ತಮಗಿಂತ ಎತ್ತರ ಇರುವ ಹೆಂಡ್ತಿ ಜತೆ ಹೈಟ್​ ಮ್ಯಾಚ್​ ಮಾಡಲು ಕಷ್ಟಪಟ್ಟ ಹಿಮೇಶ್​; ಸಿಕ್ಕಾಪಟ್ಟೆ ಟ್ರೋಲ್​

ಗಾಯಕ, ಸಂಗೀತ ನಿರ್ದೇಶಕ ಕಮ್​ ನಟ ಹಿಮೇಶ್​ ರೇಷಮಿಯಾ (Himesh Reshammiya) ಒಂದು ಕಾಲದಲ್ಲಿ ಸಖತ್​ ಸೆನ್ಸೇಷನ್​ ಸೃಷ್ಟಿ ಮಾಡಿದ್ದರು. ತಮ್ಮ ವಿಶೇಷ ಕಂಠದ ಮೂಲಕ ಅವರು ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಸೋಶಿಯಲ್​ ಮೀಡಿಯಾದಲ್ಲಿ ಹಿಮೇಶ್​ ಸದಾ ಆ್ಯಕ್ಟೀವ್​ ಆಗಿರುತ್ತಾರೆ. ಈಗ ಅವರೊಂದು ಸಿಲ್ಲಿ ಕಾರಣಕ್ಕೆ ಟ್ರೋಲ್​ ಆಗುತ್ತಿದ್ದಾರೆ. ಸೆಲೆಬ್ರಿಟಿಗಳು ಎಲ್ಲಿ ಹೋದರೂ ಕೂಡ ಅವರನ್ನು ಪಾಪರಾಜಿಗಳು ಹಿಂಬಾಲಿಸುತ್ತಾರೆ. ಸೆಲೆಬ್ರಿಟಿಗಳ ಮೇಲೆ ಯಾವಾಗಲೂ ಕ್ಯಾಮೆರಾ ಕಣ್ಣು ಇರುತ್ತದೆ. ಹಾಗಾಗಿ ನಟ-ನಟಿಯರು ರಿಯಲ್​ ಲೈಫ್​ನಲ್ಲಿ ಮಾಡುವ ಚಿಕ್ಕ-ಪುಟ್ಟ ತಪ್ಪುಗಳನ್ನು ಕೂಡ ಜನರು ಗಮನಿಸುತ್ತಾರೆ. ಹಿಮೇಶ್​ ರೇಷಮಿಯಾ ಅವರು ಇತ್ತೀಚೆಗೆ ಪತ್ನಿ ಸೋನಿಯಾ ಕಪೂರ್​ (Sonia Kapoor) ಜೊತೆ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಹಿಂದಿ ಕಿರುತೆರೆಯಲ್ಲಿ ಹಲವು ವರ್ಷಗಳಿಂದ ಸೋನಿಯಾ ಆ್ಯಕ್ಟೀವ್​ ಆಗಿದ್ದಾರೆ. 2018ರಲ್ಲಿ ಅವರು ಹಿಮೇಶ್​ ಜೊತೆ ದಾಂಪತ್ಯ ಜೀವನ ಆರಂಭಿಸಿದರು. ವಿಶೇಷ ಏನೆಂದರೆ ಹಿಮೇಶ್​ ಅವರಿಗಿಂತಲೂ ಸೋನಿಯಾ ಕಪೂರ್​ ಎತ್ತರ ಇದ್ದಾರೆ. ಅದು ಕೆಲವೊಮ್ಮೆ ಹಿಮೇಶ್​ಗೆ ಇರಿಸುಮುರಿಸು ಉಂಟು ಮಾಡುತ್ತದೆ. ಅದಕ್ಕೆ ಲೇಟೆಸ್ಟ್​ ಉಹಾಹರಣೆ ಎಂಬಂತೆ ಈಗೊಂದು ಘಟನೆ ನಡೆದಿದೆ. ಅದರ ವಿಡಿಯೋ ಕೂಡ ವೈರಲ್​ (Viral Video) ಆಗುತ್ತಿದ್ದು, ಹಿಮೇಶ್​ಗೆ ನೆಟ್ಟಿಗರು ಕಿವಿ ಹಿಂಡುತ್ತಿದ್ದಾರೆ. ಅಲ್ಲದೇ ಟ್ರೋಲ್​ ಕೂಡ ಮಾಡುತ್ತಿದ್ದಾರೆ.

