ಅನಿಲ್ ಕಪೂರ್ ಮಗಳ ಮದುವೆಗೆ ಕೇವಲ 30 ಅತಿಥಿಗಳು; ಸ್ಟಾರ್ಗಳಿಗಾಗಿ ನಡೆಯಲಿದೆ ವಿಶೇಷ ಆರತಕ್ಷತೆ
ಸೋಮವಾರ ರಾತ್ರಿ ಕರಣ್ ಅವರು ರಿಯಾಗೆ ತಾಳಿ ಕಟ್ಟಲಿದ್ದಾರೆ. ಕಪೂರ್ ಕುಟುಂಬ ತುಂಬಾನೇ ದೊಡ್ಡದಿದೆ. ಹೀಗಾಗಿ, ಕಪೂರ್ ಫ್ಯಾಮಿಲಿ ಹಾಗೂ ಕರಣ್ ಕಡೆಯವರು ಒಂದಷ್ಟು ಮಂದಿ ಮದುವೆಗೆ ಆಗಮಿಸುತ್ತಿದ್ದಾರೆ.
Updated on: Aug 16, 2021 | 7:14 PM
ಸ್ಟಾರ್ ನಟರ ಮಕ್ಕಳ ಮದುವೆ ಎಂದರೆ ಅಲ್ಲೊಂದು ಅದ್ದೂರಿತನ ಇರುತ್ತದೆ. ಚಿತ್ರರಂಗದ ಕಲಾವಿದರ ದಂಡೇ ಅಲ್ಲಿ ನೆರೆದಿರುತ್ತದೆ. ಆದರೆ, ಈಗ ಕೊರೊನಾ ವೈರಸ್ ಕಾಟ. ಹೀಗಾಗಿ, ಆಪ್ತರ ಸಮ್ಮುಖದಲ್ಲಿ ಮದುವೆ ನಡೆಸಬೇಕಾದ ಅನಿವಾರ್ಯತೆ ಎದುರಾಗಿದೆ. ಅನಿಲ್ ಕಪೂರ್ ಮಗಳು ರಿಯಾ ಕಪೂರ್ ಕೂಡ ಮದುವೆ ಆಗಿದ್ದಾರೆ. 13 ವರ್ಷಗಳ ಕಾಲ ಕರಣ್ ಬೂಲಾನಿ ಅವರನ್ನು ಪ್ರೀತಿಸಿ, ಈಗ ಮದುವೆ ಆಗುತ್ತಿದ್ದಾರೆ. ಈ ಮದುವೆಗೆ ಕೇವಲ 30 ಅತಿಥಿಗಳು ಮಾತ್ರ ಆಗಮಿಸಿದ್ದರು.
ಕಪೂರ್ ಕುಟುಂಬ ತುಂಬಾನೇ ದೊಡ್ಡದಿದೆ. ಹೀಗಾಗಿ, ಕಪೂರ್ ಫ್ಯಾಮಿಲಿ ಹಾಗೂ ಕರಣ್ ಕಡೆಯವರು ಒಂದಷ್ಟು ಮಂದಿ ಮದುವೆಗೆ ಆಗಮಿಸಿದ್ದರು. 2018ರಲ್ಲಿ ಸೋನಮ್ ಕಪೂರ್ ಮದುವೆ ನೆರವೇರಿತ್ತು. ಆ ಮದುವೆಯಲ್ಲಿ ಸ್ಟಾರ್ ನಟರ ದಂಡೇ ನೆರೆದಿತ್ತು. ಆದರೆ, ಕೊವಿಡ್ನಿಂದ ರಿಯಾ ಮದುವೆಗೆ ಆ ಅದ್ದೂರಿತನಕ್ಕೆ ಆಸ್ಪದ ಸಿಗುತ್ತಿಲ್ಲ. ಇದು ಅನೀಲ್ ಕಪೂರ್ಗೆ ಬೇಸರ ತರಿಸಿದೆ. ಹೀಗಾಗಿ, ದೊಡ್ಡಮಟ್ಟದಲ್ಲಿ ರಿಸೆಪ್ಷನ್ ನಡೆಸುವ ಆಲೋಚನೆ ಅನಿಲ್ ಕಪೂರ್ ಹೊಂದಿದ್ದಾರೆ.
ಇನ್ನು, ರಿಯಾ ಮದುವೆಯನ್ನು ಕುಟುಂಬ ಸಂಭ್ರಮಿಸುತ್ತಿದೆ. ರಿಯಾ ಅಕ್ಕ ಸೋನಮ್ ಕಪೂರ್ ಅಹೂಜಾ, ರಿಯಾ ಭಾವ ಆನಂದ್ ಅಹೂಜಾ, ಶ್ರೀದೇವಿ ಮಗಳು ಜಾಹ್ನವಿ ಕಪೂರ್, ಅರ್ಜುನ್ ಕಪೂರ್ ಸೇರಿ ಸಾಕಷ್ಟು ಮಂದಿ ಮದುವೆಯಲ್ಲಿ ಹಾಜರಿ ಹಾಕಿದ್ದಾರೆ. ಖುಷಿ, ಶಯಾನಾ ಸೇರಿ ಸಾಕಷ್ಟು ಮಂದಿ ಮದುವೆ ಸಂಭ್ರಮದ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.
View this post on Instagram
ಕೊವಿಡ್ ಎರಡನೇ ಅಲೆ ಈಗ ತಾನೇ ತಣ್ಣಗಾಗುತ್ತಿದೆ. ಇನ್ನು, ಮೂರನೇ ಅಲೆ ಬರುವ ಸಾಧ್ಯತೆಯನ್ನು ತಳ್ಳಿ ಹಾಕುವಂತಿಲ್ಲ. ಈ ಎಲ್ಲವನ್ನೂ ನೋಡಿಕೊಂಡು ರಿಸೆಪ್ಷನ್ ನಿರ್ಧರಿಸೋಕೆ ಅನಿಲ್ ಕಪೂರ್ ಆಲೋಚಿಸಿದ್ದಾರೆ. ಈ ಆರತಕ್ಷತೆಗೆ ಬಾಲಿವುಡ್ನ ಸೆಲೆಬ್ರಿಟಿಗಳು, ರಾಜಕಾರಣಿಗಳು, ದೊಡ್ಡದೊಡ್ಡ ಅಧಿಕಾರಿಗಳು ಬರುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಇದನ್ನೂ ಓದಿ: 64ರ ಪ್ರಾಯದ ಅನಿಲ್ ಕಪೂರ್ ಈಗಲೂ ಬಾಡಿ ಫಿಟ್ ಆಗಿ ಇಟ್ಟುಕೊಂಡಿರುವುದು ಹೇಗೆ? ಇಲ್ಲಿದೆ ಉತ್ತರ
