Bigg Boss Kannada: ‘ಎಲ್ಲವೂ ಫೇಕ್ ಅನಿಸುತ್ತಿದೆ’; ಬಿಗ್ ಬಾಸ್ ಮನೆಯಲ್ಲಿ 50 ದಿನ ಕಳೆದ ಬಳಿಕ ಅರವಿಂದ್ ಹೀಗೆ ಹೇಳಿದ್ದೇಕೆ?

Bigg Boss Kannada: ‘ಎಲ್ಲವೂ ಫೇಕ್ ಅನಿಸುತ್ತಿದೆ’; ಬಿಗ್ ಬಾಸ್ ಮನೆಯಲ್ಲಿ 50 ದಿನ ಕಳೆದ ಬಳಿಕ ಅರವಿಂದ್ ಹೀಗೆ ಹೇಳಿದ್ದೇಕೆ?
ದಿವ್ಯಾ ಉರುಡುಗ - ಅರವಿಂದ್​ ಕೆಪಿ

BBK8: ಬಿಗ್​ ಬಾಸ್​ನಲ್ಲಿ ಅರವಿಂದ್​ ಕೆಪಿ ಅವರ ಆಟ ಎಲ್ಲರಿಗೂ ಇಷ್ಟ ಆಗುತ್ತಿದೆ. ಟಾಸ್ಕ್​ನಲ್ಲಿ ಚೆನ್ನಾಗಿ ಪರ್ಫಾಮ್​ ಮಾಡುತ್ತಿರುವ ಅವರು ವ್ಯಕ್ತಿತ್ವದ ಕಾರಣದಿಂದಲೂ ಎಲ್ಲರ ಮನ ಗೆಲ್ಲುತ್ತಿದ್ದಾರೆ.

Madan Kumar

| Edited By: Skanda

Apr 21, 2021 | 6:29 AM

ಬಿಗ್​ ಬಾಸ್​ ಕನ್ನಡ ಸೀಸನ್​ 8 ಸರಾಗವಾಗಿ ಸಾಗುತ್ತಿದೆ. ಈಗಾಗಲೇ 7 ಜನರ ಎಲಿಮಿನೇಷನ್​ ಆಗಿದೆ. ಇನ್ನುಳಿದ ಸ್ಪರ್ಧಿಗಳು ಎಂಟನೇ ವಾರಕ್ಕೆ ಕಾಲಿಟ್ಟಿದ್ದಾರೆ. ಆಟದ ವೈಖರಿ ಬೇರೆ ಬೇರೆ ಸ್ವರೂಪ ಪಡೆದುಕೊಳ್ಳುತ್ತಿದೆ. ಇಲ್ಲಿ ಯಾರು ಫೇಕ್​, ಯಾರು ರಿಯಲ್​ ಎಂಬುದನ್ನು ಕಂಡುಹಿಡಿಯುವುದು ಸುಲಭವಲ್ಲ. ದಿನದಿನವೂ ಒಬ್ಬೊಬ್ಬರ ಬಣ್ಣ ಬಯಲಾಗುತ್ತಿದೆ. ಈ ಸಂದರ್ಭದಲ್ಲಿ ‘ಎಲ್ಲವೂ ಫೇಕ್​ ಅನಿಸುತ್ತಿದೆ’ ಎಂಬ ಮಾತು ಅರವಿಂದ್​ ಕೆ.ಪಿ. ಅವರ ಬಾಯಿಂದ ಬಂದಿದೆ!

ಬಿಗ್​ ಬಾಸ್​ನಲ್ಲಿ 50ನೇ ದಿನ ದಿವ್ಯಾ ಉರುಡುಗ ಮತ್ತು ಅರವಿಂದ್​ ಕೆ.ಪಿ. ಮಾತನಾಡುತ್ತಿದ್ದರು. ಆಗ ಅರವಿಂದ್​ ಯಾಕೋ ಸ್ವಲ್ಪ ಬೇಜಾರಾದಂತೆ ಕಂಡರು. ನನ್ನಿಂದ ಏನಾದರೂ ಕಷ್ಟ ಆಗುತ್ತಿದೆಯೇ ಎಂದು ದಿವ್ಯಾ ಪ್ರಶ್ನೆ ಮಾಡಿದರು. ಅದಕ್ಕೆ ‘ಇಲ್ಲ’ ಎಂಬ ಉತ್ತರ ಅರವಿಂದ್​ ಕಡೆಯಿಂದ ಬಂತು. ಮುಂದುವರಿದು ಮಾತನಾಡಿದ ಅವರು, ‘ನನಗೆ ಎಲ್ಲವೂ ಫೇಕ್​ ಅನಿಸುತ್ತಿದೆ. ಆದರೆ ನೀನಲ್ಲ. ಸ್ವಲ್ಪ ದೂರದಿಂದ ನೋಡಬೇಕು. ಆಗ ಸ್ವಲ್ಪ ಸ್ಪಷ್ಟತೆ ಸಿಗುತ್ತದೆ. ಮಂಜು ಪಾವಗಡ ಮತ್ತು ದಿವ್ಯಾ ಸುರೇಶ್​ ಕಡೆಯಿಂದ ನಿಧಿ ನಂಬಿಕೆ ದ್ರೋಹ ಮಾಡಿಸಿದಳು. ನನ್ನ ಪ್ರಕಾರ ಇದೆಲ್ಲ ತುಂಬಾ ತಪ್ಪು’ ಎಂದು ಹೇಳಿದ್ದಾರೆ.

