‘ಚೆಲ್ಲೋ ಶೋ’ ಭಾರತದ ಚಿತ್ರವೇ ಅಲ್ಲ, ಜ್ಯೂರಿಗಳು ಸಿನಿಮಾನೇ ನೋಡಿಲ್ಲ’; ಕೇಳಿ ಬಂತು ಹೊಸ ಆರೋಪ

ಪ್ಯಾನ್​ ನಳಿನ್​ ಅವರು ‘ಚೆಲ್ಲೋ ಶೋ’ ಸಿನಿಮಾಗೆ ನಿರ್ದೇಶನ ಮಾಡಿದ್ದಾರೆ. ‘ಕೊನೆಯ ಸಿನಿಮಾ ಶೋ’ ಎಂಬುದು ಈ ಶೀರ್ಷಿಕೆಯ ಅರ್ಥ. ನಿರ್ದೇಶಕರು ತಮ್ಮ ಬಾಲ್ಯದ ಅನುಭವಗಳನ್ನೇ ಇಟ್ಟುಕೊಂಡು ಈ ಸಿನಿಮಾ ಮಾಡಿದ್ದಾರೆ.

‘ಚೆಲ್ಲೋ ಶೋ’ ಭಾರತದ ಚಿತ್ರವೇ ಅಲ್ಲ, ಜ್ಯೂರಿಗಳು ಸಿನಿಮಾನೇ ನೋಡಿಲ್ಲ’; ಕೇಳಿ ಬಂತು ಹೊಸ ಆರೋಪ
ಚೆಲ್ಲೋ ಶೋ
TV9kannada Web Team

| Edited By: Rajesh Duggumane

Sep 23, 2022 | 7:23 PM

ಆಸ್ಕರ್​ ಅವಾರ್ಡ್​​ಗೆ (Academy Awards) ಪ್ರತಿವರ್ಷ ಭಾರತದಿಂದ ಒಂದು ಚಿತ್ರವನ್ನು ಆಯ್ಕೆ ಮಾಡಿ ಕಳುಹಿಸಲಾಗುತ್ತದೆ. ಈ ಬಾರಿಯೂ ಆ ಪ್ರಕ್ರಿಯೆ ನಡೆದಿದೆ. ‘ಆರ್​ಆರ್​ಆರ್​’, ‘ದಿ ಕಾಶ್ಮೀರ್ ಫೈಲ್ಸ್’ ಚಿತ್ರವನ್ನು ಹಿಂದಿಕ್ಕಿ ಗುಜರಾತಿ ಭಾಷೆಯ ‘ಚೆಲ್ಲೋ ಶೋ’ ಆಸ್ಕರ್​ಗೆ ಎಂಟ್ರಿ ಪಡೆದಿದೆ. ಆಯ್ಕೆ ವಿಚಾರದಲ್ಲಿ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ‘ಆರ್​ಆರ್​ಆರ್’ ಚಿತ್ರವನ್ನು ಏಕೆ ಆಯ್ಕೆ ಮಾಡಿಲ್ಲ ಎಂದು ಕೆಲವರು ಪ್ರಶ್ನೆ ಮಾಡುತ್ತಿದ್ದಾರೆ. ಅಚ್ಚರಿ ಎಂದರೆ, ‘ಚೆಲ್ಲೋ ಶೋ’  (Chhello Show) ಭಾರತದ ಚಿತ್ರವೇ ಅಲ್ಲ ಎಂಬ ಆರೋಪ ಕೇಳಿಬಂದಿದೆ. ‘ಫೆಡರೇಷನ್ ಆಫ್​ ವೆಸ್ಟರ್ನ್​ ಇಂಡಿಯಾ ಸಿನಿ ಎಂಪ್ಲಾಯೀಸ್​’ (FWICE)  ಈ ಆರೋಪವನ್ನು ಮಾಡಿದೆ. ಅಲ್ಲದೆ ಭಾರತದ ಫಿಲ್ಮ್​ ಫೆಡರೇಷನ್​ಗೆ ಪತ್ರ ಬರೆದು ಆಸ್ಕರ್ ಆಯ್ಕೆಯನ್ನು ಪುನರ್​ ಪರಿಶೀಲನೆ ಮಾಡುವಂತೆ ಕೋರಿದೆ.

FWICEನ ಅಧ್ಯಕ್ಷ ಬಿಎನ್​ ತಿವಾರಿ ಅವರು ಈ ಬಗ್ಗೆ ಇಟೈಮ್ಸ್ ಜತೆ ಮಾತನಾಡಿದ್ದಾರೆ. ‘ಚೆಲ್ಲೋ ಶೋ ಭಾರತದ ಸಿನಿಮಾ ಅಲ್ಲ. ಆಸ್ಕರ್​ಗೆ ಮಾಡಿದ ಆಯ್ಕೆ ಪ್ರಕ್ರಿಯೆ ಸರಿ ಇಲ್ಲ. ಆರ್​ಆರ್​ಆರ್ ಹಾಗೂ ದಿ ಕಾಶ್ಮೀರ್ ಫೈಲ್ಸ್ ರೀತಿಯ ಚಿತ್ರಗಳು ಕೂಡ ಇದ್ದವು. ಸಿದ್ದಾರ್ಥ್ ರಾಯ್ ಕಪೂರ್ ಅವರು ಖರೀದಿಸಿದ ವಿದೇಶಿ ಚಿತ್ರವನ್ನು ಜ್ಯೂರಿಗಳು ಆಯ್ಕೆ ಮಾಡಿದ್ದಾರೆ’ ಎಂದು ಸಿದ್ದಾರ್ಥ್ ಆರೋಪಿಸಿದ್ದಾರೆ.

