Video: ಮೇ ತಿಂಗಳ ಖರ್ಚು ವೆಚ್ಚ ರಿವೀಲ್ ಮಾಡಿದ ಬೆಂಗಳೂರಿನ ಸಾಫ್ಟ್ವೇರ್ ಇಂಜಿನಿಯರ್
ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ನೆಲೆಸಿರುವ ಅನೇಕರು ತಮ್ಮ ತಿಂಗಳ ಖರ್ಚು ವೆಚ್ಚಗಳ ಬಗ್ಗೆ ಪೋಸ್ಟ್ ಹಂಚಿಕೊಳ್ಳುವುದು ಕಾಮನ್ ಆಗಿ ಬಿಟ್ಟಿದೆ. ಇದೀಗ ಬೆಂಗಳೂರಿನ ಮಹಿಳೆಯೊಬ್ಬರು ತಮ್ಮ ಮಾಸಿಕ ಖರ್ಚು ವೆಚ್ಚಗಳ ವಿವರವಾದ ಮಾಹಿತಿ ಹಂಚಿಕೊಂಡಿದ್ದಾರೆ. ಇದರಲ್ಲಿ ಮೇ ತಿಂಗಳಲ್ಲಿಯೇ 71,000 ರೂ ಖರ್ಚು ಮಾಡಿರುವುದಾಗಿ ಬಹಿರಂಗಪಡಿಸಿದ್ದಾರೆ. ಈ ಪೋಸ್ಟ್ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
Updated on: Jun 30, 2026 | 11:01 AM
ಬೆಂಗಳೂರು, ಜೂನ್ 30: ಇಂದಿನ ದುಬಾರಿ ದುನಿಯಾದಲ್ಲಿ ಎಷ್ಟೇ ದುಡಿದರೂ ಜೀವನ ನಿರ್ವಹಣೆ ಅಷ್ಟೊಂದು ಸುಲಭವಲ್ಲ. ಇನ್ನೊಂದೆಡೆ ದುಡಿಮೆ ಕಡಿಮೆಯಾಗಿದೆ ಖರ್ಚು ಡಬಲ್ ಆಗಿದೆ. ಲೈಫ್ ಎಂಜಾಯ್ ಮಾಡ್ತಾ ಖರ್ಚಿಗೆ ಕಡಿವಾಣ ಹಾಕುವುದನ್ನು ಹೆಚ್ಚಿನವರು ಮರತೇ ಬಿಟ್ಟಿದ್ದಾರೆ. ಹೈ ಫೈವ್ ಜೀವನಕ್ಕೆ ಒಗ್ಗಿಕೊಂಡು ಹಣವನ್ನು ನೀರಿನಂತೆ ಖರ್ಚು ಮಾಡುತ್ತಿದ್ದಾರೆ. ಇದೀಗ ಬೆಂಗಳೂರು (Bengaluru) ಮೂಲದ ಸಾಫ್ಟ್ವೇರ್ ಇಂಜಿನಿಯರ್ ಒಬ್ಬರು, ಮೇ ತಿಂಗಳಿನಲ್ಲಿ 71,000 ರೂ ಖರ್ಚು ಮಾಡಿರುವುದಾಗಿ ಹೇಳಿಕೊಂಡಿದ್ದಾರೆ. ಮನೆ ಬಾಡಿಗೆ 28,000 ರೂ ಹಾಗೂ ವೀಕೆಂಡ್ ಟ್ರಿಪ್ ಗೆ 20,000 ರೂ ಬೇಕಂತೆ. ಈ ಮಹಿಳೆ ಪೋಸ್ಟ್ ಸದ್ಯ ನೆಟ್ಟಿಗರನ್ನು ಹುಬ್ಬೇರಿಸುವಂತೆ ಮಾಡಿದೆ.
ಅಂಜಲಿ (@anjaliclickss) ಎಂಬುವವರು ತಮ್ಮ ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ ತನ್ನನ್ನು ಬೆಂಗಳೂರಿನಲ್ಲಿ ವಾಸಿಸುವ ಕಾರ್ಪೊರೇಟ್ ಹುಡುಗಿ ಎಂದು ಹೇಳಿಕೊಂಡಿದ್ದಾರೆ. ಮಾಸಿಕ ಬಜೆಟ್ನ ವಿವರವಾದ ಮಾಹಿತಿ ಹಂಚಿಕೊಂಡಿರುವುದನ್ನು ಕಾಣಬಹುದು.
