Sanya Malhotra: ‘ಭಾರತದಲ್ಲಿ ಮಹಿಳೆಯರಿಗೆ ಈ ನಗರ ಸುರಕ್ಷಿತವಲ್ಲ’; ತವರಿನ ಬಗ್ಗೆಯೇ ತಕರಾರು ತೆಗೆದ ‘ದಂಗಲ್​’ ನಟಿ

Sanya Malhotra | Delhi: ಆಮಿರ್​ ಖಾನ್​ ನಟನೆಯ ‘ದಂಗಲ್​’ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಸಾನಿಯಾ ಮಲ್ಹೋತ್ರಾ ಕಾಲಿಟ್ಟರು. ಆ ಚಿತ್ರದಿಂದ ಅವರಿಗೆ ದೊಡ್ಡ ಮಟ್ಟದ ಖ್ಯಾತಿ ಸಿಕ್ಕಿತು.

Sanya Malhotra: ‘ಭಾರತದಲ್ಲಿ ಮಹಿಳೆಯರಿಗೆ ಈ ನಗರ ಸುರಕ್ಷಿತವಲ್ಲ’; ತವರಿನ ಬಗ್ಗೆಯೇ ತಕರಾರು ತೆಗೆದ ‘ದಂಗಲ್​’ ನಟಿ
ಸಾನಿಯಾ ಮಲ್ಹೋತ್ರಾ
TV9kannada Web Team

| Edited By: Madan Kumar

Jul 14, 2022 | 9:33 AM

ಮಹಿಳೆಯರ ಸುರಕ್ಷತೆ ಬಗ್ಗೆ ಪ್ರತಿ ದಿನವೂ ಚರ್ಚೆ ನಡೆಯುತ್ತದೆ. ಪ್ರತಿ ಬಾರಿ ಏನಾದರೊಂದು ಕ್ರೈಮ್​ ನಡೆದಾಗ ‘ಸ್ತ್ರೀಯರಿಗೆ ಇಲ್ಲಿ ಎಷ್ಟು ರಕ್ಷಣೆ ಇದೆ’ ಎನ್ನುವ ಪ್ರಶ್ನೆ ಎದುರಾಗುತ್ತದೆ. ಪ್ರಗತಿ ಹೊಂದಿವೆ ಎಂದು ಹೇಳಿಕೊಳ್ಳುವ ನಗರಗಳಲ್ಲೂ ಹೆಣ್ಮಕ್ಕಳ ಸೇಫ್ಟಿ​ ಬಗ್ಗೆ ಖಚಿತತೆ ಇಲ್ಲದಂತಹ ವಾತಾವರಣ ಇದೆ. ಈ ಬಗ್ಗೆ ಖ್ಯಾತ ನಟಿ ಸಾನಿಯಾ ಮಲ್ಹೋತ್ರಾ (Sanya Malhotra) ಅವರು ಮಾತನಾಡಿದ್ದಾರೆ. ನೇರವಾಗಿ ಅವರು ಕೆಲವು ಆರೋಪಗಳನ್ನು ಮಾಡಿದ್ದಾರೆ. ಅಚ್ಚರಿ ಎಂದರೆ ಅವರು ತಕರಾರು ತೆಗೆದಿರುವುದು ಅವರ ಹುಟ್ಟೂರಿನ ಬಗ್ಗೆ. ಹೌದು, ಸಾನಿಯಾ ಮಲ್ಹೋತ್ರಾ ಹುಟ್ಟಿ ಬೆಳೆದಿದ್ದು ದೆಹಲಿಯಲ್ಲಿ. ಈಗ ಅವರು ವೃತ್ತಿಜೀವನದ ಕಾರಣದಿಂದ ಮುಂಬೈನಲ್ಲಿ (Mumbai) ಸೆಟ್ಲ್​ ಆಗಿದ್ದಾರೆ. ಮಹಿಳೆಯವರಿಗೆ ದೆಹಲಿ (Delhi) ಸುರಕ್ಷಿತವಲ್ಲ ಎಂದು ಅವರು ಹೇಳಿದ್ದಾರೆ.

