2026ರ ಏಪ್ರಿಲ್‌ನಲ್ಲಿ ಬಾಂಗ್ಲಾದೇಶದಲ್ಲಿ ಚುನಾವಣೆ; ಮುಹಮ್ಮದ್ ಯೂನಸ್ ಘೋಷಣೆ

ಢಾಕಾ, ಜೂನ್ 6: ಬಾಂಗ್ಲಾದೇಶದಲ್ಲಿ (Bangladesh Elections) ಮುಂದಿನ ರಾಷ್ಟ್ರೀಯ ಚುನಾವಣೆಯನ್ನು ಏಪ್ರಿಲ್ 2026 ರ ಮೊದಲಾರ್ಧದಲ್ಲಿ ನಡೆಸಲಾಗುವುದು ಎಂದು ಬಾಂಗ್ಲಾದೇಶದ ಮುಖ್ಯ ಸಲಹೆಗಾರ ಮುಹಮ್ಮದ್ ಯೂನಸ್ ಘೋಷಿಸಿದರು. ಈದ್-ಉಲ್-ಅಝಾ ಮುನ್ನಾದಿನದಂದು ರಾಷ್ಟ್ರೀಯವಾಗಿ ದೂರದರ್ಶನದಲ್ಲಿ ಭಾಷಣ ಮಾಡಿದ ಮುಹಮ್ಮದ್ ಯೂನಸ್, ಚುನಾವಣಾ ಆಯೋಗವು ಶೀಘ್ರದಲ್ಲೇ ವಿವರವಾದ ಮಾರ್ಗಸೂಚಿಯನ್ನು ಅನಾವರಣಗೊಳಿಸಲಿದೆ ಎಂದಿದ್ದಾರೆ.

ಮುಂಬರುವ ಚುನಾವಣೆಯು “ದೇಶದ ಇತಿಹಾಸದಲ್ಲಿ ಅತ್ಯಂತ ಮುಕ್ತ, ನ್ಯಾಯಯುತ, ಸ್ಪರ್ಧಾತ್ಮಕ ಮತ್ತು ಸ್ವೀಕಾರಾರ್ಹ” ಎಂದು ಖಚಿತಪಡಿಸಿಕೊಳ್ಳಲು ಸರ್ಕಾರವು ಎಲ್ಲಾ ರಾಜಕೀಯ ಪಕ್ಷಗಳೊಂದಿಗೆ ಸಮಾಲೋಚಿಸಿದೆ ಎಂದು ಮುಹಮ್ಮದ್ ಯೂನಸ್ ಹೇಳಿದರು. ಚುನಾವಣಾ ಸಮಯದ ಕುರಿತು ತಿಂಗಳುಗಳ ಕಾಲ ನಡೆದ ಊಹಾಪೋಹ ಮತ್ತು ರಾಜಕೀಯ ಜಗಳವನ್ನು ಈ ಘೋಷಣೆ ಕೊನೆಗೊಳಿಸಿದೆ. ಸುಧಾರಣೆಗಳ ವೇಗವನ್ನು ಅವಲಂಬಿಸಿ ಡಿಸೆಂಬರ್ 2025 ಮತ್ತು ಜೂನ್ 2026ರ ನಡುವೆ ಯಾವುದೇ ಸಮಯದಲ್ಲಿ ಚುನಾವಣೆಗಳನ್ನು ನಡೆಸಬಹುದು ಎಂದು ಮುಹಮ್ಮದ್ ಯೂನಸ್ ಈ ಹಿಂದೆ ಸೂಚಿಸಿದ್ದರು.

ಇದನ್ನೂ ಓದಿ

ವಿಮಾನಕ್ಕೆ ಹದ್ದು ಡಿಕ್ಕಿಯಾಗಿ ತುರ್ತು ಭೂಸ್ಪರ್ಶ; 175 ಪ್ರಯಾಣಿಕರು ಪಾರು

ರಷ್ಯಾದಿಂದ ಬಾಕಿ ಎಸ್-400 ಕ್ಷಿಪಣಿ ವ್ಯವಸ್ಥೆಗಳು ಭಾರತಕ್ಕೆ 2026ಕ್ಕೆ ಲಭ್ಯ

ಉಕ್ರೇನ್‌ ಡ್ರೋನ್ ದಾಳಿಯಲ್ಲಿ ಯುದ್ಧ ವಿಮಾನ ಪತನದ ಬಗ್ಗೆ ಮೌನ ಮುರಿದ ರಷ್ಯಾ

ಪಾಕಿಸ್ತಾನ ಭಿಕ್ಷಾ ಪಾತ್ರೆ ಹಿಡಿದು ದೇಶಗಳ ಸುತ್ತುತ್ತಿದೆ

I am announcing to the citizens of the country that the election will be held on any day in the first half of April 2026: Bangladesh’s Yunus pic.twitter.com/Fdr1x83kOR

