5 ವರ್ಷ ಮೇಲ್ಪಟ್ಟ ಎಲ್ಲಾ ಮಕ್ಕಳಿಗೆ ಕೊವಿಡ್-19 ವಿರುದ್ಧ ಲಸಿಕೆ ಹಾಕಬೇಕು: ತಜ್ಞ ಡಾ.ಫಹೀಮ್ ಯೂನಸ್

ದೆಹಲಿ: ಕೊವಿಡ್ -19 (Covid-19) ಸಾಂಕ್ರಾಮಿಕದ ಮೂರನೇ ಅಲೆಯು ಉಲ್ಬಣಗೊಳ್ಳುತ್ತಿರುವ ಸಮಯದಲ್ಲಿ ಭಾರತ ಸರ್ಕಾರವು ಮಾರಣಾಂತಿಕ ವೈರಸ್‌ನಿಂದ ರಕ್ಷಿಸುವ ಸಲುವಾಗಿ 15-18 ವರ್ಷ ವಯಸ್ಸಿನ ಮಕ್ಕಳಿಗೆ ಲಸಿಕೆ ಅಭಿಯಾನವನ್ನು(Vaccination) ಪ್ರಾರಂಭಿಸಿದೆ. ಆದಾಗ್ಯೂ, ಸಾಂಕ್ರಾಮಿಕ ರೋಗ ತಜ್ಞರು ಈಗ 5 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲಾ ಮಕ್ಕಳಿಗೆ ಸಾಧ್ಯವಾದಷ್ಟು ಬೇಗ ಚುಚ್ಚುಮದ್ದು ನೀಡಬೇಕು, ಇದು ಮರಣ ಪ್ರಮಾಣವನ್ನು ಶೇಕಡಾ 90 ರಷ್ಟು ಕಡಿಮೆ ಮಾಡುತ್ತದೆ ಎಂದು ಹೇಳಿದ್ದಾರೆ.  ಕೊವಿಡ್-19 ಲಸಿಕೆಗಳು ಮಕ್ಕಳಿಗೆ ಸುರಕ್ಷಿತ ಎಂದು ಯುನೈಟೆಡ್ ಸ್ಟೇಟ್ಸ್‌ನ ಮೇರಿಲ್ಯಾಂಡ್ ಅಪ್ಪರ್ ಚೆಸಾಪೀಕ್ ಹೆಲ್ತ್ ವಿಶ್ವವಿದ್ಯಾಲಯದ ಸಾಂಕ್ರಾಮಿಕ ರೋಗಗಳ ವಿಭಾಗದ ಮುಖ್ಯಸ್ಥ ಡಾ.ಫಹೀಮ್ ಯೂನಸ್ ಒತ್ತಿ ಹೇಳಿದ್ದಾರೆ.  “ಐದು ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳಿಗೆ ಲಸಿಕೆ ಹಾಕಬೇಕು, ಲಸಿಕೆಗಳು ಸುರಕ್ಷಿತವಾಗಿವೆ ಎಂದು ಪ್ರಸ್ತುತ ವಿಜ್ಞಾನವು ಸ್ಪಷ್ಟವಾಗಿ ಹೇಳುತ್ತದೆ ಎಂದು ನಾನು ಭಾವಿಸುತ್ತೇನೆ, ನಂತರ ಅದು ಪೂರೈಕೆ ಮತ್ತು ಬೇಡಿಕೆ ಮತ್ತು ಮೂಲಸೌಕರ್ಯಗಳ ಪ್ರಶ್ನೆಯಾಗುತ್ತದೆ. ನೀವು ಎಷ್ಟು ಬೇಗನೆ ಲಸಿಕೆಗಳನ್ನು ನೀಡಬಹುದು. ನಿಮ್ಮ ಸಮುದಾಯದಲ್ಲಿ ಲಸಿಕೆ ಹಿಂಜರಿಕೆಯ ಮಟ್ಟ ಏನು? ನೀವು ಅನಿಯಮಿತ ಪೂರೈಕೆಯನ್ನು ಹೊಂದಿದ್ದರೆ ಮತ್ತು ಯಾವುದೇ ಲಸಿಕೆ ಹಿಂಜರಿಕೆಯಿಲ್ಲದಿದ್ದರೆ, ಹೌದು, ಐದು ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲಾ ಮಕ್ಕಳಿಗೆ ಲಸಿಕೆ ಹಾಕಬೇಕು ”ಎಂದು ಡಾ ಯೂನಸ್ ಸುದ್ದಿ ಸಂಸ್ಥೆ ಎಎನ್ಐಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಹೇಳಿದರು.

