ವಿಕ್ಕಿ ಜೈನ್​ ತುಟಿಗೆ ಮುತ್ತಿಟ್ಟು ದುಬಾರಿ ಗಿಫ್ಟ್​ ನೀಡಿದ ಸುಶಾಂತ್ ಸಿಂಗ್​ ಮಾಜಿ ಪ್ರೇಯಸಿ ಅಂಕಿತಾ

ಹಿಂದಿ ಸಿನಿಮಾ ಮತ್ತು ಕಿರುತೆರೆಯ ಧಾರಾವಾಹಿಗಳ ಮೂಲಕ ಫೇಮಸ್​ ಆದವರು ನಟಿ ಅಂಕಿತಾ ಲೋಖಂಡೆ. ಸುಶಾಂತ್​ ಸಿಂಗ್​ ರಜಪೂತ್​ (Sushant Singh Rajput) ಅವರ ಪ್ರೇಯಸಿ ಆಗಿದ್ದರು ಎಂಬ ಕಾರಣಕ್ಕೆ ಅವರು ಹೆಚ್ಚು ಸುದ್ದಿ ಆಗುತ್ತಿದ್ದರು. ‘ಪವಿತ್ರ ರಿಶ್ತಾ’ ಸೀರಿಯಲ್​ನಲ್ಲಿ ಸುಶಾಂತ್​ ಸಿಂಗ್​ ಮತ್ತು ಅಂಕಿತಾ ಲೋಖಂಡೆ (Ankita Lokhande) ಜೋಡಿಯಾಗಿ ನಟಿಸಿದ್ದರು. ರಿಯಲ್​ ಲೈಫ್​ನಲ್ಲಿಯೂ ಈ ಜೋಡಿಯ ನಡುವೆ ಪ್ರೀತಿ ಚಿಗುರಿತ್ತು. ಆದರೆ ಬಳಿಕ ಬ್ರೇಕಪ್​ ಮಾಡಿಕೊಂಡರು. ಅತ್ತ ಸುಶಾಂತ್​ ಅವರು ನಟಿ ರಿಯಾ ಚಕ್ರವರ್ತಿ (Rhea Chakraborty) ಜೊತೆ ಡೇಟಿಂಗ್​ ಮಾಡಲು ಆರಂಭಿಸಿದರು. ಇತ್ತ ವಿಕ್ಕಿ ಜೈನ್​ (Vicky Jain) ಜೊತೆ ಅಂಕಿತಾಗೆ ಪ್ರೀತಿ ಚಿಗುರಿತು.

ವಿಕ್ಕಿ ಜೈನ್​ ಮತ್ತು ಅಂಕಿತಾ ಪರಸ್ಪರ ಪ್ರೀತಿಸುತ್ತಿರುವ ವಿಚಾರವನ್ನು ಮುಚ್ಚಿಟ್ಟಿಲ್ಲ. ಸೋಶಿಯಲ್​ ಮೀಡಿಯಾ ಪೋಸ್ಟ್​ಗಳ ಮೂಲಕ ಅವರು ತಮ್ಮ ಪ್ರೀತಿಯನ್ನು ಜಗಜ್ಜಾಹೀರು ಮಾಡಿದ್ದಾರೆ. ಇತ್ತೀಚೆಗೆ ವಿಕ್ಕಿ ಜೈನ್​ ಜನ್ಮದಿನ ಆಚರಿಸಿಕೊಂಡರು. ಆ ಪ್ರಯುಕ್ತ ಅವರಿಗೆ ಅಂಕಿತಾ ಒಂದು ಗಿಫ್ಟ್​ ಕೊಡಿಸಿದರು. 60 ಸಾವಿರ ರೂ. ಬೆಲೆಬಾಳುವ ಹೆಡ್​ಫೋನ್​ ಉಡುಗೊರೆಯಾಗಿ ನೀಡಿದರು. ಅಲ್ಲದೆ, ಅದೇ ಖುಷಿಯಲ್ಲಿ ಪ್ರಿಯಕರನನ್ನು ತಬ್ಬಿಕೊಂಡು ತುಟಿಗೆ ಮುತ್ತಿಕ್ಕಿದರು. ಆ ಕ್ಷಣದ ವಿಡಿಯೋವನ್ನು ಅವರು ಸೋಶಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ.

