ಹ್ಯಾಕ್​ ಆಯ್ತಾ ಅನಿಲ್​ ಕಪೂರ್​ ಇನ್​ಸ್ಟಾಗ್ರಾಮ್​ ಖಾತೆ? ಎಲ್ಲ ಫೋಟೋಗಳು ಏಕಾಏಕಿ ಮಾಯ

ಸೆಲೆಬ್ರಿಟಿಗಳು ತುಂಬ ಆ್ಯಕ್ಟೀವ್​ ಆಗಿ ಸೋಶಿಯಲ್​ ಮೀಡಿಯಾ ಬಳಸುತ್ತಾರೆ. ಇನ್​ಸ್ಟಾಗ್ರಾಮ್​ (Instagram) ಖಾತೆಯ ಮೂಲಕ ಪ್ರತಿಯೊಂದು ಅಪ್​ಡೇಟ್​ ನೀಡುತ್ತಾರೆ. ಒಳ್ಳೊಳ್ಳೆಯ ಫೋಟೋ ಅಪ್​ಲೋಡ್​ ಮಾಡುವ ಮೂಲಕ ಫಾಲೋವರ್ಸ್​ ಹೆಚ್ಚಿಸಿಕೊಳ್ಳುತ್ತಾರೆ. ಕೆಲವೊಮ್ಮೆ ಸೆಲೆಬ್ರಿಟಿಗಳ ಖಾತೆ ಹ್ಯಾಕ್​ (Hack) ಆಗುತ್ತದೆ. ಈಗ ಅನಿಲ್​ ಕಪೂರ್​ ಅವರ ಇನ್​ಸ್ಟಾಗ್ರಾಮ್​ ಅಕೌಂಟ್​ ಕೂಡ ಹ್ಯಾಕ್​ ಆಗಿದೆಯೇ ಎಂಬ ಅನುಮಾನ ಮೂಡಿದೆ. ಇದಕ್ಕೆ ಕಾರಣ ಇಷ್ಟೇ.. ಅವರ ಖಾತೆಯಲ್ಲಿ ಇರುವ ಎಲ್ಲ ಫೋಟೋಗಳು ಮಾಯ ಆಗಿವೆ. ಯಾಕೆ ಹೀಗಾಯ್ತು ಎಂದು ಅನಿಲ್​ ಕಪೂರ್​ (Anil Kapoor) ಅವರು ಸದ್ಯಕ್ಕಂತೂ ಉತ್ತರ ನೀಡಿಲ್ಲ. ಅಭಿಮಾನಿಗಳು ಒಂದೊಂದು ರೀತಿಯಲ್ಲಿ ಊಹೆ ಮಾಡುತ್ತಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ಸೆಲೆಬ್ರಿಟಿಗಳು ಬಹಳ ಗಿಮಿಕ್​ ಮಾಡುತ್ತಾರೆ. ಪ್ರಚಾರಕ್ಕಾಗಿ ಸೋಶಿಯಲ್​ ಮೀಡಿಯಾದಲ್ಲಿ ಏನೇನೋ ತಂತ್ರ ರೂಪಿಸುತ್ತಾರೆ. ಅನಿಲ್​ ಕಪೂರ್​ ಕೂಡ ಈಗ ತಮ್ಮ ಸಿನಿಮಾ ಅಥವಾ ಬ್ರ್ಯಾಂಡ್​ ಪ್ರಮೋಷನ್​ ಸಲುವಾಗಿ ಈ ರೀತಿ ಮಾಡಿರಬಹುದು ಎಂದು ಹೇಳಲಾಗುತ್ತಿದೆ. ಇನ್ನೂ ಕೆಲವರು ‘ಮಿಸ್ಟರ್​ ಇಂಡಿಯಾ 2’ ಸಿನಿಮಾವನ್ನು ಘೋಷಿಸುವ ಸಲುವಾಗಿ ಹೀಗೆ ಮಾಡಿರುವ ಸಾಧ್ಯತೆ ಇದೆ ಎಂದು ಊಹಿಸಿದ್ದಾರೆ. ಆದರೆ ಅದನ್ನು ಅನಿಲ್​ ಕಪೂರ್​ ಸಹೋದರ ಬೋನಿ ಕಪೂರ್​ ತಳ್ಳಿಹಾಕಿದ್ದಾರೆ.

ಇದನ್ನೂ ಓದಿ: ಅಣ್ಣನ ಮಗಳ ವಿಡಿಯೋ ವಿಚಾರದಲ್ಲಿ ತಪ್ಪು ಮಾಡಿದ ಅನಿಲ್​ ಕಪೂರ್​; ಹಿಗ್ಗಾಮುಗ್ಗಾ ಟ್ರೋಲ್​

‘ಮಿಸ್ಟರ್ ಇಂಡಿಯಾ’ ಸಿನಿಮಾ 1987ರಲ್ಲಿ ಬಿಡುಗಡೆ ಆಗಿತ್ತು. ಯಾರಿಗೂ ಕಾಣಿಸಿದ ವ್ಯಕ್ತಿಯ ಪಾತ್ರವನ್ನು ಅನಿಲ್​ ಕಪೂರ್​ ಮಾಡಿದ್ದರು. ಆ ಚಿತ್ರಕ್ಕೆ ಬೋನಿ ಕಪೂರ್​ ನಿರ್ದೇಶನ ಮಾಡಿದ್ದರು. ‘ಮಿಸ್ಟರ್​ ಇಂಡಿಯಾ 2’ ಯಾವಾಗ ಬರಲಿದೆ ಎಂದು ಫ್ಯಾನ್ಸ್​ ಕಾದಿದ್ದಾರೆ. ಈಗ ಈ ಸಿನಿಮಾ ಸೆಟ್ಟೇರಲು ಸಕಲ ಸಿದ್ಧತೆ ಆಗಿರಬಹುದು. ಈ ಪ್ರಾಜೆಕ್ಟ್​ ಅನೌನ್ಸ್​ ಮಾಡುವ ಸಲುವಾಗಿಯೇ ತಮ್ಮ ಫೋಟೋಗಳನ್ನು ಅನಿಲ್​ ಕಪೂರ್​ ಮಾಡಿರಬಹುದು ಎಂಬುದು ನೆಟ್ಟಿಗರ ಅಭಿಪ್ರಾಯ.

ಇದನ್ನೂ ಓದಿ: ‘ಇಂಥ ಕೆಲಸ ಮಾಡ್ಬೇಡಿ’: ಎಲ್ಲರ ಎದುರು ಕರಣ್​ ಜೋಹರ್​ಗೆ ಅನಿಲ್​ ಕಪೂರ್ ವಾರ್ನಿಂಗ್​; ವಿಡಿಯೋ ವೈರಲ್​​

ಈ ಕುರಿತಂತೆ ಬೋನಿ ಕಪೂರ್​ ಅವರು ಪ್ರತಿಕ್ರಿಯೆ ನೀಡಿದ್ದಾರೆ. ‘ನೋಡ್ತೀನಿ ಇರಿ. ನಾನು ಇನ್ನೂ ಅವರ ಇನ್​ಸ್ಟಾಗ್ರಾಮ್​ ಅಕೌಂಟ್​ ನೋಡಿಲ್ಲ. ಏನೋ ತೋರಿಸಬೇಕು ಅಂತ ಅವರು ನನಗೆ ಹೇಳಿಲ್ಲ. ‘ಮಿಸ್ಟರ್​ ಇಂಡಿಯಾ 2’ ಚಿತ್ರಕ್ಕೆ ಒಂದು ಹಂತದ ಮಾತುಕಥೆ ಪೂರ್ಣವಾದ ಬಳಿಕ ಮಾತ್ರ ಆ ಬಗ್ಗೆ ಮಾತನಾಡುತ್ತೇನೆ’ ಎಂದು ಬೋನಿ ಕಪೂರ್​ ಹೇಳಿದ್ದಾರೆ. ಸದ್ಯಕ್ಕೆ ಅನಿಲ್​ ಕಪೂರ್​ ಅವರು ‘ಅನಿಮಲ್​’ ಸಿನಿಮಾದಲ್ಲಿ ನಟಿಸಿದ್ದಾರೆ. ಆ ಸಿನಿಮಾದ ಪ್ರಚಾರಕ್ಕಾಗಿಯೂ ಅವರು ಫೋಟೋಗಳನ್ನು ಡಿಲೀಟ್​ ಮಾಡುವ ಗಿಮಿಕ್​ ಮಾಡಿರಬಹುದು ಎಂದು ಕೆಲವರು ಊಹಿಸಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.