ಸ್ಯಾಲರಿ ಸ್ಲಿಪ್ನಲ್ಲಿರುವ ಎಚ್ಆರ್ಎ ಮತ್ತು ಅದರ ಟ್ಯಾಕ್ಸ್ ಸೇವಿಂಗ್ ವಿಧಾನ ತಿಳಿಯಿರಿ
HRA as tax saving instrument: ತೆರಿಗೆ ಉಳಿಸುವ ಅಥವಾ ಟ್ಯಾಕ್ಸ್ ಡಿಡಕ್ಷನ್ ಅವಕಾಶಗಳಲ್ಲಿ ಎಚ್ಆರ್ಎ ಕೂಡ ಒಂದು. ಈ ಹೌಸ್ ರೆಂಟ್ ಅಲೋಯನ್ಸ್ ಎಂಬುದು ಸಂಬಳದಾರನ ಸ್ಯಾಲರಿ ಸ್ಟ್ರಕ್ಚರ್ನಲ್ಲಿ ಇರುತ್ತದೆ. ಹಾಗೊಂದು ವೇಳೆ ಅದಿಲ್ಲದಿದ್ದರೆ ಎಚ್ಆರ್ಎ ಟ್ಯಾಕ್ಸ್ ಎಕ್ಸೆಂಪ್ಷನ್ ಸಿಗುವುದಿಲ್ಲ. ರೆಂಟಲ್ ರೆಸಿಪ್ಟ್ಸ್ ದಾಖಲೆ ಬಹಳ ಮುಖ್ಯ. ಬಾಡಿಗೆ ಕರಾರು ಪತ್ರದ ದಾಖಲೆ ಸಲ್ಲಿಸಬೇಕಾಗಬಹುದು.
ಬೆಂಗಳೂರು, ಜುಲೈ 18: ಐಟಿ ರಿಟರ್ನ್ ಫೈಲ್ ಮಾಡುವ ಸಂದರ್ಭದಲ್ಲಿ ಎಚ್ಆರ್ಎ ವಿಚಾರ ಬಹಳ ಜನರ ಗಮನ ಸೆಳೆಯುತ್ತದೆ. ಇದು ಹೌಸ್ ರೆಂಟ್ ಅಲೋಯನ್ಸ್ ಅಥವಾ ಮನೆ ಬಾಡಿಗೆ ಭತ್ಯೆ. ಈ ಎಚ್ಆರ್ಎಗೆ ಟ್ಯಾಕ್ಸ್ ಡಿಡಕ್ಷನ್ ಸಿಗುತ್ತದೆ. ಹೀಗಾಗಿ, ನಿಮ್ಮ ಒಟ್ಟಾರೆ ಟ್ಯಾಕ್ಸಬಲ್ ಇನ್ಕಮ್ನಲ್ಲಿ ಒಂದಷ್ಟು ರಿಯಾಯಿತಿ ಸಿಗಲು ಅವಕಾಶ ಒದಗಿಸುತ್ತದೆ. ಎಚ್ಆರ್ಎ ಎಂಬುದು ಎಲ್ಲರಿಗೂ ಸಿಗುವುದಿಲ್ಲ. ನಿಮ್ಮ ಉದ್ಯೋಗದಲ್ಲಿ ಸ್ಯಾಲರಿ ಸ್ಟ್ರಕ್ಚರ್ನಲ್ಲಿ ಅದು ಇದ್ದರೆ ಸೌಲಭ್ಯ ಪಡೆಯಬಹುದು.
ಇಡೀ ಎಚ್ಆರ್ಎ ಮೊತ್ತಕ್ಕೆ ಟ್ಯಾಕ್ಸ್ ಡಿಡಕ್ಷನ್ ಸಿಗುವುದಿಲ್ಲ ಎಂಬುದು ಗೊತ್ತಿರಲಿ. ಎಷ್ಟು ಡಿಡಕ್ಷನ್ ಸಿಗುತ್ತದೆ ಎಂಬುದಕ್ಕೆ ಕೆಲ ಮಾನದಂಡಗಳಿವೆ. ಈ ಕೆಳಗೆ ಇರುವ ಪಟ್ಟಿಯಲ್ಲಿ ಅತೀ ಕಡಿಮೆ ಮೊತ್ತ ಯಾವುದು ಇರುತ್ತೋ ಅಷ್ಟು ಮಾತ್ರವೇ ಎಚ್ಆರ್ಎ ಟ್ಯಾಕ್ಸ್ ಡಿಡಕ್ಷನ್ಗೆ ಅವಕಾಶ ಇರುತ್ತದೆ. ಇಲ್ಲಿದೆ ಆ ಪಟ್ಟಿ:
- ನಿಮ್ಮ ಸಂಬಳದಲ್ಲಿ ನಮೂದಾಗಿರುವ ಇರುವ ಎಚ್ಆರ್ಎ ಮೊತ್ತ
- ನೀವು ಕಟ್ಟುತ್ತಿರುವ ಮನೆ ಬಾಡಿಗೆ ಹಣ ಮತ್ತು ನಿಮ್ಮ ಶೇ. 10ರಷ್ಟು ಸಂಬಳ
- ನಿಮ್ಮ ನಗರದಲ್ಲಿರುವ ಎಚ್ಆರ್ಎ ಮಿತಿ
ಇದನ್ನೂ ಓದಿ: ನೀವು ನಕಲಿ ರೆಂಟ್ ರೆಸಿಪ್ಟ್ ಸಲ್ಲಿಸಿದ್ರೆ ಸರ್ಕಾರಕ್ಕೆ ಗೊತ್ತಾಗುತ್ತೆ ಹುಷಾರ್..! ಇಲಾಖೆ ನೆರವಿಗೆ ಎಐ ಟೆಕ್ನಾಲಜಿ
ಇಲ್ಲಿ ಎರಡನೇ ಅಂಶವನ್ನು ನೋಡುವುದಾದರೆ, ನಿಮ್ಮ ಸಂಬಳ 50,000 ರೂ ಎಂದಿಟ್ಟುಕೊಳ್ಳಿ. ಶೇ. 10 ಎಂದರೆ 5,000 ರೂ ಆಗುತ್ತದೆ. ನೀವು ಕಟ್ಟುತ್ತಿರುವ ಮನೆ ಬಾಡಿಗೆ ಮೊತ್ತ 12,000 ರೂ ಆಗಿತ್ತೆಂದರೆ ಆಗ 12,000 – 5,000 = 7,000 ರೂ ಆಗುತ್ತದೆ. ವರ್ಷಕ್ಕೆ 84,000 ರೂ ಆಗುತ್ತದೆ.
