Modi France Visit: ಇಂದು ಫ್ರಾನ್ಸ್ನ ಐಟಿಇಆರ್ ಕೇಂದ್ರಕ್ಕೆ ಪ್ರಧಾನಿ ಮೋದಿ ಭೇಟಿ, ಭಾರತಕ್ಕೇನು ಪ್ರಯೋಜನ?
ಕಳೆದ ಕೆಲವು ವರ್ಷಗಳಲ್ಲಿ, ಕೇಂದ್ರ ಸರ್ಕಾರವು ಪರಮಾಣು ಇಂಧನ ಕ್ಷೇತ್ರದಲ್ಲಿ ತ್ವರಿತ ಅಭಿವೃದ್ಧಿಯನ್ನು ಸಾಧಿಸಿದೆ. 2014 ರಲ್ಲಿ 4,280 ಮೆಗಾವ್ಯಾಟ್ ಇದ್ದ ವಿದ್ಯುತ್ ಉತ್ಪಾದನಾ ಸಾಮರ್ಥ್ಯ 2024ರ ವೇಳೆಗೆ 8,180 ಮೆಗಾವ್ಯಾಟ್ ಗೆ ದುಪ್ಪಟ್ಟಾಗಿತ್ತು. ಇದರ ಕೆಲಸವು ಪರಮಾಣು ಸಮ್ಮಿಳನ ಶಕ್ತಿಯನ್ನು ಸೃಷ್ಟಿಸುವುದಾಗಿದೆ, ಭಾರತವು ಈ ಪ್ರಮುಖ ಯೋಜನೆಯ ಪಾಲುದಾರ. 1950ರ ಆರಂಭದಲ್ಲಿ ಪರಮಾಣು ರಿಯಾಕ್ಟರ್ಗಳು ಮೊದಲು ವಿದ್ಯುತ್ ಉತ್ಪಾದಿಸಲು ಪ್ರಾರಂಭಿಸಿದ್ದವು. ಇಂದು ಇದು ಶುದ್ಧ, ಕಡಿಮೆ ಇಂಗಾಲದ ವಿದ್ಯುತ್ ಒದಗಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.
Updated on: Feb 12, 2025 | 9:30 AM
ಪ್ರಧಾನಿ ನರೇಂದ್ರ ಮೋದಿ ಇಂದು ಫ್ರಾನ್ಸ್ನಲ್ಲಿ ಇಂಟರ್ನ್ಯಾಷನಲ್ ಥರ್ಮೋನ್ಯೂಕ್ಲಿಯರ್ ಎಕ್ಸ್ಪೆರಿಮೆಂಟಲ್ ರಿಯಾಕ್ಟರ್(ಐಟಿಇಆರ್) ಕೇಂದ್ರಕ್ಕೆ ಭೇಟಿ ನೀಡಲಿದ್ದಾರೆ. ಇದರ ಕೆಲಸವು ಪರಮಾಣು ಸಮ್ಮಿಳನ ಶಕ್ತಿಯನ್ನು ಸೃಷ್ಟಿಸುವುದಾಗಿದೆ, ಭಾರತವು ಈ ಪ್ರಮುಖ ಯೋಜನೆಯ ಪಾಲುದಾರ. 1950ರ ಆರಂಭದಲ್ಲಿ ಪರಮಾಣು ರಿಯಾಕ್ಟರ್ಗಳು ಮೊದಲು ವಿದ್ಯುತ್ ಉತ್ಪಾದಿಸಲು ಪ್ರಾರಂಭಿಸಿದ್ದವು. ಇಂದು ಇದು ಶುದ್ಧ, ಕಡಿಮೆ ಇಂಗಾಲದ ವಿದ್ಯುತ್ ಒದಗಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.
ಭಾರತದ ಪರಮಾಣು ವಲಯವು ಹೆಚ್ಚಿನ ಬೆಳವಣಿಗೆಯನ್ನು ಕಂಡಿದ್ದು, ಸರ್ಕಾರಿ ಅಂಕಿಅಂಶಗಳ ಪ್ರಕಾರ, 2014 ರಲ್ಲಿ 4,780 ಮೆಗಾವ್ಯಾಟ್ ನಿಂದ 2024 ರಲ್ಲಿ 8,180 ಮೆಗಾವ್ಯಾಟ್ ಗೆ ವಿದ್ಯುತ್ ಉತ್ಪಾದನಾ ಸಾಮರ್ಥ್ಯವು ದ್ವಿಗುಣಗೊಂಡಿದೆ. ಹೀಗಾಗಿ ಈ ಯೋಜನೆಯಿಂದ ಭಾರತಕ್ಕೂ ಲಾಭವಿದೆ. ದೇಶವು 2031-32 ರ ವೇಳೆಗೆ 22,480 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನೆಯ ಗುರಿಯನ್ನು ಹೊಂದಿದೆ. ಭಾರತವು ಇತರ ಪ್ರಮುಖ ಕ್ಷೇತ್ರಗಳಲ್ಲಿ ಸೃಜನಶೀಲತೆಯನ್ನು ಉತ್ತೇಜಿಸಲು ಪರಮಾಣು ಶಕ್ತಿಯನ್ನು ಬಳಸಿಕೊಳ್ಳುತ್ತಿದೆ. ಕೃಷಿಯಲ್ಲಿ, ಪರಮಾಣು ತಂತ್ರಗಳು 70 ರೂಪಾಂತರಿತ ಬೆಳೆ ಪ್ರಭೇದಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಸಹಾಯಕವಾಗಿವೆ.
