‘ತೈಮೂರ್ ಜತೆಗೂ ಅಕ್ಷಯ್ ಸಿನಿಮಾ ಮಾಡ್ತಾರೆ’; ಕರೀನಾ ಹೇಳಿದ ಈ ಮಾತು ನಿಜವೋ? ತಮಾಷೆಯೋ?
ಅಕ್ಷಯ್ ಕುಮಾರ್ ಮತ್ತು ಕರೀನಾ ಕಪೂರ್ ಖಾನ್ ನಡುವೆ 13 ವರ್ಷಗಳ ವಯಸ್ಸಿನ ಅಂತರ ಇದೆ. ಅಕ್ಷಯ್ ನಟನೆಯ ಸಿನಿಮಾಗಳ ಶೂಟಿಂಗ್ ನೋಡಲು ಹೋಗುವಾಗ ಕರೀನಾ ಕಪೂರ್ ಚಿಕ್ಕ ಬಾಲಕಿ ಆಗಿದ್ದರು.
ನಟ ಅಕ್ಷಯ್ ಕುಮಾರ್ (Akshay Kumar) ಅವರು ಬಾಲಿವುಡ್ನಲ್ಲಿ ಬಹುಬೇಡಿಕೆಯ ಹೀರೋ ಆಗಿ ಮಿಂಚುತ್ತಿದ್ದಾರೆ. ಅವರ ಸಾಲು ಸಾಲು ಸಿನಿಮಾಗಳು ಬಿಡುಗಡೆಗೆ ಸಿದ್ಧವಾಗುತ್ತಿವೆ. ಅವರ ಬಗ್ಗೆ ನಿರ್ಮಾಪಕರಿಗೆ ಎಲ್ಲಿಲ್ಲದ ಭರವಸೆ. ಅಕ್ಷಯ್ ಕುಮಾರ್ ನಟನೆಯ ಸಿನಿಮಾಗೆ ಬಂಡವಾಳ ಹೂಡಿದರೆ ನಷ್ಟ ಆಗುವುದಿಲ್ಲ ಎಂಬ ನಂಬಿಕೆ ಎಲ್ಲರಲ್ಲೂ ಇದೆ. ಅಲ್ಲದೇ, ಅಕ್ಷಯ್ ಕುಮಾರ್ ಅವರು ಕೆಲಸ ಮಾಡುವ ಪರಿಗೆ ಸೆಲೆಬ್ರಿಟಿಗಳು ಕೂಡ ಫಿದಾ ಆಗಿದ್ದಾರೆ. ನಟಿ ಕರೀನಾ ಕಪೂರ್ ಖಾನ್ (Kareena Kapoor Khan) ಅವರಿಗೂ ಅಕ್ಷಯ್ ಕುಮಾರ್ ಎಂದರೆ ಬಹಳ ಇಷ್ಟ. ಆದರೆ ಅವರ ಜೊತೆ ಸಿನಿಮಾ ಮಾಡವಾಗ ಕೊಂಚ ಕಸಿವಿಸಿ ಆಗುತ್ತದೆ ಎಂದು ಕೂಡ ಕರೀನಾ ಹೇಳಿದ್ದಾರೆ. ಅದಕ್ಕೆ ಕಾರಣ ಕೂಡ ಇದೆ. ಮುಂದಿನ ದಿನಗಳಲ್ಲಿ ತೈಮೂರ್ ಅಲಿ ಖಾನ್ (Taimur Ali Khan) ಜೊತೆಗೂ ಅಕ್ಷಯ್ ಕುಮಾರ್ ಸಿನಿಮಾ ಮಾಡುತ್ತಾರೆ ಎಂದು ಕರೀನಾ ಕಪೂರ್ ಖಾನ್ ಹೇಳಿದ್ದಾರೆ. ಹಾಗಾದರೆ ಅವರ ಮಾತಿನ ಅರ್ಥವೇನು? ನಿಜಕ್ಕೂ ತೈಮೂರ್ ಜೊತೆ ಸಿನಿಮಾ ಮಾಡಲು ಅಕ್ಷಯ್ ಕುಮಾರ್ ರೆಡಿ ಆಗಿದ್ದಾರಾ? ಇಲ್ಲಿದೆ ಪೂರ್ತಿ ವಿವರ..
