಬ್ಯಾಂಕ್ ನಿಯಮಗಳ ಪ್ರಕಾರ, ಪಾವತಿ ಮಾಡುವಾಗ ಸರಿಯಾದ ಬೆನಿಫಿಷಿಯರ್ ಖಾತೆ ಮಾಹಿತಿಯನ್ನು ಒದಗಿಸುವ ಜವಾಬ್ದಾರಿ ರೆಮಿಟರ್ ಮೇಲಿದೆ. ಇದರರ್ಥ ಒಮ್ಮೆ ವರ್ಗಾವಣೆ ಮಾಡಿದ ನಂತರ, ಬೆನಿಫಿಷಿಯರನಿಂದ ಅನುಮೋದನೆಯಿಲ್ಲದೆ ಅದನ್ನು ಹಿಂತಿರುಗಿಸುವುದು ಅಸಾಧ್ಯ. ಇದಕ್ಕಾಗಿಯೇ ಬಳಕೆದಾರರು ವಹಿವಾಟು ನಡೆಸುವ ಮೊದಲು ಕನಿಷ್ಠ ಎರಡು ಬಾರಿ ಫಲಾನುಭವಿ ವಿವರಗಳನ್ನು ಪರಿಶೀಲಿಸಬೇಕು. ಆದಾಗ್ಯೂ, ಕೆಲವು ಸಂದರ್ಭಗಳಲ್ಲಿ, ತಪ್ಪುಗಳು ಸಂಭವಿಸುತ್ತವೆ ಅಂದರೆ ಜನರು ಆಕಸ್ಮಿಕವಾಗಿ ಹಣವನ್ನು ಕಳೆದುಕೊಳ್ಳಬಹುದು.
ಬ್ಯಾಂಕ್ ಮತ್ತು ಇತರ ಬ್ಯಾಂಕುಗಳೊಂದಿಗೆ (ಅನ್ವಯಿಸಿದರೆ) ಮತ್ತು ವಹಿವಾಟಿಗೆ ಸಂಬಂಧಿಸಿದ ಎಲ್ಲಾ ಚಟುವಟಿಕೆಯೊಂದಿಗೆ ನಿಮ್ಮ ಎಲ್ಲಾ ಸಂವಹನದ ಸರಿಯಾದ ಲಾಗ್ ಅನ್ನು ನಿರ್ವಹಿಸುವುದು ಮುಖ್ಯವಾಗಿದೆ. ಸ್ವೀಕರಿಸುವವರು ಹಣವನ್ನು ಮರಳಿ ವರ್ಗಾಯಿಸಲು ನಿರಾಕರಿಸಿದರೆ, ನೀವು ಸಮಯ ಮತ್ತು ಶ್ರಮವನ್ನು ತೆಗೆದುಕೊಳ್ಳುವ ಕಾನೂನು ಮಾರ್ಗವನ್ನು ಅನುಸರಿಸಬೇಕಾಗಬಹುದು.
ಹೌದು, ನಿಮ್ಮ ಹಣವನ್ನು ಮರಳಿ ಪಡೆಯುವ ಇನ್ನೊಂದು ಮಾರ್ಗವೆಂದರೆ ಕಾನೂನು ಮಾರ್ಗ. ನೀವು ತಪ್ಪಾಗಿ ಹಣ ವರ್ಗಾವಣೆ ಮಾಡಿದ ವ್ಯಕ್ತಿ ಒಂದು ವೇಳೆ ನಿಮ್ಮ ಹಣವನ್ನು ಹಿಂದಿರುಗಿಸಲು ಒಪ್ಪದೇ ಇದ್ದರೆ, ನೀವು ಅವರ ವಿರುದ್ಧ ನ್ಯಾಯಾಲಯದಲ್ಲಿ ಪ್ರಕರಣವನ್ನು ಸಹ ದಾಖಲಿಸಬಹುದು. ಆದರೆ, ಹಣವನ್ನು ಮರುಪಾವತಿಸದಿದ್ದಲ್ಲಿ, ಈ ಹಕ್ಕು ರಿಸರ್ವ್ ಬ್ಯಾಂಕ್ ನಿಯಮಗಳನ್ನು ಉಲ್ಲಂಘಿಸಿದ ಹಿನ್ನೆಲೆಯಲ್ಲಿರುತ್ತದೆ.
Redmi Note 11 Series: ಅಬ್ಬಾ… ಎಂಥಾ ಫೀಚರ್ಸ್: ರೆಡ್ಮಿ ನೋಟ್ನಲ್ಲಿ 11ನೇ ಸರಣಿಯ ಫೋನ್ ಲಾಂಚ್ಗೆ ಡೇಟ್ ಫಿಕ್ಸ್
Oppo A56 5G: ಮಾರುಕಟ್ಟೆಗೆ ಲಗ್ಗೆಯಿಟ್ಟ ಬಲಿಷ್ಠ ಬ್ಯಾಟರಿ, ಭರ್ಜರಿ ಕ್ಯಾಮೆರಾದ ಒಪ್ಪೋ A56 5G ಸ್ಮಾರ್ಟ್ಫೋನ್
(money sent to wrong account: Here is what you can do if you initiated a money transfer to the wrong bank account)