ಬಿಗ್​ ಬಾಸ್​ ಸ್ಪರ್ಧಿಗಳಿಗೆ ಇತ್ತೀಚೆಗೆ ಗರ್ಲ್ಸ್​ ಹಾಸ್ಟೆಲ್​ ವರ್ಸಸ್​ ಬಾಯ್ಸ್​ ಹಾಸ್ಟೆಲ್​ ಎಂಬ ಟಾಸ್ಕ್​ ನೀಡಲಾಗಿತ್ತು. ಆ ಟಾಸ್ಕ್​ನಲ್ಲಿ ನಿಧಿ ಸುಬ್ಬಯ್ಯ, ದಿವ್ಯಾ ಸುರೇಶ್​ ಮತ್ತು ಮಂಜು ಪಾವಗಡ ಸೇರಿಕೊಂಡು ಕುತಂತ್ರ ಮಾಡಿದ್ದರು. ಮನೆಯವರ ನಂಬಿಕೆಗೆ ಮೋಸ ಮಾಡಿದ್ದರು. ಮೂವರೂ ಸೇರಿ ಮುಚ್ಚಿಟ್ಟಿದ್ದ ಆ ವಿಚಾರ ನಂತರ ಬಹಿರಂಗವಾಯಿತು. ಅವರು ಮಾಡಿದ ಈ ಕೃತ್ಯ ನೋಡಿ ಅರವಿಂದ್​ಗೆ ಬೇಸರ ಆಗಿದೆ. ಹಾಗಾಗಿ ಅವರು ‘ಎಲ್ಲವೂ ಫೇಕ್​ ಅನಿಸುತ್ತಿದೆ’ ಎಂದು ದಿವ್ಯಾ ಸುರೇಶ್​ ಬಳಿ ಹೇಳಿಕೊಂಡಿದ್ದಾರೆ.

ಸದ್ಯ ಬಿಗ್​ ಬಾಸ್​ನಲ್ಲಿ ಅರವಿಂದ್​ ಕೆಪಿ ಅವರ ಆಟ ಎಲ್ಲರಿಗೂ ಇಷ್ಟ ಆಗುತ್ತಿದೆ. ಟಾಸ್ಕ್​ನಲ್ಲಿ ಚೆನ್ನಾಗಿ ಪರ್ಫಾಮ್​ ಮಾಡುತ್ತಿರುವ ಅವರು ವ್ಯಕ್ತಿತ್ವದ ಕಾರಣದಿಂದಲೂ ಎಲ್ಲರ ಮನ ಗೆಲ್ಲುತ್ತಿದ್ದಾರೆ. ಈ ಬಗ್ಗೆ ಇತ್ತೀಚೆಗೆ ರಘು ಗೌಡ ಮತ್ತು ಶಮಂತ್​ ಬ್ರೋ ಗೌಡ ಕೂಡ ಪರಸ್ಪರ ಮಾತನಾಡಿಕೊಂಡಿದ್ದರು. ಸನ್ನಿವೇಶಕ್ಕೆ ತಕ್ಕಂತೆ ಅರವಿಂದ್​ ಬದಲಾಗುತ್ತಾರೆ. ಅವರೇ ವಿನ್ನರ್​ ಆಗಬಹುದು ಎಂದು ಅವರಿಬ್ಬರು ಅಭಿಪ್ರಾಯ ಹಂಚಿಕೊಂಡಿದ್ದರು.

ಟಾಸ್ಕ್​ ಮಾತ್ರವಲ್ಲದೆ ದಿವ್ಯಾ ಉರುಡುಗ​ ಜೊತೆಗಿನ ಪ್ರೇಮ್​ ಕಹಾನಿಯ ಕಾರಣದಿಂದಲೂ ಅರವಿಂದ್​ ಹೈಲೈಟ್​ ಆಗುತ್ತಿದ್ದಾರೆ. ದಿವ್ಯಾ ಜೊತೆಗಿನ ಅವರ ಆಪ್ತತೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ. ಮನೆಯಲ್ಲಿ ಸಮಯ ಸಿಕ್ಕಾಗಲೆಲ್ಲ ಅವರು ದಿವ್ಯಾ ಜೊತೆಗೆ ಸಮಯ ಕಳೆಯುತ್ತಾರೆ. ಇಬ್ಬರ ನಡುವಿನ ಸಲುಗೆ ನೋಡಿದರೆ ಬಿಗ್​ ಬಾಸ್​ ಮುಗಿದ ಬಳಿಕ ಅವರಿಬ್ಬರು ಮದುವೆ ಆಗಬಹುದು ಎಂದು ಅಭಿಪ್ರಾಯ ಎಲ್ಲರಿಂದಲೂ ಕೇಳಿಬರುತ್ತಿದೆ. ಆದರೆ ಈ ಬಗ್ಗೆ ಅರವಿಂದ್​ ಆಗಲೀ, ದಿವ್ಯಾ ಆಗಲೀ ಇನ್ನೂ ಸ್ಪಷ್ಟ ನಿರ್ಧಾರ ತೆಗೆದುಕೊಂಡಿಲ್ಲ.

ಇದನ್ನೂ ಓದಿ: ಅರವಿಂದ್​ಗೆ ಪ್ರೀತಿಯ ರಿಂಗ್​ ತೊಡಿಸಿದ ದಿವ್ಯಾ! ಮರುಕ್ಷಣವೇ ಇಬ್ಬರ ಲವ್​ನಲ್ಲಿ ಸುನಾಮಿ

Follow us on

Most Read Stories

Click on your DTH Provider to Add TV9 Kannada