Satya Hegde: ಹೊಸಬರಿಗೆ ಬೆನ್ನೆಲುಬಾಗಿ ನಿಂತ ‘ಸತ್ಯ ಹೆಗಡೆ ಸ್ಡುಡಿಯೋಸ್’; ಕಿರುಚಿತ್ರಗಳಿಗೆ ಸಿಗುತ್ತಿದೆ ಬೆಸ್ಟ್ ವೇದಿಕೆ
Satya Hegde Studios | Kannada Short Movie: ‘ಸತ್ಯ ಹೆಗಡೆ ಸ್ಟುಡಿಯೋಸ್’ ಮೂಲಕ ಈಗಾಗಲೇ 11 ಕಿರು ಚಿತ್ರಗಳು ಬಿಡುಗಡೆ ಆಗಿವೆ. ಈಗ ಇನ್ನೂ ಮೂರು ಶಾರ್ಟ್ ಫಿಲ್ಮ್ಗಳು ರಿಲೀಸ್ಗೆ ಸಿದ್ಧವಾಗಿವೆ. ಆ ಬಗ್ಗೆ ಇಲ್ಲಿದೆ ಮಾಹಿತಿ.
Updated on:Mar 13, 2023 | 7:04 PM
ಕನ್ನಡ ಚಿತ್ರರಂಗದಲ್ಲಿ ಸತ್ಯ ಹೆಗಡೆ (Satya Hegde) ಅವರು ಛಾಯಾಗ್ರಾಹಕರಾಗಿ ದೊಡ್ಡ ಹೆಸರು ಗಳಿಸಿದ್ದಾರೆ. ಬಣ್ಣದ ಲೋಕದಲ್ಲಿ ಅವರಿಗೆ ಹಲವು ವರ್ಷಗಳ ಅನುಭವ ಇದೆ. ಬಹುಬೇಡಿಕೆಯ ಕ್ಯಾಮೆರಾಮ್ಯಾನ್ ಆಗಿ ಅವರು ಗುರುತಿಸಿಕೊಂಡಿದ್ದಾರೆ. ಇಷ್ಟು ಬ್ಯುಸಿ ಆಗಿರುವುದರ ಜೊತೆಗೆ ಅವರು ಹೊಸ ಪ್ರತಿಭೆಗಳಿಗೆ ಬೆಂಬಲ ನೀಡುವ ಕಾಯಕವನ್ನೂ ಮಾಡುತ್ತಿದ್ದಾರೆ. ‘ಸತ್ಯ ಹೆಗಡೆ ಸ್ಟುಡಿಯೋಸ್’ (Satya Hegde Studios) ಹೆಸರಿನಲ್ಲಿ ಯೂಟ್ಯೂಬ್ ಚಾನೆಲ್ ಆರಂಭಿಸಿ, ಆ ಮೂಲಕ ಉತ್ತಮವಾಗಿ ಕಿರುಚಿತ್ರಗಳನ್ನು ವೀಕ್ಷಕರಿಗೆ ಅರ್ಪಿಸುತ್ತಿದ್ದಾರೆ. ಇದರಿಂದ ಹೊಸ ಪ್ರತಿಭೆಗಳಿಗೆ ವೇದಿಕೆ ಒದಗಿಸುತ್ತಿದ್ದಾರೆ. ಇತ್ತೀಚೆಗೆ ಕೆಲವು ಕಿರುಚಿತ್ರಗಳ (Kannada Short Movie) ಪ್ರದರ್ಶನ ಏರ್ಪಡಿಸಲಾಗಿತ್ತು. ಅದಕ್ಕೆ ಅತಿಥಿಗಳಾಗಿ ನಿರ್ದೇಶಕರಾದ ಆದರ್ಶ್ ಈಶ್ವರಪ್ಪ, ಬಿ.ಎಂ. ಗಿರಿರಾಜ್, ‘ಗುಳ್ಟು’ ಖ್ಯಾತಿಯ ನಟ ನವೀನ್ ಶಂಕರ್ ಮುಂತಾದವರು ಹಾಜರಾಗಿದ್ದರು.