‘ಮತ್ತೆ ಸಿನಿಮಾ ಆಯ್ಕೆ ಪ್ರಕ್ರಿಯೆ ನಡೆಯಬೇಕು. ಈಗಿರುವ ಜ್ಯೂರಿಗಳನ್ನು ತೆಗೆದುಹಾಕಬೇಕು. ಈ ಜ್ಯೂರಿಗಳು ಹಲವು ವರ್ಷಗಳಿಂದ ಇದ್ದಾರೆ. ಇಲ್ಲಿರುವ ಅನೇಕರು ಚಿತ್ರವನ್ನೇ ನೋಡುವುದಿಲ್ಲ. ವೋಟಿಂಗ್ ಮೂಲಕ ಸಿನಿಮಾ ಆಯ್ಕೆ ಮಾಡುತ್ತಾರೆ. ಅತ್ಯಧಿಕ ಚಿತ್ರಗಳನ್ನು ರಿಲೀಸ್ ಮಾಡುವ ಭಾರತ ಚಿತ್ರರಂಗದ ಬಗ್ಗೆ ‘ಚೆಲ್ಲೋ ಶೋ’ ತಪ್ಪು ಕಲ್ಪನೆ ಮೂಡುವಂತೆ ಮಾಡುತ್ತದೆ’ ಎಂದಿದ್ದಾರೆ ತಿವಾರಿ.

ಪ್ಯಾನ್​ ನಳಿನ್​ ಅವರು ‘ಚೆಲ್ಲೋ ಶೋ’ ಸಿನಿಮಾಗೆ ನಿರ್ದೇಶನ ಮಾಡಿದ್ದಾರೆ. ‘ಕೊನೆಯ ಸಿನಿಮಾ ಶೋ’ ಎಂಬುದು ಈ ಶೀರ್ಷಿಕೆಯ ಅರ್ಥ. ನಿರ್ದೇಶಕರು ತಮ್ಮ ಬಾಲ್ಯದ ಅನುಭವಗಳನ್ನೇ ಇಟ್ಟುಕೊಂಡು ಈ ಸಿನಿಮಾ ಮಾಡಿದ್ದಾರೆ.

ಇದನ್ನೂ ಓದಿ: Vivek Agnihotri: ‘ಹೇಳೋಕೆ ಏನೂ ಇಲ್ಲ’; ಆಸ್ಕರ್​ಗೆ ‘ಕಾಶ್ಮೀರ್​ ಫೈಲ್ಸ್​’ ಆಯ್ಕೆ ಆಗದಿದ್ದಕ್ಕೆ ವಿವೇಕ್​ ಅಗ್ನಿಹೋತ್ರಿ ಪ್ರತಿಕ್ರಿಯೆ

ಇದನ್ನೂ ಓದಿ

‘ಆರ್​ಆರ್​ಆರ್​’ ಸಿನಿಮಾ ಆಸ್ಕರ್​ಗೆ ಕಾಲಿಡಬೇಕು ಎಂಬುದು ಅನೇಕರ ಆಸೆ ಆಗಿತ್ತು. ಆದರೆ, ಅದು ಸಾಧ್ಯವಾಗಿಲ್ಲ. ‘ಆರ್​ಆರ್​ಆರ್​’ ಚಿತ್ರಕ್ಕೆ ಅವಕಾಶ ನೀಡಬೇಕು ಎಂದು ಆಗ್ರಹಿಸಿ ಅನೇಕರು ಆಂದೋಲನ ಶುರು ಮಾಡಿದ್ದರು. ‘ಆಸ್ಕರ್​ಗೆ ಆಯ್ಕೆ ಆಗಲು ಸಿನಿಮಾದ ಮನರಂಜನೆ, ಮಾಸ್​ ಗುಣ, ಮಾರ್ಕೆಟಿಂಗ್​, ಮೇಕಿಂಗ್, ಚಿತ್ರದ ಕಲೆಕ್ಷನ್​​ ಮುಖ್ಯವಲ್ಲ. ಕಥೆ ಮುಖ್ಯವಾಗುತ್ತದೆಯೇ ಹೊರತು ಜನಪ್ರಿಯತೆ ಅಲ್ಲ’ ಎಂದು ಆಯ್ಕೆ ಸಮಿತಿ ಅಧ್ಯಕ್ಷ ಟಿ.ಎಸ್​. ನಾಗಾಭರಣ ಇತ್ತೀಚೆಗೆ ಹೇಳಿದ್ದರು.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada