ಬರೋಬ್ಬರಿ 240W ಫಾಸ್ಟ್ ಚಾರ್ಜಿಂಗ್: ರಿಲೀಸ್ ಆಯಿತು ರಿಯಲ್ ಮಿ GT 5 ಸ್ಮಾರ್ಟ್​ಫೋನ್

ಪ್ರಸಿದ್ಧ ರಿಯಲ್ ಮಿ ಕಂಪನಿಯ ಸ್ಮಾರ್ಟ್​ಫೋನ್​ಗಳಿಗೆ ಈಗ ಭರ್ಜರಿ ಬೇಡಿಕೆ ಸೃಷ್ಟಿಯಾಗಿದೆ. ಬಲಿಷ್ಠ ಪ್ರೊಸೆಸರ್, ಫಾಸ್ಟ್ ಚಾರ್ಜರ್ ಮೇಲೆ ಹೆಚ್ಚು ಗಮನವಿಟ್ಟು ಆಕರ್ಷಕ ಮೊಬೈಲ್ ಅನ್ನು ಪರಿಚಯಿಸುತ್ತಿರುವ ರಿಯಲ್ ಮಿ ಇದೀಗ ತನ್ನ GT ಸರಣಿಯ ಅಡಿಯಲ್ಲಿ ನೂತನವಾದ ರಿಯಲ್ ಮಿ GT 5 (Realme GT 5) ಸ್ಮಾರ್ಟ್​ಫೋನನ್ನು ರಿಲೀಸ್ ಮಾಡಿದೆ. ಈ ಹ್ಯಾಂಡ್‌ಸೆಟ್ ಸ್ನಾಪ್‌ಡ್ರಾಗನ್ 8 Gen 2 ಚಿಪ್‌ಸೆಟ್‌ನಿಂದ ಚಾಲಿತವಾಗಿದೆ. ಬರೋಬ್ಬರಿ 240W ಫಾಸ್ಟ್ ಚಾರ್ಜಿಂಗ್ ನೀಡಲಾಗಿದ್ದು, 24GB ಯ RAM ಆಯ್ಕೆ ಕೂಡ ಇದೆ. ಈ ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.

ರಿಯಲ್ ಮಿ GT 5 ಬೆಲೆ, ಲಭ್ಯತೆ:

ರಿಯಲ್ ಮಿ GT 5 ಸ್ಮಾರ್ಟ್​ಫೋನ್ ಸದ್ಯಕ್ಕೆ ಮೂರು ಸ್ಟೋರೇಜ್ ಆಯ್ಕೆಯಲ್ಲಿ ಚೀನಾದಲ್ಲಿ ಅನಾವರಣಗೊಂಡಿದೆ. ಇದರ 12GB RAM ಮತ್ತು 256GB ಸಂಗ್ರಹಕ್ಕೆ CNY 2,999. 16GB + 512GB ಸ್ಟೋರೇಜ್ ಕಾನ್ಫಿಗರೇಶನ್​ಗೆ CNY 3,299. ಅಂತೆಯೆ 24GB RAM + 1TB ಸ್ಟೋರೇಜ್ ಆಯ್ಕೆಗೆ CNY 3,799 ನಿಗದಿ ಮಾಡಲಾಗಿದೆ. ಈ ಹ್ಯಾಂಡ್‌ಸೆಟ್ ಫ್ಲೋಯಿಂಗ್ ಸಿಲ್ವರ್ ಇಲ್ಯೂಷನ್ ಮಿರರ್ ಮತ್ತು ಸ್ಟಾರ್ರಿ ಓಯಸಿಸ್ (ಚೀನೀ ಭಾಷೆಯಿಂದ ಅನುವಾದಿಸಲಾಗಿದೆ) ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ. ಸೆಪ್ಟೆಂಬರ್ 4 ರಿಂದ ಕಂಪನಿಯ ಆನ್‌ಲೈನ್ ಸ್ಟೋರ್ ಮೂಲಕ ಚೀನಾದಲ್ಲಿ ಮಾರಾಟವಾಗಲಿದೆ.

ರಿಯಲ್ ಮಿ GT 5 ಫೀಚರ್ಸ್:

ಡ್ಯುಯಲ್-ಸಿಮ್ (ನ್ಯಾನೋ) ರಿಯಲ್ ಮಿ GT 5 ಆಂಡ್ರಾಯ್ಡ್ 13 ಆಧಾರಿತ ರಿಯಲ್ ಮಿ UI 4 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು 6.74-ಇಂಚಿನ ಪೂರ್ಣ-HD+ (1,240×2,772 ಪಿಕ್ಸೆಲ್‌ಗಳು) ಡಿಸ್‌ಪ್ಲೇ, 144Hz ರಿಫ್ರೆಶ್ ರೇಟ್ ಮತ್ತು 93.7 ಪ್ರತಿಶತ ಸ್ಕ್ರೀನ್-ಟು-ಬಾಡಿ ಅನುಪಾತ ಹೊಂದಿದೆ. ಈ ಹ್ಯಾಂಡ್‌ಸೆಟ್ ಸ್ನಾಪ್‌ಡ್ರಾಗನ್ 8 Gen 2 SoC ಯಿಂದ 24GB ವರೆಗಿನ LPDDR5X RAM ನೊಂದಿಗೆ ಜೋಡಿಸಲ್ಪಟ್ಟಿದೆ.