ಕಳೆದ ವರ್ಷ ನವೆಂಬರ್​ ತಿಂಗಳಲ್ಲಿ ಸಾನಿಯಾ ಮಲ್ಹೋತ್ರಾ ಅವರು ಮುಂಬೈನಲ್ಲಿ ಹೊಸ ಮನೆ ಖರೀದಿಸಿದರು. ಅದೇ ಅಪಾರ್ಟ್​ಮೆಂಟ್​ನಲ್ಲಿ ಹೃತಿಕ್​ ರೋಷನ್​ ಅವರ ಮನೆ ಕೂಡ ಇದೆ ಎಂಬುದು ವಿಶೇಷ. ಸಿನಿಮಾ ಕೆಲಸಗಳ ಸಲುವಾಗಿ ದೆಹಲಿ ಬಿಟ್ಟು ಮುಂಬೈಗೆ ಬಂದಿರುವ ಸಾನಿಯಾ ಮಲ್ಹೋತ್ರಾ ಅವರು ಹೀಗೊಂದು ಹೇಳಿಕೆ ನೀಡಿದ್ದಾರೆ. ಮುಂಬೈಗೆ ಹೋಲಿಸಿದರೆ ದೆಹಲಿಯಲ್ಲಿ ಮಹಿಳೆಯರಿಗೆ ಸುರಕ್ಷಿತೆ ಕಡಿಮೆ ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ.

‘ನಾನು ದೆಹಲಿ ಮೂಲದವಳು. ಹಾಗಿದ್ದರೂ ಮುಂಬೈ ನಗರವನ್ನು ಆಯ್ಕೆ ಮಾಡಿಕೊಳ್ಳಲು ಕಾರಣ ಇದೆ. ಮುಂಬೈನಲ್ಲಿ ನನಗೆ ಹೆಚ್ಚು ಸುರಕ್ಷಿತ ಭಾವನೆ ಮೂಡುತ್ತದೆ. ದೆಹಲಿ ಅಭಿವೃದ್ಧಿ ಹೊಂದಿದೆಯೋ ಇಲ್ಲವೋ ನನಗೆ ತಿಳಿದಿಲ್ಲ. ಆದರೆ ಅಲ್ಲಿ ನನಗೆ ಸೇಫ್​ ಎನಿಸುವುದಿಲ್ಲ. ದೆಹಲಿಯಲ್ಲಿ ಪ್ರತಿ ಹುಡುಗಿಗೂ ಚುಡಾಯಿಸಲಾಗಿರುತ್ತದೆ’ ಎಂದು ಸಾನಿಯಾ ಮಲ್ಹೋತ್ರಾ ಹೇಳಿದ್ದಾರೆ.

ಇದನ್ನೂ ಓದಿ

ಆಮಿರ್​ ಖಾನ್​ ನಟನೆಯ ‘ದಂಗಲ್​’ ಸಿನಿಮಾದಲ್ಲಿ ಸಾನಿಯಾ ಮಲ್ಹೋತ್ರಾ ಮಿಂಚಿದರು. ಆ ಚಿತ್ರದಿಂದ ಅವರಿಗೆ ದೊಡ್ಡ ಮಟ್ಟದ ಖ್ಯಾತಿ ಸಿಕ್ಕಿತು. ನಂತರ ಅವರು ‘ಬದಾಯಿ ಹೋ’, ‘ಪಟಾಕಾ’, ‘ಶಕುಂತಲಾ ದೇವಿ’ ಮುಂತಾದ ಸಿನಿಮಾಗಳಲ್ಲಿ ನಟಿಸಿ ಪ್ರೇಕ್ಷಕರನ್ನು ರಂಜಿಸಿದರು.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada