Video: ಪಾಟ್ನಾ ಏರ್ಪೋರ್ಟ್ನಲ್ಲಿ ಹಾವು-ಮುಂಗುಸಿ ಕಾಳಗ; ವೈರಲ್ ಆಯ್ತು ರೋಚಕ ವಿಡಿಯೋ
ಹೇಳಿ ಕೇಳಿ ಹಾವು ಮತ್ತು ಮುಂಗುಸಿ ಬದ್ಧ ವೈರಿಗಳು. ಈ ಎರಡು ಜೀವಿಗಳು ಪರಸ್ಪರ ಎದುರು ಬದುರಾದರೆ ಅಲ್ಲಿ ರಣ ರೋಚಕ ಕಾದಾಟವೇ ನಡೆಯುತ್ತವೆ. ಹಾವು-ಮುಂಗುಸಿಗಳ ಮಧ್ಯೆ ನಡೆಯುವ ಘನಘೋರ ಕಾಳಗದ ವಿಡಿಯೋ ದೃಶ್ಯಾವಳಿಗಳು ಸೋಷಿಯಲ್ ಮೀಡಿಯಾದಲ್ಲಿ ಆಗಾಗ್ಗೆ ಕಾಣಸಿಗುತ್ತವೆ. ಇದೀಗ ಅಂತಹದ್ದೇ ವಿಡಿಯೋವೊಂದು ವೈರಲ್ ಆಗಿದ್ದು, ಏರ್ಪೋರ್ಟ್ನ ರನ್ ವೇ ಯಲ್ಲಿ ಮೂರು ಮುಂಗುಸಿಗಳು ಒಬ್ಬಂಟಿ ಹಾವಿನ ಜೊತೆ ಕಾಳಗಕ್ಕೆ ಇಳಿದಿವೆ. ಈ ವಿಡಿಯೋ ಇದೀಗ ನೆಟ್ಟಿಗರ ಗಮನ ಸೆಳೆಯುತ್ತಿದೆ
Updated on: Aug 12, 2024 | 12:01 PM
ಹಾವು ಮತ್ತು ಮುಂಗುಸಿಯನ್ನು ಆ ಜನ್ಮದ ಶತ್ರುಗಳೆಂದೇ ಹೇಳಬಹುದು. ಈ ಉಭಯ ಜೀವಿಗಳು ಯಾವುದೇ ಕ್ಷಣದಲ್ಲೂ ಎದುರು ಬದುರಾದರೆ ಅಲ್ಲೊಂದು ಘನಘೋರ ಯುದ್ಧ ನಡೆಯುವುದಂತೂ ಪಕ್ಕ. ಇವುಗಳ ನಡುವಿನ ಕಾಳಗವೇ ಬಲು ರೋಚಕ. ಈ ಪರಮ ಶತ್ರುಗಳ ನಡುವಿನ ರೋಚಕ ಕಾಳಗದ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಆಗಾಗ್ಗೆ ಹರಿದಾಡುತ್ತಿರುತ್ತವೆ. ಇದೀಗ ಅಂತಹದ್ದೇ ವಿಡಿಯೋವೊಂದು ವೈರಲ್ ಆಗಿದ್ದು, ಏರ್ಪೋರ್ಟ್ನ ರನ್ವೇಯಲ್ಲಿಯೇ ಮೂರು ಮುಂಗುಸಿಗಳು ಒಬ್ಬಂಟಿ ಹಾವಿನ ಜೊತೆಗೆ ಕಾಳಗಕ್ಕೆ ಇಳಿದಿವೆ. ಈ ವಿಡಿಯೋ ಇದೀಗ ನೋಡುಗ ಗಮನ ಸೆಳೆಯುತ್ತಿದೆ
ಈ ಘಟನೆ ಪಾಟ್ನಾ ಏರ್ಪೋರ್ಟ್ನಲ್ಲಿ ನಡೆದಿದ್ದು, ಹಾವು ಮತ್ತು ಮುಂಗುಸಿ ಏರ್ಪೋರ್ಟ್ನ ರನ್ವೇಯಲ್ಲಿಯೇ ಕಾದಾಟಕ್ಕೆ ಇಳಿದಿವೆ. ಒಬ್ಬಂಟಿ ಹಾವನ್ನು ಸುತ್ತುವರಿದ ಮೂರು ಮುಂಗುಸಿಗಳು ಏರ್ಪೋರ್ಟ್ನ ರನ್ವೇಯನ್ನು ಯುದ್ಧ ಭೂಮಿಯನ್ನಾಗಿ ಮಾಡಿದೆ. ಈ ಕುರಿತ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ
बिहार के राजनिति के तरह पटना एयरपोर्ट पर सांप और नेवला का खेल जारी है।।। pic.twitter.com/AeQjZVcAjY
— हमारा समाज (@HamaraSamajj) August 11, 2024
NDTV ತನ್ನ ಅಧೀಕೃತ ಎಕ್ಸ್ ಖಾತೆಯಲ್ಲಿ ಈ ಕುರಿತ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದು, “ಪಾಟ್ನಾ ಏರ್ಪೋರ್ಟ್ ರನ್ವೇಯಲ್ಲಿ ಹಾವು Vs ಮೂರು ಮುಂಗುಸಿಗಳ ಫೈಟ್” ಎಂಬ ಶೀರ್ಷಿಕೆಯನ್ನು ಬರೆಯಲಾಗಿದೆ. ವೈರಲ್ ವಿಡಿಯೋದಲ್ಲಿ ಹಾವಿನ ಮೇಲೆ ಮೂರು ಮುಂಗುಸಿಗಳು ಅಟ್ಯಾಕ್ ಮಾಡುವುದನ್ನು ಕಾಣಬಹುದು. ಪಾಟ್ನಾ ಏರ್ಪೋರ್ಟ್ ರನ್ವೇಯಲ್ಲಿ ತನ್ನ ಪಾಡಿಗೆ ಹೋಗುತ್ತಿದ್ದ ಹಾವಿನ ಮೇಲೆ ಮೂರು ಮುಂಗುಸಿಗಳು ಒಟ್ಟಾಗಿ ಅಟ್ಯಾಕ್ ಮಾಡುತ್ತವೆ. ನಾನು ಕೂಡಾ ನಿಮಗೇನು ಕಮ್ಮಿಯಿಲ್ಲ, ಒಬ್ಬಂಟಿಯಾಗಿ ಹೋರಾಡಬಲ್ಲೇ ಎನ್ನುತ್ತಾ ಹಾವು ಕೂಡಾ ಮುಂಗುಸಿಗಳಿಗೆ ಸಖತ್ ಫೈಟ್ ಕೊಟ್ಟಿದೆ.
ಇದನ್ನೂ ಓದಿ; ಇದೆಂಥಾ ಅವಸ್ಥೆ ಮಾರ್ರೆ… ಮೊಟ್ರೋದಲ್ಲಿ ಇಸ್ಪೀಟ್ ಆಡುತ್ತಾ ಕುಳಿತ ಪ್ರಯಾಣಿಕರು; ವೈರಲ್ ಆಯ್ತು ವಿಡಿಯೋ
ಇಂದು ಮುಂಜಾನೆ ಹಂಚಿಕೊಳ್ಳಲಾದ ಈ ವಿಡಿಯೋ 30 ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼವಾವ್ ಈ ಫೈಟ್ ತುಂಬಾ ರೋಚಕವಾಗಿದೆʼ ಎಂಬ ಕಾಮೆಂಟ್ ಬರೆದುಕೊಂಡಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಅಬ್ಬಬ್ಬಾ ನಿರ್ಭೀತ ಜೀವಿಗಳುʼ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