ಪಾಪರಾಜಿ ಕ್ಯಾಮೆರಾಗಳಿಗೆ ಹಿಮೇಶ್​ ರೇಷಮಿಯಾ ಮತ್ತು ಅವರ ಪತ್ನಿ ಸೋನಿಯಾ ಕಪೂರ್​ ಜೊತೆಯಾಗಿ ಪೋಸ್​ ನೀಡಿದ್ದಾರೆ. ಈ ವೇಳೆ ಪತ್ನಿಯ ಹೈಟ್​ಗೆ ಮ್ಯಾಚ್​ ಮಾಡಲು ಹಿಮೇಶ್​ ಅವರು ಕಷ್ಟಪಟ್ಟಿದ್ದಾರೆ. ಪಾಪರಾಜಿಗಳು ಫೋಟೋ ಕ್ಲಿಕ್ಕಿಸುವಾಗ ಹಿಮೇಶ್​ ತುದಿಗಾಲಿನಲ್ಲಿ ನಿಂತು ಪೋಸ್​ ಕೊಟ್ಟಿದ್ದಾರೆ. ಈ ವಿಡಿಯೋ ನೋಡಿದ ಅನೇಕರು ಸಿಕ್ಕಾಪಟ್ಟೆ ಟ್ರೋಲ್​ ಮಾಡಿದ್ದಾರೆ. ಹೈಟ್​ ವಿಚಾರದಲ್ಲಿ ಹಿಮೇಶ್​ಗೆ ಇರುವ ಅಭದ್ರತೆಯ ಭಾವನೆಯನ್ನು ನೆಟ್ಟಿಗರು ಟೀಕಿಸಿದ್ದಾರೆ.

ಕೆಲವು ಹಾಲಿವುಡ್​ ತಾರೆಯ ಉದಾಹರಣೆಯನ್ನು ನೀಡಿ, ಅವರಿಂದ ಕಲಿಯುವಂತೆ ಹಿಮೇಶ್​ಗೆ ಜನರು ಕಿವಿ ಹಿಂಡಿದ್ದಾರೆ. ಮಾಜಿ ದಂಪತಿಗಳಾದ ಟಾಮ್​ ಕ್ರೂಸ್​ ಮತ್ತು ನಿಕೋಲ್​ ಕಿಡ್​ಮನ್​ ನಡುವೆ ಇದೇ ರೀತಿ ಹೈಟ್​ ವ್ಯತ್ಯಾಸ ಇದೆ. ಆದರೆ ಟಾಮ್​ ಕ್ರೂಸ್​ ಎಂದಿಗೂ ಹಿಮೇಶ್​ ರೀತಿ ವರ್ತಿಸಿಲ್ಲ. ‘ಸ್ಪೈಡರ್​ ಮ್ಯಾನ್​’ ಜೋಡಿ ಟಾಮ್​ ಹಾಲೆಂಡ್​ ಮತ್ತು ಝೆಂಡೆಯಾ ರಿಲೇಷನ್​ಶಿಪ್​ನಲ್ಲಿ ಇದ್ದಾರೆ. ನಟಿ ಝೆಂಡೆಯಾ ಕೂಡ ಟಾಮ್​ ಹಾಲೆಂಡ್​ಗಿಂತ ಎತ್ತರ ಇದ್ದಾರೆ. ಅದರಿಂದ ಟಾಮ್​ಗೆ ಎಂದಿಗೂ ಅಭದ್ರತೆಯ ಭಾವ ಕಾಡಿಲ್ಲ ಎಂಬ ವಿಚಾರವನ್ನು ಕಮೆಂಟ್​ಗಳ ಮೂಲಕ ನೆಟ್ಟಿಗರು ಚರ್ಚಿಸುತ್ತಿದ್ದಾರೆ.