— Sidhant Sibal (@sidhant) June 6, 2025

ಇದನ್ನೂ ಓದಿ: ಯೂನಸ್ ಬಾಂಗ್ಲಾದೇಶವನ್ನು ಅಮೆರಿಕಕ್ಕೆ ಮಾರುತ್ತಿದ್ದಾರೆ: ಶೇಖ್ ಹಸೀನಾ

ಬಾಂಗ್ಲಾದೇಶದ ಬಿಎನ್‌ಪಿ ಮತ್ತು ಅದರ ಮಿತ್ರಪಕ್ಷಗಳಂತಹ ವಿರೋಧ ಪಕ್ಷಗಳು ಡಿಸೆಂಬರ್ 2025ರೊಳಗೆ ಚುನಾವಣೆ ನಡೆಸಲು ಒತ್ತಾಯಿಸುತ್ತಿದ್ದವು. ಆದರೆ ಹೊಸದಾಗಿ ರೂಪುಗೊಂಡ ರಾಷ್ಟ್ರೀಯ ನಾಗರಿಕ ಪಕ್ಷ (ಎನ್‌ಸಿಪಿ) ಸುಧಾರಣೆಗಳು ಪೂರ್ಣಗೊಂಡ ನಂತರವೇ ಚುನಾವಣೆಗಳಿಗೆ ಕರೆ ನೀಡಿತು. “ವಿಶಾಲ ರಾಜಕೀಯ ಒಮ್ಮತವನ್ನು ಹೊಂದಬಹುದಾದ ನ್ಯಾಯ ಮತ್ತು ಸುಧಾರಣೆಯ ಚೌಕಟ್ಟುಗಳನ್ನು ಅಂತಿಮಗೊಳಿಸಲು ಮುಂಬರುವ ತಿಂಗಳುಗಳು ನಿರ್ಣಾಯಕವಾಗುತ್ತವೆ” ಎಂದು ಅವರು ತಮ್ಮ ಭಾಷಣದಲ್ಲಿ ಹೇಳಿದ್ದಾರೆ.

ಇದನ್ನೂ ಓದಿ: ಬಾಂಗ್ಲಾ ಮಹಿಳೆಯರನ್ನು ಮದುವೆಯಾಗಬೇಡಿ; ತನ್ನ ಪ್ರಜೆಗಳಿಗೆ ಚೀನಾ ಎಚ್ಚರಿಕೆ

ಬಾಂಗ್ಲಾದೇಶದಲ್ಲಿ ನಡೆದ ವ್ಯಾಪಕ ಪ್ರತಿಭಟನೆಗಳು ಆಗಸ್ಟ್‌ನಲ್ಲಿ ಶೇಖ್ ಹಸೀನಾ ಅವರ ರಾಜೀನಾಮೆಗೆ ಕಾರಣವಾದ ಕಾರಣ ಬಾಂಗ್ಲಾದೇಶ ಕಳೆದ ವರ್ಷ ಗಮನಾರ್ಹ ರಾಜಕೀಯ ದಂಗೆಯನ್ನು ಕಂಡಿತು. ಅವರು ಪ್ರಸ್ತುತ ಗಡಿಪಾರಾಗಿ ಭಾರತದಲ್ಲಿ ವಾಸವಾಗಿದ್ದಾರೆ. ಸರ್ಕಾರದ ಉದ್ಯೋಗ ಕೋಟಾ ವ್ಯವಸ್ಥೆಯಲ್ಲಿ ಸುಧಾರಣೆಗಳ ಬೇಡಿಕೆಗಳಿಂದ ರಾಜಕೀಯ ದಂಗೆ ಮತ್ತಷ್ಟು ಹೆಚ್ಚಾಯಿತು. ಅದು ಶೀಘ್ರವಾಗಿ ಭ್ರಷ್ಟಾಚಾರದ ವಿರುದ್ಧದ ವಿಶಾಲ ಚಳುವಳಿಯಾಗಿಯೂ ಬೆಳೆಯಿತು. ಇದರಿಂದ ಶೇಖ್ ಹಸೀನಾ ಪ್ರಧಾನಿ ಹುದ್ದೆಯಿಂದ ಕೆಳಗಿಳಿಯಬೇಕಾಯಿತು.

ಇನ್ನಷ್ಟು ಅಂತಾರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