Viral Video : ‘ಅವನು ಹತ್ತು ಅಡಿ ಎತ್ತರದ ಅದೃಶ್ಯ ಪ್ರೇತ’

ಕೋಪಗೊಂಡ ವ್ಯಕ್ತಿಯೊಬ್ಬ ಇತ್ತೀಚೆಗೆ ಅಗೆಯುವ ಯಂತ್ರದಿಂದ ಸರೋವರದ ಬದಿಯಲ್ಲಿರುವ ಕಟ್ಟಡವನ್ನು ನಾಶಪಡಿಸುವ ವಿಡಿಯೋ ವೈರಲ್ ಆಗಿದೆ. ಕೆನಡಾದ ಕ್ಯಾಲ್ಗರಿಯೊಲ್ಲಿ ನಡೆದ ಈ ಘಟನೆಗೆ ಕಾರಣ ಅತೃಪ್ತ ಮಾಜಿ ಉದ್ಯೋಗಿ. ಆ ವ್ಯಕ್ತಿಯನ್ನು ಉದ್ಯೋಗದಿಂದ ವಜಾಗೊಳಿಸಲಾಗಿದೆ. ಘಟನಾ ಸ್ಥಳಕ್ಕೆ ಪೊಲೀಸ್ ಅಧಿಕಾರಿಗಳು ತಲುಪುವ ಮುನ್ನವೇ ಬೆಚ್ಚಿಬಿದ್ದ ನೆರೆಹೊರೆಯವರು ಕ್ಯಾಮರಾದಲ್ಲಿ ಈ ದೃಶ್ಯಾವಳಿಗಳನ್ನು ಸೆರೆ ಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ಒಂದು ಪೋಸ್ಟ್‌ನ ಶೀರ್ಷಿಕೆಯು, ‘ಇದನ್ನು ಸರಿಪಡಿಸಲು ಯಾರಿಂದಲೂ ಸಾಧ್ಯವಿಲ್ಲ. ಸರೋವರದ ಬಳಿ ಇರುವ ಈ ಕಟ್ಟಡವನ್ನು ಕೆಲಸದಿಂದ ವಜಾಗೊಂಡ ಅತೃಪ್ತ ಉದ್ಯೋಗಿಯೊಬ್ಬರು ನಾಶಪಡಿಸಿದ್ದಾರೆ’ ಎಂದಿದೆ. ಈ ವಿಡಿಯೋ ಈತನಕ ಸುಮಾರು 27,20,00 ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಹೊಂದಿದೆ. 5,000ಕ್ಕೂ ಹೆಚ್ಚು ಲೈಕ್​ ಹೊಂದಿದ್ದು, ಸಾವಿರಾರು ಜನರು ಈ ವಿಡಿಯೋ ನೋಡಿ ತಮ್ಮ ಅನಿಸಿಕೆ, ಆಲೋಚನೆಗಳನ್ನು ಹಂಚಿಕೊಂಡಿದ್ದಾರೆ.

ಒಂದು ಪೋಸ್ಟ್​ನಲ್ಲಿ, ‘ಅಂತಿಮವಾಗಿ ಕಾರ್ಮಿಕ ವರ್ಗವು ಬಲಗೊಳ್ಳಲು ಪ್ರಾರಂಭಿಸಿದೆ’ ಎಂದು ತಮಾಷೆ ಮಾಡಲಾಗಿದೆ. ‘ನೀವು ಈ ವ್ಯಕ್ತಿಯ ಬಂಧನಕ್ಕೆ ಕಾರಣವಾಗುವ ಯಾವುದೇ ಮಾಹಿತಿಯನ್ನು ಹೊಂದಿದ್ದರೆ ನೀಡಬೇಡಿ’ ಎಂದು ಇನ್ನೊಂದು ಪೋಸ್ಟ್​ನಲ್ಲಿ ಉಲ್ಲೇಖಿಸಲಾಗಿದೆ. ಮತ್ತೊಂದು ಪೋಸ್ಟ್​ನಲ್ಲಿ ‘ಅವನು ಹತ್ತು ಅಡಿ ಎತ್ತರದ ಅದೃಶ್ಯ ಪ್ರೇತ ಮತ್ತು ಟ್ರೆಂಚ್ ಕೋಟ್‌ನಲ್ಲಿರುವ ನಲವತ್ತು ಪಕ್ಷಿಗಳು ಎಂದು ನಾನು ಕೇಳಲ್ಪಟ್ಟಿದ್ದೇನೆ. ಮಾಹಿತಿಯೊಂದಿಗೆ ಟಿಪ್​ ಲೈನ್​ಗೆ ಕರೆ ಮಾಡುವುದು ಉತ್ತಮ’ ಎಂದಿದೆ.

