‘ನನಗಾಗಿ 24ರ ಪ್ರಾಯದ ಹುಡುಗನನ್ನು ಕಳಿಸು’: ಸೋನು ಶ್ರೀನಿವಾಸ್ ಗೌಡ ವಿಶೇಷ ಮನವಿ
Sonu Srinivas Gowda: ಸೋನು ಶ್ರೀನಿವಾಸ್ ಗೌಡ ಈ ರೀತಿ ಬೇಡಿಕೊಂಡಿದ್ದಾರೆ. ‘24 ವರ್ಷದ ಹುಡುಗನೇ ಯಾಕೆ ಬೇಕು’ ಎಂದು ರಾಕೇಶ್ ಅಡಿಗ ಪ್ರಶ್ನೆ ಮಾಡಿದ್ದಾರೆ.
Updated on: Sep 11, 2022 | 11:15 PM
ಬಿಗ್ ಬಾಸ್ ಮನೆಯಲ್ಲಿ ಅನೇಕರು ಜೋಡಿಯಾದ ಉದಾಹರಣೆ ಇದೆ. ವೂಟ್ ಸೆಲೆಕ್ಟ್ನಲ್ಲಿ ಪ್ರಸಾರ ಆಗುತ್ತಿರುವ ‘ಬಿಗ್ ಬಾಸ್ ಕನ್ನಡ ಒಟಿಟಿ’ (Bigg Boss Kannada OTT) ಶೋನಲ್ಲಿ ಸೋನು ಶ್ರೀನಿವಾಸ್ ಗೌಡ (Sonu Srinivas Gowda) ಮತ್ತು ರಾಕೇಶ್ ಅಡಿಗ ನಡುವೆ ಒಂದು ಬಗೆಯ ಒಡನಾಟ ಬೆಳೆದಿದೆ. ಆದರೆ ಐದನೇ ವಾರದ ಅಂತ್ಯದಲ್ಲಿ ಇವರಿಬ್ಬರ ನಡುವೆ ಸಣ್ಣ ಗ್ಯಾಪ್ ಮೂಡಿದೆ. ಇಷ್ಟು ದಿನ ಏಕವಚನದಲ್ಲಿ ಅವರಿಬ್ಬರು ಮಾತನಾಡಿಕೊಳ್ಳುತ್ತಿದ್ದರು. ಈಗ ರಾಕೇಶ್ ಅಡಿಗ (Rakesh Adiga) ವರಸೆ ಬದಲಿಸಿದ್ದಾರೆ. ‘ಇನ್ಮೇಲೆ ಹೋಗಿ ಬನ್ನಿ ಅಂತ ಕರೆಯಬೇಕು’ ಎಂದಿದ್ದಾರೆ. ‘ಈಗ ಒಂದು ಹುಡುಗಿಯ ಜತೆ ಕ್ಲೋಸ್ ಆಗಿ ಗುರುತಿಸಿಕೊಂಡು, ನಂತರ ಟಿವಿ ಬಿಗ್ ಬಾಸ್ಗೆ ಹೋಗುವ ಚಾನ್ಸ್ ಸಿಕ್ಕರೆ ಅಲ್ಲಿ ಬೇರೆ ಹುಡುಗಿ ಜತೆ ಕನೆಕ್ಷನ್ ಬೆಳೆಯಲ್ಲ’ ಎಂದು ರಾಕೇಶ್ ನೇರವಾಗಿ ಹೇಳಿದ್ದಾರೆ. ಈ ವಿಚಾರವಾಗಿ ಒಂದಷ್ಟು ಮಾತುಕಥೆ ನಡೆದಿದೆ.
ರಾಕೇಶ್ ಅಡಿಗ ಅವರಲ್ಲಿ ಆದ ಈ ಸಡನ್ ಬದಲಾವಣೆಯನ್ನು ಅಷ್ಟೇ ಕೂಲ್ ಆಗಿ ಸೋನು ಶ್ರೀನಿವಾಸ್ ಗೌಡ ಸ್ವೀಕರಿಸಿದ್ದಾರೆ. ‘ಫ್ಲರ್ಟ್ ಯಾಕೆ ಮಾಡಬೇಕು? ಹಾಗೆ ಬೇಕೆಂದರೆ ಟೈಂ ಪಾಸ್ ಮಾಡುವ ಹುಡುಗಿಯರೇ ಸಿಕ್ತಾರೆ’ ಎಂದು ಸೋನು ಹೇಳಿದ್ದಾರೆ. ಅಲ್ಲದೇ ಪ್ರೀತಿ, ಕಾಳಜಿ ವಿಚಾರದಲ್ಲಿ ತಮ್ಮ ನಿಲವು ಏನು ಎಂಬುದನ್ನು ಕೂಡ ಅವರು ತಿಳಿಸಿದ್ದಾರೆ.
‘ಅಪ್ಪ ದೇವರೇ.. ನೀನು ಇರುವುದೇ ನಿಜವಾದರೆ.. ನನಗೆ ಈಗ 22 ವರ್ಷ, ಸಖತ್ ಆಗಿ ಇರುವ 24 ವರ್ಷದ ಹುಡುಗನನ್ನು ಕಳಿಸಿಕೊಡು ದೇವರೇ’ ಎಂದು ಸೋನು ಗೌಡ ಅವರು ಬಿಗ್ ಬಾಸ್ ಮನೆಯಲ್ಲಿ ಬೇಡಿಕೊಂಡರು. ‘ಎದುರಲ್ಲೇ ಇದ್ದಾನಲ್ಲ’ ಎಂದು ಜಶ್ವಂತ್ ಕಡೆಗೆ ರಾಕೇಶ್ ಕೈ ತೋರಿಸಿದರು. ‘ಅವನು ಬೇಡ, ಅವನು ಯಂಗೇಜ್ ಆಗಿದ್ದಾನೆ’ ಅಂತ ಸೋನು ಹೇಳಿದರು. ‘ನಾನು ಯಂಗೇಜ್ಡ್ ಅಲ್ಲ, ಕಮಿಟೆಡ್’ ಎಂದರು ಜಶ್ವಂತ್.
‘ನನಗೆ ಲವ್ ಅಂದರೆ ಅಸಹ್ಯ. ಆದರೆ ಪಾರ್ಟ್ನರ್ ಬೇಕು. ಇಬ್ಬರೂ ಪರಸ್ಪರ ಕೇರ್ ಮಾಡುತ್ತೇವೆ. ಲವ್ವಲ್ಲಿ ಏನೂ ಸಿಗಲ್ಲ’ ಎಂದು ಸೋನು ಹೇಳಿದ್ದಾರೆ. ‘ಕಾಳಜಿ ತೋರಿಸಲು 24 ವರ್ಷದ ಹುಡುಗನೇ ಯಾಕೆ ಬೇಕು’ ಎಂದು ರಾಕೇಶ್ ಅಡಿಗ ಪ್ರಶ್ನೆ ಮಾಡಿದ್ದಾರೆ.
ಬಿಗ್ ಬಾಸ್ ಒಟಿಟಿ ಮನೆಯಲ್ಲಿ ಈಗ ಕೇವಲ 8 ಜನರು ಉಳಿದುಕೊಂಡಿದ್ದಾರೆ. ಶೀಘ್ರದಲ್ಲೇ ಫಿನಾಲೆ ನಡೆಯಲಿದೆ. ನಂತರ ಟಿವಿಯಲ್ಲಿ ‘ಬಿಗ್ ಬಾಸ್ ಕನ್ನಡ ಸೀಸನ್ 9’ ಆರಂಭ ಆಗಲಿದೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
