‘ಬ್ರಹ್ಮಾಸ್ತ್ರ’ ಎರಡನೇ ಪಾರ್ಟ್ನಲ್ಲಿ ಆರ್ಯನ್ ಖಾನ್? ವೈರಲ್ ಆಯ್ತು ನಕಲಿ ಪೋಸ್ಟರ್
ಶಾರುಖ್ ಖಾನ್ ಅವರು ಬಾಲಿವುಡ್ನ ಬೇಡಿಕೆಯ ನಟ. ಮಗ ಆರ್ಯನ್ ಖಾನ್ ಅವರನ್ನು ಚಿತ್ರರಂಗಕ್ಕೆ ಪರಿಚಯಿಸಬೇಕು ಎಂಬುದು ಶಾರುಖ್ ಉದ್ದೇಶ ಆಗಿತ್ತು. ಆದರೆ, ಡ್ರಗ್ಸ್ ಕೇಸ್ನಲ್ಲಿ ಆರ್ಯನ್ ಹೆಸರು ಸೇರಿಕೊಂಡಿತು.
Updated on: Oct 01, 2022 | 8:01 PM
ಅಯಾನ್ ಮುಖರ್ಜಿ (Ayan Mukerji) ನಿರ್ದೇಶನದ ‘ಬ್ರಹ್ಮಾಸ್ತ್ರ’ ಸಿನಿಮಾ ತೆರೆಗೆ ಬಂದಿದೆ. ಈ ಚಿತ್ರ ಮೂರು ಭಾಗಗಳಲ್ಲಿ ಬರಲಿದೆ ಎಂಬುದು ಈ ಮೊದಲೇ ಘೋಷಣೆ ಆಗಿತ್ತು. ಈಗ ಮೊದಲ ಪಾರ್ಟ್ ಹಿಟ್ ಆಗಿರುವುದರಿಂದ ಎರಡನೇ ಪಾರ್ಟ್ ಮೇಲೆ ಅಭಿಮಾನಿಗಳಿಗೆ ದೊಡ್ಡ ಮಟ್ಟದ ನಿರೀಕ್ಷೆ ಇದೆ. ಶಾರುಖ್ ಖಾನ್ ಅವರು ಮೊದಲ ಪಾರ್ಟ್ನಲ್ಲಿ ಮಿಂಚಿದ್ದರು. ಈಗ ಆರ್ಯನ್ ಖಾನ್ (Aryan Khan) ಅವರು ಎರಡನೇ ಪಾರ್ಟ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಈ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಎಡಿಟ್ ಮಾಡಲಾದ ಫೋಟೋಗಳು ಹರಿದಾಡುತ್ತಿದೆ. ಇದಕ್ಕೆ ಫ್ಯಾನ್ಸ್ ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.
ಶಾರುಖ್ ಖಾನ್ ಅವರು ಬಾಲಿವುಡ್ನ ಬೇಡಿಕೆಯ ನಟ. ಮಗ ಆರ್ಯನ್ ಖಾನ್ ಅವರನ್ನು ಚಿತ್ರರಂಗಕ್ಕೆ ಪರಿಚಯಿಸಬೇಕು ಎಂಬುದು ಶಾರುಖ್ ಉದ್ದೇಶ ಆಗಿತ್ತು. ಆದರೆ, ಡ್ರಗ್ಸ್ ಕೇಸ್ನಲ್ಲಿ ಆರ್ಯನ್ ಹೆಸರು ಸೇರಿಕೊಂಡಿತು. ಅವರು ಅರೆಸ್ಟ್ ಕೂಡ ಆದರು. ಈ ಕಾರಣದಿಂದ ಹಲವು ಸಮಯ ಆರ್ಯನ್ ಸಾರ್ವಜನಿಕವಾಗಿ ಕಾಣಿಸಿಕೊಂಡಿಲ್ಲ. ಈಗ ಆರ್ಯನ್ ಖಾನ್ ನಿರ್ದೇಶಕರಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಡಲಿದ್ದಾರೆ ಎನ್ನಲಾಗುತ್ತಿದೆ. ಅದೇ ರೀತಿ ಅವರು ನಟನೆಗೂ ಕಾಲಿಡಲಿದ್ದಾರಂತೆ.
ಮೊದಲ ಪಾರ್ಟ್ನಲ್ಲಿ ವಾನರ ಅಸ್ತ್ರವನ್ನು ಶಾರುಖ್ ನಿರ್ವಹಿಸಿದ್ದರು. ಆದರೆ, ಈ ಪಾತ್ರ ಮೊದಲ ಪಾರ್ಟ್ನಲ್ಲೇ ಕೊನೆಯಾಗುತ್ತದೆ. ಈ ಕಾರಣಕ್ಕೆ ಎರಡನೇ ಪಾರ್ಟ್ನಲ್ಲಿ ಆ ಪಾತ್ರವನ್ನು ಆರ್ಯನ್ ಖಾನ್ ನಿರ್ವಹಿಸಿದರೆ ಉತ್ತಮ ಅನ್ನೋದು ಕೆಲವರ ಅಭಿಪ್ರಾಯ. ಹೀಗಾಗಿ, ವಿವಿಧ ರೀತಿಯ ಫ್ಯಾನ್ ಮೇಡ್ ಪೋಸ್ಟ್ಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಅಯಾನ್ ಮುಖರ್ಜಿ ಅವರು ಈಗಾಗಲೇ ‘ಬ್ರಹ್ಮಾಸ್ತ್ರ 2’ಗೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಇದರಲ್ಲಿ ಯಾರೆಲ್ಲ ಇರಲಿದ್ದಾರೆ ಅನ್ನೋದು ಸದ್ಯದ ಕುತೂಹಲ. ಈ ಬಗ್ಗೆ ಇನ್ನಷ್ಟೇ ಅಧಿಕೃತವಾಗಬೇಕಿದೆ. ಮೊದಲ ಪಾರ್ಟ್ಗಿಂತಲೂ ಎರಡನೇ ಪಾರ್ಟ್ ಅದ್ದೂರಿಯಾಗಿ ಮೂಡಿ ಬರಲಿದೆ ಎನ್ನಲಾಗುತ್ತಿದೆ. ಆದರೆ, ಈ ಬಗ್ಗೆ ಚಿತ್ರತಂಡದಿಂದ ಯಾರೂ ಅಧಿಕೃತವಾಗಿ ಹೇಳಿಕೊಂಡಿಲ್ಲ.
ಇದನ್ನೂ ಓದಿ: ರಣಬೀರ್-ಆಲಿಯಾ ಸಿನಿಮಾಗೆ ಎಂಟ್ರಿ ಕೊಟ್ಟ ಶಾರುಖ್ ಖಾನ್; ರಿವೀಲ್ ಆಯ್ತು ಹೊಸ ವಿಚಾರ
ಆರ್ಯನ್ ಖಾನ್ ವಿಚಾರಕ್ಕೆ ಬರೋದಾದರೆ ವೆಬ್ ಸೀರಿಸ್ ನಿರ್ದೇಶನ ಮಾಡಲು ಅವರು ನಿರ್ಧರಿಸಿದ್ದಾರೆ. ಶಾರುಖ್ ಖಾನ್ ಅವರು ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ ಎನ್ನಲಾಗಿದೆ. ಸದ್ಯ ಸ್ಕ್ರಿಪ್ಟ್ ಕೆಲಸಗಳಲ್ಲಿ ಆರ್ಯನ್ ಖಾನ್ ಬ್ಯುಸಿ ಆಗಿದ್ದಾರೆ. ಈ ಬಗ್ಗೆ ಶೀಘ್ರದಲ್ಲೇ ಅಧಿಕೃತ ಘೋಷಣೆ ಆಗಬಹುದು.
