ರಾಜ್​ಕುಮಾರ್ ಸಿನಿಮಾಗಳು ಎವರ್​ಗ್ರೀನ್ ಆಗಲು ಅವರು ಬಳಸುತ್ತಿದ್ದುದು ಇದೇ ತಂತ್ರ

ರಾಜ್​ಕುಮಾರ್ ಅವರು ನೂರಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಪ್ರತಿ ಸಿನಿಮಾದಲ್ಲಿ ಹೊಸ ಹೊಸ ಕಥೆಯೊಂದಿಗೆ ಅವರು ಬಂದಿದ್ದಾರೆ. ಒಂದರಲ್ಲಿ ಹಳ್ಳಿ ಹುಡುಗನ ಪಾತ್ರ ಮಾಡಿದರೆ ಮತ್ತೊಂದರಲ್ಲಿ ಪೊಲೀಸ್ ಅಧಿಕಾರಿ, ಮತ್ತೊಂದರಲ್ಲಿ ಪೌರಾಣಿಕ ಪಾತ್ರ. ಹೀಗೆ ಎಲ್ಲವೂ ಭಿನ್ನ. ರಾಜ್​ಕುಮಾರ್ ಸಿನಿಮಾಗಳು ಎವರ್​ಗ್ರೀನ್ ಆಗಿ ಇರಲು ಕಾರಣ ಏನು ಎಂಬುದನ್ನು ಜಯಮಾಲಾ ಅವರು ರಿವೀಲ್ ಮಾಡಿದ್ದರು. ಆ ಬಗ್ಗೆ ಇಂದು ಚರ್ಚಿಸೋಣ.

ಜಯಮಾಲಾ ಅವರಿಗೆ ಇಂದು (ಫೆಬ್ರವರಿ 28) 66ನೇ ವರ್ಷದ ಜನ್ಮದಿನ. ಇತ್ತೀಚೆಗೆ ಅವರು ಮಗಳ ಮದುವೆಯನ್ನು ಬೆಂಗಳೂರಿನಲ್ಲಿ ಅದ್ದೂರಿಯಾಗಿ ಆಚರಿಸಿದರು. ‘ಭೂತಯ್ಯನ ಮಗ ಅಯ್ಯು’ ಚಿತ್ರದಲ್ಲಿ ಪೋಷಕ ಪಾತ್ರ ಮಾಡಿ ಅವರು ಚಿತ್ರರಂಗಕ್ಕೆ ಕಾಲಿಟ್ಟರು. ಆ ಬಳಿಕ ಆಫರ್​ಗಳು ಅವರನ್ನು ಹುಡುಕಿ ಬಂದವು. ನಂತರ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವರಿಗೆ ರಾಜ್​ಕುಮಾರ್ ಜೊತೆ ವಿಶೇಷ ಬಾಂಧವ್ಯ ಇತ್ತು.

ರಾಜ್​ಕುಮಾರ್ ನಟನೆಯ ‘ದಾರಿ ತಪ್ಪಿದ ಮಗ’ ಸಿನಿಮಾದಲ್ಲಿ ಬುಂದೇಲ್​ಪುರದ ರಾಜಕುಮಾರಿ ಪಾತ್ರ ಮಾಡಿದರು ಜಯಮಾಲಾ. ‘ಬಡವರ ಬಂಧು’, ‘ಪ್ರೇಮದ ಕಾಣಿಕೆ’ ಮೊದಲಾದ ಸಿನಿಮಾಗಳಲ್ಲಿ ಜಯಮಾಲಾ ಅವರು ರಾಜ್​ಕುಮಾರ್ ಜೊತೆ ತೆರೆ ಹಂಚಿಕೊಂಡಿದ್ದರು. ಹೀಗಾಗಿ, ಇವರ ಜೊತೆ ಒಳ್ಳೆಯ ಬಾಂಧವ್ಯ ಬೆಳೆದಿತ್ತು. ಅಣ್ಣಾವ್ರನ್ನು ಹತ್ತಿರದಿಂದ ಜಯಮಾಲಾ ಕಂಡಿದ್ದರು. ಅವರ ಸಿನಿಮಾಗಳು ಎವರ್​ಗ್ರೀನ್ ಆಗಲು ಕಾರಣ ಏನು ಎಂಬುದನ್ನು ಜಯಮಾಲಾ ವಿವರಿಸಿದ್ದರು.

