ಐಷಾರಾಮಿ ಕಾರುಗಳ ಒಡೆಯ ಪೃಥ್ವಿರಾಜ್​ ಮನೆಗೆ ಮತ್ತೊಂದು ಲಕ್ಷುರಿ ಕಾರು; ಇದರ ಬೆಲೆ ಎಷ್ಟು ಗೊತ್ತಾ?

ಮಿನಿ ಕೂಪರ್​ ಜೆಸಿಡಬ್ಲ್ಯು ಕಾರನ್ನು  ಪೃಥ್ವಿರಾಜ್​ ಖರೀದಿ ಮಾಡಿದ್ದಾರೆ. ನೋಡೋಕೆ ಚಿಕ್ಕದಿದ್ದರೂ ಈ ಕಾರಿನ ಬೆಲೆ ಬರೋಬ್ಬರಿ 45.5 ಲಕ್ಷ ರೂಪಾಯಿ. ಈ ಕಾರು ಸಾಕಷ್ಟು ಐಷಾರಾಮಿ ಫೀಚರ್​ಗಳನ್ನು ಹೊಂದಿದೆ.

ಐಷಾರಾಮಿ ಕಾರುಗಳ ಒಡೆಯ ಪೃಥ್ವಿರಾಜ್​ ಮನೆಗೆ ಮತ್ತೊಂದು ಲಕ್ಷುರಿ ಕಾರು; ಇದರ ಬೆಲೆ ಎಷ್ಟು ಗೊತ್ತಾ?
ಪೃಥ್ವಿರಾಜ್

ನಟ, ನಿರ್ದೇಶಕ ಹಾಗೂ ನಿರ್ಮಾಪಕ ಪೃಥ್ವಿರಾಜ್ ಸುಕುಮಾರನ್​ಗೆ ಮಾಲಿವುಡ್​​ನಲ್ಲಿ ದೊಡ್ಡ ಮಟ್ಟದ ಬೇಡಿಕೆ ಇದೆ. 2002ರಲ್ಲಿ ಚಿತ್ರರಂಗಕ್ಕೆ ಕಾಲಿಟ್ಟ ಅವರಿಗೆ ಇಲ್ಲಿಯವರೆಗೆ ಕೊಂಚವೂ ಬೇಡಿಕೆ ಕಡಿಮೆ ಆಗಿಲ್ಲ. ಅವರ ಕೈಯಲ್ಲಿ ಈಗ ಬರೋಬ್ಬರಿ 10ಕ್ಕೂ ಅಧಿಕ ಸಿನಿಮಾಗಳಿವೆ. ಹೀಗಿರುವಾಗಲೇ ಪೃಥ್ವಿರಾಜ್​ ಹೊಸ ಐಷಾರಾಮಿ ಕಾರನ್ನು ಖರೀದಿ ಮಾಡಿದ್ದಾರೆ. ಈ ಫೋಟೋ ಸಾಕಷ್ಟು ವೈರಲ್​ ಆಗುತ್ತಿದೆ.

ಮಿನಿ ಕೂಪರ್​ ಜೆಸಿಡಬ್ಲ್ಯು ಕಾರನ್ನು  ಪೃಥ್ವಿರಾಜ್​ ಖರೀದಿ ಮಾಡಿದ್ದಾರೆ. ನೋಡೋಕೆ ಚಿಕ್ಕದಿದ್ದರೂ ಈ ಕಾರಿನ ಬೆಲೆ ಬರೋಬ್ಬರಿ 45.5 ಲಕ್ಷ ರೂಪಾಯಿ. ಈ ಕಾರು ಸಾಕಷ್ಟು ಐಷಾರಾಮಿ ಫೀಚರ್​ಗಳನ್ನು ಹೊಂದಿದೆ. ಅಲ್ಲದೆ, ಈ ಕಾರಿನ ಪರ್ಫಾರ್ಮೆನ್ಸ್ ಕೂಡ ಅದ್ಭುತವಾಗಿದೆ. ಈ ಕಾರಣಕ್ಕೆ ಈ ಕಾರಿಗೆ ಬೆಲೆ ಹೆಚ್ಚು. ಇನ್ನು, ಪೃಥ್ವಿರಾಜ್​ ಈ ಕಾರನ್ನು ಖರೀದಿ ಮಾಡುವಾಗ ಸಾಕಷ್ಟು ಬದಲಾವಣೆ ಮಾಡಿಸಿದ್ದಾರೆ. ಇದಕ್ಕಾಗಿ ಅವರು ಹೆಚ್ಚಿನ ಹಣ ಪಾವತಿ ಮಾಡಿದ್ದಾರೆ ಎನ್ನಲಾಗುತ್ತಿದೆ.

