ಶಾರುಖ್, ಆಮಿರ್ ಬಿಟ್ಟ ಸಿನಿಮಾ ಈ ನಟನ ಪಾಲಾಯ್ತು; ಯಶಸ್ಸು ಹುಡುಕಿ ಬಂತು

ಆಮಿರ್ ಖಾನ್ (Aamir Khan) ಮತ್ತು ಶಾರುಖ್ ಖಾನ್ ಹಿಂದಿ ಚಿತ್ರರಂಗದಲ್ಲಿ ದೊಡ್ಡ ನಟರು.  ಇವರು ಬಿಟ್ಟ ಒಂದು ಪಾತ್ರ ಅನಿಲ್ ಕಪೂರ್ ಪಾಲಾಯಿತು ಮತ್ತು ಆ ಸಿನಿಮಾ ಆಮಿರ್ ಖಾನ್​ಗೆ ದೊಡ್ಡ ಯಶಸ್ಸು ಕಂಡಿತು. ಅದು ಬೇರೆ ಯಾವ ಸಿನಿಮಾನೂ ಅಲ್ಲ, ಇದು 24 ವರ್ಷಗಳ ಹಿಂದೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ‘ನಾಯಕ್: ದಿ ರಿಯಲ್ ಹೀರೋ’ ಚಿತ್ರ. ಈ ಚಿತ್ರದಿಂದ ಅನಿಲ್ ಕಪೂರ್ ಮತ್ತಷ್ಟು ಫೇಮಸ್ ಆದರು.

‘ನಾಯಕ್: ದಿ ರಿಯಲ್ ಹೀರೋ’ ಚಿತ್ರ 2001ರಲ್ಲಿ ಬಿಡುಗಡೆಯಾಯಿತು. ಇದರಲ್ಲಿ ನಟರಾದ ಅನಿಲ್ ಕಪೂರ್, ರಾಣಿ ಮುಖರ್ಜಿ ಅಮರೀಶ್ ಪುರಿ ನಟಿಸಿದ್ದರು. ಇದು ರಾಜಕೀಯ ಕಥೆ ಹೊಂದಿತ್ತು. ಎಸ್. ಶಂಕರ್ ಈ ಚಿತ್ರವನ್ನು ನಿರ್ದೇಶಿಸಿದರು. ಇದು 1999 ರಲ್ಲಿ ಬಿಡುಗಡೆಯಾದ ತಮಿಳು ಚಿತ್ರ ‘ಮುದಲ್ವನ್’ ನ ಹಿಂದಿ ರಿಮೇಕ್ ಆಗಿತ್ತು. ಈ ಚಿತ್ರವು 24 ವರ್ಷಗಳನ್ನು ಪೂರೈಸಿದೆ. ಈ ಬಗ್ಗೆ ಅನಿಲ್ ಕಪೂರ್ ಒಂದು ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ.

‘ಕೆಲವು ಪಾತ್ರಗಳು ನಿಮಗೆ ಮನ್ನಣೆ ನೀಡುತ್ತವೆ, ಮತ್ತು ನಾಯಕನ ಪಾತ್ರವು ಅವುಗಳಲ್ಲಿ ಒಂದು. ಈ ಮೊದಲು, ಈ ಚಿತ್ರವನ್ನು ಆಮಿರ್ ಖಾನ್ ಮತ್ತು ಶಾರುಖ್ ಖಾನ್ ಅವರಿಗೆ ನೀಡಲಾಗಿತ್ತು. ನನ್ನ ಮೇಲೆ ನಂಬಿಕೆ ಇಟ್ಟಿದ್ದಕ್ಕಾಗಿ ನಿರ್ದೇಶಕ ಶಂಕರ್ ಅವರಿಗೆ ನಾನು ಕೃತಜ್ಞನಾಗಿದ್ದೇನೆ. ಈ ಪಾತ್ರವನ್ನು ಅನಿಲ್‌ಗಾಗಿ ಮಾಡಲಾಗಿದೆ ಎಂದು ವೇದಿಕೆಯಲ್ಲಿ ಶಾರುಖ್ ಖಾನ್ ಹೇಳಿದ ಮಾತುಗಳನ್ನು ನಾನು ಯಾವಾಗಲೂ ನೆನಪಿಸಿಕೊಳ್ಳುತ್ತೇನೆ. ಅಂತಹ ಕ್ಷಣಗಳು ನಿಮ್ಮ ನೆನಪಿನಲ್ಲಿ ಶಾಶ್ವತವಾಗಿ ಉಳಿಯುತ್ತವೆ’ ಎಂದು ಅನಿಲ್ ಬರೆದುಕೊಂಡಿದ್ದರು.

ಇದನ್ನೂ ಓದಿ:ಸಮಂತಾ ಋತ್ ಪ್ರಭುವನ್ನು ಕೊಂಡಾಡಿದ ಬಾಲಿವುಡ್ ಸ್ಟಾರ್ ನಿರ್ದೇಶಕ

24 ವರ್ಷಗಳ ಹಿಂದೆ, ‘ನಾಯಕ್’ ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭವನ್ನು ಆಯೋಜಿಸಿದಾಗ, ಶಾರುಖ್ ಕೂಡ ಅಲ್ಲಿದ್ದರು. ಅವರು ಚಿತ್ರವನ್ನು ತಿರಸ್ಕರಿಸಿದ್ದರೂ, ಅನಿಲ್ ಮತ್ತು ರಾಣಿ ಅವರನ್ನು ಸಂಪೂರ್ಣವಾಗಿ ಬೆಂಬಲಿಸಿದ್ದರು.

ಸಂದರ್ಶನವೊಂದರಲ್ಲಿ ಆಮಿರ್ ಮತ್ತು ಶಾರುಖ್ ಬಗ್ಗೆ ಚಿತ್ರದ ನಿರ್ದೇಶಕ ಶಂಕರ್ ಅವರನ್ನು ಕೇಳಲಾಯಿತು. ಅವರು ಚಿತ್ರಕ್ಕೆ ಏಕೆ ಒಪ್ಪಲಿಲ್ಲ ಎಂದು ಕೇಳಲಾಯಿತು. ಇದಕ್ಕೆ, ಆಮಿರ್ ಜೊತೆಗಿನ ಭೇಟಿಯ ಸಮಯದಲ್ಲಿ ಅವರಿಗೆ ಸರಿಯಾಗಿ ಮಾತನಾಡಲು ಸಾಧ್ಯವಾಗಲಿಲ್ಲ ಎಂದು ನಿರ್ದೇಶಕರು ಹೇಳಿದರು. ‘ಮುದಲ್ವನ್’ ಕಲ್ಪನೆಯಿಂದ ಅವರು ಹೆಚ್ಚು ಪ್ರಭಾವಿತರಾಗಿರಲಿಲ್ಲ. ಶಾರುಖ್ ತಮ್ಮ ‘ಫಿರ್ ಭಿ ದಿಲ್ ಹೈ ಹಿಂದೂಸ್ತಾನಿ’ ಚಿತ್ರದ ಚಿತ್ರೀಕರಣದಲ್ಲಿ ನಿರತರಾಗಿದ್ದರು.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