Afghanistan: ಅಫ್ಘಾನಿಸ್ತಾನದಲ್ಲಿ ವಶಪಡಿಸಿಕೊಂಡ ಮಿಲಿಟರಿ ಸಾಮಾಗ್ರಿಗಳನ್ನು ಕಂದಹಾರ್‌ನಲ್ಲಿ ಮೆರವಣಿಗೆ ನಡೆಸಿ ಪ್ರದರ್ಶಿಸಿದ ತಾಲಿಬಾನ್

ಕಾಬೂಲ್: ದಕ್ಷಿಣ ಪ್ರಾಂತ್ಯದ ಕಂದಹಾರ್ ನಲ್ಲಿ ನಡೆದ ಮೆರವಣಿಗೆಯಲ್ಲಿ ಅಫ್ಘಾನಿಸ್ತಾನವನ್ನು ಸ್ವಾಧೀನಪಡಿಸಿಕೊಂಡಾಗ ವಶಪಡಿಸಿದ ಮಿಲಿಟರಿ ಸಾಮಾಗ್ರಿಗಳನ್ನು ತಾಲಿಬಾನ್ ಪ್ರದರ್ಶಿಸಿದೆ . ತಾಲಿಬಾನ್ ಹೋರಾಟಗಾರರು ಪಿಕಪ್ ಟ್ರಕ್‌ಗಳ ಮೇಲೆ ಕುಳಿತು, ಉಗ್ರಗಾಮಿ ಗುಂಪಿನ ಬಿಳಿ ಮತ್ತು ಕಪ್ಪು ಧ್ವಜವನ್ನು ಹಾರಿಸುತ್ತಿರುವುದು ಮತ್ತು ಶಸ್ತ್ರಸಜ್ಜಿತ ವಾಹನಗಳ ಬೆಂಗಾವಲುಗಳನ್ನು ಬೀದಿಗಳಲ್ಲಿ ಓಡಿಸುವುದನ್ನು ವಿಡಿಯೊದಲ್ಲಿ ಕಾಣಬಹುದಾಗಿದೆ.  

ಅಮೆರಿಕ ಪಡೆಗಳು ಮತ್ತು ಅದರ ನ್ಯಾಟೋ ಮಿತ್ರರಾಷ್ಟ್ರಗಳು ದೇಶದಿಂದ ಹೊರಬಂದ ನಂತರ ಅಫ್ಘಾನಿಸ್ತಾನದಾದ್ಯಂತ ಆಚರಣೆಗಳು ನಡೆಯುತ್ತಿವೆ.  ತಾಲಿಬಾನ್ ಬೆಂಬಲಿಗರು ಮಂಗಳವಾರ ಅಮೆರಿಕದ ಮತ್ತು ನ್ಯಾಟೋ ಧ್ವಜಗಳನ್ನು ಹೊದಿಸಿದ ಶವಪೆಟ್ಟಿಗೆಯನ್ನು ಕಂದಹಾರ್ ನಗರ ಖೋಸ್ಟ್‌ನಲ್ಲಿ ಮೆರವಣಿಗೆ ಮಾಡಿದರು.  ಫ್ರೆಂಚ್ ಮತ್ತು ಬ್ರಿಟಿಷ್ ಧ್ವಜಗಳಲ್ಲಿ ಮುಚ್ಚಿದ ಶವಪೆಟ್ಟಿಗೆಯನ್ನು ಬೀದಿಯಲ್ಲಿ ದೊಡ್ಡ ಜನಸಮೂಹದ ಮೂಲಕ ಒಯ್ದು ಅಣಕು ಶವಸಂಸ್ಕಾರ ನಡೆಸಿದ್ದಾರೆ.