ಪೃಥ್ವಿರಾಜ್​ಗೆ ಕಾರಿನ ಕ್ರೇಜ್​ ಹೆಚ್ಚಿದೆ. ಇವರ ಮನೆಯಲ್ಲಿ ಲ್ಯಾಂಬೋರ್ಗಿನಿ, ರೇಂಜ್​ ರೋವರ್​, ಬಿಎಂಡಬ್ಲ್ಯೂ ಸೇರಿ ಸಾಕಷ್ಟು ಐಷಾರಾಮಿ ಕಾರುಗಳಿವೆ. ಇದಕ್ಕೆ ಈಗ ಮಿನಿ ಕೂಪರ್​ ಕೂಡ ಸೇರ್ಪಡೆ ಆಗಿದೆ. ಈ ಕಾರಿನ ಬಣ್ಣ ಅಭಿಮಾನಿಗಳಿಗೆ ತುಂಬಾನೇ ಇಷ್ಟವಾಗಿದೆ.

ಪೃಥ್ವಿರಾಜ್​ ಅವರು ಕಾರನ್ನು ಶೋ ರೂಮ್​ನಲ್ಲಿ ಪಡೆದುಕೊಳ್ಳುತ್ತಿರುವ ಫೋಟೋ ಹಾಗೂ ರಸ್ತೆಯಲ್ಲಿ ಕಾರನ್ನು ಚಾಲನೆ ಮಾಡಿಕೊಂಡು ಹೋಗುತ್ತಿರುವ ವಿಡಿಯೋ ವೈರಲ್​ ಆಗುತ್ತಿದೆ. ಅಭಿಮಾನಿಗಳು ಕೂಡ ಈ ಫೋಟೋಗಳನ್ನು ತಮ್ಮ ಫ್ಯಾನ್​ ಪೇಜ್​ನಲ್ಲಿ ಅಪ್​ಲೋಡ್​ ಮಾಡುತ್ತಿದ್ದಾರೆ.

ಹಿಂದಿಯಲ್ಲಿ ತೆರೆಗೆ ಬಂದಿದ್ದ ‘ಅಂಧಾಧುನ್​’ ಸಿನಿಮಾ ದೊಡ್ಡ ಮಟ್ಟದಲ್ಲಿ ಹಿಟ್​ ಆಗಿತ್ತು. ಈ ಸಿನಿಮಾ ತೆಲುಗಿಗೂ ರಿಮೇಕ್​ ಆಗಿತ್ತು. ಈಗ ಮಲಯಾಳಂನಲ್ಲಿ ಸಿನಿಮಾ ತೆರೆಗೆ ಬರುತ್ತಿದೆ. ಪೃಥ್ವಿರಾಜ್​ ಸಿನಿಮಾದಲ್ಲಿ ಹೀರೋ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಅಮೇಜಾನ್​ ಪ್ರೈಮ್​ನಲ್ಲಿ ತೆರೆಗೆ ಬರೋಕೆ ರೆಡಿ ಆಗಿದೆ. ಇದಲ್ಲದೆ, ಇನ್ನೂ ಹಲವು ಸಿನಿಮಾಗಳಲ್ಲಿ ಅವರು ಬ್ಯುಸಿ ಇದ್ದಾರೆ.

ಇದನ್ನೂ ಓದಿ: ಕರ್ನಾಟಕದಲ್ಲಿ ನಾನು ಭಿಕ್ಷುಕಿ, ನಿತ್ಯ ಎಲ್ಲದಕ್ಕೂ ಭಿಕ್ಷೆ ಎತ್ತುತ್ತಲೇ ಇರಬೇಕು; ನಟಿ ವಿಜಯಲಕ್ಷ್ಮಿ

ಪೃಥ್ವಿರಾಜ್ ಸಿನಿಮಾ ವಿರುದ್ಧ ಮುಂದುವರಿದ ಪ್ರತಿಭಟನೆ; ಅಕ್ಷಯ್ ಕುಮಾರ್ ಪ್ರತಿಕೃತಿ ದಹನ

Read Full Article

Click on your DTH Provider to Add TV9 Kannada