Viral Video : ಜಗತ್ತಿನಲ್ಲಿ ಜೇಡಗಳನ್ನು ಎಷ್ಟು ಜನ ಇಷ್ಟಪಡುತ್ತಾರೆ? ಬೆರಳೆಣಿಸುತ್ತ ಕುಳಿತುಕೊಳ್ಳಬೇಕಾಗುತ್ತದೆ. ಎಂಟು ಕಾಲಿನ ತೆವಳುವ ಈ ಜೀವ ಭಯಹುಟ್ಟಿಸುವಂಥದ್ದೇ. ಆಸ್ಟ್ರೇಲಿಯಾದಲ್ಲಿ ಜೇಡ ಮುತ್ತಿಕೊಂಡಿರುವ ಹಲವಾರು ವಿಡಿಯೋಗಳು ಈಗಾಗಲೇ ನೆಟ್ಟಿಗರ ದುಃಸ್ವಪ್ನಕ್ಕೆ ಕಾರಣವಾಗಿವೆ. ಆದರೆ ಇಲ್ಲಿರುವ ಈ ವಿಡಿಯೋ ನೋಡಿದ ನಂತರ ನಿಮಗೆ ಏನನ್ನಿಸಬಹುದು? ಟ್ವಿಟರ್ನಲ್ಲಿ ಹಂಚಿಕೊಂಡ ಈ ಕ್ಲಿಪ್ನಲ್ಲಿ ಸ್ಪೈಡರ್ ಗರ್ಲ್ ಅವತರಿಸಿ ಬಂದಿದ್ದಾಳೆ! ಗೊಂಬೆ, ಆಟಿಕೆಯನ್ನೆಲ್ಲ ದೂರ ಸರಿಸಿ, ಎಲ್ಲರೂ ಭಯಪಡುವ ಈ ಜೀವಂತ ಸ್ಪೈಡರ್ನೊಂದಿಗೆ ಲೀಲಾಜಾಲವಾಗಿ ಆಟವಾಡುತ್ತಿದ್ದಾಳೆ.
ನಿಮಗೆ ಅರಾಕ್ನೋಫೋಬಿಯಾ ಇದ್ದರೆ, ನೀವು ಈ ವಿಡಿಯೋ ನೋಡಬೇಡಿ ಮತ್ತೆ! ಹೆದರಬೇಡಿ ನಿಮ್ಮ ಮೊಬೈಲ್ ದಾಟಿ ಈ ಜೇಡ ಆಚೆ ಬರದು. ಈ ವಿಡಿಯೋ ಅನ್ನು 17,000 ಕ್ಕೂ ಜನರು ವೀಕ್ಷಿಸಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ಅನೇಕರು ಈ ಹುಡುಗಿಯ ಸುರಕ್ಷತೆ ಬಗ್ಗೆ ಗಾಬರಿಗೆ ಒಳಗಾಗಿದ್ದಾರೆ. ಆದರೂ ಕೆಲವರು, ಈ ಹುಡುಗಿ ಧೈರ್ಯಶಾಲಿ ಎಂದು ಚಪ್ಪಾಳೆ ತಟ್ಟಿದ್ದಾರೆ.