Large Taliban military convoy in #Kandahar Victory celebrations continue after the withdrawal of US troops. A military parade and a large public gathering were held in Kandahar today pic.twitter.com/4PUOEUhGE7

— Afghanistan 24/7 (@AfghanUpdates) September 1, 2021

ದೇಶದ ಇತರ ಬೆಳವಣಿಗೆಗಳು

• ಅಮೆರಿಕ ಸೇನೆ ವಾಪಸ್ ಹೋದ ನಂತರ ತಾಲಿಬಾನ್ ಬ್ಯಾಂಕುಗಳು, ಆಸ್ಪತ್ರೆಗಳು ಮತ್ತು ಸರ್ಕಾರಿ ಕಾರ್ಯಗಳನ್ನು ನಡೆಸುವಲ್ಲಿ ಗಮನಹರಿಸಿದೆ.
• ಏರ್‌ಲಿಫ್ಟ್ ಮುಗಿದ ನಂತರ ಸಾವಿರಾರು ಜನರು  ರಾಷ್ಟ್ರದ ಗಡಿಗಳಿಗೆ ಸೇರುತ್ತಿದ್ದಾರೆ.
• ಉಳಿತಾಯವನ್ನು ಹಿಂತೆಗೆದುಕೊಳ್ಳಲು ಕಾಬೂಲ್‌ನಲ್ಲಿ ಬ್ಯಾಂಕುಗಳ ಹೊರಗೆ ಜನರ ದೀರ್ಘ ಸರತಿ ಸಾಲುಗಳನ್ನು ನಿಂತಿರುವುದು ಕಾಣಿಸಿದೆ.
• ಕಾಬೂಲ್ ಬ್ಯಾಂಕಿನ ಹೊರಗೆ ಹೋರಾಟಗಾರರು ಮಹಿಳೆಯರನ್ನು ಕೋಲುಗಳಿಂದ ಹೊಡೆಯುವುದನ್ನು ನೋಡಿರುವುದಾಗಿ ತಾಲಿಬಾನ್ ಜನರು ಹೇಳಿದ್ದಾರೆ
• ಪಾಕಿಸ್ತಾನದ ವಿದೇಶಾಂಗ ಸಚಿವರು ಕೆಲವೇ ದಿನಗಳಲ್ಲಿ ದೇಶವು ಹೊಸ “ಒಮ್ಮತದ ಸರ್ಕಾರ” ವನ್ನು ಹೊಂದುವ ನಿರೀಕ್ಷೆಯಿದೆ ಎಂದು ಹೇಳಿದರು.
• ತಾಲಿಬಾನ್ ಪಂಜಶೀರ್ ಪ್ರಾಂತ್ಯದಲ್ಲಿ ತನ್ನ ಆಡಳಿತವನ್ನು ವಿರೋಧಿಸುವ ಉಳಿದಿರುವ ಏಕೈಕ ಪ್ರಾಂತ್ಯವನ್ನು ಸುತ್ತುವರಿದಿದೆ ಮತ್ತು ಸ್ಥಳೀಯ ಸೇನಾಪಡೆಗಳು ಮತ್ತು ಪ್ರತಿರೋಧದ ಹೋರಾಟಗಾರರನ್ನು ಸಂಧಾನಕ್ಕೆ ಮಾತುಕತೆ ನಡೆಸುವಂತೆ ಕರೆ ನೀಡಿತು.
• ಈ ತಿಂಗಳು ದೇಶದಲ್ಲಿ ಆಹಾರ ದಾಸ್ತಾನು ಮುಗಿಯಬಹುದು ಎಂದು ವಿಶ್ವಸಂಸ್ಥೆ ಎಚ್ಚರಿಸಿದೆ. ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅಫ್ಘಾನಿಸ್ತಾನದಲ್ಲಿ ತನ್ನ 20 ವರ್ಷಗಳ ಮಿಲಿಟರಿ ಉಪಸ್ಥಿತಿಯಲ್ಲಿ ಅಮೆರಿಕದ ಸಾಧನೆ “ಶೂನ್ಯ” ಎಂದು ಟೀಕಿಸಿದ್ದಾರೆ.
• ಅಫ್ಘಾನಿಸ್ತಾನದ ಸರ್ಕಾರದ ಪತನ ಮತ್ತು ಸ್ಥಳಾಂತರಿಸುವಿಕೆಯು ತನ್ನದೇ ಆದ ಕ್ಷಿಪ್ರ-ಪ್ರತಿಕ್ರಿಯೆಯ ಮಿಲಿಟರಿ ಬಲದ ಗುಂಪಿನ ಅಗತ್ಯವನ್ನು ಎತ್ತಿ ತೋರಿಸಿದೆ ಎಂದು ಐರೋಪ್ಯ ಒಕ್ಕೂಟ ಹೇಳಿದೆ.
• ಅಧಿಕಾರ ವಹಿಸಿಕೊಂಡ ನಂತರ ತಾಲಿಬಾನ್ ಇನ್ನೂ ಹೊಸ ಸರ್ಕಾರವನ್ನು ಹೆಸರಿಸಿಲ್ಲ ಅಥವಾ ಅದು ಹೇಗೆ ಆಡಳಿತ ನಡೆಸಲು ಉದ್ದೇಶಿಸಿದೆ ಎಂಬುದನ್ನು ಬಹಿರಂಗಪಡಿಸಬೇಕಿದೆ.
• ಇದು ಪ್ರಸ್ತುತ ಬ್ಯಾಂಕುಗಳು, ಆಸ್ಪತ್ರೆಗಳು ಮತ್ತು ಸರ್ಕಾರಿ ಸೇವೆಗಳಂತಹ ಅಗತ್ಯ ಸೇವೆಗಳನ್ನು ನಡೆಸುವತ್ತ ಗಮನ ಹರಿಸುತ್ತಿದೆ.
• ಆದರೆ ತಾಲಿಬಾನ್ ಜೊತೆ ನಿಕಟ ಸಂಬಂಧ ಹೊಂದಿರುವ ನೆರೆಯ ಪಾಕಿಸ್ತಾನದ ವಿದೇಶಾಂಗ ಸಚಿವ ಶಾ ಮೆಹಮೂದ್ ಖುರೇಷಿ, ಅಫ್ಘಾನಿಸ್ತಾನವು ಹೊಸ “ಒಮ್ಮತದ ಸರ್ಕಾರ” ವನ್ನು ಕೆಲವೇ ದಿನಗಳಲ್ಲಿ ನಿರೀಕ್ಷಿಸುತ್ತದೆ ಎಂದು ಹೇಳಿದರು.

ತಾಲಿಬಾನ್ ನಾಯಕರು ಈ ಮಧ್ಯೆ ಅಫ್ಘನ್ನರನ್ನು ಮನೆಗೆ ಹಿಂದಿರುಗಲು ಕರೆ ನೀಡಿದರು. 1990 ರಲ್ಲಿ ಆಮೂಲಾಗ್ರ ಇಸ್ಲಾಮಿಕ್ ಕಾನೂನನ್ನು ಜಾರಿಗೊಳಿಸಿದ್ದ ತಮ್ಮ ಮೊದಲ ಸರ್ಕಾರಕ್ಕಿಂತ ಹೆಚ್ಚು ಮಧ್ಯಮ ನಿಲುವನ್ನು ಪ್ರಸ್ತುತಪಡಿಸುವ ಸ್ಪಷ್ಟವಾದ ಪ್ರಯತ್ನದಲ್ಲಿ ಮಾನವ ಹಕ್ಕುಗಳನ್ನು ರಕ್ಷಿಸುವ ಭರವಸೆ ನೀಡಿದೆ. ಅಮೆರಿಕ ನೇತೃತ್ವದ ಏರ್‌ಲಿಫ್ಟ್‌ನಲ್ಲಿ 123,000 ಕ್ಕೂ ಹೆಚ್ಚು ಜನರನ್ನು ಕಾಬೂಲ್‌ನಿಂದ ಸ್ಥಳಾಂತರಿಸಲಾಗಿದೆ ಆದರೆ ಅಪಾಯದಲ್ಲಿರುವ ಹತ್ತು ಸಾವಿರದಷ್ಟು ಅಫ್ಘಾನಿಗಳು ಈಗಲೂ ದೇಶದಲ್ಲಿದ್ದಾರೆ.

