shruti hegde | Edited By: Apurva Kumar Balegere
Apr 20, 2021 | 4:27 PM
ನ್ಯಾಷನಲ್ ಆ್ಯಪ್ಟಿಟ್ಯೂಡ್ ಟೆಸ್ಟ್ ಇನ್ ಆರ್ಕಿಟೆಕ್ಚರ್ (NATA) 2021ರ ಮೊದಲ ಪರೀಕ್ಷೆಯ ಫಲಿತಾಂಶವನ್ನು ಇಂದು ಆರ್ಕಿಟೆಕ್ಚರ್ ಮಂಡಳಿಯು ಬಿಡುಗಡೆ ಮಾಡಲಿದೆ. ಫಲಿತಾಂಶವನ್ನು ಘೋಷಿಸಿದ ನಂತರ ಪರೀಕ್ಷೆಗೆ ಹಾಜರಾದ ಅಭ್ಯರ್ಥಿಗಳು ನಾಟಾದ ಅಧಿಕೃತ ವೆಬ್ಸೈಟ್ನಲ್ಲಿ nata.in ನಲ್ಲಿ ಲಾಗ್ಇನ್ ಮಾಡುವ ಮೂಲಕ ತಮ್ಮ ಫಲಿತಾಂಶವನ್ನು ಪರಿಶೀಲಿಸಬಹುದಾಗಿದೆ.
ನ್ಯಾಷನಲ್ ಆ್ಯಪ್ಟಿಟ್ಯೂಡ್ ಟೆಸ್ಟ್ ಇನ್ ಆರ್ಕಿಟೆಕ್ಚರ್ ಪರೀಕ್ಷೆಯ ಫಲಿತಾಂಶವನ್ನು ಪರಿಶೀಲಿಸುವ ಸುಲಭ ಹಂತಗಳು ಈ ಕೆಳಗಿನಂತಿದೆ.
ಹಂತ 1: ಪರೀಕ್ಷೆಗೆ ಹಾಜಾರಾದವರು ನಾಟಾದ ಅಧಿಕೃತ ವೆಬ್ಸೈಟ್ nata.in ನಲ್ಲಿ ಲಾಗ್ಇನ್ ಆಗಿಬೇಕು.
ಹಂತ 2: ಮುಖಪುಟ ತೆರೆಯುತ್ತಿದ್ದಂತೆಯೇ ನಾಟಾ 2021 ಫಲಿತಾಂಶ ಲಿಂಕ್ಅನ್ನು ಕ್ಲಿಕ್ ಮಾಡಿ. ಹಂತ 3: ಅಭ್ಯರ್ಥಿಗಳು ತಮ್ಮ ರಿಜಿಸ್ಟರ್ ನಂಬರ್ಅನ್ನು ನಮೂದಿಸಬೇಕು. ಹಂತ 4: ರಿಜಿಸ್ಟರ್ ನಂಬರ್ ಮೂಲಕ ನಿಮ್ಮ ಫಲಿತಾಂಶ ಪರಿಶೀಲಿಸಬಹುದು. ಹಂತ 5: ಅಭ್ಯರ್ಥಿಗಳು ಫಲಿತಾಂಶವನ್ನು ಡೌನ್ಲೋಡ್ ಮಾಡಿಕೊಂಡು ಮುದ್ರಿಸಿಕೊಳ್ಳಬಹುದು.
2021 ಏಪ್ರಿಲ್10ನೇ ತಾರೀಕಿನಂದು ಕೌನ್ಸಿಲ್ ಆಫ್ ಆರ್ಕಿಟೆಕ್ಚರ್ ಮೊದಲ ಪರೀಕ್ಷೆ ಯಶಸ್ವಿಯಾಗಿ ಪರಿಪೂರ್ಣಗೊಂಡಿದೆ. ಐದು ವರ್ಷಗಳ B.Arch (Bachelor of Architecture) ಕೋರ್ಸ್ನ ಮೊದಲ ವರ್ಷದ ಪ್ರವೇಶಕ್ಕಾಗಿ ಈ ಪರೀಕ್ಷೆಯನ್ನು ನಡೆಸಲಾಗುತ್ತದೆ. ಭಾರತದಾದ್ಯಂತ ಮತ್ತು ದುಬೈ,ಕತಾರ್,ಓಮನ್ ಮತ್ತು ಕುವೈತ್ ಸೇರಿದಂತೆ 196 ಕೇಂದ್ರಗಳಲ್ಲಿ ಪರೀಕ್ಷೆಯನ್ನು ನಡೆಸಲಾಗಿದೆ. ನಾಟಾ 201ರ ಎರಡನೇ ಪರೀಕ್ಷೆಯನ್ನು 2021 ಜೂನ್ 12ರಂದು ನಡೆಸಲಾಗುವುದು. ಪರೀಕ್ಷೆಯ ಅರ್ಹತೆ ಪಡೆಯಲು 200 ಅಂಕಗಳಲ್ಲಿ ಕನಿಷ್ಠ 75 ಅಂಕಗಳನ್ನು ಪಡೆಯಬೇಕಾಗುತ್ತದೆ.
ಇದನ್ನೂ ಓದಿ: Karnataka Exam 2021 News: ಎಲ್ಲವೂ ಸರಿಹೋದ ತಕ್ಷಣ ಪರೀಕ್ಷೆಗಳು ಎಂದಿನಂತೆ ನಡೆಯಲಿವೆ; ಡಾ.ಅಶ್ವತ್ಥ ನಾರಾಯಣ
