Delhi Crime: ಅತ್ತೆಯನ್ನು ಹೊಡೆದು ಕೊಂದು, ಬಿದ್ದು ಮೃತಪಟ್ಟಿದ್ದಾರೆ ಎಂದು ಸುಳ್ಳು ಕಥೆ ಕಟ್ಟಿದ ಸೊಸೆ

ಸೊಸೆಯೊಬ್ಬಳು 86 ವರ್ಷದ ಅತ್ತೆಯನ್ನು ಥಳಿಸಿ ಹತ್ಯೆ(Murder) ಮಾಡಿ ಬಳಿಕ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರ ಬಳಿ ಕಟ್ಟು ಕಥೆ ಕಟ್ಟಿದ್ದಳು. ಮೇಲಿನಿಂದ ಬಿದ್ದು ಮೃತಪಟ್ಟಿದ್ದಾರೆ ಎಂದು ಪೊಲೀಸರಿಗೆ ಹೇಳಿದ್ದರು, ಆರಂಭದಲ್ಲಿ ಸೊಸೆ ಹಾಗೂ ಮಗನ ಮಾತು ಸತ್ಯ ಎಂದು ನಂಬಿದ್ದ ಪೊಲೀಸರು ಮರಣೋತ್ತರ ಪರೀಕ್ಷೆ ನಡೆಸಿದ ಬಳಿಕ ಸತ್ಯ ಬೆಳಕಿಗೆ ಬಂದಿದೆ. ವೃದ್ಧೆಯನ್ನು ಥಳಿಸಲಾಗಿದ್ದು, ದೇಹದ ಮೇಲೆ 14 ಗಾಯಗಳಿದ್ದವು, ಇದೆಲ್ಲಾ ಅರಿತು ಬಳಿಕ ಸೊಸೆ ಶರ್ಮಿಷ್ಕಾಳನ್ನು ವಿಚಾರಣೆ ನಡೆಸಿದಾಗ ಸತ್ಯ ಒಪ್ಪಿಕೊಂಡಿದ್ದಾರೆ.

ಏಪ್ರಿಲ್ 28 ರಂದು ಸುರ್ಜಿತ್ ಸೋಮ್ ಪೊಲೀಸರಿಗೆ ಮಾಹಿತಿ ನೀಡಿದ್ದರು ಎಂದು ದಕ್ಷಿಣ ಜಿಲ್ಲಾ ಡಿಸಿಪಿ ಚಂದನ್ ಚೌಧರಿ ತಿಳಿಸಿದ್ದಾರೆ. ಪೊಲೀಸರು ಸ್ಥಳಕ್ಕೆ ತಲುಪಿದರು. ಹಸಿ ಸೋಮ್ ಅವರ ಮುಖ ಮತ್ತು ತಲೆಯ ಮೇಲೆ ಹಲವಾರು ಗಾಯಗಳಾಗಿವೆ. ಪೊಲೀಸರು ಸ್ಥಳಕ್ಕೆ ಕ್ರೈಂ ತಂಡವನ್ನು ಕರೆಸಿದರು. ಸುರ್ಜಿತ್ ಮತ್ತು ಶರ್ಮಿಷ್ಠಾ ದಂಪತಿಯ 16 ವರ್ಷದ ಮಗಳನ್ನು ಸಹ ವಿಚಾರಣೆಗೆ ಒಳಪಡಿಸಲಾಗಿದೆ.

ಸುರ್ಜಿತ್ ತನ್ನ ಫ್ಲಾಟ್ ಚಿಕ್ಕದಾಗಿದೆ, ಆದ್ದರಿಂದ ತನ್ನ ಫ್ಲಾಟ್ ಬಳಿ ತನ್ನ ತಾಯಿಗೆ ಸಣ್ಣ ಫ್ಲಾಟ್ ಅನ್ನು ಬಾಡಿಗೆಗೆ ನೀಡಿದ್ದಾಗಿ ಪೊಲೀಸರಿಗೆ ತಿಳಿಸಿದ್ದಾನೆ. ತಾಯಿಗೆ ಸಂಧಿವಾತವಿದೆ ಎಂದು ಪೊಲೀಸರಿಗೆ ತಿಳಿಸಿದ್ದಾರೆ. ಪೊಲೀಸರು ಮತ್ತೆ ವಿಚಾರಣೆ ಆರಂಭಿಸಿದಾಗ, ಸುರ್ಜಿತ್ ಅವರ ಮಗಳು ತನ್ನ ತಾಯಿ ಮತ್ತು ಅಜ್ಜಿಯ ನಡುವೆ ಉತ್ತಮ ಸಂಬಂಧವಿಲ್ಲ ಎಂದು ಹೇಳಿದ್ದಾಳೆ. ಅಮ್ಮನಿಗೆ ಅಜ್ಜಿ ಇಷ್ಟವಾಗುತ್ತಿರಲಿಲ್ಲ ಎಂದಿದ್ದಾಳೆ.