#WATCH | Vaccines are helpful for children above 5 years of age and reduce 90% of COVID deaths and even more in some cases…I appeal to people to take vaccines: Dr Faheem Younus, Chief of Infectious Diseases at US’ University of Maryland Upper Chesapeake Health (18.01) pic.twitter.com/8PuF1ZcNwR

— ANI (@ANI) January 19, 2022

ಅಮೆರಿಕದಲ್ಲಿನ ಮಕ್ಕಳಲ್ಲಿ ಹೆಚ್ಚಿನ ಪ್ರಮಾಣದ ಸೋಂಕಿನ ಬಗ್ಗೆ ಕೇಳಿದಾಗ, ಶ್ವಾಸಕೋಶಗಳು ಮತ್ತು ಕೆಳಗಿನ ಶ್ವಾಸೇಂದ್ರಿಯ ಪ್ರದೇಶಗಳಿಗೆ ಹೋಲಿಸಿದರೆ ಒಮಿಕ್ರಾನ್ ರೂಪಾಂತರವು ಮೇಲ್ಭಾಗದ ಶ್ವಾಸೇಂದ್ರಿಯ ಪ್ರದೇಶವನ್ನು ಹೆಚ್ಚು ಸೋಂಕಿಸುವುದರಿಂದ, ಮೇಲ್ಭಾಗದ ಶ್ವಾಸೇಂದ್ರಿಯ ಪ್ರದೇಶವು ಇನ್ನೂ ಬೆಳವಣಿಯ ಹಂತದಲ್ಲಿದ್ದು ಇದು ಬಹು ಬೇಗನೆ ಸೋಂಕು ತಗಲುವುದಕ್ಕೆ ಕಾರಣವಾಗುತ್ತದೆ ಎಂದು ಹೇಳಿದ್ದಾರೆ.

“ಸಾಂಕ್ರಾಮಿಕ ರೋಗದ ಈ ಹಂತದಲ್ಲಿ ನಾವು ಹೆಚ್ಚಿನ ಮಕ್ಕಳು ಸೋಂಕಿತರಾಗಿರುವುದನ್ನು ನೋಡುತ್ತಿದ್ದೇವೆ, ಆದರೆ ವೈರಸ್ ಮಕ್ಕಳಿಗೆ ಹೆಚ್ಚು ಮಾರಕವಾಗಿರುವುದರಿಂದ ಅಲ್ಲ. ಏಕೆಂದರೆ ಒಟ್ಟಾರೆ ಸೋಂಕುಗಳು ಹೆಚ್ಚಿವೆ. ಒಟ್ಟು ಸಂಖ್ಯೆ ಏರಿದೆ. ನಮ್ಮ ಶಾಲೆಗಳು ತೆರೆದಿವೆ ಮತ್ತು ನಮ್ಮ ಮಕ್ಕಳಿಗೆ ಲಸಿಕೆ ಹಾಕಲಾಗಿಲ್ಲ. ಅವರು ಕೊನೆಯದಾಗಿ ಲಸಿಕೆಯನ್ನು ಪಡೆಯುತ್ತಾರೆ. ಆದ್ದರಿಂದಲೇ ನಾವು ಮಕ್ಕಳ ಪ್ರಕರಣಗಳಲ್ಲಿ ಏರಿಕೆಯನ್ನು ಕಂಡಿದ್ದೇವೆ. ಮತ್ತೊಂದು ಪ್ರಮುಖ ವಿಷಯವೆಂದರೆ ಒಮಿಕ್ರಾನ್‌ನೊಂದಿಗೆ, ನಮ್ಮ ಶ್ವಾಸಕೋಶಗಳು ಮತ್ತು ಕೆಳಗಿನ ಶ್ವಾಸೇಂದ್ರಿಯ ಪ್ರದೇಶಗಳಿಗೆ ಹೋಲಿಸಿದರೆ ಇದು ಮೇಲ್ಭಾಗದ ಶ್ವಾಸೇಂದ್ರಿಯ ಪ್ರದೇಶವನ್ನು ಹೆಚ್ಚು ಸೋಂಕು ಮಾಡುತ್ತದೆ ಎಂದು ಹೇಳಲಾಗಿದೆ. ಬೆಳೆಯುವ ಹಂತದಲ್ಲಿನ ಮಕ್ಕಳು ಅಂಗರಚನಾಶಾಸ್ತ್ರದ ಪ್ರಕಾರ ಮೇಲ್ಭಾಗದ ಶ್ವಾಸೇಂದ್ರಿಯ ಪ್ರದೇಶವನ್ನು ಹೊಂದಿದ್ದಾರೆ. ಆದ್ದರಿಂದ ನಾವು ಹೆಚ್ಚು ಆಸ್ಪತ್ರೆಗೆ ದಾಖಲಾಗುತ್ತಿರುವ ಕಾರಣಗಳಲ್ಲಿ ಇದು ಬಹುಶಃ ಒಂದು. ಆದರೆ ಹೆಚ್ಚಾಗಿ ಮಕ್ಕಳು,  ವಯಸ್ಕರು ಮತ್ತು  ರೋಗನಿರೋಧಕ ಶಕ್ತಿ ಹೊಂದಿರುವ ಜನರಿಗಿಂತ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: ದೇಶದಲ್ಲಿ ಜ.23ರ ಹೊತ್ತಿಗೆ ಕೊವಿಡ್​ 19 ಅಲೆ ಉತ್ತುಂಗಕ್ಕೆ; ಆದರೂ ಒಂದು ಸಮಾಧಾನಕರ ಸಂಗತಿ ಹೇಳಿದ ವಿಜ್ಞಾನಿಗಳು

Published On - 10:26 am, Wed, 19 January 22