ಬಾಡಿ ಶೇಮಿಂಗ್​ ಮಾಡಿದ ಅಭಿಮಾನಿಗೆ ನಟಿ ಕೊಟ್ರು ಖಡಕ್​ ಉತ್ತರ

ಸೆಲೆಬ್ರಿಟಿ ಆದ ನಂತರ ಅಭಿಮಾನಿಗಳಿಂದ ಬರುವ ಟೀಕೆಗಳನ್ನು ಎದುರಿಸುವುದು ಅಷ್ಟು ಸುಲಭದ ಮಾತಲ್ಲ. ಪೋಸ್ಟ್​ ಮಾಡಿದ ಫೋಟೋದಲ್ಲಿ ಕೊಂಚ ವ್ಯತ್ಯಾಸ ಕಂಡರೂ ಅಭಿಮಾನಿಗಳು ಟ್ರೋಲ್ (Troll)​ ಮಾಡುತ್ತಾರೆ. ಫೋಟೋಗೆ ಕೆಟ್ಟದಾಗಿ ಕಮೆಂಟ್​ ಹಾಕುತ್ತಾರೆ. ಈ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳದೆ ಮುನ್ನಡೆಯಬೇಕು. ಅನೇಕ ಸೆಲೆಬ್ರಿಟಿಗಳು ಈ ರೀತಿಯ ಟೀಕೆಗಳನ್ನು ಎದುರಿಸುತ್ತಲೇ ಇದ್ದಾರೆ. ಹಿಂದಿಯ ‘ಜೆರ್ಸಿ’ ಸಿನಿಮಾ (Jersey Movie) ನಟಿ ಮೃಣಾಲ್ ​ ಠಾಕೂರ್ (Mrunal Thakur)​ ಕೂಡ ಬಾಡಿ ಶೇಮಿಂಗ್​ ಅನುಭವಿಸಿದ್ದಾರೆ. ಬಾಕ್ಸರ್​ ಶಾರ್ಟ್ಸ್​ ಹಾಗೂ ಟ್ಯಾಂಕ್​ ಟಾಪ್​ ಧರಿಸಿ ಫೋಟೋ ಪೋಸ್ಟ್​ ಮಾಡಿದ್ದರು. ಇದನ್ನು ನೋಡಿದ ಕೆಲವರು ಕೆಟ್ಟದಾಗಿ ಟೀಕಿಸಿದ್ದಾರೆ. ಇದಕ್ಕೆ ನಟಿ ಸುಮ್ಮನೆ ಕೂತಿಲ್ಲ. ಬದಲಿಗೆ ಸರಿಯಾಗಿ ತಿರುಗೇಟು ನೀಡಿದ್ದಾರೆ.

ಮೃಣಾಲ್​ ಪೋಸ್ಟ್ ಮಾಡಿರುವ ಫೋಟೋ ನೋಡಿ ಕೆಲವರು ಖುಷಿಪಟ್ಟಿದ್ದಾರೆ. ಆದರೆ, ಕೆಲವರಿಗೆ ಮೃಣಾಲ್​ ಅವರು ಫಿಟ್​ನೆಸ್​ ಕಾಯ್ದುಕೊಳ್ಳುತ್ತಿಲ್ಲ ಎನ್ನುವ ವಿಚಾರ ಗಮನಕ್ಕೆ ಬಂದಿದೆ. ಈ ಕಾರಣಕ್ಕೆ ಬಾಯಿಗೆ ಬಂದಂತೆ ಕಮೆಂಟ್​ ಮಾಡೋಕೆ ಶುರುಹಚ್ಚಿಕೊಂಡಿದ್ದಾರೆ. ‘ನಿಮ್ಮ ಬ್ಯಾಕ್​ ಗಡಿಗೆಯಂತೆ ಆಗಿದೆ’ ಎಂದು ಓರ್ವ ಅಭಿಮಾನಿ ಟೀಕಿಸಿದ್ದ. ಇದಕ್ಕೆ ಕೊಂಕಿನಿಂದ ಉತ್ತರಿಸಿರುವ ನಟಿ ‘ಧನ್ಯವಾದಗಳ ಭಯ್ಯಾ ಜಿ’ ಎಂದು ಉತ್ತರಿಸಿದ್ದಾರೆ.

‘ಸೊಂಟದ ಭಾಗದಲ್ಲಿ ಫ್ಯಾಟ್ ಕೂತಿದೆ. ಅದನ್ನು ಕರಗಿಸೋಕೆ ಕಸರತ್ತು ನಡೆಸಿ’ ಎಂದು ಅಭಿಮಾನಿಯೋರ್ವ ಟೀಕಿಸಿದ್ದ. ಇದಕ್ಕೆ ಉತ್ತರಿಸಿರುವ ಮೃಣಾಲ್​, ‘ಕೆಲವರು ನೈಸರ್ಗಿಕವಾಗಿಯೇ ತೆಳ್ಳನೆಯ ದೇಹ ಹೊಂದಿರುತ್ತಾರೆ. ಇನ್ನೂ ಕೆಲವರು ಶ್ರಮ ಹಾಕಿ ದೇಹ ಕರಗಿಸಬೇಕಾಗುತ್ತದೆ. ನೀವು ನಿಮ್ಮ ಬಾಡಿಯನ್ನು ತೋರಿಸಿ’ ಎಂದು ಬರೆದುಕೊಂಡಿದ್ದಾರೆ ಮೃಣಾಲ್​.

ಮೃಣಾಲ್​ ಅವರು ‘ಜೆರ್ಸಿ’ ಸಿನಿಮಾ ಪ್ರಚಾರ ಕಾರ್ಯದಲ್ಲಿ ಬ್ಯುಸಿ ಆಗಿದ್ದಾರೆ. ಈ ಸಿನಿಮಾ ಏಪ್ರಿಲ್​ 14ರಂದು ತೆರೆಗೆ ಬರುತ್ತಿದೆ. ಶಾಹಿದ್​ ಕಪೂರ್​ ಅವರು ಈ ಸಿನಿಮಾದಲ್ಲಿ ಹೀರೋ ಆಗಿ ನಟಿಸಿದ್ದಾರೆ. ತೆಲುಗಿನಲ್ಲಿ ನಾನಿ ಹಾಗೂ ಶ್ರದ್ಧಾ ಶ್ರೀನಾಥ್​ ನಟನೆಯ ‘ಜೆರ್ಸಿ’ ಸಿನಿಮಾ ಹಿಟ್​ ಆಗಿತ್ತು. ಈ ಚಿತ್ರವನ್ನು ಅದೇ ಹೆಸರಿನಲ್ಲಿ ರಿಮೇಕ್​ ಮಾಡಲಾಗಿದೆ. ‘ಕೆಜಿಎಫ್​ 2’ ಎದುರು ‘ಜೆರ್ಸಿ’ ಚಿತ್ರ ತೆರೆಗೆ ಬರುತ್ತಿದೆ. ‘ಲೆಫ್ಟಿನೆಂಟ್​ ರಾಮ್​’ ಸಿನಿಮಾದಲ್ಲಿ ಸೀತಾ ಪಾತ್ರ ಮಾಡುತ್ತಿದ್ದಾರೆ ಮೃಣಾಲ್​. ಇದು ಅವರ ಮೊದಲ ತೆಲುಗು ಸಿನಿಮಾ. ಹಲವು ಹಿಂದಿ ಚಿತ್ರಗಳಲ್ಲಿ ಮೃಣಾಲ್​ ಕಾಣಿಸಿಕೊಂಡಿದ್ದಾರೆ. ಮರಾಠಿ ಚಿತ್ರರಂಗದ ಮೂಲಕ ಅವರು ಬಣ್ಣದ ಬದುಕು ಆರಂಭಿಸಿದ್ದರು.

ಇದನ್ನೂ ಓದಿ: Samantha: ಕೀಳು ಭಾಷೆಯಲ್ಲಿ ಸಮಂತಾಗೆ ಪ್ರಶ್ನಿಸಿದ ಅಭಿಮಾನಿ; ನಟಿಯ ಉತ್ತರ ಏನಿತ್ತು?

ಅಂಗಡಿ ಉದ್ಘಾಟನೆ ಮಾಡೋಕೆ ಬಂದ್ರೆ ನಟಿ ಸಮಂತಾ ಪಡೆಯುವ ಸಂಭಾವನೆ ಎಷ್ಟು?