ಮತ್ತಷ್ಟು ಓದಿ: Odisha Crime: ಅನ್ನ ಮಾಡಿಲ್ಲವೆನ್ನುವ ಕೋಪದಲ್ಲಿ ಪತ್ನಿಯನ್ನೇ ಹತ್ಯೆ ಮಾಡಿದ ಪತಿ

ಪೊಲೀಸರು ಸೊಸೆಯನ್ನು ವಿಚಾರಣೆಗೊಳಪಡಿಸಿದಾಗ ಆಕೆ ಕೊಲೆ ಮಾಡಿದ್ದನ್ನು ಒಪ್ಪಿಕೊಂಡಿದ್ದಾಳೆ. ಆ ದಿನ ಮನೆಯಲ್ಲಿ ಒಬ್ಬಳೇ ಇದ್ದೆ ಎಂದು ಹೇಳಿದಳು. ಅತ್ತೆಯ ಫ್ಲಾಟ್‌ಗೆ ಹೊರಗಿನಿಂದ ಬೀಗ ಹಾಕಲಾಗಿತ್ತು. ಕೀ ಶರ್ಮಿಷ್ಠಾಳ ಮನೆಯಲ್ಲಿತ್ತು. ಶರ್ಮಿಷ್ಠಾ ಏಪ್ರಿಲ್ 28 ರಂದು ಬೆಳಿಗ್ಗೆ 10:30 ಕ್ಕೆ ತನ್ನ ಅತ್ತೆಯ ಫ್ಲಾಟ್‌ಗೆ ಪ್ರವೇಶಿಸಿದಳು.

ಆ ಸಮಯದಲ್ಲಿ ಅತ್ತೆ ಅಡುಗೆ ಮನೆಯಲ್ಲಿದ್ದರು, ಅವರ ಕೈಯಲ್ಲಿ ಕುಕ್ಕರ್/ಫ್ರೈಪಾನ್ ಇತ್ತು. ಶರ್ಮಿಷ್ಠಾ ತನ್ನ ಅತ್ತೆಯನ್ನು ಹಿಂಬಾಲಿಸಿಕೊಂಡು ಅಡುಗೆ ಕೋಣೆಗೆ ಹೋದಳು ಮತ್ತು ಸಿಸಿಟಿವಿ ಕ್ಯಾಮೆರಾ ವ್ಯಾಪ್ತಿಯಿಂದ ಹೊರಗಿರುವಾಗ, ಅವಳು ತನ್ನ ಅತ್ತೆಯನ್ನು ಕುಕ್ಕರ್/ಫ್ರೈಪಾನ್‌ನಿಂದ ಹಲ್ಲೆ ನಡೆಸಿದ್ದಾಳೆ. ಕೊನೆಯ ಅದನ್ನು ಬಟ್ಟೆಯಿಂದ ಒರೆಸಿ ಸ್ವಚ್ಛಗೊಳಿಸಿದ್ದಾಳೆ.

ಪೊಲೀಸರು ಸುರ್ಜಿತ್‌ನನ್ನು ವಿಚಾರಣೆಗೊಳಪಡಿಸಿದಾಗ, ಈ ಘಟನೆಯ ನಂತರ ತಾನು ಸಿಸಿಟಿವಿ ಕ್ಯಾಮೆರಾದ ಮೆಮೊರಿ ಕಾರ್ಡ್ ಅನ್ನು ತೆಗೆದಿದ್ದೇನೆ ಎಂದು ಸುರ್ಜಿತ್ ಹೇಳಿದ್ದಾನೆ. ಪೊಲೀಸರು ಮೆಮೊರಿ ಕಾರ್ಡ್ ವಶಪಡಿಸಿಕೊಂಡಿದ್ದಾರೆ. ವಯಸ್ಸಾದ ಮಹಿಳೆಯ ಮೇಲೆ ಶರ್ಮಿಷ್ಠಾ ಮಾಡಿದ ಹಲ್ಲೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಎಲ್ಲಿಯೂ ಕಂಡುಬರಲಿಲ್ಲ.

ಕ್ರೈಂ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