IBPS PO Admit card 2021: ಐಬಿಪಿಎಸ್​ ಆರ್​ಆರ್​ಬಿ ಸ್ಕೇಲ್​ 1 ಅಧಿಕಾರಿ ನೇಮಕಾತಿ ಪರೀಕ್ಷೆ ಪ್ರವೇಶ ಪತ್ರ ಬಿಡುಗಡೆ; ಡೌನ್​ಲೋಡ್ ಮಾಡುವ ವಿಧಾನ ಹೀಗಿದೆ

ಬ್ಯಾಂಕಿಂಗ್ ಸಿಬ್ಬಂದಿ ಆಯ್ಕೆ ಇನ್​ಸ್ಟಿಟ್ಯೂಟ್​ (IBPS)ನಿಂದ ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್​ (RRB)ಗಳ ಸ್ಕೇಲ್​ 1 ಅಧಿಕಾರಿಗಳ ಹುದ್ದೆಗಾಗಿ ನೇಮಕಾತಿ ಪೂರ್ವಭಾವಿ ಪರೀಕ್ಷೆ ಆಗಸ್ಟ್​ 1ರಿಂದ ಆಗಸ್ಟ್​ 7ರವರೆಗೆ ನಡೆಯಲಿದ್ದು, ಪರೀಕ್ಷಾರ್ಥಿಗಳ ಪ್ರವೇಶ ಪತ್ರ ಇಂದು (ಜು.17) ibps.in. ವೆಬ್​ಸೈಟ್​ನಲ್ಲಿ ಬಿಡುಗಡೆಯಾಗಿದೆ.

ಐಬಿಪಿಎಸ್​ ಆರ್​ಆರ್​ಬಿ ಸ್ಕೇಲ್​ 1 ಪರೀಕ್ಷೆಗಾಗಿ ಐಬಿಪಿಎಸ್​ ಅಧಿಸೂಚಿತ ವೆಕೆನ್ಸಿಗಳನ್ನು ಹೆಚ್ಚಿಸಿದೆ. ಅದರಲ್ಲಿ ಸ್ಕೇಲ್​ 1 ಅಧಿಕಾರಿಗಳ ಖಾಲಿಹುದ್ದೆಯನ್ನು 4,257 ರಿಂದ 4,716 ಕ್ಕೆ ಏರಿಕೆ ಮಾಡಲಾಗಿದೆ. ಐಬಿಪಿಎಸ್​ ಆರ್​ಆರ್​ಬಿ ಪೂರ್ವಭಾವಿ ಪರೀಕ್ಷೆಗಳು ಆಗಸ್ಟ್​ 1ರಿಂದ 7ರವರೆಗೆ ನಡೆಯುತ್ತವೆ. ಫಲಿತಾಂಶವೂ ಕೂಡ ಆಗಸ್ಟ್ ಕೊನೆಯೊಳಗೆ ಪ್ರಕಟಗೊಳ್ಳಲಿದೆ.

ಇನ್ನು ಪರೀಕ್ಷಾರ್ಥಿಗಳು ತಮ್ಮ ಪ್ರವೇಶ ಪತ್ರ ಡೌನ್​ಲೋಡ್ ಮಾಡಿಕೊಳ್ಳುವ ವಿಧಾನ ಹೀಗಿದೆ: 1. ಬ್ಯಾಂಕಿಂಗ್ ಸಿಬ್ಬಂದಿ ಆಯ್ಕೆ ಇನ್​ಸ್ಟಿಟ್ಯೂಟ್​ನ ಅಧಿಕೃತ ವೆಬ್​ಸೈಟ್​ ibps.in ಗೆ ಭೇಟಿ ನೀಡಿ. 2. ಹೋಂಪೇಜ್​​ನಲ್ಲಿ ಕಾಣಿಸುವ ಸ್ಕ್ರಾಲಿಂಗ್​ ಲಿಂಕ್ ಮೇಲೆ ಕ್ಲಿಕ್​ ಮಾಡಿ 3. ಆಗ ಇನ್ನೊಂದು ಪೇಜ್​ ತೆರೆದುಕೊಳ್ಳುತ್ತದೆ. 4. ಅಲ್ಲಿ ನಿಮ್ಮ ಕ್ರೆಡೆನ್ಷಿಯಲ್​​ಗಳನ್ನು ನಮೂದಿಸಿ, ಲಾಗಿನ್​ ಆಗಿ 5. ಆಗ ಪ್ರವೇಶ ಪತ್ರ ಕಾಣಿಸುತ್ತದೆ. ಅದನ್ನು ಡೌನ್​ಲೋಡ್ ಮಾಡಿಕೊಳ್ಳಿ

ಪರೀಕ್ಷೆಗೆ ಹಾಜರಾಗುವ ಅಭ್ಯರ್ಥಿಗಳು ಪ್ರವೇಶ ಪತ್ರದ ಪ್ರಿಂಟೆಡ್​ ಕಾಪಿಯೊಂದಿಗೆ ಮಾನ್ಯವಾಗಿರುವ ಐಡಿ ಪ್ರೂಫ್​ ಕೂಡ ಪರೀಕ್ಷಾ ಕೇಂದ್ರಕ್ಕೆ ತೆಗೆದುಕೊಂಡು ಹೋಗಬೇಕು. ಇದೀಗ ನಡೆಯುತ್ತಿರುವ ಪೂರ್ವಭಾವಿ ಪರೀಕ್ಷೆಯಲ್ಲಿ ಆಯ್ಕೆಯಾಗುವವರಿಗೆ ಸೆಪ್ಟೆಂಬರ್​ನಲ್ಲಿ ಐಬಿಪಿಎಸ್​ ಆರ್​ಆರ್​​ಬಿ ಮುಖ್ಯ ಪರೀಕ್ಷೆ ನಡೆಯಲಿದೆ. ಆಫೀಸರ್ ಸ್ಕೇಲ್ -1 ರ ಅಡಿಯಲ್ಲಿ ಹೊಸದಾಗಿ ನೇಮಕಗೊಳ್ಳುವವರಿಗೆ ಅಧಿಸೂಚನೆ ಪ್ರಕಾರ 30-35 ಸಾವಿರ ರೂ.ವೇತನ ನೀಡಲಾಗುತ್ತದೆ ಮತ್ತು ಹೆಚ್ಚುವರಿ ಭತ್ಯೆಗಳೂ ಇರಲಿವೆ.

ಇದನ್ನೂ ಓದಿ: ‘ನಿಮ್ಮ ಪಯಣ ನರಕವಾಗಲಿ’: ಇಂದ್ರಜಿತ್​ ಫೋಟೋ ಇಟ್ಟು ಶ್ರದ್ಧಾಂಜಲಿ ಕೋರಿದ ದರ್ಶನ್​ ಅಭಿಮಾನಿಗಳು</strong

IBPS RRB PO 2021 admit card released check here to know the Download process

Published On - 4:26 pm, Sat, 17 July 21