‘ಟಾಕ್ಸಿಕ್’ ಸಿನಿಮಾದ ಮತ್ತೊಂದು ಸಾಂಗ್​​ ರಿಲೀಸ್​​ಗೆ ಕೌಂಟ್​​ಡೌನ್; ಈ ಬಾರಿಯೂ ರೊಮ್ಯಾಂಟಿಕ್ ಹಾಡು

‘ಟಾಕ್ಸಿಕ್’ ಸಿನಿಮಾದ (Toxic Movie)  ‘ತಬಾಹಿ..’ ಹಾಗೂ ‘ಮನಮೋಹಕ..’ ಹಾಡು ಇತ್ತೀಚೆಗೆ ರಿಲೀಸ್ ಆಗಿ ಮೆಚ್ಚುಗೆ ಪಡೆದಿದೆ. ಈಗ ಮೂರನೇ ಸಾಂಗ್ ರಿಲೀಸ್​​ಗೆ ಕೌಂಟ್​​ಡೌನ್ ಶುರುವಾಗಿದೆ. ಈ ಬಾರಿಯೂ ರೊಮ್ಯಾಂಟಿಕ್ ಸಾಂಗ್ ತೆರೆಗೆ ಬರಲಿದೆ ಎಂದು ಹೇಳಲಾಗುತ್ತಾ ಇದೆ. ವಿಶಾಲ್ ಮಿಶ್ರಾ ಸಂಗೀತ ಸಂಯೋಜನೆಯಲ್ಲಿ ಈ ಹೊಸ ಹಾಡು ತೆರೆಗೆ ಬರಲಿದೆ ಅನ್ನೋದು ವಿಶೇಷ.

‘ಟಾಕ್ಸಿಕ್’ ಸಿನಿಮಾ ಗ್ಯಾಂಗ್​ಸ್ಟರ್ ಸಿನಿಮಾ. ಇದರಲ್ಲಿ ಡ್ರಗ್ಸ್ ಕಥೆ ಇದೆ. ಅಂದರೆ ಸಿನಿಮಾದಲ್ಲಿ ಮಾಸ್ ಹಾಡುಗಳು ಹೆಚ್ಚಿರಬಹುದು ಎಂಬುದು ಅಭಿಮಾನಿಗಳ ಊಹೆ ಆಗಿತ್ತು. ಆದರೆ, ಆ ಊಹೆ ತಪ್ಪಾಗಿದೆ. ಈಗ ರಿಲೀಸ್ ಆಗಿರೋ ಎರಡು ಹಾಡುಗಳು ರೊಮ್ಯಾಂಟಿಕ್ ಶೈಲಿಯಲ್ಲಿವೆ. ಮೂರನೇ ಹಾಡು ಕೂಡ ರೊಮ್ಯಾಂಟಿಕ್ ಶೈಲಿಯಲ್ಲೇ ಇರಲಿದೆಯಂತೆ.

ಕಿಯಾರಾ ಹಾಗೂ ಯಶ್ ಲವ್ ಸ್ಟೋರಿ ‘ಟಾಕ್ಸಿಕ್’ ಚಿತ್ರದ ಹೈಲೈಟ್ ಎನ್ನುವ ಮಾತು ಕೇಳಿ ಬಂದಿದೆ. ಈಗಾಗಲೇ ಯಶ್ ಹಾಗೂ ಕಿಯಾರಾ ಪ್ರಣಯವನ್ನು ಸೆರೆಹಿಡಿಯುವ ಗೀತೆ ರಿಲೀಸ್ ಆಗಿದೆ. ಈಗ ರಿಲೀಸ್ ಆಗೋ ಹಾಡು ಕೂಡ ಕಿಯಾರಾ ಹಾಗೂ ಯಶ್ ಕಾಂಬಿನೇಷನ್ ಅಲ್ಲೇ ಮೂಡಿ ಬರಲಿದೆ ಎಂದು ವರದಿ ಆಗಿದೆ.

TOXIC 3rd Song ❤️‍🔥⏳️

Yash and Kiara Romans 🖤👀#ToxicTheMovie #Yash pic.twitter.com/Az5cpNfVnD

— Nepal Yash Army 🇳🇵 (@PradeepBis52680) July 25, 2026

You have no idea what’s about to come ❤️‍🔥

— Vishal Mishra (@VishalMMishra) July 25, 2026

‘ಟಾಕ್ಸಿಕ್’ ಚಿತ್ರದಲ್ಲಿ ಒಟ್ಟೂ ಆರು ಹಾಡುಗಳು ಇರಲಿವೆ ಎನ್ನಲಾಗಿದೆ. ವಿಶಾಲ್ ಮಿಶ್ರಾ ಅವರ ಸಂಗೀತ ಸಂಯೋಜನೆಯಲ್ಲಿ ನಾಲ್ಕು ಮಧುರವಾದ ಹಾಡುಗಳು ಮೂಡಿ ಬಂದಿವೆ. ತನಿಷ್ಕ್ ಬಾಗ್ಚಿ ಅವರು ಫಹೀಮ್ ಅಬ್ದುಲ್ಲಾ ಮತ್ತು ಅಸ್ಲಾನ್ ನಿಜಾಮಿ ಅವರೊಂದಿಗೆ ಸೇರಿ ಒಂದು ವಿಶೇಷವಾದ ಹಾಡನ್ನು ಸಂಯೋಜಿಸಿದ್ದಾರೆ. ರವಿ ಬಸ್ರೂರು ಅವರು ಚಿತ್ರದ ಹಿನ್ನೆಲೆ ಸಂಗೀತವನ್ನು ಸಂಪೂರ್ಣವಾಗಿ ನಿರ್ವಹಿಸುವುದರ ಜೊತೆಗೆ, ಒಂದು ಹೈ-ಎನರ್ಜಿ ಹಾಡನ್ನು ಕೂಡ ಸಂಯೋಜಿಸಿದ್ದಾರೆ.

ಇದನ್ನೂ ಓದಿ: ‘ಟಾಕ್ಸಿಕ್’: ‘ಮನಮೋಹಕ’ ಹಾಡಿನಲ್ಲಿ ‘ಕಿರಾತಕ’ನ ಹುಡುಕಿದ ಅಭಿಮಾನಿಗಳು

‘ಟಾಕ್ಸಿಕ್’ ಚಿತ್ರಕ್ಕೆ ಗೀತು ಮೋಹನ್​ದಾಸ್ ನಿರ್ದೇಶನ ಇದೆ. ಈ ಚಿತ್ರದಲ್ಲಿ ಕಿಯಾರಾ ಅಡ್ವಾಣಿ, ನಯನತಾರಾ, ರುಕ್ಮಿಣಿ ವಸಂತ್ ಮೊದಲಾದವರು ನಟಿಸಿದ್ದಾರೆ. ಆಗಸ್ಟ್ 26ಕ್ಕೆ ತೆರೆಗೆ ಬರಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.