ಇದನ್ನೂ ಓದಿ

ಆಗಾಗ ಅರುಂಧತಿ : ನನ್ನ ಶ್ರೀಮಂತ ತಂದೆತಾಯಿಯ ನೆರಳು ಸೋಕದಷ್ಟು ಸ್ವತಂತ್ರಳಾಬೇಕು

ಆಗಾಗ ಅರುಂಧತಿ: ಕಟಕರೊಟ್ಟಿ ಬೆಳ್ಳುಳ್ಳಿ ಖಾರ ಮತ್ತು ಬ್ಲ್ಯಾಕ್​ ಟೀ ಹಂಬಲ

ಆಗಾಗ ಅರುಂಧತಿ: ಮಗುವನ್ನು ಚಿವುಟುವವನು ಅವನೇ, ತೊಟ್ಟಿಲನ್ನು ತೂಗುವವನೂ ಅವನೇ

ಆಗಾಗ ಅರುಂಧತಿ: ಫೋನ್​ ಸಂಭಾಷಣೆಗೆ ತನ್ನ ಹೆಂಡತಿ ಸಾಕ್ಷಿಯಾಗಿದ್ದಾಳೆ ಎಂದು ಆ ಲಂಪಟನಿಗೆ ತಿಳಿದಿಲ್ಲ!

ಈ ಮಧ್ಯೆ ಡೈಲಿ ಸ್ಟಾರ್ ಪ್ರಕಾರ, ಆಸ್ತಿಯ ಮಾಲಿಕ ಜಿಯೋರ್ಡಿ ನ್ಯೂಲ್ಯಾಂಡ್ಸ್, ತಮ್ಮ ಕಟ್ಟಡಕ್ಕೆ ಹಾನಿಯಾದ ಬಗ್ಗೆ ದೃಢಪಡಿಸಿದ್ದಾರೆ. ಇದಕ್ಕೆ ಕಾರಣನಾದ 59 ವರ್ಷದ ವ್ಯಕ್ತಿಯನ್ನು ಬಂಧಿಸಲಾಗಿದೆ. ಈತ ಜಿಯೋರ್ಡಿಯ ಒಡೆತನದಲ್ಲಿರುವ ಈ ಕಟ್ಟಡದಲ್ಲಿ ಮಾಜಿ ಉದ್ಯೋಗಿಯಾಗಿದ್ದ. ಈತನ ಹೆಸರಲ್ಲಿ ಹಲವಾರು ಪ್ರಕರಣಗಳು ದಾಖಲಾಗಿವೆ. ಅದೃಷ್ಟವಶಾತ್ ಯಾರಿಗೂ ನೋವು ಹಾನಿ ಸಂಭವಿಸಿಲ್ಲ

You can’t make this up. A disgruntled, fired employee from a marina near our lake house snapped and destroyed the entire marina with an excavator. Does anyone have more information on what happened? #Muskoka pic.twitter.com/XcCLAVBFMy

— Don Tapscott (@dtapscott) July 27, 2022

ಆಘಾತಕಾರಿ ಘಟನೆಯಿಂದ ಜನರು ಕಂಗಾಲಾಗಿದ್ದಾರೆ. ದುರಸ್ತಿಗೆ ಲಕ್ಷಾಂತರ ವೆಚ್ಚವಾಗಬಹುದು ಎಂದು ಅಂದಾಜಿಸಲಾಗಿದೆ. ಮುಂದಿನ ದಿನಗಳಲ್ಲಿ ಆರೋಪಿಯು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುತ್ತದೆ.

Published On - 4:24 pm, Tue, 2 August 22