ಅಕ್ಷಯ್ ಕುಮಾರ್ ಅವರಿಗೆ ಈಗ 54 ವರ್ಷ ವಯಸ್ಸು. 1987ರ ಸಮಯದಿಂದಲೂ ಅವರು ಸಿನಿಮಾ ಮಾಡುತ್ತಿದ್ದಾರೆ. ಅಂದು ಅವರ ಜೊತೆ ರೊಮ್ಯಾನ್ಸ್ ಮಾಡಿದ ನಟಿಯರೆಲ್ಲ ಇಂದು ಮೂಲೆಗುಂಪಾಗಿದ್ದಾರೆ. ಕರೀನಾ ಕಪೂರ್ ಸಹೋದರಿ ಕರೀಷ್ಮಾ ಕಪೂರ್ ಅವರು ಅನೇಕ ಸಿನಿಮಾಗಳಲ್ಲಿ ಅಕ್ಷಯ್ ಕುಮಾರ್ಗೆ ನಾಯಕಿ ಆಗಿದ್ದರು. ಬಳಿಕ ಅವರ ತಂಗಿ ಕರೀನಾ ಕಪೂರ್ ಕೂಡ ಅಕ್ಷಯ್ ಕುಮಾರ್ಗೆ ನಾಯಕಿ ಆದರು. ‘ಅಕ್ಕನ ಜೊತೆ ರೊಮ್ಯಾನ್ಸ್ ಮಾಡಿದ್ದ ಹೀರೋಗಳು ಜೊತೆ ನಾನು ನಟಿಸುವಾಗ ವಿಚಿತ್ರ ಎನಿಸುತ್ತದೆ’ ಎಂದು ಕರೀನಾ ಕಪೂರ್ ಹೇಳಿದ್ದಾರೆ.
ಅಕ್ಷಯ್ ಕುಮಾರ್ ಮತ್ತು ಕರೀನಾ ಕಪೂರ್ ಖಾನ್ ನಡುವೆ 13 ವರ್ಷಗಳ ವಯಸ್ಸಿನ ಅಂತರ ಇದೆ. ಕರೀಷ್ಮಾ ಕಪೂರ್ ಮತ್ತು ಅಕ್ಷಯ್ ಕುಮಾರ್ ಜೋಡಿಯಾಗಿ ನಟಿಸುವಾಗ ಕರೀನಾ ಕಪೂರ್ ಅವರು ಇನ್ನೂ ಚಿಕ್ಕ ಬಾಲಕಿ ಆಗಿದ್ದರು. ಶಾಲೆಯ ಯೂನಿಫಾರ್ಮ್ ಧರಿಸಿ ಅವರು ಶೂಟಿಂಗ್ ನೋಡಲು ಹೋಗುತ್ತಿದ್ದರು. ನಂತರ ಅದೇ ಕರೀನಾ ಕಪೂರ್ ಜೊತೆ ಅಕ್ಷಯ್ ಕುಮಾರ್ ಜೋಡಿಯಾಗಿ ನಟಿಸಿದರು. ಇನ್ನೂ ಹಲವು ವರ್ಷಗಳ ಕಾಲ ಅವರು ಹೀರೋ ಆಗಿಯೇ ಮಿಂಚುತ್ತಾರೆ. 75ನೇ ವಯಸ್ಸಿನಲ್ಲೂ ಅವರು ಹೀರೋ ಪಾತ್ರ ಮಾಡುತ್ತಾರೆ ಎಂಬುದು ಕರೀನಾ ಕಪೂರ್ ಅನಿಸಿಕೆ. ‘ಅಕ್ಷಯ್ ಕುಮಾರ್ ಈಗಾಗಲೇ ತೈಮೂರ್ ಜೊತೆ ಹೀರೋ ಆಗಿ ನಟಿಸಲು ಪ್ಲ್ಯಾನ್ ಮಾಡಿದ್ದಾರೆ. ಈ ಬಗ್ಗೆ ನನಗೆ ಹೇಳಿದ್ದಾರೆ’ ಎಂದು ಕರೀನಾ ಕಪೂರ್ ತಮಾಷೆ ಮಾಡಿದ್ದಾರೆ. ಸದ್ಯ ಈ ವಿಚಾರ ಅಭಿಮಾನಿಗಳ ವಲಯದಲ್ಲಿ ಚರ್ಚೆ ಆಗುತ್ತಿದೆ.
ಇದನ್ನೂ ಓದಿ:
Saif Ali Khan: ಕರೀನಾ ಕಪೂರ್ಗಿಂದ ಕತ್ರಿನಾ ಹೆಚ್ಚು ಹಾಟ್ ಎಂದಿದ್ದ ಸೈಫ್; ಹಳೇ ವಿಡಿಯೋ ಮತ್ತೆ ವೈರಲ್
175 ಕೋಟಿ ರೂ. ಎದುರಿಗಿಟ್ಟರೂ ಆಫರ್ ಒಪ್ಪಲಿಲ್ಲ ಅಕ್ಷಯ್ ಕುಮಾರ್; ಇದು ‘ಬಚ್ಚನ್ ಪಾಂಡೆ’ ತಾಕತ್ತು