‘ಹಿಮೇಶ್​ ರೇಷಮಿಯಾ ಯಾಕೆ ಹೀಗೆ ಮಾಡ್ತಾರೆ? ಹೇಗೆ ಇದೆಯೋ ಹಾಗೆಯೇ ಒಪ್ಪಿಕೊಳ್ಳಬೇಕು’ ಎಂದು ಒಬ್ಬರು ಕಮೆಂಟ್​ ಮಾಡಿದ್ದಾರೆ. ‘ಗಂಡನಿಗಿಂತ ಹೆಂಡತಿ ಹೈಟ್​ ಇದ್ದರೆ ತಪ್ಪೇನು? ಅದರಿಂದ ಅಭದ್ರತೆ ಯಾಕೆ ಕಾಡಬೇಕು?’ ಎಂದು ನೆಟ್ಟಿಗರು ಪ್ರಶ್ನೆ ಮಾಡಿದ್ದಾರೆ. ಈ ಯಾವ ಪ್ರಶ್ನೆಗಳಿಗೂ ಹಿಮೇಶ್​ ರೇಷಮಿಯಾ ಸದ್ಯಕ್ಕೆ ಉತ್ತರ ನೀಡಿಲ್ಲ.

When your wife/Partner is Taller than you. ????https://t.co/1Qr4Yd3Gzx pic.twitter.com/n4KFYmI709

— Raman (@Dhuandhaar) March 11, 2022

ಗಾಯಕನಾಗಿ, ಸಂಗೀತ ನಿರ್ದೇಶಕನಾಗಿ, ನಟನಾಗಿ ಮಾತ್ರವಲ್ಲದೇ ರಿಯಾಲಿಟಿ ಶೋಗಳ ಜಡ್ಜ್​ ಆಗಿಯೂ ಕೂಡ ಹಿಮೇಶ್​ ಸಕ್ರಿಯರಾಗಿದ್ದಾರೆ. ಅನೇಕ ಸೂಪರ್​ ಹಿಟ್​ ಸಿನಿಮಾಗಳಿಗೆ ಸಂಗೀತ ನೀಡಿದ ಕೀರ್ತಿ ಅವರಿಗೆ ಸಲ್ಲುತ್ತದೆ. ದಶಕಗಳ ಹಿಂದೆ ಸ್ವಂತ ಮ್ಯೂಸಿಕ್​ ವಿಡಿಯೋಗಳ ಮೂಲಕವೂ ಅವರು ಟ್ರೆಂಡ್​ ಸೃಷ್ಟಿ ಮಾಡಿದ್ದರು. ‘ಆಪ್​ ಕಾ ಸುರೂರ್​’, ‘ಕರ್ಝ್​’, ‘ರೇಡಿಯೋ’, ‘ಎಕ್ಸ್​ ಪೋಸ್’ ಮುಂತಾದ ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ.

ಇದನ್ನೂ ಓದಿ:

‘ಮೆಹಬೂಬಾ..’ ಹಾಡಿಗೆ ಅತೀ ಕೆಟ್ಟದಾಗಿ ಡಾನ್ಸ್​ ಮಾಡಿದ ರಾನು ಮಂಡಲ್​; ನೆಟ್ಟಿಗರಿಂದ ಛೀಮಾರಿ

Ranu Mondal: ರಾನು ಮಂಡಲ್​ ಕಂಠದಲ್ಲಿ ‘ಮನಿಕೆ ಮಗೆ ಹಿತೆ’; ಕಿರಿಕಿರಿ ತಾಳಲಾಗದೇ ಕಮೆಂಟ್​ ಮಾಡುತ್ತಿರುವ ನೆಟ್ಟಿಗರು