Madonna: ಬರ್ತ್​ಡೇ ಖುಷಿಯಲ್ಲಿ ಗೆಳತಿಯರಿಗೆ ಫ್ರೆಂಚ್​ ಕಿಸ್​ ನೀಡಿದ ಗಾಯಕಿ ಮಡೋನಾ; ವಿಡಿಯೋ ವೈರಲ್​

ಕೆಲವೇ ದಿನಗಳ ಹಿಂದೆ ಕನ್ನಡದ ಖ್ಯಾತ ನಟಿಯೊಬ್ಬರ ಪಾರ್ಟಿ ವಿಡಿಯೋ ವೈರಲ್​ ಆಗಿತ್ತು. ಗೆಳತಿಯರ ಜೊತೆ ಪಾರ್ಟಿ ಮಾಡುವಾಗ ಅವರು ತುಂಬ ಆಪ್ತವಾಗಿ ನಡೆದುಕೊಂಡಿದ್ದರು. ಗೆಳತಿಯ ಜೊತೆ ಲಿಪ್​ ಲಾಕ್​ ಮಾಡಿದ ಆ ಸ್ಯಾಂಡಲ್​ವುಡ್​ ನಟಿಯ ವಿಡಿಯೋ ವೈರಲ್​ ಆಗಿತ್ತು. ಈಗ ಅದೇ ರೀತಿ ಪಾಪ್​ ಗಾಯಕಿ ಮಡೋನಾ (Madonna) ಅವರು ಕಿಸ್​ ಮಾಡಿ ಸುದ್ದಿ ಆಗಿದ್ದಾರೆ. ಅವರಿಗೆ ಜಗತ್ತಿನಾದ್ಯಂತ ಅಭಿಮಾನಿಗಳು ಇದ್ದಾರೆ. ಆಗಸ್ಟ್​ 16ರಂದು 64ನೇ ವಸಂತಕ್ಕೆ ಕಾಲಿಟ್ಟಿರುವ ಅವರು ಅದ್ದೂರಿಯಾಗಿ ಬರ್ತ್​ಡೇ (Madonna Birthday) ಪಾರ್ಟಿ ಮಾಡಿಕೊಂಡರು. ಈ ವೇಳೆ ಕಳೆದ ಖುಷಿಯ ಕ್ಷಣಗಳು ವಿಡಿಯೋದಲ್ಲಿ ಸೆರೆಯಾಗಿವೆ. ಆ ವಿಡಿಯೋಗಳನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಳ್ಳಲಾಗಿದೆ. ಗೆಳೆತಿಯರಿಬ್ಬರಿಗೆ ಮಡೋನಾ ಅವರು ಫ್ರೆಂಚ್​ ಕಿಸ್​ (Madonna Kiss) ನೀಡಿರುವ ದೃಶ್ಯ ಎಲ್ಲರ ಕಣ್ಣು ಕುಕ್ಕುತ್ತಿದೆ.

ಪಾಪ್​ ಸಂಗೀತ ಲೋಕದಲ್ಲಿ ಗಾಯಕಿ ಮಡೋನಾ ಅವರು ಹಲವು ದಶಕಗಳಿಂದ ಸಕ್ರಿಯರಾಗಿದ್ದಾರೆ. ‘ಪಾಪ್​ ಲೋಕದ ರಾಣಿ’ ಎಂದೇ ಅವರನ್ನು ಕರೆಯಲಾಗುತ್ತದೆ. ಅವರ ವೃತ್ತಿಜೀವದನಲ್ಲಿ ಅನೇಕ ವಿವಾದಗಳು ಕೂಡ ಆಗಿದ್ದುಂಟು. ಅವುಗಳಿಗೆ ಅವರು ಹೆಚ್ಚು ತಲೆ ಕೆಡಿಸಿಕೊಂಡಿಲ್ಲ. 2003ರಲ್ಲಿ ವೇದಿಕೆ ಮೇಲೆ ಪರ್ಫಾರ್ಮೆನ್ಸ್​ ನೀಡುವಾಗ ಮತ್ತೋರ್ವ ಗಾಯಕಿಗೆ ಕಿಸ್​ ಮಾಡುವ ಮೂಲಕ ಮಡೋನಾ ಸೆನ್ಸೇಷನ್​ ಸೃಷ್ಟಿಸಿದ್ದರು. ಈಗ ಅದೇ ರೀತಿ ಮತ್ತೊಮ್ಮೆ ಕಿಸ್​ ಮಾಡಿದ್ದಾರೆ.