ವೈರಲ್ ವಿಡಿಯೋ ಇಲ್ಲಿದೆ
View this post on Instagram
ಬೆಂಗಳೂರಿನಂತಹ ದೊಡ್ಡ ನಗರದಲ್ಲಿ ಸುಮಾರು 71,000 ರೂ ಖರ್ಚು ಮಾಡುವುದು ದುರ್ಬಲರಾಗಲು, ಆದರೆ ಇದು ಕೆಟ್ಟದ್ದಲ್ಲ ಎಂದಿದ್ದಾರೆ. 1BHK ಅಪಾರ್ಟ್ಮೆಂಟ್ನ ಬಾಡಿಗೆ ಹಾಗೂ ನಿರ್ವಹಣೆಯೇ ತನ್ನ ಅತಿದೊಡ್ಡ ಖರ್ಚು ಎಂದು ಬಹಿರಂಗಪಡಿಸಿದ್ದಾರೆ, ಇದು ಮನೆ ಬಾಡಿಗೆ ತಿಂಗಳಿಗೆ 28,000 ರೂ ನೀರು ಹಾಗೂ ವಿದ್ಯುತ್ಗಾಗಿ 1,000 ರೂ ಖರ್ಚು ಮಾಡುತ್ತೇನೆ. ಅಡುಗೆಯವರಿಗೆ 3,000 ರೂ ಪಾವತಿಸುತ್ತೇನೆ, ಆದರೆ ದಿನಸಿ ವಸ್ತುಗಳಿಗೆ 3,000 ರಿಂದ 4,000 ರೂ ಬೇಕಾಗುತ್ತದೆ ಎಂದು ಹೇಳಿದ್ದಾರೆ.
ಆಫೀಸ್ ಕ್ಯಾಬ್ ಸೇವೆಗಳು ಫ್ರೀ ಇರುವುದರಿಂದ ಸಾರಿಗೆ ವೆಚ್ಚಗಳು ಅಷ್ಟೇನು ಇರಲ್ಲ. ಜಿಮ್ ಸದಸ್ಯತ್ವ, ವೈ-ಫೈ, ಆರ್ಒ ನೀರಿನ ವೆಚ್ಚ, ಮತ್ತು ಚಂದಾದಾರಿಕೆ ಸೇರಿ ಪ್ರತಿ ತಿಂಗಳು ಸುಮಾರು 3,000 ರೂ ಖರ್ಚಾಗುತ್ತದೆ. ತಿಂಗಳಿಗೆ 12,000 ರೂ ರಿಂದ 15,000 ರೂವರೆಗೆ ಊಟ, ವಾರಾಂತ್ಯದ ಚಟುವಟಿಕೆಗಳು, ಶಾಪಿಂಗ್ಗಾಗಿ ಖರ್ಚು ಮಾಡುತ್ತೇನೆ. ಬೆಂಗಳೂರಿನಿಂದ ಮೂರು ನಾಲ್ಕು ದಿನ ಟ್ರಿಪ್ ಗೆ ತೆರಳುತ್ತೇನೆ. ಹೀಗಾಗಿ ಮಾಸಿಕ ವೆಚ್ಚಗಳಿಗೆ ಹೆಚ್ಚುವರಿಯಾಗಿ 15,000 ರೂ ರಿಂದ 20,000 ರೂ ಬೇಕಾಗುತ್ತದೆ. ಹೀಗಾಗಿ ಎಲ್ಲಾ ಖರ್ಚು ವೆಚ್ಚಗಳನ್ನು ಒಟ್ಟು ಸೇರಿಸಿದರೆ ಮೇ ತಿಂಗಳ ವೆಚ್ಚ 71,000 ರೂ ಎಂದು ರಿವೀಲ್ ಮಾಡಿದ್ದಾರೆ.
ಇದನ್ನೂ ಓದಿ: ತಿಂಗಳ ಸಂಬಳ 3.5 ಲಕ್ಷ ರೂಯಿದ್ರೂ ಉಳಿತಾಯ ಮಾತ್ರ ಶೂನ್ಯ; ಬೆಂಗಳೂರಿನ ವ್ಯಕ್ತಿ ಹೀಗೆಂದಿದ್ದೇಕೆ?
ಈ ಪೋಸ್ಟ್ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ನೀವು ನಿಷ್ಪ್ರಯೋಜಕ ಖರ್ಚುಗಳಿಗೆ ಕಡಿವಾಣ ಹಾಕಿ ಎಂದು ಸಲಹೆ ನೀಡಿದ್ದಾರೆ. ಇನ್ನೊಬ್ಬರು, ಈ ಮಹಿಳೆಯ ತಿಂಗಳ ಖರ್ಚು ಬೆಂಗಳೂರಿನ ಹೆಚ್ಚಿನ ಜನರ ಸಂಬಳಕ್ಕೆ ಸಮಾನವಾಗಿದೆ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಬೆಂಗಳೂರಿನಲ್ಲಿ ತಿಂಗಳಿಗೆ 71 ಸಾವಿರ ರೂ ಖರ್ಚು? ಆದರೆ ನಾನು ತಿಂಗಳಿಗೆ 10 ರೂ ಸಾವಿರದಲ್ಲಿ ಇದ್ದೇನೆ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
