ಬಿಗ್ ಬಾಸ್​ ಒಟಿಟಿ ಹೊಸ ಸೀಸನ್​; ಖಾಸಗಿ ವಿಡಿಯೋ ವೈರಲ್​ ಆದ ನಟಿಯರಿಗೆ ಮತ್ತೆ ಅವಕಾಶ?

ಬಿಗ್​ ಬಾಸ್​ ಎಂದರೆ ಒಂದು ವರ್ಗದ ಪ್ರೇಕ್ಷಕರಿಗೆ ಸಖತ್​ ಇಷ್ಟ. ಈ ಶೋನಲ್ಲಿ ಇರುವಷ್ಟು ಮಸಾಲೆ ಬೇರೆ ಯಾವ ಕಾರ್ಯಕ್ರಮದಲ್ಲಿ ಸಿಗುವುದಿಲ್ಲ. ಬದಲಾದ ಕಾಲಘಟ್ಟಕ್ಕೆ ತಕ್ಕಂತೆ ಬಿಗ್​ ಬಾಸ್​ ಕಾರ್ಯಕ್ರಮದ ಸ್ವರೂಪ ಕೂಡ ಬದಲಾಗಿದೆ. ಇದು ಒಟಿಟಿ ಜಮಾನಾ. ಹಾಗಾಗಿ ಈ ರಿಯಾಲಿಟಿ ಶೋನ ಒಟಿಟಿ ವರ್ಷನ್​ (Bigg Boss OTT) ಕೂಡ ಜನರ ಎದುರು ಬಂದಿದೆ. ಹಿಂದಿಯಲ್ಲಿ ಈಗಾಗಲೇ 2 ಸೀಸನ್​ಗಳಲ್ಲಿ ‘ಬಿಗ್​ ಬಾಸ್​ ಒಟಿಟಿ’ ಪ್ರಸಾರ ಆಗಿದೆ. ಈಗ ಬಿಗ್​ ಬಾಸ್​ ಒಟಿಟಿ ಮೂರನೇ ಸೀಸನ್​ಗೆ (Bigg Boss OTT 3) ತಯಾರಿ ನಡೆಯುತ್ತಿದೆ. ಅಲ್ಲದೇ ಖಾಸಗಿ ವಿಡಿಯೋ ವೈರಲ್​ ಮಾಡಿಕೊಂಡ ನಟಿ ತ್ರಿಶಾ ಕರ್​ ಮಧು (Trisha Kar Madhu) ಅವರಿಗೆ ಅವಕಾಶ ನೀಡಲಾಗುವುದು ಎಂದು ಹೇಳಲಾಗುತ್ತಿದೆ.

ಕಾಂಟ್ರವರ್ಸಿ ಮಾಡಿಕೊಂಡ ವ್ಯಕ್ತಿಗಳಿಗೆ ಬಿಗ್​ ಬಾಸ್ ಶೋನಲ್ಲಿ ಸುಲಭವಾಗಿ ಅವಕಾಶ ಸಿಗುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಸೋಶಿಯಲ್​ ಮೀಡಿಯಾ ಮೂಲಕ ಕಿರಿಕ್​ ಮಾಡಿಕೊಂಡ ವ್ಯಕ್ತಿಗಳಿಗೆ ಹೆಚ್ಚು ಆದ್ಯತೆ ನೀಡಲಾಗುತ್ತಿದೆ. ಖಾಸಗಿ ವಿಡಿಯೋ ಲೀಕ್​ ಮಾಡಿಕೊಂಡ ನಟ-ನಟಿಯರು ಕೂಡ ಬಿಗ್​ ಬಾಸ್​ ಶೋನಲ್ಲಿ ಅವಕಾಶ ಪಡೆದು ಮಿಂಚಿದ್ದಾರೆ. ಅದೇ ಈಗ ಮತ್ತೆ ಮರುಕಳಿಸುವ ಲಕ್ಷಣ ಕಾಣಿಸುತ್ತಿದೆ.