‘ನಿನ್ನ ಜೀವನದ ಅತ್ಯುತ್ತಮ ದಿನಗಳು ಬರುತ್ತಿವೆ. ಬದುಕಿನ ಎಲ್ಲ ಏಳು-ಬೀಳುಗಳ ಸಮಯದಲ್ಲೂ ನಾನು ನಿನ್ನ ಜೊತೆ ಇರುತ್ತೇನೆ’ ಎಂಬ ಕ್ಯಾಪ್ಷನ್​ನೊಂದಿಗೆ ಈ ವಿಡಿಯೋ ಹಂಚಿಕೊಂಡು ಪ್ರಿಯಕರನಿಗೆ ಅಂಕಿತಾ ಶುಭಕೋರಿದ್ದಾರೆ. ಕಮೆಂಟ್​ ಮಾಡಿರುವ ಅನೇಕ ಅಭಿಮಾನಿಗಳು ಮತ್ತು ಸ್ನೇಹಿತರು ಈ ಜೋಡಿಗೆ ಶುಭ ಹಾರೈಸಿದ್ದಾರೆ.

View this post on Instagram

A post shared by Ankita Lokhande (@lokhandeankita)

ಸುಶಾಂತ್​ ಸಿಂಗ್​ ರಜಪೂತ್​ ನಿಧನರಾದ ಬಳಿಕ ಅಂಕಿತಾ ಲೋಖಂಡೆ ಕೂಡ ಒಂದು ವರ್ಗದ ನೆಟ್ಟಿಗರಿಂದ ಟೀಕೆಗೆ ಗುರಿ ಆಗಿದ್ದರು. ಅಂಕಿತಾ ಜೊತೆ ಬ್ರೇಕಪ್​ ಆಗಿದ್ದರಿಂದಲೇ ಸುಶಾಂತ್​ ಸಾವಿನ ಹಾದಿ ಹಿಡಿಯುವಂತಾಯಿತು ಎಂದು ಅನೇಕರು ಕಮೆಂಟ್​ ಮಾಡಿದ್ದರು. ಸುಶಾಂತ್​-ಅಂಕಿತಾ ಬ್ರೇಕಪ್​ಗೆ ವಿಕ್ಕಿ ಜೈನ್​ ಕಾರಣ ಎಂದು ಕೂಡ ಕೆಲವರು ದೂರಿದ್ದರು. ಆದರೆ ಅದೆಲ್ಲ ನಿಜವಲ್ಲ ಎಂದು ಅಂಕಿತಾ ಸ್ಪಷ್ಟನೆ ನೀಡಿದ್ದರು. ಶೀಘ್ರದಲ್ಲೇ ಅಂಕಿತಾ ಮತ್ತು ವಿಕ್ಕಿ ಜೈನ್​ ಹಸೆಮಣೆ ಏರಲಿದ್ದಾರೆ.

ಇದನ್ನೂ ಓದಿ:

ಸುಶಾಂತ್​ ಸಿಂಗ್​ ರಜಪೂತ್​ ಸಾವಿನ ಪ್ರಮುಖ ಆರೋಪಿ ರಿಯಾ ಚಕ್ರವರ್ತಿಗೆ ಹಾಲಿವುಡ್​ನಿಂದ ಆಫರ್​?

ಸುಶಾಂತ್​ ಸಿಂಗ್​ ಸ್ಥಾನ ತುಂಬಲು ಬಂದ ಮಹಾಭಾರತದ ಅರ್ಜುನ; ಫ್ಯಾನ್ಸ್​ ಇದನ್ನು ಒಪ್ತಾರಾ?

Published On - 9:57 am, Mon, 2 August 21