Kangana Ranaut: ದೀಪಿಕಾ ಪಡುಕೋಣೆ ವಿಚಾರದಲ್ಲಿ ಕಂಗನಾ ರಣಾವತ್ ದ್ವಂದ್ವ ನೀತಿ; ಸ್ವಷ್ಟನೆ ನೀಡಿದ ನಟಿ
Deepika Padukone | Oscar Awards: ದೀಪಿಕಾ ಪಡುಕೋಣೆ ಅವರನ್ನು ಕಂಗನಾ ರಣಾವತ್ ಏಕಾಏಕಿ ಹೊಗಳಿರುವುದು ಅಚ್ಚರಿಗೆ ಕಾರಣ ಆಗಿದೆ. ಆ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ಆಗುತ್ತಿದೆ.
Updated on:Mar 15, 2023 | 5:34 PM
ನಟಿ ಕಂಗನಾ ರಣಾವತ್ (Kangana Ranaut) ಅವರು ಸದಾ ಕಾಲ ವಿವಾದದ ಮೂಲಕವೇ ಸುದ್ದಿ ಆಗುತ್ತಾರೆ. ಬಾಲಿವುಡ್ನ ಅನೇಕರನ್ನು ಅವರು ಎದುರು ಹಾಕಿಕೊಂಡಿದ್ದಾರೆ. ಅದರಲ್ಲೂ ದೀಪಿಕಾ ಪಡುಕೋಣೆ (Deepika Padukone) ವಿರುದ್ಧ ಅನೇಕ ಸಂದರ್ಭದಲ್ಲಿ ಅವರು ಟೀಕೆ ಮಾಡಿದ್ದರು. ಆದರೆ ಈಗ ಏಕಾಏಕಿ ವರಸೆ ಬದಲಾಯಿಸಿದ್ದಾರೆ. ಆಸ್ಕರ್ (Oscars 2023) ಸಮಾರಂಭದಲ್ಲಿ ವೇದಿಕೆ ಏರಿದ ದೀಪಿಕಾರನ್ನು ಕಂಗನಾ ಬಾಯಿತುಂಬ ಹೊಗಳಿದ್ದಾರೆ. ಈ ಬದಲಾವಣೆ ಕಂಡು ನೆಟ್ಟಿಗರಿಗೆ ಅಚ್ಚರಿ ಆಗಿದೆ. ಹಾಗಾಗಿ ಕಂಗನಾ ರಣಾವತ್ ಅವರ ದ್ವಂದ್ವ ನೀತಿಯನ್ನು ಟ್ರೋಲ್ ಮಾಡಲಾಗುತ್ತಿದೆ. ಅದಕ್ಕೆ ಅವರು ಸ್ಪಷ್ಟನೆ ನೀಡಿದ್ದಾರೆ. ಈ ಮೊದಲು ತೆಗಳಿದ್ದು ಯಾಕೆ ಮತ್ತು ಈಗ ಹೊಗಳಿದ್ದು ಯಾಕೆ ಎಂಬುದನ್ನು ಕಂಗನಾ ರಣಾವತ್ ವಿವರಿಸಿದ್ದಾರೆ.
ದೀಪಿಕಾ ಬಗ್ಗೆ ಕಂಗನಾ ಟ್ವೀಟ್:
‘ದೀಪಿಕಾ ಪಡುಕೋಣೆ ಎಷ್ಟು ಸುಂದರವಾಗಿ ಕಾಣುತ್ತಿದ್ದಾರೆ. ಆ ಕೋಮಲ ಹೆಗಲುಗಳ ಮೇಲೆ ಇಡೀ ದೇಶದ ಪ್ರತಿಷ್ಠೆಯನ್ನು ಹೊತ್ತುಕೊಂಡು, ಆ ವೇದಿಕೆಯಲ್ಲಿ ನಿಂತು ಮಾತನಾಡುವುದು ಸುಲಭವಲ್ಲ. ಭಾರತೀಯ ಮಹಿಳೆಯರು ದಿ ಬೆಸ್ಟ್ ಎಂಬುದರ ಸಂಕೇತವಾಗಿ ದೀಪಿಕಾ ನಿಂತಿದ್ದಾರೆ’ ಎಂದು ಕಂಗನಾ ರಣಾವತ್ ಅವರು ಟ್ವೀಟ್ ಮಾಡಿದರು.
ಇದನ್ನೂ ಓದಿ: Kangana Ranaut: ಹೃತಿಕ್ ರೋಷನ್ಗೆ ನಟನೆ ಬರಲ್ಲ ಎಂದು ನೇರವಾಗಿ ಹೇಳಿದ ಕಂಗನಾ; ತಿರುಗೇಟು ನೀಡಿದ ಫ್ಯಾನ್ಸ್
ದೀಪಿಕಾ ಪಡುಕೋಣೆ ಬಗ್ಗೆ ಈ ಕಂಗನಾ ರಣಾವತ್ ಅವರು ಈ ರೀತಿ ಟ್ವೀಟ್ ಮಾಡುತ್ತಿದ್ದಂತೆಯೇ ನೆಟ್ಟಿಗರಿಗೆ ಗೊಂದಲ ಆಯ್ತು. ಈ ಮೊದಲು ಅನೇಕ ಬಾರಿ ದೀಪಿಕಾರನ್ನು ಕಂಗನಾ ಕಟುವಾಗಿ ಟೀಕಿಸಿದ್ದರು. ಈಗ ವರಸೆ ಬದಲಿಸಿ ಹೊಗಳಿದ್ದು ಯಾಕೆ ಎಂದು ಎಲ್ಲರೂ ಪ್ರಶ್ನಿಸಿದ್ದಾರೆ. ಅದಕ್ಕೆ ಟ್ವಿಟರ್ ಮೂಲಕವೇ ಕಂಗನಾ ಪ್ರತಿಕ್ರಿಯೆ ನೀಡಿದ್ದಾರೆ.
ಇದನ್ನೂ ಓದಿ: ಕಂಗನಾ ಬಿಟ್ಟು ದೀಪಿಕಾ, ಆಲಿಯಾ ಹೊಗಳಿದ ಆಮಿರ್ ಖಾನ್; ಸರಿಯಾಗಿ ತಿರುಗೇಟು ಕೊಟ್ಟ ರಣಾವತ್
ಟ್ರೋಲ್ ಮಾಡಿದವರಿಗೆ ಕಂಗನಾ ಉತ್ತರ:
‘ನಾನು ದೀಪಿಕಾ ಪಡುಕೋಣೆ ಅವರನ್ನು ಹೊಗಳಿದ್ದಕ್ಕೆ ಯಾರಿಗೆಲ್ಲ ಅಚ್ಚರಿ ಆಗಿದೆಯೋ ಅಂಥವರು ಹೆಚ್ಚು ಯೋಚನೆ ಮಾಡಬೇಡಿ. ಕೃಷ್ಣ ಮತ್ತು ಧರ್ಮವನ್ನು ಫಾಲೋ ಮಾಡುವ ಸಿಂಪಲ್ ವ್ಯಕ್ತಿ ನಾನು. ಅರ್ಹರಲ್ಲದವರಿಗೆ ಮೆಚ್ಚುಗೆ ನೀಡುವುದು ಅನಾಚಾರ. ಆದರೆ ಅರ್ಹವಾದ ವ್ಯಕ್ತಿಗೆ ಕ್ರೆಡಿಟ್ ನೀಡಿದೇ ಇರುವುದು ಅದಕ್ಕಿಂತಲೂ ದೊಡ್ಡ ಪಾಪ ಅಂಥ ಕೃಷ್ಣ ಹೇಳಿದ್ದಾನೆ’ ಎಂದು ಪೋಸ್ಟ್ ಮಾಡುವ ಮೂಲಕ ಕಂಗನಾ ರಣಾವತ್ ಅವರು ಪ್ರತಿಕ್ರಿಯೆ ನೀಡಿದ್ದಾರೆ.
All those acting shocked that I praised DP,don’t overthink,I am a very simple person I just follow Krishna/Dharma n he says kisi ko undeserving credit dena anachar hai lekin kisi ko deserving credit na dena usse bada anachar/paap hai,bollywoodias may have failed but I haven’t ? https://t.co/u4WKhEHmgr
— Kangana Ranaut (@KanganaTeam) March 15, 2023
ನಟಿಯಾಗಿ ಮಾತ್ರವಲ್ಲದೇ ನಿರ್ಮಾಪಕಿ ಮತ್ತು ನಿರ್ದೇಶಕಿಯಾಗಿಯೂ ಕಂಗನಾ ರಣಾವತ್ ಅವರು ಬಾಲಿವುಡ್ನಲ್ಲಿ ಸಕ್ರಿಯರಾಗಿದ್ದಾರೆ. ಅವರ ನಿರ್ದೇಶನದಲ್ಲಿ ‘ಎಮರ್ಜೆನ್ಸಿ’ ಸಿನಿಮಾ ಮೂಡಿಬರುತ್ತಿದೆ. ಈ ಚಿತ್ರದಲ್ಲಿ ಅವರು ಇಂದಿರಾ ಗಾಂಧಿಯ ಪಾತ್ರ ಮಾಡುತ್ತಿದ್ದಾರೆ. ಅನೇಕ ಪ್ರತಿಭಾವಂತ ಕಲಾವಿದರು ಕೂಡ ಈ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 5:14 pm, Wed, 15 March 23