ಪರಮಾಣು ವಿದ್ಯುತ್ ಸ್ಥಾವರಗಳು ಕಲ್ಲಿದ್ದಲು ಮತ್ತು ಅನಿಲ ಆಧಾರಿತ ವಿದ್ಯುತ್ ಸ್ಥಾವರಗಳಂತೆಯೇ ಕಾರ್ಯನಿರ್ವಹಿಸುತ್ತವೆ, ಆದರೆ ಪರಮಾಣು ಉತ್ಪಾದನಾ ಪ್ರಕ್ರಿಯೆಯ ಹಿಂದಿನ ವಿಜ್ಞಾನವು ಹೆಚ್ಚು ಮುಂದುವರೆದಿದೆ. ಪರಮಾಣು ರಿಯಾಕ್ಟರ್ನಲ್ಲಿ, ಪರಮಾಣುಗಳ ವಿಭಜನೆಯಿಂದ ಪ್ರತಿಕ್ರಿಯೆಯು ಸಂಭವಿಸುತ್ತದೆ – ಈ ಪ್ರಕ್ರಿಯೆಯನ್ನು ಪರಮಾಣು ವಿದಳನ ಎಂದು ಕರೆಯಲಾಗುತ್ತದೆ. ಅಲ್ಲಿ ಒಂದು ಕಣವನ್ನು ಪರಮಾಣುವಿನ ಮೇಲೆ ಹಾರಿಸಿ ಅದನ್ನು ಎರಡು ಸಣ್ಣ ಪರಮಾಣುಗಳಾಗಿ (ಮತ್ತು ಕೆಲವು ಹೆಚ್ಚುವರಿ ನ್ಯೂಟ್ರಾನ್ಗಳು) ವಿಭಜಿಸಲಾಗುತ್ತದೆ.
ಮತ್ತಷ್ಟು ಓದಿ: Video: ಫ್ರಾನ್ಸ್ಗೆ ಬಂದಿಳಿದ ಪ್ರಧಾನಿ ಮೋದಿಯನ್ನು ಭಾರತೀಯ ಸಮುದಾಯ ಸ್ವಾಗತಿಸಿದ್ದು ಹೀಗೆ
ಫ್ರಾನ್ಸ್ನಲ್ಲಿ ಸುಮಾರು 70 ಪ್ರತಿಶತ ವಿದ್ಯುತ್ ಪರಮಾಣು ವಿದ್ಯುತ್ ಸ್ಥಾವರಗಳಿಂದ ಬರುತ್ತದೆ. ಫ್ರಾನ್ಸ್ ಪರಮಾಣು ಶಕ್ತಿಯಿಂದ ಪ್ರಾಬಲ್ಯ ಹೊಂದಿದ್ದು, ವಿಶ್ವದ ಅತಿದೊಡ್ಡ ವಿದ್ಯುತ್ ರಫ್ತುದಾರ ರಾಷ್ಟ್ರವಾಗಿದೆ. ಭಾರತವು ತನ್ನ 2025 ರ ಬಜೆಟ್ನಲ್ಲಿ 2047 ರ ವೇಳೆಗೆ 100 GW ಗುರಿಯನ್ನು ಹೊಂದಿದೆ. ಇದಕ್ಕೆ ಫ್ರಾನ್ಸ್ನ ಸಹಕಾರ ಮುಖ್ಯವಾಗಿದೆ. ಪರಮಾಣು ವಿದ್ಯುತ್ ಸ್ಥಾವರಗಳಿಗೆ ತಂತ್ರಜ್ಞಾನ ವರ್ಗಾವಣೆಯನ್ನು ಒದಗಿಸುವಲ್ಲಿ ರಷ್ಯಾ ಕೂಡ ಆಸಕ್ತಿ ತೋರಿಸಿದೆ. ಪುಟಿನ್ ಭೇಟಿಯ ಸಮಯದಲ್ಲಿ ಭಾರತ ಮತ್ತು ರಷ್ಯಾ ಒಪ್ಪಂದಕ್ಕೆ ಸಹಿ ಹಾಕಲಿವೆ.
ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
