ಟ್ರಂಪ್ ಸುಂಕಕ್ಕೆ ಸೊಪ್ಪು ಹಾಕದ ಅಮೆರಿಕದ ಮಾರುಕಟ್ಟೆ; ಭಾರತದ ರಫ್ತಿಗೆ ಇಲ್ಲ ಭಂಗ

ನವದೆಹಲಿ, ಆಗಸ್ಟ್ 19: ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಸುಂಕದ ನೀತಿಗಳ (Tariff Policies) ನಡುವೆಯೂ ಭಾರತದ ಅಮೆರಿಕಕ್ಕೆ ನಡೆಯುವ ರಫ್ತು ವಹಿವಾಟು ಸ್ಥಿರವಾಗಿದೆ. ಕಳೆದ ಒಂದು ವರ್ಷದಲ್ಲಿ (2025ರ ಆಗಸ್ಟ್​ನಿಂದ 2026ರ ಜುಲೈವರೆಗೆ 12 ತಿಂಗಳಲ್ಲಿ) ಭಾರತದ ಶೇ. 20ರಷ್ಟು ರಫ್ತು ಅಮೆರಿಕದ ಮಾರುಕಟ್ಟೆಗೆ ಹೋಗಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲೂ ಬಹುತೇಕ ಇಷ್ಟೇ ರಫ್ತು ಭಾರತದಿಂದ ಅಮೆರಿಕಕ್ಕೆ ಆಗಿತ್ತು. ಅಚ್ಚರಿ ಎಂದರೆ, ಅಮೆರಿಕಕ್ಕೆ ಭಾರತದ ರಫ್ತು ಉಚ್ಚವಿದ್ದ 2022-23ರಲ್ಲಿ ಈ ಪ್ರಮಾಣವು ಶೇ. 17.4 ಇತ್ತು. ಈಗ ಅದಕ್ಕಿಂತಲೂ ಹೆಚ್ಚಿನ ರಫ್ತನ್ನು ಭಾರತವು ಅಮೆರಿಕಕ್ಕೆ ಮಾಡಿದೆ.

ಅಮೆರಿಕದ ಟ್ರಂಪ್ ಸರ್ಕಾರ ವಿಧಿಸಿರುವ ಶೇ. 50ರಷ್ಟು ಸುಂಕದ ನಡುವೆಯೂ ಭಾರತ ಈ ರಫ್ತು ಸಾಧಿಸಿರುವುದು ಗಮನಾರ್ಹ ಸಂಗತಿ. ಈ ಸುಂಕವು ಭಾರತೀಯ ರಫ್ತು ಮಾರುಕಟ್ಟೆಯ ಮೇಲೆ ಇದು ದೊಡ್ಡ ಮಟ್ಟದ ಋಣಾತ್ಮಕ ಪರಿಣಾಮ ಬೀರಲಾಗಿಲ್ಲ.

ಇದನ್ನೂ ಓದಿ: ಮುಂದಿನ 5 ವರ್ಷ ಈಕ್ವಿಟಿ ಮಾರುಕಟ್ಟೆಯಿಂದ ಶೇ. 15 ವಾರ್ಷಿಕ ಆದಾಯ: ರಾಮದೇವ್ ಅಗರ್ವಾಲ್ ವಿಶ್ವಾಸ

• ಅಮೆರಿಕ ಮಾರುಕಟ್ಟೆಗೆ ಹೆಚ್ಚು ರಫ್ತಾಗಿರುವ ಉತ್ಪನ್ನಗಳು: ಎಲೆಕ್ಟ್ರಾನಿಕ್ಸ್, ಇಂಜಿನಿಯರಿಂಗ್ ಸರಕುಗಳು, ಫಾರ್ಮಾಸ್ಯುಟಿಕಲ್ಸ್, ರತ್ನಗಳು ಮತ್ತು ಆಭರಣಗಳು ಹಾಗೂ ಜವಳಿ ವಲಯಗಳಿಗೆ ಅಮೆರಿಕವು ಅತ್ಯಂತ ಆಕರ್ಷಕ ಮತ್ತು ಪ್ರಮುಖ ಮಾರುಕಟ್ಟೆಯಾಗಿ ಮುಂದುವರಿದಿದೆ.
• ಎಫ್​ಟಿಎಗಳು: ಅಮೆರಿಕದ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಮತ್ತು ಮಾರುಕಟ್ಟೆ ಅಪಾಯವನ್ನು ನಿರ್ವಹಿಸಲು ಭಾರತವು ಬ್ರಿಟನ್, ಯುರೋಪಿಯನ್ ಯೂನಿಯನ್, ಓಮನ್ ಮತ್ತು ನ್ಯೂಜಿಲ್ಯಾಂಡ್‌ನಂತಹ ದೇಶಗಳೊಂದಿಗೆ ಮುಕ್ತ ವ್ಯಾಪಾರ ಒಪ್ಪಂದಗಳನ್ನು (FTAs) ಚುರುಕುಗೊಳಿಸಿದೆ.
• ಇತರ ಮಾರುಕಟ್ಟೆಗಳ ಬೆಳವಣಿಗೆ: ಭಾರತದ ರಫ್ತುಗಳು ಚೀನಾ (42% ಹೆಚ್ಚಳ), ಟಾಂಜಾನಿಯಾ, ವಿಯೆಟ್ನಾಂ, ದಕ್ಷಿಣ ಕೊರಿಯಾ, ಶ್ರೀಲಂಕಾ ಮತ್ತು ಕೀನ್ಯಾದಂತಹ ದೇಶಗಳಲ್ಲಿಯೂ ಉತ್ತಮ ಬೆಳವಣಿಗೆ ಕಾಣುತ್ತಿವೆ.

ಇದನ್ನೂ ಓದಿ: ಪರಿಸರಸ್ನೇಹಿ ಇಂಧನದ ಕಮರ್ಷಿಯಲ್ ವಾಹನಗಳಿಗೆ ವಯೋಮಿತಿ 5 ವರ್ಷ ಹೆಚ್ಚಿಸಲು ಸರ್ಕಾರ ಪ್ರಸ್ತಾಪ

ರಫ್ತು ವಲಯದ ತಜ್ಞರ ಪ್ರಕಾರ, ಭಾರತದ ಮಾರುಕಟ್ಟೆ ವೈವಿಧ್ಯೀಕರಣದ ಪ್ರಯತ್ನಗಳು ಫಲ ನೀಡಲು ಇನ್ನೂ 2 ರಿಂದ 3 ವರ್ಷಗಳ ಕಾಲಾವಕಾಶ ಬೇಕಾಗುತ್ತದೆ. ಅಮೆರಿಕವು ದೊಡ್ಡ ಮಾರುಕಟ್ಟೆಯಾಗಿರುವುದರಿಂದ, ಭಾರತಕ್ಕೆ ಸದ್ಯಕ್ಕೆ ಅಮೆರಿಕದೊಂದಿಗೆ ವ್ಯಾಪಾರವನ್ನು ಮುಂದುವರಿಸುವುದು ಅನಿವಾರ್ಯ ಮತ್ತು ಲಾಭದಾಯಕವಾಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