ಟ್ವಿಟ್ಟರ್ ಹೊಸ ಮುಂದುವರಿದ ಸರ್ಚ್ ಫಿಲ್ಟರ್ಸ್ ಬಳಕೆದಾರರಿಗೆ ಕೊವಿಡ್ ಮೂಲಗಳನ್ನು ಶೀಘ್ರವಾಗಿ ತಲುಪಲು ನೆರವಾಗುತ್ತದೆ

ಕೊವಿಡ್-19 ಸಾಂಕ್ರಾಮಿಕ ಪಿಡುಗು ಜನರನ್ನು ಅಲ್ಲೋಲ ಕಲ್ಲೋಲಗೊಳಿಸುತ್ತಿರುವ ಪ್ರಸ್ತುತ ಸ್ಥಿತಿಯಲ್ಲಿ ವೈದ್ಯಕೀಯ ನೆರವು ಪಡೆಯಲು ಪರದಾಡುತ್ತಿರುವ ಜನರಿಗೆ ನೆರವಾಗಲು ಟ್ಚಿಟ್ಟರ್​ ಇಂಡಿಯಾ ಕೆಲವು ಸುಧಾರಿತ ಮತ್ತು ಮುಂದುವರಿದ ಸರ್ಚ್ ಫೀಚರ್​ಗಳನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಒದಗಿಸುತ್ತಿದೆ. ಭಾರತದ ಹಲವಾರು ರಾಜ್ಯಗಳಲ್ಲಿ ಮಹಾಮಾರಿಯ ಎರಡನೇ ಅಲೆ ದಿನೇದಿನೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಜನರು ನೆರವಿಗಾಗಿ ಟ್ವಿಟ್ಟರ್, ಇನ್​ಸ್ಟಾಗ್ರಾಮ್​ನಂಥ ವೇದಿಕೆಗಳ ಮೊರೆಹೊಕ್ಕು, ಆಸ್ಪತ್ರೆಗಳಲ್ಲಿ ಬೆಡ್​ಗಳ ಲಭ್ಯತೆ, ಆಮ್ಲಜನಕ ಸಿಲಿಂಡರ್​ಗಳು, ರೆಮಿಡೆಸಿವಿರ್​ನಂಥ ಔಷಧಗಳ ಬಗ್ಗೆ ವಿಚಾರಿಸುತ್ತಿದ್ದಾರೆ.

All across the country, people are using Twitter to find the latest information and access to resources right now. As this people’s movement unfolds, we wanted to remind you of some of the features that could help you find what you’re looking for faster #Covid19IndiaHelp ?

— Twitter India (@TwitterIndia) April 23, 2021

ಟ್ವಿಟ್ಟರ್​ ಹೊಸದಾಗಿ ವಿನ್ಯಾಸಗೊಳಿಸಿರುವ ಸರ್ಚ್ ಜನರಿಗೆ ಬೇಕಿರುವ ವೈದ್ಯಕೀಯ ಅಥವಾ ಅದಕ್ಕೆ ಸಂಬಂಧಿಸಿದ ನೆರವಿನ ಟ್ವೀಟ್​ಗಳನ್ನು ಫಿಲ್ಟರ್ ಮಾಡಲು ನೆರವಾಗುತ್ತದೆ. ದೇಶದೆಲ್ಲೆಡೆ ಜನರು ತಾಜಾ ಮಾಹಿತಿಗಾಗಿ ಮತ್ತು ವೈದ್ಯಕೀಯ ಮೂಲಗಳ ಬಗ್ಗೆ ಮಾಹಿತಿ ಪಡೆಯಲು ಟ್ವಿಟ್ಟರ್​ ಅನ್ನು ಉಪಯೋಗಿಸುತ್ತಿದ್ದಾರೆ. ‘ಜನರ ಈ ಆಂದೋಲನ ಅನಾವರಣಗೊಳ್ಳುತ್ತಿರುವ ಹಾಗೆಯೇ, ನಿಮಗೆ ಬೇಕಿರುವ ಮಾಹಿತಿಯನ್ನು ಕ್ಷಿಪ್ರವಾಗಿ ನೀಡುವ ಕೆಲ ಫೀಚರ್​ಗಳನ್ನು ವಿನ್ಯಾಸಗೊಳಿಸಿದ್ದೇವೆ ಎನ್ನುವುದನ್ನು ನಿಮ್ಮ ಗಮನಕ್ಕೆ ತರಲು ನಾವು ಬಯಸುತ್ತೇವೆ,’ ಎಂದು ಟ್ವಿಟ್ಟರ್ ಇಂಡಿಯಾ ಹೇಳಿದೆ.

