ಸೆಮಿಕಾನ್ ಇಂಡಿಯಾ 2026: 50,000ಕ್ಕೂ ಹೆಚ್ಚು ನೋಂದಣಿ, 600ಕ್ಕೂ ಹೆಚ್ಚು ಕಂಪನಿಗಳು ಭಾಗಿ; ಗಮನ ಸೆಳೆದ ಕರ್ನಾಟಕ ಪೆವಿಲಿಯನ್
ಭಾರತದಲ್ಲಿ ನಡೆದ ಸೆಮಿಕಾನ್ ಇಂಡಿಯಾ 2026 ಕಾರ್ಯಕ್ರಮವು ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡಿದ್ದು, ದೇಶ ವಿದೇಶಗಳಿಂದ ಪರಿಣಿತರನ್ನು ಆಕರ್ಷಿಸಿದೆ. ವಿಶ್ವಾದ್ಯಂತ ಸೆಮಿಕಂಡಕ್ಟರ್ ಕ್ಷೇತ್ರದ 600ಕ್ಕೂ ಹೆಚ್ಚು ಸಂಸ್ಥೆಗಳು ಪಾಲ್ಗೊಂಡವು. 50,000ಕ್ಕೂ ಅಧಿಕ ನೊಂದಣಿಗಳು ದಾಖಲಾಗಿವೆ. ದೆಹಲಿ ಸಮೀಪದ ಯಶೋಭೂಮಿಯಲ್ಲಿ ಸೆ. 17ರಿಂದ 19ವರೆಗೆ ಸೆಮಿಕಾನ್ ಕಾರ್ಯಕ್ರಮ ನಡೆಯಿತು.
Updated on: Sep 20, 2026 | 4:55 PM
ನವದೆಹಲಿ, ಸೆಪ್ಟೆಂಬರ್ 20: ಗ್ರೇಟರ್ ನೋಯ್ಡಾದ ಯಶೋಭೂಮಿ ಕನ್ವೆನ್ಷನ್ ಹಾಲ್ನಲ್ಲಿ ನಿನ್ನೆ (ಸೆ. 19) ಮುಕ್ತಾಯಗೊಂಡ ಮೂರು ದಿನಗಳ ಸೆಮಿಕಾನ್ ಇಂಡಿಯಾ (Semicon India 2026) ಕಾರ್ಯಕ್ರಮ ವಿಶ್ವದ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಸೆಪ್ಟೆಂಬರ್ 17ರಿಂದ 19ರವರೆಗೆ ನಡೆದ ಈ ಕಾರ್ಯಕ್ರಮವು 600ಕ್ಕೂ ಹೆಚ್ಚು ಸಂಸ್ಥೆಗಳು ಹಾಗೂ 50,000ಕ್ಕೂ ಅಧಿಕ ನೊಂದಣಿಗಳನ್ನು ಆಕರ್ಷಿಸಿದೆ. ಜಾಗತಿಕ ಮಟ್ಟದ ಸೆಮಿಕಂಡಕ್ಟರ್ ಸಮಾವೇಶವಾಗಿ ಮಿಂಚುವಲ್ಲಿ ಯಶಸ್ವಿಯಾಗಿದೆ.
ಜಾಗತಿಕ ಸೆಮಿಕಂಡಕ್ಟರ್ ಹಬ್: ಭಾರತವನ್ನು ಜಾಗತಿಕ ಮಟ್ಟದ ಸೆಮಿಕಂಡಕ್ಟರ್ ವಿನ್ಯಾಸ, ಉತ್ಪಾದನೆ ಮತ್ತು ಪ್ಯಾಕೇಜಿಂಗ್ ಕೇಂದ್ರವನ್ನಾಗಿ ರೂಪಿಸುವ ಸರ್ಕಾರದ ಪ್ರಯತ್ನಕ್ಕೆ ಈ ಪ್ರದರ್ಶನವು ಬಲವಾದ ವೇದಿಕೆ ಒದಗಿಸಿದೆ. ಸೆಮಿಕಂಡಕ್ಟರ್ ಕ್ಷೇತ್ರದಲ್ಲಿ ಜಾಗತಿಕವಾಗಿ ಮುಂಚೂಣಿಯಲ್ಲಿರುವ ಅಪ್ಲೈಡ್ ಮೆಟೀರಿಯಲ್ಸ್ (Applied Materials), ಎಎಂಡಿ (AMD), ಎನ್ವಿಡಿಯಾ (Nvidia), ಮತ್ತು ಮೈಕ್ರಾನ್ (Micron) ಸೇರಿದಂತೆ ನೂರಾರು ಪ್ರಮುಖ ಪೂರೈಕೆದಾರರು ಹಾಗೂ ತಂತ್ರಜ್ಞಾನ ಸಂಸ್ಥೆಗಳು ತಮ್ಮ ಹೊಸ ಪರಿಕಲ್ಪನೆ ಮತ್ತು ಉತ್ಪನ್ನಗಳನ್ನು ಪ್ರದರ್ಶಿಸಿವೆ.
