Laal Singh Chaddha: ಬಾಯ್ಕಾಟ್ ನಡುವೆಯೂ 100 ಕೋಟಿ ಕಲೆಕ್ಷನ್ ಮಾಡಿದ ಲಾಲ್ ಸಿಂಗ್ ಚಡ್ಡಾ..!

ಬಾಲಿವುಡ್​ನಲ್ಲಿ ಇತ್ತೀಚೆಗೆ ತೆರೆಕಂಡಿದ್ದ ಅಮೀರ್ ಖಾನ್ (Aamir Khan) ಅಭಿನಯದ ಲಾಲ್ ಸಿಂಗ್ ಚಡ್ಡಾ (Laal Singh Chaddha) ಚಿತ್ರವು ಕೊನೆಗೂ 100 ಕೋಟಿ ಕ್ಲಬ್ ಸೇರಿಕೊಂಡಿದೆ. ಭಾರೀ ನಿರೀಕ್ಷೆ ಹುಟ್ಟುಹಾಕಿದ್ದ ಈ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿತ್ತು. ಅದರಲ್ಲೂ ಚಿತ್ರ ಬಿಡುಗಡೆಗೂ ಮುನ್ನ ಕೇಳಿ ಬಂದ ಬಾಯ್ಕಾಟ್ ಅಭಿಯಾನವು ಚಿತ್ರದ ಭರ್ಜರಿ ಓಪನಿಂಗ್​ಗೆ ಭಾರೀ ಹೊಡೆತ ನೀಡಿತು. ಪರಿಣಾಮ ಮೊದಲ ದಿನವೇ ಪ್ರೇಕ್ಷಕರ ಕೊರತೆ ಎದುರಿಸಿತ್ತು. ಅಲ್ಲದೆ ಬಿಡುಗಡೆ ದಿನ ಬಾಕ್ಸಾಫೀಸ್​ನಲ್ಲಿ (Laal Singh Chaddha box office collection) ಗಳಿಸಿದ್ದು ಕೇವಲ 11 ಕೋಟಿ ರೂ. ಮಾತ್ರ. ಇದೀಗ ಚಿತ್ರವು ನಿಧಾನಕ್ಕೆ ಸುಧಾರಿಸಿಕೊಳ್ಳುತ್ತಿದೆ. ಆದರೆ ಇದು ಭಾರತೀಯ ಬಾಕ್ಸಾಫೀಸ್​ನಲ್ಲಿ ಅಲ್ಲ ಎಂಬುದು ವಿಶೇಷ.

ಅಂದರೆ ಲಾಲ್ ಸಿಂಗ್ ಚಡ್ಡಾ ಚಿತ್ರಕ್ಕೆ ಭಾರತದಲ್ಲಿ ನೀರಸ ಪ್ರತಿಕ್ರಿಯೆಗಳು ವ್ಯಕ್ತವಾದರೂ ಅಮೀರ್ ಖಾನ್ ಅಭಿನಯಕ್ಕೆ ವಿದೇಶದಿಂದ ಬಹುಪರಾಕ್ ಕೇಳಿ ಬರುತ್ತಿದೆ. ಪರಿಣಾಮ ಮೊದಲ 8 ದಿನಗಳಲ್ಲೇ ಚಿತ್ರದ ಕಲೆಕ್ಷನ್ 100 ಕೋಟಿಯನ್ನು ದಾಟಿದೆ. ಭಾರತದಲ್ಲಿ ಮೊದಲ ವಾರದಲ್ಲಿ ಕೇವಲ 59.68 ಕೋಟಿ ಕಲೆಕ್ಷನ್ ಮಾಡಿದ್ದ ಚಿತ್ರವು ವಿದೇಶದಲ್ಲಿ ಒಟ್ಟು 60 ಕೋಟಿಗೂ ಅಧಿಕ ಮೊತ್ತವನ್ನು ಬಾಚಿಕೊಂಡಿದೆ. ಈ ಮೂಲಕ 8 ದಿನಗಳಲ್ಲಿ 115 ಕೋಟಿಗೂ ಅಧಿಕ ಮೊತ್ತ ಗಳಿಸಿಕೊಂಡಿದೆ.

ಆದರೆ ಅಮೀರ್ ಖಾನ್ ಚಿತ್ರಗಳಿಗೆ ಹೋಲಿಸಿದರೆ ಇದು ಅತ್ಯಂತ ನಿಧಾನಗತಿಯ ಗಳಿಕೆ ಕಾಣುತ್ತಿರುವ ಚಿತ್ರವಾಗಿದೆ. ಅದರಲ್ಲೂ 2000 ರ ಬಳಿಕ ಅಮೀರ್ ಖಾನ್ ಸಿನಿಮಾವೊಂದು ಬಾಕ್ಸಾಫೀಸ್​ನಲ್ಲಿ ಕಲೆಕ್ಷನ್​ನಲ್ಲಿ ಹಿಂದೆ ಉಳಿಯುತ್ತಿರುವುದು ಇದೇ ಮೊದಲು ಎಂದು ಬಾಲಿವುಡ್ ಪಂಡಿತರ ಅಭಿಪ್ರಾಯ.

ಇದನ್ನೂ ಓದಿ

KGF: ಕಬಾಲಿ ನಿರ್ದೇಶಕನ ಮಾಸ್ಟರ್​ ಪ್ಲ್ಯಾನ್​: ಬರಲಿದೆ ಮತ್ತೊಂದು ಕೆಜಿಎಫ್..!

Yash Next Movie: ಯಶ್ ಮುಂದಿನ ಚಿತ್ರಕ್ಕೆ ಸೌತ್ ಸುಂದರಿ ನಾಯಕಿ..?

Kabza: ಒಂದಲ್ಲ, ಎರಡಲ್ಲ, ಮೂರಲ್ಲ…ವಿದೇಶಿ ಭಾಷೆಗಳಲ್ಲೂ ಬಿಡುಗಡೆಯಾಗಲಿದೆ ಕಬ್ಜ

Rashmika Mandanna: ಮಿಂಚಿಂಗೊ ಮಿಂಚಿಂಗ್…ಸದ್ಯಕ್ಕಂತು ಕನ್ನಡಕ್ಕಿಲ್ಲ ರಶ್ಮಿಕಾ ಮಂದಣ್ಣ..!

ಅಂದಹಾಗೆ ಲಾಲ್ ಸಿಂಗ್ ಚಡ್ಡಾ ಚಿತ್ರಕ್ಕೆ ಒಟ್ಟು 180 ಕೋಟಿ ರೂ. ಬಂಡವಾಳ ಹೂಡಲಾಗಿದ್ದು, ಇದಾಗ್ಯೂ 8 ದಿನಗಳಲ್ಲಿ ಚಿತ್ರವು ಬಾಕ್ಸಾಫೀಸ್​ನಲ್ಲಿ ಕೇವಲ 115 ಕೋಟಿಗಳಿಸಲಷ್ಟೇ ಶಕ್ತವಾಗಿದೆ. ಹೀಗಾಗಿ ಅಮೀರ್ ಖಾನ್ ಚಿತ್ರವನ್ನು ಬಾಕ್ಸಾಫೀಸ್​ನಲ್ಲಿ ಅಟ್ಟರ್ ಫ್ಲಾಪ್ ಎಂದು ವಿಶ್ಲೇಷಿಸಲಾಗುತ್ತಿದೆ.

ಏಕೆಂದರೆ ಅಮೀರ್ ಖಾನ್ ನಾಯಕನಾಗಿ ನಟಿಸಿದ್ದ ಈ ಹಿಂದಿನ ಚಿತ್ರಗಳಾದ ದಂಗಲ್ ಮೊದಲ ವಾರದಲ್ಲೇ 197.54 ಕೋಟಿ ಕಲೆಕ್ಷನ್ ಮಾಡಿತ್ತು. ಹಾಗೆಯೇ ಪಿಕೆ ಚಿತ್ರವು ಫಸ್ಟ್ ವೀಕ್​ನಲ್ಲಿ 183.09 ಕೋಟಿ ಬಾಚಿಕೊಂಡಿತ್ತು. ಆದರೆ ಲಾಲ್ ಸಿಂಗ್ ಚಡ್ಡಾ ಚಿತ್ರದ ಒಟ್ಟಾರೆ ಕಲೆಕ್ಷನ್ ನೂರು ಕೋಟಿಯ ಅಸುಪಾಸಿನಲ್ಲೇ ಉಳಿದಿರುವ ಕಾರಣ ಈ ಸಿನಿಮಾವನ್ನು ಫ್ಲಾಪ್ ಪಟ್ಟಿಗೆ ಸೇರ್ಪಡೆಗೊಳಿಸಲಾಗಿದೆ.

Published On - 11:04 am, Sun, 21 August 22