Advanced Search https://t.co/bW17tNg7M7 can help you filter for fields like a specific hashtag, time period, or Tweets from a particular account. pic.twitter.com/WBbhNbzHyb

— Twitter India (@TwitterIndia) April 23, 2021

ಟ್ವಿಟ್ಟರ್​ನ ಹೊಸ ಫೀಚರ್​ಗಳು ಬಳಕೆದಾರರಿಗೆ ತಾವಿರುವ ಸ್ಥಳಕ್ಕೆ ಹತ್ತಿರದಲ್ಲಿರುವ ಜನರ ಟ್ವೀಟ್​ಗಳನ್ನು ನೋಡಲು ನೆರವಾಗಿ ಸಕಾಲಕ್ಕೆ ನೆರವು ಸಿಗುವ ಸಂದರ್ಭವನ್ನು ಸೃಷ್ಟಿಸುತ್ತವೆ. ಸರ್ಚ್ ಬಾರ್ ಬಲಭಾಗಕ್ಕಿರುವ ಟಾಗಲ್​ ಗುಂಡಿಯು ‘ನೀಯರ್ ಯೂ ’ ಲೊಕೇಶನ್ ಅಡಿಯಲ್ಲಿ ತೆರೆದುಕೊಳ್ಳಲು ನೆರವಾಗುತ್ತದೆ. ಈ ಕೆಲಸಕ್ಕಾಗಿ ಬಳಕೆದಾರರು ತಮ್ಮ ಲೊಕೇಶನ್ ಆನ್​ನಲ್ಲೇ ಇಡಬೇಕಿರುವುದು ಆವಶ್ಯಕವಾಗಿದೆ.

ತೀರಾ ಇತ್ತೀಚಿನ ಅಂದರೆ ಹೊಸ ಟ್ವೀಟ್​ಗಳನ್ನು ತಮ್ಮ ಟೈಮ್​ಲೈನ್​ನ ಮೇಲ್ಭಾಗದಲ್ಲೇ ಇರುವಂತಾಗಲು ಟ್ವಿಟ್ಟರ್​ ಬಳಕೆದಾರರು ತಮ್ಮ ಹೋಮ್​ ಟೈಮ್​ಲೈನ್ ಬಲಬದಿಯ ಮೇಲ್ಭಾಗದಲ್ಲಿರುವ ಸ್ಪಾರ್ಕಲ್​ ಗುಂಡಿಯನ್ನು ಟ್ಯಾಪ್​ ಮಾಡಬೇಕು.

If you’d like to see Tweets that are close to your current location, type in a relevant hashtag in the search bar, tap the toggle button on the top right, and turn on ‘Near you’ under ‘Location’. You’ll have to turn on location settings for this to work. pic.twitter.com/BwQENGjduw

— Twitter India (@TwitterIndia) April 23, 2021

ಟ್ವಿಟ್ಟರ್ ಜಾಲತಾಣದ ಹೊಸ ಫೀಚರ್​ಗಳು ಬಳಕೆದಾರರಿಗೆ ಸಂಬಂಧಪಟ್ಟ ಮಾಹಿತಿ ಬೇಗ ಲಭ್ಯವಾಗಲು ಸಹಾಯ ಮಾಡುತ್ತಿದ್ದಾಗ್ಯೂ, ಬಳಕೆದಾರರು ಒಂದು ನಿರ್ದಿಷ್ಟ ಟ್ವೀಟ್​ನಲ್ಲಿ ಉಲ್ಲೇಖಿಸಿರುವ ಮಾಹಿತಿ ಬರಿದಾದಾಗ ಅದನ್ನು ಗುರುತಿಸಲು ನೆರವಾಗುವ ಹಾಗೆ ಮಾರ್ಕಿಂಗ್ ಫೀಚರ್ ಅನ್ನು ಒದಗಿಸುವಂತೆ ಕೇಳುತ್ತಿದ್ದಾರೆ. ಇದು ಬಳಕೆದಾರರಿಗೆ ಅದಾಗಲೇ ನಶಿಸಿರುವ ಇಲ್ಲವೇ ಮಹತ್ವ ಕಳೆದುಕೊಂಡಿರುವ ಟ್ವೀಟ್​ಗಳನ್ನು ಮತ್ತೊಮ್ಮೆ ಸಂಪರ್ಕಿಸದಂಥ ಸನ್ನಿವೇಶ ಸೃಷ್ಟಿಸಿ ಸಮಯ ಉಳಿಸುತ್ತದೆ. ಟ್ವಿಟ್ಟರ್ ಪ್ಲಾಟ್​ಫಾರ್ಮ್ ಈ ಸಲಹೆ ಅಥವಾ ಬೇಡಿಕೆಯನ್ನು ಮನ್ನಿಸುವುದೇ ಎನ್ನುವುದನ್ನು ಕಾದುನೋಡಬೇಕಿದೆ.

ಇದನ್ನೂ ಓದಿ: ಗೂಗಲ್ ಮ್ಯಾಪ್ಸ್, ಗೂಗಲ್ ಸರ್ಚ್​ನಲ್ಲಿ ಕೋವಿಡ್- 19 ಲಸಿಕೆ ಕೇಂದ್ರಗಳ ಬಗ್ಗೆ ಸಂಪೂರ್ಣ ಮಾಹಿತಿ

ಇದನ್ನೂ ಓದಿ: Health Tips During Covid Pandemic: ಕೊರೊನಾ ಕಾಲದಲ್ಲಿ ಆರೋಗ್ಯ ರಕ್ಷಣೆಗೆ 9 ಸೂತ್ರಗಳು