ಶೆಫಾಲಿ ಗೆಳತಿಯಿಂದ ಎಡವಟ್ಟು; ಫ್ರೆಂಡ್ ಸತ್ತ ನಾಲ್ಕೇ ದಿನಕ್ಕೆ ಹೀಗೆ ಮಾಡೋದಾ?

ನಟಿ ಶೆಫಾಲಿ ಜರಿವಾಲಾ (Shefali Jariwala) ಅವರ ಸಾವು ಎಲ್ಲರಿಗೂ ದೊಡ್ಡ ಆಘಾತವನ್ನುಂಟು ಮಾಡಿದೆ. ‘ಬಿಗ್ ಬಾಸ್ 13’ ನಲ್ಲಿ ಅವರೊಂದಿಗೆ ಸ್ಪರ್ಧಿಯಾಗಿ ಭಾಗವಹಿಸಿದ್ದ ನಟಿ ಮತ್ತು ಅವರ ಸ್ನೇಹಿತೆ ರಶ್ಮಿ ದೇಸಾಯಿ ಅಂತಿಮ ವಿದಾಯ ಹೇಳಲು ಶೆಫಾಲಿ ಅಂತ್ಯಕ್ರಿಯೆಗೆ ಆಗಮಿಸಿದ್ದರು. ಆದರೆ ಶೆಫಾಲಿ ನಿಧನರಾದ ನಾಲ್ಕು ದಿನಗಳಲ್ಲಿ, ರಶ್ಮಿ ನೆಟ್ಟಿಗರನ್ನು ಕೆರಳಿಸುವ ಕೆಲಸವನ್ನು ಮಾಡಿದ್ದಾರೆ. ರಶ್ಮಿ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ತಮ್ಮ ಕೆಲವು ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ. ಈ ಫೋಟೋಗಳನ್ನು ನೋಡಿದ ನಂತರ ಅನೇಕರು ಕೋಪಗೊಂಡಿದ್ದಾರೆ. ಇದಕ್ಕಾಗಿ ಅನೇಕರು ಅವರನ್ನು ಟೀಕಿಸಿದ್ದಾರೆ.

ರಶ್ಮಿ ಈ ಫೋಟೋಶೂಟ್​ನಲ್ಲಿ ಬಿಳಿ ಶರ್ಟ್ ಮತ್ತು ಡೆನಿಮ್ ನಂತಹ ಕ್ಯಾಶುಯಲ್ ಲುಕ್ ನಲ್ಲಿದ್ದಾರೆ . ಇದರಲ್ಲಿ ಅವರು ನಗುತ್ತಾ ಮತ್ತು ಕೆಲವು ಗ್ಲಾಮರಸ್ ಪೋಸ್​ಗಳನ್ನು ನೀಡುತ್ತಿದ್ದಾರೆ. ‘ಎರಡು ದಿನಗಳ ಹಿಂದೆ ಸ್ನೇಹಿತೆಯ ಮರಣದ ದುಃಖ ಮತ್ತು ಈಗ ಈ ಫೋಟೋಶೂಟ್? ಶೆಫಾಲಿ ಏನು ಯೋಚಿಸುತ್ತಾರೆ? ಇದೆಲ್ಲವೂ ಶೋ ಆಫ್’ ಎಂದು ಕೆಲವರು ಬರೆದಿದ್ದಾರೆ. ‘ನೀವು ಸ್ವಲ್ಪ ಯೋಚಿಸಬೇಕಿತ್ತು. ನಿಮ್ಮ ಸ್ನೇಹಿತೆಯ ಮರಣದಿಂದ ನಾಲ್ಕು ದಿನಗಳು ಕಳೆದಿಲ್ಲ ಮತ್ತು ನೀವು ಇಲ್ಲಿ ಅಂತಹ ಫೋಟೋಗಳನ್ನು ಪೋಸ್ಟ್ ಮಾಡುತ್ತಿದ್ದೀರಲ್ಲ’ ಇನ್ನೂ ಕೆಲವರು ಹೇಳಿದರು. ಕೆಲವರು ನೀವು ನಾಚಿಕೆಪಡಬೇಕು ಎಂದು ಟೀಕಿಸಿದ್ದಾರೆ.