ಇದನ್ನೂ ಓದಿ: ಎಐನಿಂದ ವಿಶ್ವವಿನಾಶವಾಗುತ್ತಾ? ಚಾನ್ಸೇ ಇಲ್ಲ ಎನ್ನುತ್ತಾರೆ ಎನ್ವಿಡಿಯಾ ಮುಖ್ಯಸ್ಥ ಜೆನ್ಸೆನ್ ಹುವಾಂಗ್
ಭಾರತದ ಪ್ರಗತಿ: ‘ಇಂಡಿಯಾ ಸೆಮಿಕಂಡಕ್ಟರ್ ಮಿಷನ್’ (ISM) ಅಡಿಯಲ್ಲಿ ಘೋಷಿಸಲಾದ ಪ್ರಮುಖ ಯೋಜನೆಗಳು ಕಾರ್ಯಗತಗೊಳ್ಳುತ್ತಿದ್ದು, ಸ್ಥಳೀಯ ಪೂರೈಕೆ ಸರಪಳಿ (Supply Chain) ಮತ್ತು ಇಕೋಸಿಸ್ಟಮ್ ಅಭಿವೃದ್ಧಿಗೆ ಇದು ಹೊಸ ವೇಗ ನೀಡಿದೆ.
ಈ ಬೃಹತ್ ಸಮಾವೇಶವು ಭಾರತದಲ್ಲಿ ಸೆಮಿಕಂಡಕ್ಟರ್ ಉತ್ಪಾದನೆ ಮತ್ತು ಉದ್ಯೋಗ ಸೃಷ್ಟಿಗೆ ಹೊಸ ಹೂಡಿಕೆಗಳನ್ನು ಆಕರ್ಷಿಸಲು ನೆರವಾಗಲಿದೆ ಎಂದು ಉದ್ಯಮಿಗಳು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ: ಭಾರತ ಮುಂದಿನ 20 ವರ್ಷದಲ್ಲಿ 38 ಟ್ರಿಲಿಯನ್ ಡಾಲರ್ ಆರ್ಥಿಕತೆಯ ದೇಶವಾಗಲಿದೆ: ಅಜಿತ್ ದೋವಲ್
ಸೆಮಿಕಾನ್ನಲ್ಲಿ ಗಮನ ಸೆಳೆದ ಕರ್ನಾಟಕ
ಸೆಮಿಕಾನ್ ಇಂಡಿಯಾ 2026 ಕಾರ್ಯಕ್ರಮದಲ್ಲಿ 6 ದೇಶಗಳು ಹಾಗು ಭಾರತದ 12 ರಾಜ್ಯಗಳ ಪೆವಿಲಿಯನ್ಗಳನ್ನು ಸ್ಥಾಪಿಸಲಾಗಿತ್ತು. ಕರ್ನಾಟಕ, ತಮಿಳುನಾಡು, ಗುಜರಾತ್, ಕೇರಳ, ಉತ್ತರಪ್ರದೇಶ, ಅಸ್ಸಾಂ, ಆಂಧ್ರ, ತೆಲಂಗಾಣ ಮೊದಲಾದ ರಾಜ್ಯಗಳು ಪಾಲ್ಗೊಡಿದ್ದವು. ಕರ್ನಾಟಕದ ಪೆವಿಲಿಯನ್ನಲ್ಲಿ ಚಿಪ್ ಡಿಸೈನ್, ಆರ್ ಅಂಡ್ ಡಿ, ತಂತ್ರಜ್ಞಾನ ಆಧಾರಿತ ಬೆಳವಣಿಗೆಯಲ್ಲಿ ರಾಜ್ಯ ಎಷ್ಟು ಮುಂದಿದೆ ಎಂಬುದನ್ನು ಪ್ರದರ್ಶಿಸಲಾಗಿತ್ತು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