ಕಾಬೂಲ್ ವಿಮಾನ ನಿಲ್ದಾಣವು ಈಗ ಕಾರ್ಯಗತವಾಗಿಲ್ಲದ ಕಾರಣ, ಜನರು ದೇಶವನ್ನು ತೊರೆಯಲು ಸಹಾಯ ಮಾಡುವ ಖಾಸಗಿ ಪ್ರಯತ್ನಗಳು ಇರಾನ್, ಪಾಕಿಸ್ತಾನ ಮತ್ತು ಮಧ್ಯ ಏಷ್ಯಾದ ರಾಜ್ಯಗಳೊಂದಿಗಿನ ರಾಷ್ಟ್ರದ ಗಡಿಯುದ್ದಕ್ಕೂ ಸುರಕ್ಷಿತ ಮಾರ್ಗಗಳನ್ನು ಹುಡುಕುವತ್ತ ಗಮನ ಹರಿಸಿದೆ.

ಖೈಬರ್ ಪಾಸ್‌ನ ಪೂರ್ವದಲ್ಲಿ ಪಾಕಿಸ್ತಾನದ ಗಡಿಯನ್ನು ದಾಟುವ ಟೋರ್ಖಾಮ್‌ನಲ್ಲಿ “ಗೇಟ್ ತೆರೆಯಲು ಅಫ್ಘಾನಿಸ್ತಾನ ಭಾಗದಲ್ಲಿ ಹೆಚ್ಚಿನ ಜನರು ಕಾಯುತ್ತಿದ್ದಾರೆ ಎಂದು ಪಾಕಿಸ್ತಾನದ ಅಧಿಕಾರಿಯೊಬ್ಬರು ಹೇಳಿದರು

ರಾನ್ ಗಡಿಯಲ್ಲಿರುವ ಇಸ್ಲಾಂ ಕಾಲಾ ಪೋಸ್ಟ್‌ನಲ್ಲಿ ಸಾವಿರಾರು ಜನರು ಸೇರಿದ್ದರು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಅಹ್ಮದ್ ಮಸೂದ್ ನೇತೃತ್ವದಲ್ಲಿ ಪರ್ವತದ ಪಂಜ್‌ಶಿರ್‌ನಲ್ಲಿ ಹಲವಾರು ಸಾವಿರ ಸ್ಥಳೀಯ ಸೇನಾ ಸದಸ್ಯರು ಮತ್ತು ಸೇನಾ ಘಟಕಗಳ ಅವಶೇಷಗಳನ್ನು ಹಿಡಿದಿಟ್ಟುಕೊಳ್ಳಲಾಗಿದೆ. ತಾಲಿಬಾನ್ ಈ ಪ್ರತಿರೋಧ ಹೋರಾಟಗಾರರಿಗೆ ಒಂದು ಒಪ್ಪಂದದ ಬಗ್ಗೆ ಮಾತುಕತೆ ನಡೆಸಲು ಕರೆ ನೀಡಿದೆ.

ವಿಶ್ವಸಂಸ್ಥೆಯ ಸ್ಥಳೀಯ ಮಾನವೀಯ ಸಂಯೋಜಕರಾದ ರಮೀಜ್ ಅಲಕ್ಬರೋವ್, ಈ ತಿಂಗಳು ಅಫ್ಘಾನಿಸ್ತಾನದಲ್ಲಿ ಆಹಾರ ದಾಸ್ತಾನು ಮುಗಿಯಬಹುದು ಎಂದು ಎಚ್ಚರಿಸಿದ್ದಾರೆ.

ಇದನ್ನೂ ಓದಿ: ಎರಡು ದಶಕಗಳ ನಂತರ ಅಮೆರಿಕದ ಸೇನೆ ಅಫ್ಘಾನಿಸ್ತಾನದ ನೆಲ ಬಿಟ್ಟು ಸ್ವದೇಶಕ್ಕೆ ಮರಳಿತು, ಇನ್ನು ಅಲ್ಲಿ ತಾಲಿಬಾನ್ ಆಡಳಿತ

ಇದನ್ನೂ ಓದಿ: Afghanistan Crisis: ಅಫ್ಘಾನಿಸ್ತಾನದ ಗೌಪ್ಯ ಸ್ಥಳದಿಂದ ಅಮೆರಿಕನ್ನರು, ಅಫ್ಘಾನ್​ ಕಮಾಂಡೋಗಳನ್ನು ರಹಸ್ಯವಾಗಿ ಶಿಫ್ಟ್​ ಮಾಡಿದ್ದು ಹೇಗೆ?

Published On - 4:49 pm, Thu, 2 September 21