ಇದನ್ನೂ ಓದಿ

ರಾಜ್​ಕುಮಾರ್ ಗಾಯನದ ಬಗ್ಗೆ ವ್ಯಂಗ್ಯವಾಡಿ ತಲೆಮರೆಸಿಕೊಂಡ ಗಾಯಕ

ಪುನೀತ್ ರಾಜ್​ಕುಮಾರ್​ ಅಭಿಮಾನಿಗಳ ಪರವಾಗಿ ಮಹಾಕುಂಭಮೇಳದಲ್ಲಿ ಪುಣ್ಯ ಸ್ನಾನ

ಪುನೀತ್ ಬರ್ತ್​ಡೇಗೆ ಬಿಗ್ ಸರ್​ಪ್ರೈಸ್; ಹಿಟ್ ಚಿತ್ರ ರೀ-ರಿಲೀಸ್

ದ್ವಾರಕೀಶ್ ವಿಧಿವಶ ಬಗ್ಗೆ ಶಿವಮೊಗ್ಗದಿಂದಲೇ ಶಿವರಾಜ್​​ಕುಮಾರ್ ಭಾವುಕ ಮಾತು

ಸ್ಕ್ರಿಪ್ಟ್​ನ ಆಯ್ಕೆ ಮಾಡಿಕೊಳ್ಳುವುದರಿಂದ ಹಿಡಿದು ನಂತರದ ಚರ್ಚೆ, ಸಿನಿಮಾ ಶೂಟಿಂಗ್ ಹಾಗೂ ರಿಲೀಸ್​ವರೆಗೆ ರಾಜ್​ಕುಮಾರ್ ಅವರು ಜೀವವನ್ನೇ ಇಟ್ಟಿರುತ್ತಾರೆ ಅನ್ನೋದು ಜಯಮಾಲಾ ಅಭಿಪ್ರಾಯ. ಈ ಕಾರಣದಿಂದಲೇ ಸಿನಿಮಾಗಳು ಎವರ್​ಗ್ರೀನ್​ ಆಗಿವೆ ಎಂಬುದು ಜಯಮಾಲಾ ಅಭಿಪ್ರಾಯ.

ಇದನ್ನೂ ಓದಿ: Rajkumar: ರಾಜ್​ಕುಮಾರ್ ಗಾಯನದ ಬಗ್ಗೆ ವ್ಯಂಗ್ಯವಾಡಿ ತಲೆಮರೆಸಿಕೊಂಡ ಗಾಯಕ

100 ದಿನಗಳು ಅನ್ನೋದು ರಾಜ್​ಕುಮಾರ್ ಸಿನಿಮಾಗೆ ತುಂಬಾನೇ ಸಣ್ಣದು. ಅವರ ಸಿನಿಮಾಗಳು ವರ್ಷಗಟ್ಟಲೆ ಓಡಿದ ಉದಾಹರಣೆಯೂ ಇದೆ. ಆದರೆ, ಈಗಿನ ಕಾಲದಲ್ಲಿ ಅದೆಲ್ಲ ಸಾಧ್ಯವಿಲ್ಲ. ಒಟಿಟಿಯ ಕಾರಣಕ್ಕೆ ಸಿನಿಮಾ ರಿಲೀಸ್ ಆದ ಕೆಲವೇ ದಿನಗಳಲ್ಲಿ ಥಿಯೇಟರ್​ನಿಂದ ಕಾಲ್ಕೀಳುತ್ತವೆ. ಆದರೆ, ರಾಜ್​ಕುಮಾರ್ ಅವರು ಅಂದು ಮಾಡಿದ ದಾಖಲೆಯನ್ನು ಯಾರಿಂದಲೂ ಬ್ರೇಕ್ ಮಾಡಲು ಸಾಧ್ಯವೇ ಇಲ್ಲ ಎನ್ನಬಹುದು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.