ಹಿಂದಿಯ ‘ಬಿಗ್​ ಬಾಸ್​ ಒಟಿಟಿ 3’ ರಿಯಾಲಿಟಿ ಶೋ ಮೇ ತಿಂಗಳಲ್ಲಿ ಶುರುವಾಗುವ ಸಾಧ್ಯತೆ ಇದೆ. ಸ್ಪರ್ಧಿಗಳ ಆಯ್ಕೆ ಪ್ರಕ್ರಿಯೆ ನಡೆಯುತ್ತಿದೆ. ವರದಿಗಳ ಪ್ರಕಾರ ಭೋಜ್​ಪುರಿ ನಟಿ ತ್ರಿಶಾ ಕರ್​ ಮಧು ಅವರಿಗೆ ಆಫರ್​ ನೀಡಲಾಗಿದೆ. 2021ರಲ್ಲಿ ತ್ರಿಶಾ ಕರ್​ ಮಧು ಅವರ ಖಾಸಗಿ ವಿಡಿಯೋ ಲೀಕ್​ ಆಗಿತ್ತು. ಪುರುಷನೊಬ್ಬನ ಜೊತೆ ಕಿಸ್​ ಮಾಡುತ್ತಾ ತುಂಬಾ ಖಾಸಗಿಯಾಗಿ ಕಳೆದ ಕ್ಷಣಗಳ ವಿಡಿಯೋ ಅದಾಗಿತ್ತು. ವೈರಲ್​ ಆದ ಬಳಿಕ ಸೋಶಿಯಲ್​ ಮೀಡಿಯಾದಲ್ಲಿ ಲೈವ್​ ಬಂದು ತ್ರಿಶಾ ಕರ್​ ಮಧು ಅವರು ಆ ಬಗ್ಗೆ ಮಾತನಾಡಿದ್ದರು. ಈಗ ಅವರ ಹೆಸರು ‘ಬಿಗ್​ ಬಾಸ್​ ಒಟಿಟಿ ಸೀಸನ್​ 3’ ಕಾರ್ಯಕ್ರಮದ ಸಂಭಾವ್ಯ ಸ್ಪರ್ಧಿಗಳ ಪಟ್ಟಿಯಲ್ಲಿ ಕೇಳಿಬರುತ್ತಿದೆ. ಈ ಬಗ್ಗೆ ಪ್ರೇಕ್ಷಕರಿಗೆ ಕೌತುಕ ಮೂಡಿದೆ.

ಇದನ್ನೂ ಓದಿ: ‘ಖಿನ್ನತೆಯಿಂದ ಗಾಂಜಾ ಸೇವಿಸಿದೆ’: ಬಂಧನದ ವೇಳೆ ಒಪ್ಪಿಕೊಂಡ ಬಿಗ್​ ಬಾಸ್​ ಸ್ಪರ್ಧಿ; ವಿಡಿಯೋ ವೈರಲ್​

ನಿರ್ಮಾಪಕ, ನಿರ್ದೇಶಕ ಕರಣ್​ ಜೋಹರ್​ ಅವರು ‘ಬಿಗ್​ ಬಾಸ್​ ಒಟಿಟಿ ಸೀಸನ್​ 1’ ಕಾರ್ಯಕ್ರಮದ ನಿರೂಪಣೆ ಮಾಡಿದ್ದರು. ‘ಬಿಗ್ ಬಾಸ್​ ಒಟಿಟಿ ಸೀಸನ್​ 2’ ಶೋ ಸಲ್ಮಾನ್ ಖಾನ್​ ಅವರ ನಿರೂಪಣೆಯಲ್ಲಿ ಮೂಡಿಬಂದಿತ್ತು. ಕನ್ನಡದಲ್ಲಿ ಕಿಚ್ಚ ಸುದೀಪ್ ಅವರು ಟಿವಿ ಜೊತೆಗೆ ಒಟಿಟಿ ಸೀಸನ್​ಗೂ ನಿರೂಪಣೆ ಮಾಡಿ ಜನಮನ ಗೆದ್ದಿದ್ದಾರೆ. ‘ಬಿಗ್​ ಬಾಸ್ ಕನ್ನಡ ಒಟಿಟಿ’ ಕಾರ್ಯಕ್ರಮದಲ್ಲಿ ಸೋನು ಶ್ರೀನಿವಾಸ್​ ಗೌಡ, ರೂಪೇಶ್​ ಶೆಟ್ಟಿ, ಸಾನ್ಯಾ ಅಯ್ಯರ್​, ರಾಕೇಶ್​ ಅಡಿಗ ಮುಂತಾದವರು ಪಾಲ್ಗೊಂಡಿದ್ದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.