ಇದನ್ನೂ ಓದಿ

Naga Chaitanya: ಕಾರಿನಲ್ಲಿ ಕದ್ದುಮುಚ್ಚಿ ಕಿಸ್​ ಮಾಡುತ್ತಾ ಪೊಲೀಸರ ಕೈಗೆ ಸಿಕ್ಕಿ ಬಿದ್ದಿದ್ದ ಸಮಂತಾ ಮಾಜಿ ಪತಿ ನಾಗ ಚೈತನ್ಯ

RGV: ‘ನಾನು ಸಲಿಂಗಕಾಮಿ ಅಲ್ಲ, ಆದ್ರೂ ಆ ನಟನಿಗೆ ಕಿಸ್​ ಮಾಡುವ ಆಸೆ ನನಗಿತ್ತು’: ರಾಮ್​ ಗೋಪಾಲ್​ ವರ್ಮಾ

‘ನೀಲಿಚಿತ್ರ ಅತಿಯಾಗಿ ನೋಡುವವರಿಗೆ ಕಿಸ್​ ಮಾಡೋಕೆ ಬರಲ್ಲ’; ಬಿಗ್​ ಬಾಸ್​ ಸ್ಪರ್ಧಿಯ ವಿಚಿತ್ರ ಹೇಳಿಕೆ

ನಾಗ ಚೈತನ್ಯ ಜತೆ ಸಾಯಿ ಪಲ್ಲವಿ ಲಿಪ್​ ಲಾಕ್​ ಮಾಡಿದ್ದು ನಿಜವೇ? ‘ಲವ್​ ಸ್ಟೋರಿ’ ಹಿಂದಿನ ಸತ್ಯ ಬಾಯ್ಬಿಟ್ಟ ನಟಿ

ಆಪ್ತರ ಜೊತೆ ಮಡೋನಾ ಬರ್ತ್​ಡೇ ಪಾರ್ಟಿ ಮಾಡಿಕೊಂಡಿದ್ದಾರೆ. ಹುಟ್ಟುಹಬ್ಬದ ಸಡಗರಕ್ಕಾಗಿ ನೀಲಿ ಮತ್ತು ಬಿಳಿ ಬಣ್ಣದ ಡ್ರೆಸ್​ ತೊಟ್ಟಿರುವ ಮಡೋನಾ ಅವರು ವಿವಿಧ ಬಗೆಯ ಆಭರಣ ಧರಿಸಿ ಮಿಂಚಿದ್ದಾರೆ. ಐಷಾರಾಮಿ ಕಾರಿನಲ್ಲಿ ಅವರು ಪಾರ್ಟಿ ಮಾಡಿದ್ದಾರೆ. ಕಾರಿನೊಳಗೆ ಹೋಗುವುದಕ್ಕೂ ಮುನ್ನ ಖುಷಿಖುಷಿಯಿಂದ ಹಾಡಿತ್ತಾ ಕುಣಿದಿದ್ದಾರೆ. ಬಳಿಕ ಸ್ನೇಹಿತರ ಜೊತೆಗೂಡಿ, ಕಾರಿನಲ್ಲಿ ಕುಳಿತು ಎಂಜಾಯ್​ ಮಾಡಿದ್ದಾರೆ. ಕೈಯಲ್ಲಿ ಮದ್ಯದ ಗ್ಲಾಸ್​ ಹಿಡಿದು ಚಿಯರ್ಸ್​ ಎಂದಿರುವ ಮಡೋನಾ ಅಷ್ಟಕ್ಕೇ ಸುಮ್ಮನಾಗಿಲ್ಲ. ಪಕ್ಕ ಕುಳಿತ ಇಬ್ಬರು ಗೆಳತಿಯರಿಗೆ ಅವರು ಫ್ರೆಂಚ್​ ಕಿಸ್​​ ಮಾಡಿದ್ದಾರೆ.

View this post on Instagram

A post shared by Madonna (@madonna)

ಇನ್​ಸ್ಟಾಗ್ರಾಮ್​ನಲ್ಲಿ ಸ್ವತಃ ಮಡೋನಾ ಅವರೇ ಈ ವಿಡಿಯೋವನ್ನು ಶೇರ್​ ಮಾಡಿಕೊಂಡಿದ್ದಾರೆ. ಒಂದೇ ದಿನದಲ್ಲಿ 30 ಲಕ್ಷಕ್ಕೂ ಅಧಿಕ ಬಾರಿ ಇದು ವೀಕ್ಷಣೆ ಕಂಡಿದೆ. ಎರಡು ಲಕ್ಷಕ್ಕೂ ಅಧಿಕ ಜನರು ಲೈಕ್​ ಮಾಡಿದ್ದು, 11 ಸಾವಿರಕ್ಕೂ ಹೆಚ್ಚು ಕಮೆಂಟ್​ಗಳು ಬಂದಿವೆ. ನೆಚ್ಚಿನ ಗಾಯಕಿಗೆ ಅಭಿಮಾನಿಗಳ ಬರ್ತ್​ಡೇ ವಿಶ್​ ಮಾಡಿದ್ದಾರೆ. ಇನ್​ಸ್ಟಾಗ್ರಾಮ್​ನಲ್ಲಿ ಅವರನ್ನು 18.8 ಮಿಲಿಯನ್​ ಜನರು ಫಾಲೋ ಮಾಡುತ್ತಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.