Ram Charan: ರಾಮ್ ಚರಣ್​ಗೆ ಪತ್ನಿ ಉಪಾಸನಾ ಕೊಡುವ ದುಬಾರಿ ಗಿಫ್ಟ್​ಗಳೇನು?

ರಾಮ್ ಚರಣ್ (Ram Charan) ಹಾಗೂ ಉಪಾಸನಾ ಟಾಲಿವುಡ್​ನ ಪವರ್ ಕಪಲ್ ಎನಿಸಿಕೊಂಡಿದ್ದಾರೆ. ಈ ದಂಪತಿಗೆ ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಅಭಿಮಾನಿ ಬಳಗ ಇದೆ. ರಾಮ್ ಚರಣ್ ಅವರಿಗೆ ಇಂದು (ಮಾರ್​ 27) ಜನ್ಮದಿನ. ಅವರಿಗೆ ಪತ್ನಿ ಕಡೆಯಿಂದ ಶುಭಾಶಯ ಬಂದಿದೆ. ಪತಿಯ ಬರ್ತ್​ಡೇನ ಉಪಾಸನಾ ವಿಶೇಷವಾಗಿ ಆಚರಿಸಿದ್ದಾರೆ. ಹಾಗಾದರೆ ದಂಪತಿ ಎಕ್ಸ್​ಚೇಂಜ್ ಮಾಡಿಕೊಳ್ಳುವ ದುಬಾರಿ ಉಡುಗೊರೆಗಳು ಏನು? ಆ ಬಗ್ಗೆ ರಾಮ್ ಚರಣ್ ಅವರು ಈ ಮೊದಲು ಮಾತನಾಡಿದ್ದರು.

ರಾಮ್ ಚರಣ್ ಅವರಿಗೆ ದುಬಾರಿ ಉಡುಗೊರೆಗಳ ಬಗ್ಗೆ ಯಾವುದೇ ನಂಬಿಕೆ ಇಲ್ಲ. ಹೀಗಾಗಿ, ಹೆಚ್ಚು ಹಣ ಇದೆ, ಆಸ್ತಿ ಇದೆ ಎಂದ ಮಾತ್ರಕ್ಕೆ ದುಬಾರಿ ಉಡುಗೊರೆಗಳನ್ನೇ ಕೊಡಬೇಕು ಎಂದು ಅವರು ಎಂದಿಗೂ ಭಾವಿಸಿಲ್ಲ. ಈ ಬಗ್ಗೆ ಅವರು ಈ ಮೊದಲು ಮಾತನಾಡಿದ್ದರು. ಸಣ್ಣ ಪುಟ್ಟ ವಿಚಾರಗಳಲ್ಲೇ ಹೆಚ್ಚು ಖುಷಿ ಕಾಣೋದಾಗಿ ಅವರು ಹೇಳಿಕೊಂಡಿದ್ದರು.

‘ಉಪಾಸನಾ ಏನನ್ನಾದರೂ ಉಡುಗೊರೆಯಾಗಿ ನೀಡುತ್ತಾಳೆ. ಕಾಫಿ ಮಗ್, ಚಪ್ಪಲಿ ಗಿಫ್ಟ್ ಆಗಿ ಕೊಡುತ್ತಾಳೆ. ಕೆಲವೊಮ್ಮೆ ಕೇಕ್ ಮಾಡುತ್ತಾಳೆ. ಅದು ಕೂಡ ಉಡುಗೊರೆಯೇ. ನಾವು ದುಬಾರಿ ಉಡುಗೊರೆಗಳನ್ನು ಕೊಟ್ಟುಕೊಳ್ಳುವುದಿಲ್ಲ. ನಮಗೆ ಅದರ ಮೇಲೆ ನಂಬಿಕೆ ಇಲ್ಲ. ಸಣ್ಣ ವಸ್ತು ಆದರೂ ಸರಿ ಅದು ಮುಖ್ಯ ಆಗಬೇಕು. ಅದರ ಮೇಲೆ ನಮಗೆ ನಂಬಿಕೆ’ ಎಂದಿದ್ದಾರೆ ಅವರು.

ಇದನ್ನೂ ಓದಿ

ಗೆದ್ದಿದ್ದು ಕಡಿಮೆ ಸಿನಿಮಾ ಆದರೂ ರಾಮ್ ಚರಣ್ ಆಸ್ತಿ 1,300 ಕೋಟಿ ರೂಪಾಯಿ

ಐಶ್ವರ್ಯಾ ಕಾರು ಅಪಘಾತಕ್ಕೆ ಒಳಗಾಗಿದ್ದು ಹೇಗೆ? ವಿಡಿಯೋ ವೈರಲ್

ಸಲ್ಲು ನಟಿಸಬೇಕಿದ್ದ 3 ಬಿಗ್ ಬಜೆಟ್ ಚಿತ್ರಗಳಿಗೆ ಬ್ರೇಕ್; ಕುಸಿದ ಮಾರ್ಕೆಟ್?

ಸಲ್ಮಾನ್ ಖಾನ್ ಸಿನಿಮಾದಲ್ಲಿ ಕಂತೆ ಕಂತೆ ನಕಲಿ ನೋಟು ಬಳಕೆ; ಇಲ್ಲಿದೆ ಸಾಕ್ಷಿ

ಇದನ್ನೂ ಓದಿ: ಗೆದ್ದಿದ್ದು ಕಡಿಮೆ ಸಿನಿಮಾ ಆದರೂ ರಾಮ್ ಚರಣ್ ಆಸ್ತಿ 1,300 ಕೋಟಿ ರೂ.; ಸಾಧ್ಯವಾಗಿದ್ದು ಹೇಗೆ?

ಲವ್​ ಸ್ಟೋರಿ

ರಾಮ್ ಚರಣ್ ಹಾಗೂ ಉಪಾಸನಾ ಕಾಲೇಜ್​ನಲ್ಲಿ ಭೇಟಿ ಆದರು. ಆರಂಭದಲ್ಲಿ ಇಬ್ಬರೂ ಒಳ್ಳೆಯ ಗೆಳೆಯರಾಗಿದ್ದರು. ಆ ಬಳಿಕ ಇವರ ಮಧ್ಯೆ ಪ್ರೀತಿ ಮೂಡಿತು. ‘ಮಗಧೀರ’ ಸಿನಿಮಾ ಶೂಟ್ ಕಾರಣಕ್ಕೆ ರಾಮ್ ಚರಣ್ ಹೊರಗಿದ್ದರು. ಆಗ ಅವರು ಉಪಾಸನಾ ಅವರನ್ನು ಮಿಸ್ ಮಾಡಿಕೊಂಡರು. ಇದರಿಂದ ಅವರಿಗೆ ಉಪಾಸನಾ ಅವರ ಬೆಲೆ ಗೊತ್ತಾಯಿತು. 2012ರಲ್ಲಿ ಇವರು ಮದುವೆ ಆದರು. ವಿವಾಹ ಆದ 11 ವರ್ಷಗಳ ಬಳಿಕ ಇಬ್ಬರೂ ಮಗುವನ್ನು ಪಡೆದರು. 2023ರಲ್ಲಿ ಈ ದಂಪತಿಗೆ ಹೆಣ್ಣು ಮಗು ಜನಿಸಿದ್ದು, ಅದಕ್ಕೆ ಕ್ಲಿನ್​ಕಾರ ಎಂದು ಹೆಸರು ಇಟ್ಟಿದ್ದಾರೆ. ರಾಮ್ ಚರಣ್ ನಟನೆಯ 19ನೇ ಚಿತ್ರದ ಟೈಟಲ್ ಇಂದು ರಿವೀಲ್ ಆಗಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.