ಇನ್ನು, ಮೂರನೇ ಅಂಶ ನೋಡುವುದಾದರೆ, ನಾಲ್ಕು ಮೆಟ್ರೋ ನಗರಗಳಾದ ದೆಹಲಿ, ಮುಂಬೈ, ಕೋಲ್ಕತಾ ಮತ್ತು ಚೆನ್ನೈನಲ್ಲಿ ಕೆಲಸ ಮಾಡುವವರ ಬೇಸಿಕ್ ಸ್ಯಾಲರಿಯ ಶೇ 50ರಷ್ಟು ಮೊತ್ತ ಮತ್ತು ಡಿಎ ಹಣವು ಎಚ್ಆರ್ಎ ಮಿತಿ ಆಗಿರುತ್ತದೆ.
ಬೆಂಗಳೂರು ಇತ್ಯಾದಿ ಮೆಟ್ರೋ ಅಲ್ಲದ ನಗರಗಳ ಸಂಬಳದಾರರ ಶೇ. 40ರಷ್ಟು ಮೂಲ ಸಂಬಳ ಮತ್ತು ಡಿಎ ಮೊತ್ತವನ್ನು ಎಚ್ಆರ್ಎ ಲಿಮಿಟ್ ಎಂದು ಪರಿಗಣಿಸಲಾಗುತ್ತದೆ.
ಎಚ್ಆರ್ಎ ಡಿಡಕ್ಷನ್ ಕ್ಲೇಮ್ ಮಾಡಲು ಈ ದಾಖಲೆಗಳು ಬೇಕಾಗಬಹುದು
- ರೆಂಟ್ ಅಗ್ರೀಮೆಂಟ್
- ರೆಂಟ್ ರೆಸಿಪ್ಟ್ಸ್
- ಮನೆ ಮಾಲಕರ ಪ್ಯಾನ್ ಕಾರ್ಡ್
- ಪಾವತಿಗೆ ದಾಖಲೆ
ಇದನ್ನೂ ಓದಿ: ಆದಾಯ ತೆರಿಗೆ ಸ್ಲ್ಯಾಬ್ ದರ, ಎಕ್ಸೆಂಪ್ಷನ್ ಮಿತಿಯಲ್ಲಿ ಬದಲಾವಣೆ ನಿರೀಕ್ಷಿಸುತ್ತಿರುವವರಿಗೆ ಕಾದಿದೆ ನಿರಾಸೆ
ಮನೆ ಬಾಡಿಗೆ ವರ್ಷಕ್ಕೆ ಒಂದು ಲಕ್ಷ ರೂಗಿಂತ ಕಡಿಮೆ ಇದ್ದರೆ ಮನೆ ಮಾಲೀಕರ ಪ್ಯಾನ್ ಕಾರ್ಡ್ ಸಲ್ಲಿಸುವ ಅವಶ್ಯಕತೆ ಇರುವುದಿಲ್ಲ. ಒಂದು ಲಕ್ಷ ಹಾಗೂ ಅಧಿಕ ಬಾಡಿಗೆ ಇದ್ದರೆ ಪ್ಯಾನ್ ಕಾರ್ಡ್ ಕೊಡಬೇಕಾಗುತ್ತದೆ. ನೀವು ಕ್ಯಾಷ್ನಲ್ಲಿ ಹಣ ಕೊಟ್ಟಿದ್ದರೆ ರೆಂಟ್ ರೆಸಿಪ್ಟ್ ಅತ್ಯವಶ್ಯ. ಇಲ್ಲದಿದ್ದರೆ ಆನ್ಲೈನ್ನಲ್ಲಿ ಹಣ ಪಾವತಿಸಿರುವುದಕ್ಕೆ ಪೇಮೆಂಟ್ ದಾಖಲಾತಿ ಕೊಡಬಹುದು.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