‘ಸತ್ಯ ಹೆಗಡೆ ಸ್ಟುಡಿಯೋಸ್’ ಮೂಲಕ ಈಗಾಗಲೇ 11 ಕಿರುಚಿತ್ರಗಳು ಬಿಡುಗಡೆ ಆಗಿವೆ. ಈಗ ಇನ್ನೂ ಮೂರು ಶಾರ್ಟ್ ಫಿಲ್ಮ್ಗಳು ರಿಲೀಸ್ಗೆ ಸಿದ್ಧವಾಗಿವೆ. ಮಾರ್ಚ್ 11ರಂದು ‘ಗ್ರಾಚಾರ’ ಶೀರ್ಷಿಕೆಯ ಕಿರುಚಿತ್ರ ರಿಲೀಸ್ ಆಗಿದೆ. ಮುಂದಿನ ದಿನಗಳಲ್ಲಿ ‘ಕಥೆಗಾರನ ಕತೆ’ ಮತ್ತು ‘ಅಹಂ ಪರಂ’ ಶಾರ್ಟ್ ಫಿಲ್ಮ್ಗಳು ಬಿಡುಗಡೆ ಆಗಲಿವೆ. 9 ನಿಮಿಷಗಳ ಅವಧಿಯ ‘ಕತೆಗಾರನ ಕಥೆ’ ಕಿರುಚಿತ್ರವನ್ನು ಕೌಶಿಕ ಕೂಡುರಸ್ತೆ ನಿರ್ದೇಶನ ಮಾಡಿದ್ದಾರೆ. ಹಾಸನ ಮೂಲದವರಾದ ಅವರು ‘ಹೃದಯದ ಮಾತು’ ಸೇರಿದಂತೆ 8 ಕಾದಂಬರಿಗಳನ್ನು ಬರೆದಿದ್ದಾರೆ. ‘ಗ್ರಾಚಾರ’ ಕಿರುಚಿತ್ರವನ್ನು ಸಾಗರ ಮೂಲದ ಅಜಯ್ ಪಂಡಿತ್ ನಿರ್ದೇಶನ ಮಾಡಿದ್ದಾರೆ. ವಿನಯ್ ಚಂದ್ರಹಾಸ ಅವರ ನಿರ್ದೇಶನದಲ್ಲಿ ‘ಅಹಂ ಪರಂ’ ಕಿರುಚಿತ್ರ ಸಿದ್ಧವಾಗಿದೆ.
ಇದನ್ನೂ ಓದಿ: The Elephant Whisperers: ಭಾರತಕ್ಕೆ ಆಸ್ಕರ್: ‘ದಿ ಎಲಿಫೆಂಟ್ ವಿಸ್ಪರರ್ಸ್’ಗೆ ಅಕಾಡೆಮಿ ಪ್ರಶಸ್ತಿ
ಈ ಕಿರುಚಿತ್ರಗಳನ್ನು ನೋಡಿ ನಿರ್ದೇಶಕ ಗಿರಿರಾಜ್ ಅವರು ಬೆನ್ನು ತಟ್ಟಿದ್ದಾರೆ. ‘ಇಂದಿನ ಯುವಕರಿಗೆ ಶಾರ್ಟ್ ಫಿಲ್ಮ್ಗಳು ಒಂದು ಒಳ್ಳೆಯ ವೇದಿಕೆ ಆಗುತ್ತಿದೆ. ಯುವಕರ ಪ್ರಯತ್ನಗಳಿಗೆ ಸತ್ಯ ಹೆಗಡೆ ಸ್ಟುಡಿಯೋಸ್ ಸಾಕಷ್ಟು ಸಹಾಯ ಮಾಡುತ್ತಿದೆ. ನಮ್ಮ ಕಾಲದಲ್ಲಿ ಇಂತಹ ಅವಕಾಶ ಇರಲಿಲ್ಲ. ಈ ಮೂರು ಕಿರುಚಿತ್ರಗಳು ಚೆನ್ನಾಗಿ ಮೂಡಿಬಂದಿವೆ. ಎಲ್ಲರೂ ಉತ್ತಮವಾಗಿ ಕೆಲಸ ಮಾಡಿದ್ದಾರೆ. ಯುವ ಪ್ರತಿಭೆಗಳಿಗೆ ಶುಭವಾಗಲಿ’ ಎಂದು ಗಿರಿರಾಜ್ ವಿಶ್ ಮಾಡಿದ್ದಾರೆ.
ಇದನ್ನೂ ಓದಿ: ‘ಕ್ರಿಕೆಟರ್ ಆಗಬೇಕು ಎಂದುಕೊಂಡಿದ್ದೆ, ನಟಿಯಾದೆ’; ಈ ಕಿರುಚಿತ್ರಕ್ಕೆ 12 ಪ್ರಶಸ್ತಿ
‘ನಾನು ಸಹ ಕಿರುಚಿತ್ರಗಳಲ್ಲಿ ನಟಿಸಿದವನು. ನಾವು ಶಾರ್ಟ್ ಫಿಲ್ಮ್ ಮಾಡುವಾಗ ಸತ್ಯ ಹೆಗಡೆ ರೀತಿ ಯಾರ ಬೆಂಬಲವೂ ಸಿಕ್ಕಿರಲಿಲ್ಲ. ಆದರೆ ಈಗಿನವರಿಗೆ ಒಳ್ಳೆಯ ಅವಕಾಶಗಳು ಸಿಗುತ್ತಿವೆ. ಇಂತಹ ಅವಕಾಶ ಇನ್ನಷ್ಟು ಯುವ ಜನರಿಗೆ ಸಿಗಬೇಕು. ಅದರಿಂದ ಒಳ್ಳೆಯ ಚಿತ್ರಗಳು ತಯಾರಾಗಬೇಕು’ ಎಂದು ನಟ ನವೀನ್ ಶಂಕರ್ ಆಶಿಸಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 6:26 pm, Mon, 13 March 23
