2 ತಿಂಗಳಿನಿಂದ ಬೆಂಗಳೂರು ಕಸ್ಟಮ್ಸ್​​ನಲ್ಲಿ ಸಿಲುಕಿದ್ದ ರಿಕಿ ಕೇಜ್ ಗ್ರ್ಯಾಮಿ ಪದಕ; ಒಂದೇ ಒಂದು ಟ್ವೀಟ್​ನಿಂದ ಸಮಸ್ಯೆಗೆ ಪರಿಹಾರ

ಖ್ಯಾತ ಸಂಗೀತ ನಿರ್ದೇಶಕ ರಿಕಿ ಕೇಜ್ (Ricky Kej) ಅವರ ಒಂದು ಟ್ವೀಟ್ ಅವರ ಸಮಸ್ಯೆಗೆ ಪರಿಹಾರ ದೊರಕಿಸಿದೆ. ಹೌದು, ಗ್ರ್ಯಾಮಿ ಪ್ರಶಸ್ತಿ ವಿಜೇತ ಸಂಗೀತ ನಿರ್ದೇಶಕ ರಿಕಿ ಕೇಜ್ ಅವರು ಈ ವರ್ಷ ಗೆದ್ದ ಪ್ರಶಸ್ತಿಯ ಪದಕವು 2 ತಿಂಗಳಿಗೂ ಹೆಚ್ಚು ಸಮಯದಿಂದ ಬೆಂಗಳೂರಿನ ಕಸ್ಟಮ್ಸ್​ ಇಲಾಖೆಯಲ್ಲಿ ಸಿಲುಕಿಕೊಂಡಿತ್ತು. ಅದು ತಮಗಿನ್ನೂ ತಲುಪಿಲ್ಲ ಎಂದು ಅವರು ಇಂದು (ಜೂ.7) ಟ್ವೀಟ್​ ಮಾಡಿದ್ದರು. ರಿಕಿ ಕೇಜ್​ ಟ್ವೀಟ್ ಮಾಡಿದ ಬೆನ್ನಲ್ಲೇ ಕೆಲವೇ ಗಂಟೆಗಳ ಅವಧಿಯಲ್ಲಿ ಈ ಸಮಸ್ಯೆಯನ್ನು ಬಗೆಹರಿಸಲಾಗಿದೆ. ಈ ಬಗ್ಗೆ ರಿಕಿ ಕೇಜ್ ಮತ್ತೊಂದು ಟ್ವೀಟ್ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ. ತಮ್ಮ ಇತ್ತೀಚಿನ ಟ್ವೀಟ್​ನಲ್ಲಿ ರಿಕಿ ಕೇಜ್ ಅವರು ‘‘ಕಸ್ಟಮ್ಸ್​ ನಿಯಮಗಳ ಅನುಸಾರ ಇದೀಗ ಎಲ್ಲ ಪ್ರಕ್ರಿಯೆ ಮುಗಿದಿದ್ದು, ನಾಳೆ ಪದಕ ನನ್ನ ಕೈಸೇರಲಿದೆ. ಕಸ್ಟಮ್ಸ್​​ ಅಧಿಕಾರಿಗಳ ನೆರವಿಲ್ಲದೇ ಇದು ಸಾಧ್ಯವಾಗುತ್ತಿರಲಿಲ್ಲ’’ ಎಂದು ಅವರು ಧನ್ಯವಾದ ಹೇಳಿದ್ದಾರೆ.

ಇಂದು ಮುಂಜಾನೆ ರಿಕಿ ಕೇಜ್ ಅವರು ಆದಷ್ಟು ಬೇಗ ಕಸ್ಟಮ್ಸ್​ ಪ್ರಕ್ರಿಯೆಯನ್ನು ಪೂರೈಸುವಂತೆ ಟ್ವೀಟ್ ಮೂಲಕ ಮನವಿ ಮಾಡಿದ್ದರು. ಅದರಲ್ಲಿ ಅವರು ‘‘ಇತ್ತೀಚೆಗೆ ನನಗೆ ಗ್ರ್ಯಾಮಿ ಪ್ರಶಸ್ತಿ ಲಭಿಸಿತ್ತು. ಆದರೆ ಮೆಡಲ್​ 2 ತಿಂಗಳ ಕಾಲದಿಂದ ಬೆಂಗಳೂರು ಕಸ್ಟಮ್ಸ್​​​ನಲ್ಲಿದೆ. ಸಂಬಂಧಪಟ್ಟವರು ಪ್ರತಿಕ್ರಿಯೆ ನೀಡುತ್ತಿಲ್ಲ. ನೀವು ನನಗೆ ಸಹಾಯ ಮಾಡುತ್ತೀರಾ?’’ ಎಂದು ಅವರು ಸಂಬಂಧಪಟ್ಟ ಸಂಸ್ಥೆಗಳನ್ನು ಟ್ಯಾಗ್ ಮಾಡಿದ್ದರು.

