ವೀಕೆಂಡ್​​ನಲ್ಲಿ ನೋಡೋಕೆ ಒಂದೊಳ್ಳೆಯ ಕನ್ನಡ ವೆಬ್ ಸೀರಿಸ್; ಪ್ರತಿ ಹಂತದಲ್ಲೂ ಸಸ್ಪೆನ್ಸ್

ವೀಕೆಂಡ್​ನಲ್ಲಿ ವೆಬ್ ಸೀರಿಸ್ ಅಥವಾ ಸಿನಿಮಾ ಸಿಕ್ಕರೆ ಟೈಮ್​ಪಾಸ್​ ಆಗುತ್ತದೆ. ಸಂಜೆ ಮೇಲೆ ಹೇಗೂ ಐಪಿಎಲ್ ಇರುತ್ತದೆ. ಬೆಳಿಗ್ಗೆ/ಮಧ್ಯಾಹ್ನವನ್ನು ದೂಡೋಕೆ ಒಂದೊಳ್ಳೆಯ ಸಿನಿಮಾ ಅಥವಾ ಸೀರಿಸ್ ಸಿಕ್ಕರೆ ಸಾಕು ಎಂದು ಕಾಯುತ್ತಾ ಕೂತವರಿಗೆ ಒಂದು ಸಿಹಿ ಸುದ್ದಿ. ಜೀ5 ಒಟಿಟಿಯಲ್ಲಿ ಈಗ ವೆಬ್ ಸೀರಿಸ್ (Web Series) ಒಂದು ಬಿಡುಗಡೆ ಕಂಡಿದೆ. ಈ ವೆಬ್ ಸೀರಿಸ್ ಸಸ್ಪೆನ್ಸ್ ಹಾಗೂ ಥ್ರಿಲ್ಲಿಂಗ್​ನಿಂದ ಕೂಡಿದೆ. ಇದನ್ನು ನೀವು ವೀಕೆಂಡ್​ ವಾಚ್​ಲಿಸ್ಟ್​ನಲ್ಲಿ ಇಟ್ಟುಕೊಳ್ಳಬಹುದು.

ಹಲವು ಹಿಟ್ ಧಾರಾವಾಹಿಗಳನ್ನು ನಿರ್ಮಿಸಿದ ಅನುಭವ ಇರುವ ಶ್ರುತಿ ನಾಯ್ಡು ನಿರ್ಮಾಣದಲ್ಲಿ ‘ಅಯ್ಯನ ಮನೆ’ ಸರಣಿ ಮೂಡಿ ಬಂದಿದೆ. ಇದು ವೆಬ್ ಸರಣಿ ಎನ್ನುವುದಕ್ಕಿಂತ ಮಿನಿ ವೆಬ್ ಸರಣಿ ಎನ್ನಬಹುದು. ಏಕೆಂದರೆ ಇದರಲ್ಲಿ ಇರೋದು ಕೇವಲ ಆರು ಎಪಿಸೋಡ್​ಗಳು ಮಾತ್ರ. ಅವೆಲ್ಲವೂ 18-20 ನಿಮಿಷಗಳ ಅಂತರ ಹೊಂದಿರುವವು. ಖುಷಿ ರವಿ, ಅಕ್ಷಯ್ ನಾಯಕ್, ಮಾನಸಿ ಸುಧೀರ್ ಈ ಸರಣಿಯಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂದಿನಿಂದ (ಏಪ್ರಿಲ್ 25) ಈ ಸರಣಿ ಜೀ5ನಲ್ಲಿ ಸ್ಟ್ರೀಮಿಂಗ್ ಆರಂಭಿಸಿದೆ.

ವೆಬ್ ಸೀರಿಸ್​ಗಳನ್ನು ಜನರು ಹೆಚ್ಚೆಚ್ಚು ಇಷ್ಟಪಡುತ್ತಾರೆ. ಅದರಲ್ಲೂ ಸಸ್ಪೆನ್ಸ್ ಥ್ರಿಲ್ಲರ್ ವಿಚಾರಗಳು ಇದ್ದರೆ ಜನರಿಗೆ ಮತ್ತಷ್ಟು ಇಷ್ಟ ಆಗುತ್ತದೆ. ‘ಅಯ್ಯನ ಮನೆ’ ಕೂಡ ಇಂಥದ್ದೇ ಕಥಾ ಹಂದರವನ್ನು ಹೊಂದಿದೆ. ವಿವಾಹ ಆಗಿ ಬರುವ ಕಥಾ ನಾಯಕಿ ಆ ಮನೆಯಲ್ಲಿ ಸಾಕಷ್ಟು ವಿಚಿತ್ರಗಳನ್ನು ಅನುಭವಿಸುತ್ತಾಳೆ. ಇದರ ಜಾಡು ಹಿಡಿದು ಹೋಗುವಾಗ ಕಥೆ ತೆರೆದುಕೊಳ್ಳುತ್ತದೆ. ರಮೇಶ್ ಇಂದಿರಾ ಅವರು ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.

ಇದನ್ನೂ ಓದಿ: ಜೀ5ನಲ್ಲಿ ಬರ್ತಿದೆ ಕನ್ನಡ ಮಿನಿ ಸೀಸನ್; ‘ಅಯ್ಯನ ಮನೆ’ ಹೆಸರಿನ ಹೊಸ ಪ್ರಯತ್ನ

ಈ ಸೀರಿಸ್ ನೋಡಿದವರು ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಾ ಇದ್ದಾರೆ. ‘ನಿರೂಪಣೆ ಗ್ರಿಪ್ಪಿಂಗ್ ಆಗಿದೆ’, ‘ನೋಡಲೇ ಬೇಕಾದ ಸೀರಿಸ್’ ಎಂಬಿತ್ಯಾದಿ ಪಾಸಿಟಿವ್ ಪ್ರತಿಕ್ರಿಯೆಗಳು ವ್ಯಕ್ತವಾಗಿದೆ. ಈ ಸರಣಿಯಲ್ಲಿ ಕರ್ನಾಟಕದ ಸಂಸ್ಕೃತಿಯ ಅನಾವರಣ ಕೂಡ ಆಗಿದೆ ಎಂದು ಅನೇಕರು ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.