ಇದನ್ನೂ ಓದಿ

ಟೆಕ್ನೋ ಕ್ಯಾಮನ್ 20 ಆರ್ಟ್ ಎಡಿಷನ್ ಬಿಡುಗಡೆ: ಈ ಫೋನ್ ಡಿಸೈನ್ ನೋಡಿದ್ರೆ ಫಿದಾ ಆಗ್ತೀರ

E Aadhaar Card: ಡಿಜಿಟಲ್ ಇ ಆಧಾರ್ ಕಾರ್ಡ್ ಡೌನ್​ಲೋಡ್ ಮಾಡಲು ಸಿಂಪಲ್ ಟಿಪ್ಸ್

ವಿದೇಶದಲ್ಲಿ ಧೂಳೆಬ್ಬಿಸುತ್ತಿರುವ ರೆಡ್ಮಿ K60 ಆಲ್ಟ್ರಾ ಭಾರತದಲ್ಲಿ ಯಾವಾಗ ಬಿಡುಗಡೆ?

Hotel Room: ಹೋಟೆಲ್​ನಲ್ಲಿ ಇರಬಹುದು ಗುಪ್ತ ಕ್ಯಾಮೆರಾ.. ಎಚ್ಚರಿಕೆ!!

ಕೇವಲ 999 ರೂ. ವಿನ ಜಿಯೋ ಭಾರತ್ 4G ಫೋನ್ ಇದೀಗ ಖರೀದಿಗೆ ಲಭ್ಯ

ಈ ಸ್ಮಾರ್ಟ್​ಫೋನ್​ನಲ್ಲಿ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಇದೆ. 50-ಮೆಗಾಪಿಕ್ಸೆಲ್​ನ ಮುಖ್ಯ ಕ್ಯಾಮೆರಾ ಸೋನಿ IMX890 ಸಂವೇದಕ ಮತ್ತು f/1.88 ಅಪರ್ಚರ್ ರೇಟ್​ನೊಂದಿಗೆ ನೀಡಲಾಗಿದೆ. 112-ಡಿಗ್ರಿ ಫೀಲ್ಡ್ ಆಫ್ ವ್ಯೂ ಮತ್ತು f/2 ಜೊತೆಗೆ 8-ಮೆಗಾಪಿಕ್ಸೆಲ್ ವೈಡ್-ಆಂಗಲ್ ಕ್ಯಾಮೆರಾ ಮತ್ತು 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾ ಆಯ್ಕೆ ಇದೆ. ಸೆಲ್ಫಿ ಮತ್ತು ವಿಡಿಯೋ ಚಾಟ್‌ಗಳಿಗಾಗಿ ಮುಂಭಾಗ ಸ್ಯಾಮ್‌ಸಂಗ್ S5K3P9 ಸಂವೇದಕ ಮತ್ತು f/2.45 ದ್ಯುತಿರಂಧ್ರದೊಂದಿಗೆ 16-ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.

ರಿಯಲ್ ಮಿ GT 5 ಫೋನ್ ಎರಡು ಬ್ಯಾಟರಿ ಚಾರ್ಜಿಂಗ್ ಕಾನ್ಫಿಗರೇಶನ್‌ಗಳಲ್ಲಿ ಲಭ್ಯವಿದೆ. 150W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,240mAh ಬ್ಯಾಟರಿ ಮತ್ತು 240W ವೇಗದ ಚಾರ್ಜಿಂಗ್‌ನೊಂದಿಗೆ 4,600mAh ಬ್ಯಾಟರಿ ಆಯ್ಕೆ ಇದೆ. 240W ವೇಗದ ಚಾರ್ಜಿಂಗ್‌ ಆಯ್ಕೆ 24GB RAM + 1TB ಸ್ಟೋರೇಜ್​ಗೆ ಮಾತ್ರ ಲಭ್ಯವಿದೆ. ಕನೆಕ್ಟಿವಿಟಿ ಆಯ್ಕೆಯಲ್ಲಿ 5G, 4G LTE, Wi-Fi 7, ಬ್ಲೂಟೂತ್ 5.3, NFC, GPS, A-GPS ಒಳಗೊಂಡಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