ಇದನ್ನೂ ಓದಿ

Vikram Box Office Collection: ಕರ್ನಾಟಕ ಬಾಕ್ಸ್ ಆಫೀಸ್​ನಲ್ಲಿ ದಾಖಲೆ ಬರೆದ ತಮಿಳು ಸಿನಿಮಾ ‘ವಿಕ್ರಮ್​’

ರಕ್ಷಿತ್ ಶೆಟ್ಟಿ ನಟನೆಯ ‘777 ಚಾರ್ಲಿ’ ಸಿನಿಮಾ ನೋಡಿ ಮೆಚ್ಚಿಕೊಂಡ ನಟಿ ರಮ್ಯಾ ಹೇಳಿದ್ದೇನು?

ಬಡ ಮಕ್ಕಳ ಕಲಿಕೆಗಾಗಿ ‘ಕೇರ್ ಮೋರ್’ ಫೌಂಡೇಷನ್​ನಿಂದ ವಿನೂತನ ಅಭಿಯಾನ; ಮರು ಬಳಕೆ ಮರು ಉಪಯೋಗದಡಿ ನೆರವಾಗುತ್ತಿದೆ ಸಂಸ್ಥೆ

Meghana Raj: ಚಿರು ಅಗಲಿ ಎರಡು ವರ್ಷ; ಭಾವನಾತ್ಮಕ ಪೋಸ್ಟ್ ಮೂಲಕ ಪತಿಯನ್ನು ಸ್ಮರಿಸಿದ ಮೇಘನಾ​

ರಿಕಿ ಕೇಜ್ ಟ್ವೀಟ್ ಬೆನ್ನಲ್ಲೇ ಕೆಲ ನೆಟ್ಟಿಗರು ಕಸ್ಟಮ್ಸ್​ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡಿದ್ದರು. ನಂತರ ಸ್ಪಷ್ಟನೆ ನೀಡಿರುವ ರಿಕಿ ಕೇಜ್, ಅವರಿಗೆ ಮೆಡಲ್ ಇರುವುದು ತಿಳಿದಿಲ್ಲ. ಹಾಗೆಯೇ ತಮ್ಮ ನಿಯಮಗಳನ್ನು ಅವರು ಅನುಸರಿಸುತ್ತಿದ್ದಾರೆ. ಆದರೆ ಆದಷ್ಟು ಶೀಘ್ರವಾಗಿ ಅದು ತಮ್ಮ ಕೈಸೇರಲಿ ಎಂದು ಸ್ಪಷ್ಟನೆ ನೀಡಿದ್ದರು. ಈ ಟ್ವೀಟ್​ಗಳ ಬೆನ್ನಲ್ಲೇ ಅವರ ಸಮಸ್ಯೆಯನ್ನು ಪರಿಹರಿಸಲಾಗಿದೆ.

ರಿಕ್ಕಿ ಕೇಜ್ ಹಂಚಿಕೊಂಡ ಟ್ವೀಟ್ ಇಲ್ಲಿದೆ:

Good news: Thanks to the quick, swift intervention by the Customs of India, my Medallion has cleared customs and will be delivered tomorrow. Just got a call from Fedex. This would not be possible without the Customs officials going over & above their duty to ensure this is done.

— Ricky Kej (@rickykej) June 7, 2022

ರಿಕಿ ಕೇಜ್ ಅವರು ತಮ್ಮ ಆಲ್ಬಂ ‘ಡಿವೈನ್ ಟೈಡ್ಸ್​​’ಗಾಗಿ ಗ್ರ್ಯಾಮಿ ಪ್ರಶಸ್ತಿಯನ್ನು ಸ್ಟೆವರ್ಟ್​ ಕೋಪ್​ಲ್ಯಾಂಡ್​ ಅವರೊಂದಿಗೆ ಹಂಚಿಕೊಂಡಿದ್ದರು.

ಮತ್ತಷ್ಟು ಸಿನಿಮಾ ಸಂಬಂಧಿತ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