ಇದನ್ನೂ ಓದಿ

‘ನಾನು ಫಾತಿಮಾಗೆ ಲವರ್, ತಂದೆ ಎರಡೂ ಅಲ್ಲ’; ಆಮಿರ್ ಖಾನ್ ನೇರ ಮಾತು

ನೀಲಿ ತಾರೆಯ ಅನುಮಾನಾಸ್ಪದ ಸಾವು; ಶವ ಸಂಸ್ಕಾರಕ್ಕೆ ಹಣ ಕೇಳಿದ ಕುಟುಂಬ

ಲವ್ ಇನ್ ದಿ ಏರ್; ಮಗುವಿನಂತೆ ಯಶ್​​ನ ತಬ್ಬಿ ಕುಳಿತ ರಾಧಿಕಾ ಪಂಡಿತ್

‘ಸಿತಾರೆ ಜಮೀನ್ ಪರ್​​’: ಆಮಿರ್ ಖಾನ್ ರಿಮೇಕ್ ಮಾಡಿದ್ದೇಕೆ? ಉತ್ತರಿಸಿದ ನಟ

View this post on Instagram

A post shared by Rashami Desai (@imrashamidesai)

ಜೂನ್ 27 ರಂದು ಶೆಫಾಲಿ ನಿಧನರಾದರು. ಊಟದ ನಂತರ ಅವರು ಇದ್ದಕ್ಕಿದ್ದಂತೆ ಅಸ್ವಸ್ಥರಾದರು. ಇದರಿಂದಾಗಿ, ಅವರ ಪತಿ ಪರಾಗ್ ತ್ಯಾಗಿ ಅವರನ್ನು ಆಸ್ಪತ್ರೆಗೆ ಕರೆದೊಯ್ದರು, ಅಲ್ಲಿ ವೈದ್ಯರು ಅವರು ಮೃತಪಟ್ಟಿದ್ದಾರೆ ಎಂದು ಘೋಷಿಸಿದರು. ಪ್ರಾಥಮಿಕ ಮಾಹಿತಿಯೆಂದರೆ ಶೆಫಾಲಿ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ. ಅವರ ಮರಣೋತ್ತರ ಪರೀಕ್ಷೆಯ ವರದಿ ಇನ್ನೂ ಬಿಡುಗಡೆಯಾಗಿಲ್ಲ.

ಇದನ್ನೂ ಓದಿ: ‘ಶೆಫಾಲಿ ಸಾಯುವುದಕ್ಕೂ ಮೊದಲು ಆ ಕೆಲಸ ಮಾಡಿದ್ದಳು’; ವಿವರಿಸಿದ ಗೆಳತಿ

ಆ ದಿನ ಬೆಳಿಗ್ಗೆಯಿಂದ ಶೆಫಾಲಿ ಹಸಿದಿದ್ದರು ಎಂದು ಕೆಲವು ವರದಿಗಳು ಹೇಳುತ್ತವೆ. ನಂತರ ರಾತ್ರಿ, ಅವರು ಫ್ರಿಡ್ಜ್‌ನಿಂದ ಫ್ರೈಡ್ ರೈಸ್ ತಿಂದರು. ಅದರ ಮೇಲೆ ಅವರು ವಯಸ್ಸಾಗದಂತೆ ನೋಡಿಕೊಳ್ಳುವ ಔಷಧಿಗಳನ್ನು ಸೇವಿಸಿದರು. ಅದಕ್ಕಾಗಿಯೇ ಅವರಿಗೆ ಹೃದಯಾಘಾತವಾಗಿದೆ ಎಂದು ಹೇಳಲಾಗುತ್ತದೆ. ಆದರೆ ಶೆಫಾಲಿಯ ಸಾವಿಗೆ ನಿಖರವಾದ ಕಾರಣವನ್ನು ಮರಣೋತ್ತರ ಪರೀಕ್ಷೆಯ ವರದಿಯಿಂದ ಮಾತ್ರ ಸ್ಪಷ್ಟಪಡಿಸಬಹುದು. ಶೆಫಾಲಿ ‘ಕಾಂಟಾ ಲಗಾ..’ ಹಾಡಿನ ಮೂಲಕ ಫೇಮಸ್ ಆದರು. ಕನ್ನಡದ ‘ಹುಡುಗರು..’ ಸಿನಿಮಾದ ‘ಪಂಕಜಾ..’ ಹಾಡಲ್ಲೂ ಕಾಣಿಸಿಕೊಂಡರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.